आजको विशेष

२९ चैत, काठमाडौं । गृहमन्त्री सुदन गुरुङले पिर्के सलामी नलिने निर्णय गरेका छन्। नवलपुरस्थित सशस्त्र प्रहरी बलको कार्यालय पुगेका उनले आफूले पिर्के सलामी नलिने निर्णय गरेको जानकारी गराएका हुन्। नवलपुरस्थित सशस्त्र प्रहरी कार्यालयमा उनलाई डीएसपी लक्ष्मण बरालले स्वागत गरेका थिए। त्यसपछि उनले जिल्ला प्रशासन कार्यालय नवलपुरका सहायक प्रमुख जिल्ला अधिकारी चीरञ्जीवी राना, एसपी युवराज खड्का तथा राष्ट्रिय अनुसन्धानका एसपी अभिनयकुमार सिंहलगायतसँग जिल्लाको शान्ति सुरक्षा र सुरक्षा जोखिमका विषयमा छलफल गरेका थिए। यसअघि शनिबार उनले पृथ्वीराजमार्गको सडक निरीक्षण गर्दै चितवन पुगेका थिए। आइतबार बिहान चितवनका गृहप्रशासनका कर्मचारीहरूसँग छलफलपछि उनी नवलपुर पुगेका हुन्।...

वन तथा वातावरणमन्त्री गीता चौधरीले वन पैदावारको उपयोग आर्थिक विकास र रोजगारी सिर्जनाका लागि गर्नुपर्ने बताएकी छन्। उनले जैविक विविधता र वनस्पति संरक्षण अपरिहार्य रहेको उल्लेख गरिन्। वनस्पति दिवसका अवसरमा आयोजित कार्यक्रममा मन्त्री चौधरीले जैविक विविधता र वनस्पति संरक्षणमार्फत खाद्य सुरक्षा, रोजगारी र आर्थिक विकास सम्भव रहेको बताइन्। उनले मानव गतिविधि, जलवायु परिवर्तन तथा असन्तुलित उपभोगका कारण वनस्पति क्षेत्र संकटमा परेको उल्लेख गर्दै समयमै संरक्षण र व्यवस्थापन नगरे भविष्य नै जोखिममा पर्न सक्ने चेतावनी दिइन्। ‘नेपाल जैविक विविधतामा धनी देश हो। विशेषगरी जडीबुटी तथा गैरकाष्ठ वन पैदावारका दृष्टिले महत्वपूर्ण स्थानमा रहे पनि अझै कच्चापदार्थकै रूपमा निर्यात गर्ने परम्परा तोड्न सकेका छैनौँ,’ मन्त्री चौधरीले भनिन्। उनले जडीबुटीको वैज्ञानिक खेती, प्रशोधन, ब्रान्डिङ तथा अन्तर्राष्ट्रिय ...

काठमाडौँ । नवौँ हिन्द महासागर सम्मेलनमा सहभागी हुने सिलसिलामा मरिससको राजधानी पोर्ट लुइसमा रहेका परराष्ट्रमन्त्री शिशिर खनालले मरिसस र सिङ्गापुरका मन्त्रीहरूसँग बेग्लाबेग्लै भेटवार्ता गरेका छन्। परराष्ट्र मन्त्रालयका अनुसार मन्त्री खनालले मरिससका विदेश, क्षेत्रीय एकीकरण तथा अन्तर्राष्ट्रिय व्यापारमन्त्री एच.इ. धनञ्जय रामफल र सिङ्गापुरका विदेश तथा सामाजिक एवं पारिवारिक विकास राज्यमन्त्री एच.इ. जुल्कर्नाइन अब्दुल रहीमसँग शनिबार भेटवार्ता गरेका हुन्। भेटवार्तामा परराष्ट्रमन्त्री खनालले दुवै देशका मन्त्रीसँग आपसी सम्बन्ध सुदृढीकरण, क्षेत्रीय सहकार्य तथा द्विपक्षीय हित र साझा चासोका विविध विषयमा छलफल गरेका थिए।...

काठमाडौं । सरकारले आगामी आर्थिक वर्ष २०८२/८३ देखि सार्वजनिक संस्थान, बोर्ड, समिति र नियामक निकायहरूमा नियुक्त हुने नयाँ कर्मचारीका लागि पेन्सन (निवृत्तभरण) र उपदान व्यवस्था खारेज गर्ने निर्णय गरेको छ। अर्थ मन्त्रालयले परिपत्र जारी गर्दै अबदेखि सबै सार्वजनिक निकायमा ‘योगदानमा आधारित सामाजिक सुरक्षा प्रणाली’ अनिवार्य रूपमा लागू गर्न निर्देशन दिएको छ। मन्त्रालयको वित्तीय क्षेत्र व्यवस्थापन तथा संस्थान समन्वय महाशाखाले नेपाल राष्ट्र बैंक, बीमा प्राधिकरण, धितोपत्र बोर्डसहित ४५ वटा सार्वजनिक संस्थान तथा सबै मन्त्रालयलाई पत्राचार गर्दै नयाँ व्यवस्था कार्यान्वयन गर्न निर्देशन दिएको हो। सरकारले २०७५ सालदेखि नै सरकारी कर्मचारीका लागि योगदानमा आधारित निवृत्तभरण प्रणाली लागू गरिसकेको भए पनि केही निकायमा अझै पुरानो पेन्सन र उपदान प्रणाली कायम रहेको पाइएको छ। घाटामा रहेका तथा सरकारी अनुदानमा...

काठमाडौँ – नेपाली कम्युनिस्ट पार्टीका सहसंयोजक तथा पूर्वप्रधानमन्त्री माधवकुमार नेपालले पार्टीको संगठनात्मक एकीकरणको बाँकी काम एक हप्ताभित्रै सम्पन्न गर्ने तयारी भइरहेको बताएका छन्। अखिल नेपाल महिला सङ्घ (क्रान्तिकारी) को सम्पर्क समन्वय प्रदेश कमिटीद्वारा नयाँ वर्षको अवसरमा आयोजित क्यालेन्डर विमोचन कार्यक्रममा बोल्दै उनले यस्तो बताएका हुन्। नेता नेपालले निर्वाचनको परिणाम अपेक्षाभन्दा फरक आएको स्वीकार गर्दै त्यसको गम्भीर समीक्षा गर्नुपर्नेमा जोड दिए। उनले कार्यकर्ताको सक्रियता र इमान्दारितामाथि प्रश्न उठाउँदै आत्ममन्थन आवश्यक रहेको बताए। पार्टीभित्र हाल ४५ सदस्यीय केन्द्रीय समन्वय समितिको बैठक सात दिनदेखि जारी रहेको जानकारी दिँदै उनले राष्ट्रिय समस्या, राजनीतिक सङ्कट र कम्युनिस्ट आन्दोलनका चुनौतीबारे छलफल भइरहेको बताए। नेपालको राजनीतिमा कम्युनिस्टहरूले २००७ सालदेखि महत्वपूर्ण भू...

काठमाडौँ – सुदूरपश्चिमको विकासका प्रमुख चुनौती र सम्भावनाबारे छलफल गर्न सुदूरपश्चिमाञ्चल सरोकार मञ्चले सेमिनार आयोजना गर्ने भएको छ। मञ्चको शनिबार काठमाडौंमा सम्पन्न कार्यसमिति बैठकले यससम्बन्धी निर्णय गरेको हो। हालै सम्पन्न निर्वाचनमा सुदूरपश्चिम प्रदेशबाट निर्वाचित प्रतिनिधिसभा सदस्यहरूलाई शुभकामना व्यक्त गर्दै प्रदेशको विकासका चुनौतीबारे बुँदागत रूपमा प्रस्तुति गर्न सेमिनार आयोजना गर्ने निर्णय गरिएको मञ्चका कार्यसमिति सदस्य रवि धामीले जानकारी दिए। प्रदेशका सबै सांसदलाई सहभागी गराएर कार्यक्रम गरिनेछ। अध्यक्ष दीर्घसिंह बमको अध्यक्षतामा बसेको बैठकले सुदूरपश्चिमसँग सम्बन्धित काठमाडौंमा रहेका संघ–संस्थाहरूसँग सहकार्य र समन्वय गर्ने पनि निर्णय गरेको छ। बैठकले मञ्चका सदस्य डा. गुणाकर भट्ट राष्ट्रिय योजना आयोगको उपाध्यक्ष पदमा नियुक्त भएकोमा बधाई ज्ञापन गर्दै सुदूरपश्चिमको विकासमा उन...

काठमाडौँ – प्रतिनिधिसभाअन्तर्गतको कृषि, सहकारी तथा प्राकृतिक स्रोत समिति गठन गरिएको छ। शुक्रबार (चैत २७) बसेको प्रतिनिधिसभा बैठकमा सभामुख डोलप्रसाद (डीपी) अर्यालले समिति गठनको प्रस्ताव पेश गरेका थिए, जसलाई सभाले स्वीकृत गरेको हो। यो प्रतिनिधिसभाको विषयगत समिति हो, जसमा २६ जना सदस्य मनोनयन गरिएको छ। समितिका सदस्यहरूमा अशोककुमार चौधरी, आसिका तामाङ, उत्तमप्रसाद पौडेल, केपी खनाल, कोमल ज्ञवाली, खगेन्द्र कर्ण, गीताकुमारी सेन्दाङ, गंगालक्ष्मी अवाल, चन्देश्वर मण्डल र जनकसिंह धामी रहेका छन्। यस्तै, जोगकुमार बरबरिया यादव, ताहिर अली भाट, पूनमकुमारी अग्रवाल, प्रमोदकुमार महतो, प्रेमबहादुर बयक, बसुमाया तामाङ, माधवबहादुर थापा र राजीव खत्री पनि सदस्यमा मनोनयन भएका छन्। लक्ष्मीप्रसाद पोखरेल, शम्भुप्रसाद ढकाल, सन्तोष सुब्बा, समिना मिया, सागर ढकाल, सुजाता तामाङ, सुरेशकुमार चौधरी र ज्ञानेन्द्रसिंह...

काठमाडौँ – श्रम संस्कृति पार्टीका अध्यक्ष हर्क साम्पाङ राईले एमसीसी खारेज गर्नुपर्ने धारणा व्यक्त गरेका छन्। उनले उपसभामुखको पद दलगत नभई राज्यको भएको उल्लेख गर्दै राष्ट्रहित र स्वाधीनताका मुद्दामा आफूहरू अडिग रहेको बताएका छन्। शनिबार सामाजिक सञ्जालमार्फत उनले आफूहरू जिम्मेवार देशभक्त प्रतिपक्ष भएको बताएका छन्। उपसभामुख राज्यको पद भएकाले कुनै पार्टीको स्वार्थसँग जोडिन नहुने उनको भनाइ छ। साम्पाङले राष्ट्रभक्ति र स्वाधीनताका मुद्दामा अडिग रहेको जनाउँदै एमसीसी खारेजको विषयमा निरन्तर आवाज उठाउने बताएका छन्। उनले लेखेका छन्, “हामी जिम्मेवार देशभक्त प्रतिपक्ष हौं। उपसभामुख राज्यको पद हो, पार्टीको होइन। हाम्रो कुनै स्वार्थ छैन। हाम्रो स्वाधीनता र राष्ट्रभक्तिका मुद्दा अटल छन्। अझै भन्छु, एमसीसी खारेज गर्नैपर्छ। शंका नगर्नु नेपाली रगतलाई।”...

हुम्ला – हुम्लामा तीन दिनदेखि रोकिएका दुई अमेरिकी नागरिकको उद्धारका लागि संस्कृति, पर्यटन तथा नागरिक उड्डयन मन्त्रीको सचिवालयको पहलमा तारा एयरले शनिबार विशेष उडान भरेको छ। विदेशी सहयोगमा सिमकोटमा सञ्चालित विद्यालयको अनुगमनका लागि आएका ती पर्यटकहरू प्रतिकूल मौसम र जहाज अभावका कारण अलपत्र परेका थिए। उनीहरू रोकिएको जानकारी मन्त्रालयको सचिवालयमा पुगेपछि मन्त्रीका स्वकीय सचिव सुमन गौतमको सक्रियतामा उडान व्यवस्थापन गरिएको हो। उक्त उडानमार्फत ती अमेरिकी नागरिक नेपालगञ्ज प्रस्थान गरेका छन्। यसअघि तारा एयरले यो साता हुम्लाका लागि कुनै उडान नगर्ने जनाएको थियो। पोखराबाट जोमसोम जाँदै गरेको जहाजलाई समेत नेपालगञ्ज ल्याएर उडान मिलाइएको थियो। खराब मौसम र निजी एयरलाइन्सका जहाज नेपालगञ्जमा नहुँदा हुम्लामा पाँच दिनदेखि हवाई सेवा प्रभावित बनेको थियो। गत मङ्गलबारदेखि परेको वर्षा र हिमपातका कारण बिहीबा...

काठमाडौँ – सरकारले गहुँ र चैते धानको न्यूनतम समर्थन मूल्य निर्धारण गरेको छ। कृषि तथा पशुपन्छी विकास मन्त्रालयले मन्त्री गीता चौधरीको निर्देशनमा उक्त मूल्य तोकेको हो। मन्त्रालयका अनुसार चालु आर्थिक वर्षका लागि गहुँको न्यूनतम समर्थन मूल्य प्रतिक्विन्टल २ हजार ८५६ रुपैयाँ ४९ पैसा तथा चैते धानको प्रतिक्विन्टल ३ हजार ९४५ रुपैयाँ कायम गरिएको छ। यो मूल्य १८ प्रतिशत चिस्यान भएको चैते धानका लागि लागू हुने बताइएको छ। यदि चिस्यान १८ प्रतिशतभन्दा बढी भएमा प्रतिक्विन्टल १ किलो २०० ग्रामका दरले तौल घटाएर मूल्य निर्धारण गरिने व्यवस्था गरिएको मन्त्रालयले जनाएको छ। गत आर्थिक वर्षको तुलनामा गहुँको मूल्य प्रतिक्विन्टल ७७ रुपैयाँ ६२ पैसा र चैते धानको मूल्य ५५ रुपैयाँ ८ पैसा बढेको हो। अघिल्लो वर्ष गहुँको मूल्य प्रतिक्विन्टल ३ हजार ८६७ रुपैयाँ ३८ पैसा र चैते धानको २ हजार ८०० रुपैयाँ ६९ पैसा कायम गरिएको...