कोशी प्रदेश

नयाँ दिल्ली — अन्तर्राष्ट्रिय समरसता मंचले श्री श्री श्री परमपूज्य जगद्गुरु शिव शक्ति बाबा महाराजलाई प्रथम ‘राजीव गान्धी गौरव रत्न अवार्ड–२०२६’ प्रदान गरेको छ। कोशी प्रदेश, मोरङको लेटाङमा बस्दै आउनुभएका दिव्य सिद्ध पुरुष शिव शक्ति बाबालाई भारतका पूर्वप्रधानमन्त्री स्वर्गीय राजीव गान्धीको जयन्ती समापन महोत्सवका अवसरमा नयाँ दिल्लीमा आयोजित विशेष कार्यक्रममा उक्त सम्मान प्रदान गरिएको हो।   दुःखी, गरिब, असहाय तथा पीडितहरूको सेवामा लामो समयदेखि सक्रिय रहँदै आउनुभएका शिव शक्ति बाबाले भारतका विभिन्न स्थानमा समेत सेवा तथा उपचारसम्बन्धी कार्य गर्दै आउनुभएको बताइएको छ। विशेषगरी भारतको जयगाउँ तथा सिक्किमलगायतका क्षेत्रमा पुगेर बिरामी तथा समस्यामा परेका व्यक्तिहरूलाई उपचार गर्दै आएको भन्दै उहाँलाई कार्यक्रममा विशेष निमन्त्रणा गरिएको थियो। मानव सेवा, सामाजिक सहयोग तथा परोपकारी कार्यमा पुर्‍...

लेटाङ । लेटाङ–७, वाराङ्गीस्थित टीका प्रसाद धितालद्वारा सञ्चालित होटल चिल्सिया एण्ड ट्रेडर्समा गत साउन २४ गते भएको आगलागीबाट ठूलो क्षति भएपछि पीडित परिवारलाई राहत तथा सहयोग जुट्ने क्रम जारी छ। आगलागीबाट होटल तथा व्यापारिक सामग्रीमा क्षति पुगेपछि धिताल परिवारको सहयोगका लागि स्थानीयवासी, धार्मिक तथा सामाजिक संघसंस्था र विभिन्न व्यक्तित्वहरू सक्रिय भएका छन्। यसै क्रममा लेटाङ–९ निवासी जगतगुरु शिवशक्ति बाबाले धिताल परिवारलाई भेटेर आगलागीबाट भएको क्षतिप्रति दुःख व्यक्त गर्दै ४१ हजार रुपैयाँ आर्थिक सहयोग प्रदान गर्नुभएको छ। विपद्का बेला पीडित परिवारलाई समाजको साथ र सहयोग आवश्यक हुने भन्दै शिवशक्ति बाबाले आफ्नो क्षमताअनुसार सहयोग गर्नु सबैको सामाजिक दायित्व भएको बताउनुभयो। धार्मिक तथा सामाजिक सेवामा सक्रिय रहँदै आउनुभएका शिवशक्ति बाबाले यसअघि पनि मन्दिर निर्माण, धार्मिक संरचनाको विकास, आर्थिक र...

काठमाडौं । ट्राफिक नियम उल्लंघन गरेको भन्दै श्रम संस्कृति पार्टीका अध्यक्ष तथा प्रतिनिधिसभा सदस्य हरक साम्पाङ माथि कानुनी कारबाही प्रक्रिया अघि बढाइने भएको छ। कोशी प्रदेश प्रहरी प्रमुख विनोद घिमिरे ले साम्पाङले ट्राफिक नियम स्पष्ट रूपमा उल्लंघन गरेको देखिएकाले सम्बन्धित प्रहरी कार्यालयमार्फत आवश्यक कारबाही गरिने जानकारी दिनुभयो। सामाजिक सञ्जालमा सार्वजनिक भएको भिडियोमा साम्पाङले मोटरसाइकल चलाउँदा एक हातले मात्र ह्यान्डल समातेको, मोबाइल प्रयोग गर्दै सेल्फी भिडियो बनाएको तथा हेल्मेटको स्ट्र्यापसमेत नलगाएको देखिएको छ। प्रहरीका अनुसार यी कार्यहरू ट्राफिक नियमविपरीत हुन्। उदयपुरको कटारीबाट फर्किने क्रममा साम्पाङ मोटरसाइकल दुर्घटनामा परेका थिए। दुर्घटनामा उनको हात लगायत शरीरका केही भागमा सामान्य चोट लागेको बताइएको छ। साम्पाङले सडकमा रहेको ढुंगाका कारण सन्तुलन गुम्दा दुर्घटना भएको प्रतिक...

विराटनगर – वैदेशिक रोजगारीका लागि रोमानिया पठाइदिने भन्दै सर्वसाधारणबाट लाखौँ रुपैयाँ असुलेको आरोपमा मोरङबाट एक म्यानपावर सञ्चालक पक्राउ परेका छन्। पक्राउ पर्नेमा मोरङको रतुवामाई नगरपालिका–८ निवासी ३७ वर्षीय उद्धव पाठक रहेका छन्। प्रहरीले पाठकसँगै म्यानपावरमा लेखापालका रूपमा कार्यरत रतुवामाई–९ का अभि भण्डारीलाई पनि नियन्त्रणमा लिएको छ। प्रहरीका अनुसार पाठकले रतुवामाई–८ दाम्राभिट्टामा ‘केएसए’ नामक म्यानपावर सञ्चालन गर्दै आएका थिए। उनले आकर्षक तलब र रोजगारीको प्रलोभन देखाउँदै रोमानिया पठाइदिने आश्वासनमा विभिन्न व्यक्तिबाट ठूलो रकम उठाएको आरोप छ। इलाका प्रहरी कार्यालय सिजुवाबाट इन्स्पेक्टर कैलाश लिम्बूको नेतृत्वमा खटिएको टोलीले सोमबार साँझ दुवै जनालाई पक्राउ गरेको मोरङ प्रहरी प्रमुख एसपी कवित कटवालले जानकारी दिए। पक्राउ परेका दुवै जनाविरुद्ध ठगी मुद्दामा अनुसन्धान भइरहेको छ। अदालत...

झापा – झापाको दमकस्थित रतुवा खोलाको पुलमुनि बोराभित्र बाँधिएको अवस्थामा मृत फेला परेकी युवतीको पहिचान खुलेको छ। जिल्ला प्रहरी कार्यालय झापाका अनुसार मृतक दमक नगरपालिका–८ वसन्तटोल निवासी नारायण तिवारीकी २१ वर्षीया छोरी रमा (रोमा) तिवारी हुन्। प्रहरीका अनुसार शव फेला परेपछि बुवा नारायण तिवारी र आमा मुना तिवारीले घटनास्थलमा पुगेर छोरीको सनाखत गरेका थिए। घटनाबारे थप अनुसन्धान भइरहेको प्रहरीले जनाएको छ। प्रारम्भिक जानकारीअनुसार रमा गत जेठ १३ गते राति करिब ९:३० बजे घरबाट निस्किएकी थिइन्। त्यसयता उनी परिवारको सम्पर्कमा आएकी थिइनन्। उनको शव शनिबार बिहान दमक नगरपालिका–१० स्थित सेतुमारी पुलमुनि रतुवा खोलामा बोराभित्र बाँधिएको अवस्थामा फेला परेको थियो। स्थानीयले शव देखेपछि प्रहरीलाई खबर गरेका थिए। प्रहरीले घटनाको कारण र संलग्न व्यक्तिबारे अनुसन्धान तीव्र पारेको जनाएको छ।...

देशका विभिन्न क्षेत्रमा लगातारको वर्षासँगै आएको बाढी र पहिरोका कारण मुख्य राजमार्गहरू प्रभावित भएका छन्। नेपाल प्रहरीले आज बिहान सार्वजनिक गरेको विवरणअनुसार कोशी, बागमती, गण्डकी र कर्णाली प्रदेशका विभिन्न सडक खण्डमा यातायात सेवा अवरुद्ध तथा आंशिक रूपमा सञ्चालन भइरहेको छ। कोशी प्रदेशअन्तर्गत भोजपुर नगरपालिका–५ बोखिममा बाढीका कारण मध्यपहाडी लोकमार्ग एकतर्फी सञ्चालनमा रहेको छ। उक्त क्षेत्रमा वैकल्पिक मार्गको व्यवस्था गरिएको प्रहरीले जनाएको छ। यस्तै, सङ्खुवासभाको मकालु गाउँपालिका–३ नयाँबस्तीमा पहिरो खस्दा कोशी राजमार्ग पनि एकतर्फी मात्र सञ्चालन भइरहेको छ। काभ्रेपलाञ्चोकको खुर्कोट–नेपालथोक–कटुञ्जेबेँसी सडक खण्डमा बाढीको जोखिम बढेपछि बीपी राजमार्गमा सवारी सञ्चालन रोकिएको छ। गण्डकी प्रदेशमा लमजुङ र म्याग्दी बढी प्रभावित भएका छन्। लमजुङको मध्यनेपाल नगरपालिका–१० बिमिरेभञ्ज्याङ क्षेत्रम...

मोरङको रतुवामाई नगरपालिका–२ स्थित घररुचोक सीमा क्षेत्रमा सशस्त्र प्रहरीले २० लाख भारतीय रुपैयाँ बरामद गरेको छ । बैशाख २७ गते राति सीमा सुरक्षा गुल्म बरडंगा र बीओपी डोरियाको संयुक्त टोलीले उक्त रकम बरामद गरेको हो । प्रहरीका अनुसार ५ सय दरका ४० बण्डल भारतीय रुपैयाँ भारतबाट नेपालतर्फ मोटरसाइकलमा आउँदै गरेका व्यक्तिमाथि शंका लागेपछि जाँच गर्ने क्रममा फेला परेको हो । जाँचका क्रममा मोटरसाइकल पछाडि बसेका व्यक्तिले बोकेको झोला त्यहीँ छाडेर फरार भएका थिए । बरामद गरिएको रकम आवश्यक अनुसन्धान तथा कारबाहीका लागि सम्बन्धित निकायमा बुझाउने प्रक्रिया अघि बढाइएको सशस्त्र प्रहरीले जनाएको छ ।...

काठमाडौं । श्रम संस्कृति पार्टीका अध्यक्ष हर्क साम्पाङ ले उपसभामुखका कामकारबाहीमा पार्टीको कुनै हस्तक्षेप नहुने स्पष्ट पारेका छन् । संवैधानिक परिषद्ले वरीयता मिच्दै प्रधानन्यायाधीश नियुक्ति सिफारिस गरेको विषयमा असन्तुष्टि जनाउँदै विज्ञप्ति जारी गरेका साम्पाङले पछि यस्तो धारणा सार्वजनिक गरेका हुन् । उपसभामुख रूबीकुमारी ठाकुर ले पार्टीबाट राजीनामा दिई उपसभामुख बनेकाले अब उहाँको कामकारबाहीमा पार्टीको कुनै दख्खल नहुने साम्पाङको भनाइ छ । “उहाँ हाम्रो पार्टीबाट राजीनामा दिएर उपसभामुख बन्नुभएको हो। शपथपछि उहाँ पार्टीको सदस्य रहनुहुन्न। उहाँले के गर्नुहुन्छ भन्ने विषयमा हाम्रो पार्टीको कुनै हस्तक्षेप हुँदैन,” उनले भने । साम्पाङले प्रधानन्यायाधीश नियुक्ति सिफारिस प्रक्रियाप्रति असन्तुष्टि जनाउँदै पहिले नै विज्ञप्ति जारी गरेका थिए । संवैधानिक परिषद्ले बिहीबार चौथो वरीयतामा रहेका मनोज ...

काठमाडौँ/विराटनगर । कक्षा १२ को जारी वार्षिक परीक्षामा अमर्यादित गतिविधि देखिएको विषयमा मोरङमा सुरक्षा निकाय र परीक्षा बोर्डले निगरानी तथा अनुसन्धान तीव्र बनाएका छन्। विराटनगर र सुनसरीका केही निजी विद्यालय (कलेज)हरूले आफ्ना विद्यार्थीलाई उत्तीर्ण गराउन परीक्षा केन्द्र र केन्द्राध्यक्षलाई प्रभावमा पार्ने प्रयास गरेको आशंकामा प्रहरीले गोप्य अनुसन्धान सुरु गरेको हो। अनुगमनका क्रममा ‘संस्थागत सेटिङ’मार्फत चिट प्रयोग गराइएको संकेत पाएपछि अनुसन्धान थप अघि बढाइएको छ। यसैक्रममा राष्ट्रिय परीक्षा बोर्ड, प्रदेश परीक्षा व्यवस्थापन कार्यालय विराटनगरले २० जना केन्द्राध्यक्षसँग स्पष्टीकरण मागेको छ। बोर्डले ती केन्द्राध्यक्षहरूलाई २४ घण्टाभित्र स्पष्टीकरण पेश गर्न निर्देशन दिएको छ। स्पष्टीकरण चित्तबुझ्दो नभए वा आगामी परीक्षामा पुनः गल्ती दोहोरिएमा तत्काल बर्खास्त गरी वैकल्पिक व्यवस्था गर्ने चेता...

विराटनगर । भारतीय नम्बर प्लेटको एम्बुलेन्समा गाँजा लोड गरिएको अवस्थामा प्रहरीले नियन्त्रणमा लिएको छ। सुनसरीको बराहक्षेत्रबाट उक्त एम्बुलेन्ससहित दुई जनालाई पक्राउ गरिएको हो। प्रहरीका अनुसार बराहक्षेत्र नगरपालिका–२ पुल्ठेगौंडाबाट मंगलबार बीआर ०७ पीसी ४७६५ नम्बरको एम्बुलेन्सभित्र प्लास्टिकका बोरामा राखिएको अवस्थामा १४८ किलो गाँजा बरामद गरिएको हो। जिल्ला प्रहरी कार्यालय सुनसरीका सूचना अधिकारी डीएसपी चन्द्रबहादुर खड्काका अनुसार एम्बुलेन्स चालक भारतको बिहार राज्य, सुपोल जिल्ला वीरपुरका १८ वर्षीय धर्मेन्द्रकुमार यादव र सोही स्थानका २१ वर्षीय मोहमद सदाम पक्राउ परेका छन्। एम्बुलेन्स प्रयोग गरी गाँजा भारततर्फ ओसारपसार गर्न खोजिएको हुनसक्ने प्रारम्भिक अनुसन्धानबाट खुलेको प्रहरीले जनाएको छ।...