राजनीति

काठमाडौं । निवर्तमान प्रधानमन्त्री सुशीला कार्की ले आफूले प्रयोग गर्दै आएको सरकारी सवारी साधन शुक्रबार फिर्ता गर्नुभएको छ । नयाँ सरकार गठनपछि राज्यको अनावश्यक खर्च घटाउने उद्देश्यले उहाँले उक्त निर्णय लिनुभएको जनाइएको छ । बालेन्द्र शाह नेतृत्वको नयाँ सरकार गठन भएसँगै कार्कीले सरकारी सुविधा सीमित गर्ने कदम चाल्नुभएको हो । पूर्व प्रधानन्यायाधीशको हैसियतमा सर्वोच्च अदालतबाट प्राप्त हुने सुविधामै सन्तुष्ट रहने बताउँदै उहाँले दोहोरो सवारी सुविधा उपयोग नगर्ने निर्णय गर्नुभएको स्रोतले जनाएको छ । कार्कीको यो कदमलाई सार्वजनिक खर्च कटौती तथा जिम्मेवार राजनीतिक संस्कृतितर्फको सकारात्मक संकेतका रूपमा हेरिएको छ ।...

काठमाडौं । Ministry of Foreign Affairs Nepal ले लिम्पियाधुरा, लिपुलेक र कालापानी क्षेत्रको सीमा विवाद कूटनीतिक माध्यमबाट समाधान गर्न नेपाल सरकार प्रतिबद्ध रहेको जनाएको छ । शुक्रबार आयोजित पत्रकार सम्मेलनमा मन्त्रालयका प्रवक्ता Lok Bahadur Paudyal Chhetri ले लिपुलेक क्षेत्रबारे नेपालको धारणा स्पष्ट र अडिग रहेको बताएका हुन् । उनले नेपाली भूमि लिपुलेक हुँदै भारत–चीनबीच सञ्चालन हुने भनिएको कैलाश मानसरोवर यात्राबारे नेपालले यसअघि नै आफ्नो आधिकारिक धारणा सार्वजनिक गरिसकेको उल्लेख गरे । साथै, सन् १८१६ को Treaty of Sugauli अनुसार महाकाली नदीपूर्वका लिम्पियाधुरा, लिपुलेक र कालापानी नेपालको अभिन्न भूभाग भएकोमा सरकार स्पष्ट रहेको बताए । प्रवक्ता पौडेलले नेपालले आफ्नो अडान भारत र चीन दुवैलाई कूटनीतिक माध्यमबाट जानकारी गराइसकेको पनि बताए । नेपाल–भारतबीचको मैत्रीपूर्ण सम्बन्धको भावना अनुरूप ...

काठमाडौं । राष्ट्रिय स्वतन्त्र पार्टी नेतृत्वको सरकारले ल्याएका ८ वटा अध्यादेशको भविष्य अब विपक्षी दलहरूको भूमिकामा निर्भर देखिएको छ । राष्ट्रपति रामचन्द्र पौडेल ले अध्यादेश जारी गरिसके पनि संसद्‌बाट प्रतिस्थापन विधेयक पारित नभए ती स्वतः निष्क्रिय हुने संवैधानिक व्यवस्था छ । मन्त्रिपरिषद्को सिफारिसमा राष्ट्रपति पौडेलले वैशाख १७ गते सहकारी र सार्वजनिक खरिदसम्बन्धी अध्यादेश जारी गरेका थिए । त्यसपछि क्रमशः सम्पत्ति शुद्धीकरण निवारण, विश्वविद्यालय, सार्वजनिक पदाधिकारी, स्वास्थ्य विज्ञान प्रतिष्ठान, संवैधानिक परिषद् लगायतका विषयमा अध्यादेश ल्याइएको थियो । सरकारले अध्यादेशमार्फत करिब डेढ सय कानुन संशोधन गरेको छ । संविधानको धारा ११४ अनुसार संसद् अधिवेशन नरहेको अवस्थामा तत्काल आवश्यक परे अध्यादेश जारी गर्न सकिने व्यवस्था छ । तर संसद् बैठक सुरु भएपछि ती अध्यादेशलाई प्रतिस्थापन विधेयकका रूपमा ...

काठमाडौं । संघीय संसद् सचिवालयले सांसदहरूको उपस्थितिलाई थप व्यवस्थित र प्रविधिमैत्री बनाउन विद्युतीय हाजिरी प्रणाली लागू गर्ने तयारी गरेको छ । त्यसका लागि सांसदहरूको बायोमेट्रिक विवरण संकलन कार्य सुरु गरिएको सचिवालयले जनाएको छ । संघीय संसद्अन्तर्गत हुने बैठक तथा संसदीय समितिका कार्यक्रममा सांसदहरूको उपस्थितिलाई अब विद्युतीय माध्यमबाट अभिलेखन गरिनेछ । यसअघि कागजी रूपमा हाजिरी गर्ने व्यवस्था रहेकामा अब डिजिटल प्रणालीमार्फत हाजिरी व्यवस्थापन गरिने तयारी गरिएको हो । सचिवालयका अनुसार बायोमेट्रिक विवरण संकलनसँगै सांसदहरूको औपचारिक तस्वीरसमेत खिचिने भएकाले सांसदहरूलाई संघीय संसद्को लोगो सहित औपचारिक पोशाकमा उपस्थित हुन अनुरोध गरिएको छ । सांसदहरूको बायोमेट्रिक विवरण संकलन कार्य वैशाख २८ गतेसम्म सञ्चालन हुने सचिवालयले जानकारी दिएको छ ।...

सरकारले गृह मन्त्रालयमार्फत उपलब्ध गराएका सरकारी सवारीसाधन एक पूर्वराष्ट्रपति र चार पूर्वप्रधानमन्त्रीले प्रयोग गरिरहेको पाइएको छ । गृह मन्त्रालयको आन्तरिक प्रशासन, सवारी तथा सभा–समारोह व्यवस्थापन शाखाका अनुसार मन्त्रिपरिषद्को निर्णयका आधारमा उनीहरूलाई सरकारी गाडी उपलब्ध गराइएको हो । शाखाका अनुसार नेपालका प्रथम राष्ट्रपति डा. रामवरण यादव ले मन्त्रालयबाट उपलब्ध दुई वटा गाडी प्रयोग गरिरहेका छन् । त्यस्तै पूर्वप्रधानमन्त्रीहरू लोकेन्द्रबहादुर चन्द, डा. बाबुराम भट्टराई, झलनाथ खनाल र खिलराज रेग्मी ले गृह मन्त्रालयले उपलब्ध गराएका एक/एक वटा गाडी प्रयोग गरिरहेका छन् । यस विषयमा प्रधानमन्त्री तथा मन्त्रिपरिषद्को कार्यालयले सरकारी गाडी प्रयोग गरिरहेका भीभीआईपीहरूको विवरण माग गरेपछि गृह मन्त्रालयले आवश्यक जानकारी पठाइसकेको जनाएको छ । मन्त्रालयका प्रवक्ता सहसचिव आनन्द काफ्ले ले प्रधानम...

काठमाडौँ । भूमि व्यवस्था, सहकारी तथा गरिबी निवारण मन्त्रालय ले भोगाधिकारका आधारमा प्रयोग हुँदै आएका सरकारी जग्गा तथा त्यसमाथि निर्माण गरिएका संरचना तत्काल खाली गर्न सम्बन्धित व्यक्ति, संस्था र निकायलाई निर्देशन दिएको छ। मन्त्रालयले जारी गरेको सूचनाअनुसार सरकारी जग्गा दर्ता, उपयोग तथा लिज व्यवस्थासम्बन्धी कार्यनीति, २०७९ (दोस्रो संशोधनसहित) अनुसार साविकका भोगाधिकारलाई लिजमा रूपान्तरण गर्न ६ महिनाको समयसीमा दिइएको थियो। यस सम्बन्धमा तत्कालीन भूमि सुधार तथा व्यवस्थापन विभागले २०७३ जेठ ३१ र २०७४ वैशाख २१ गते सार्वजनिक सूचना प्रकाशित गरी जानकारी गराइसकेको मन्त्रालयले जनाएको छ। निर्धारित अवधिभित्र लिजमा रूपान्तरणका लागि निवेदन नदिने व्यक्ति तथा संस्थाको भोगाधिकार स्वतः समाप्त भइसकेको मन्त्रालयको स्पष्ट भनाइ छ। मन्त्रालयले बाँकी बक्यौता रकम सरकारी कोषमा दाखिला गरी प्रयोगमा रहेका जग्गा तथा स...

काठमाडौँ । नेपाली कांग्रेसका महामन्त्री गगन कुमार थापा ले संवैधानिक परिषद्सम्बन्धी अध्यादेशप्रति आपत्ति जनाएका छन्। संसदीय दलको बैठकपछि सञ्चारकर्मीसँग कुरा गर्दै उनले प्रधानमन्त्रीले आफूअनुकूल व्यक्तिलाई प्रधानन्यायाधीश बनाउन प्रक्रिया अघि बढाएको आरोप लगाए। “प्रधानन्यायाधीश कसलाई बनाउने भन्ने विषयमा विधिसम्मत निर्णय गराउने होइन, आफूले प्रस्ताव गरेको नाम पारित गराउन जालझेल गरिएको छ,” उनले भने। थापाका अनुसार परिषद् बैठकमार्फत बहुमत जुटाउने प्रयास भइरहेको छ। “प्रधानमन्त्री, सभामुख र कानूनमन्त्रीको उपस्थितिमा तीन जनाले निर्णय पारित गर्ने तयारी देखिन्छ,” उनले दाबी गरे। उनले संवैधानिक परिषद्लाई नियन्त्रणमा राख्न अध्यादेश ल्याइएको आरोप पनि लगाए। विगतमा यस्ता प्रयास भए पनि आफूहरूले रोकेको उल्लेख गर्दै अहिले भने त्यसलाई रोक्न नसकिएको उनको भनाइ छ।...

काठमाडौँ । राज्यकोषको दुरुपयोग नियन्त्रण गर्न सरकारले पूर्वविशिष्ट पदाधिकारीलाई दिइँदै आएको सवारी सुविधामा कडाइ गर्ने तयारी गरेको छ। प्रधानमन्त्री तथा मन्त्रिपरिषद्को कार्यालयले गृह मन्त्रालयसँग पूर्वविशिष्टहरूले प्रयोग गरिरहेका सवारीसाधनको विस्तृत विवरण तुरुन्त उपलब्ध गराउन निर्देशन दिएको हो। प्रधानमन्त्री कार्यालयको प्रारम्भिक अध्ययनमा केही पूर्वविशिष्टले कानुनले तोकेको सीमा नाघेर सवारीसाधन प्रयोग गरेको वा विभिन्न निकायबाट दोहोरो सुविधा लिएको देखिएपछि यस्तो कदम चालिएको बताइएको छ। सोही आधारमा गृह मन्त्रालयलाई पूर्वराष्ट्रपति, पूर्वउपराष्ट्रपति, पूर्वप्रधानमन्त्री, पूर्वप्रधानन्यायाधीश, पूर्वसभामुख तथा पूर्वराष्ट्रिय सभा अध्यक्षले प्रयोग गरिरहेका सवारी सुविधाको सम्पूर्ण विवरण आजै कार्यालय समयभित्र इमेलमार्फत पठाउन भनिएको छ। प्रधानमन्त्रीका प्रेस तथा अनुसन्धान विज्ञ दीपा दाहालका अनुसा...

काठमाडौँ। काठमाडौँ उपत्यकामा ट्राफिक नियम उल्लंघन गर्ने २,२९३ सवारी चालकलाई पछिल्लो २४ घण्टामा ट्राफिक प्रहरीले कारबाही गरेको छ। उपत्यकाका विभिन्न स्थानमा गरिएको नियमित जाँचका क्रममा उनीहरूलाई कारबाही गरिएको हो। ट्राफिक प्रहरीका अनुसार आज बिहानसम्म मादक पदार्थ सेवन (मापसे) गरी सवारी चलाउने ११३, राइड सेयरिङसम्बन्धी उल्लंघनमा १८४, रातोबत्ती उल्लंघन गर्ने १५७, तीव्र गतिमा सवारी चलाउने १२४, लेन मिच्ने २१९, फुटपाथ प्रयोग गर्ने १२३, हर्न निषेध उल्लंघन गर्ने ७३, एकतर्फी सवारी चलाउने १०५ तथा अन्य विभिन्न कसुरमा १,१९५ चालकलाई कारबाही गरिएको छ। उपत्यका ट्राफिक प्रहरी कार्यालयका प्रवक्ता तथा प्रहरी उपरीक्षक नरेशराज सुवेदीका अनुसार उक्त कारबाहीबाट २४ लाख २६ हजार १ रुपैयाँ राजस्व संकलन भएको छ। उनले ट्राफिक नियमको पालना गर्न सबै सवारी चालकलाई आग्रहसमेत गरेका छन्।...

  समस्याग्रस्त सहकारीका बचतकर्तालाई राहत: जेठ पहिलो सातादेखि रकम फिर्ता सुरु हुने काठमाडौं । सरकारले समस्याग्रस्त सहकारीका बचतकर्ताको रकम आगामी जेठ पहिलो सातादेखि फिर्ता गर्ने प्रक्रिया सुरु गर्ने भएको छ। समस्याग्रस्त सहकारी व्यवस्थापन समितिले मंगलबार सार्वजनिक गरेको कार्ययोजनाअनुसार बचतकर्ताको रकम फिर्ता गर्ने काम औपचारिक रूपमा अघि बढ्नेछ। गत ९ वैशाखदेखि काम सुरु गरेको समितिले सहकारी र बचतकर्ताको आवश्यक विवरण संकलन गरिसकेको जनाएको छ। समितिका अनुसार हाल करिब ७६ हजार बचतकर्ताको करिब ४६ अर्ब रुपैयाँ फिर्ता गर्नुपर्ने अवस्था रहेको छ, जसमा अधिकांश साना बचतकर्ता छन्। समितिले पाँच लाख रुपैयाँभन्दा कम बचत भएका व्यक्तिलाई ‘साना बचतकर्ता’ र सोभन्दा बढी रकम भएकालाई ‘ठूला बचतकर्ता’का रूपमा वर्गीकरण गरेको छ। कुल बचतकर्तामध्ये करिब १८ हजारको बचत पाँच लाखभन्दा माथि रहेको जनाइएको छ। भ...