आजको विशेष

काठमाडौँ । विपद् जोखिम न्यूनीकरण तथा व्यवस्थापन कार्यकारी समितिले ‘मनसुन पूर्वतयारी तथा प्रतिकार्य राष्ट्रिय कार्ययोजना, २०८३’ स्वीकृत गरेको छ। बिहीबार पूर्वाधार विकासमन्त्री सुनील लम्साल को अध्यक्षतामा बसेको बैठकले उक्त निर्णय गरेको हो। कार्ययोजनाअनुसार यस वर्ष मनसुनजन्य विपद्का कारण देशभर करिब ५१ हजार ८६८ घरधुरीका २ लाख २६ हजार ६६१ जना प्रभावित हुन सक्ने अनुमान गरिएको छ। कार्ययोजनाको पहिलो खण्डमा मनसुनजन्य विपद्को जोखिम विश्लेषण तथा सम्भावित प्रभाव मूल्यांकन गरिएको छ भने दोस्रो खण्डमा पूर्वतयारी तथा प्रतिकार्यका लागि जिम्मेवार निकाय र तिनका प्रमुख जिम्मेवारी समेटिएका छन्। त्यसैगरी, तेस्रो खण्डमा विषयगत क्षेत्र तथा सम्बन्धित निकायका कार्ययोजना समावेश गरिएका छन् भने चौथो खण्डमा सम्पर्क व्यक्ति, खोज तथा उद्धार र राहत सामग्रीको विवरण उल्लेख गरिएको छ। बैठकले खोज तथा उद्धार टोली गठ...

काठमाडौं । नेपाल मोबाइल व्यवसायी महासंघको तेस्रो केन्द्रीय महाधिवेशन तथा पाँचौँ साधारणसभा यही जेठ १ र २ गते काठमाडौंमा आयोजना हुने भएको छ । महासंघले बिहीबार पत्रकार सम्मेलन गर्दै देशभरका मोबाइल व्यवसायीहरूको सहभागितामा महाधिवेशन गर्न लागिएको जानकारी दिएको हो । महासंघका अनुसार हाल सातै प्रदेश र ७० जिल्लामा शाखा विस्तार भइसकेको छ भने २७ हजार ४०० भन्दा बढी साधारण सदस्य आबद्ध रहेका छन् । महाधिवेशनमा सहभागी हुन देशभरबाट करिब १५ सय प्रतिनिधि काठमाडौं आउने क्रम जारी रहेको बताइएको छ । सुदूरपश्चिम, कर्णालीदेखि पूर्वी नेपालसम्मका प्रतिनिधिहरू राजधानी आइरहेका छन् । महाधिवेशनबाट ५५ सदस्यीय नयाँ केन्द्रीय कार्यसमिति चयन गरिने महासंघले जनाएको छ । विधानअनुसार अध्यक्ष, निवर्तमान अध्यक्ष, वरिष्ठ उपाध्यक्ष, सात उपाध्यक्ष, महासचिव, कोषाध्यक्ष, चार सचिवमध्ये एक महिला सचिव तथा सहकोषाध्यक्ष पदमा निर...

काठमाडौं । प्रतिनिधिसभाको बैठक आज बिहान ११ बजे बस्दैछ, जसमा सरकारको आगामी आर्थिक वर्ष २०८३/०८४ को वार्षिक नीति तथा कार्यक्रममाथि सांसदहरूले उठाएका प्रश्नहरूको जवाफ दिने कार्यसूची रहेको छ । प्रधानमन्त्रीको तर्फबाट अर्थमन्त्री डा. स्वर्णिम वाग्लेले राष्ट्रपतिले जेठ २८ गते प्रस्तुत गरेको नीति तथा कार्यक्रममाथि सांसदहरूले उठाएका जिज्ञासा र प्रश्नहरूको जवाफ दिनेछन् । यसअघि बुधबारको बैठकमा प्रधानमन्त्री बालेन्द्र शाहले छलफलका लागि प्रस्ताव प्रस्तुत गर्ने कार्यसूची भए पनि सभामुखले अचानक अर्थमन्त्रीलाई बोलाएपछि विपक्षी दलहरूले बैठक अवरुद्ध गर्दै प्रधानमन्त्रीको राजीनामा माग गरेका थिए । तर आजको कार्यसूचीअनुसार प्रधानमन्त्रीको सट्टा अर्थमन्त्रीले जवाफ दिने कार्यक्रम तय गरिएको छ । जवाफपछि नीति तथा कार्यक्रममा प्राप्त संशोधनहरूलाई निर्णयार्थ प्रस्तुत गरिनेछ । त्यसपछि सभामुखले आर्थिक वर्ष २...

बिपी राजमार्ग तथा हिल्सा–सिमकोट सडकखण्ड मा सम्भावित बाढी र सडक निर्माण कार्यका कारण सवारी आवागमन अस्थायी रूपमा बन्द गरिएको छ। प्रहरी प्रधान कार्यालयले जारी गरेको सूचनाअनुसार काभ्रेपलाञ्चोकको खुर्कोट–नेपालथोक–कटुन्जेबेँसी हुँदै सिन्धुलीसम्म सञ्चालन हुने बिपी राजमार्गमा बाढीको सम्भावित जोखिमलाई ध्यानमा राख्दै यातायात सञ्चालन रोकिएको हो। प्रहरीका अनुसार २०८३ वैशाख २१ गते साँझ ५ बजेदेखि बिहान ५ बजेसम्म उक्त सडकखण्डमा चल्ने सबै प्रकारका सवारीसाधन अर्को सूचना जारी नभएसम्म बन्द रहनेछन्। यस्तै, नाम्खा गाउँपालिका–२ च्यादुक क्षेत्रमा सडक विस्तारको काम जारी रहेकाले हिल्सा–सिमकोट सडकखण्डमा पनि यातायात सेवा अवरुद्ध गरिएको छ। च्यादुक होटलदेखि च्याछरासम्म सडक खन्ने क्रममा माथिबाट ढुङ्गा र माटो खस्ने जोखिम बढेकाले वैशाख २९ गतेदेखि जेठ २ गतेसम्म उक्त सडकखण्डमा सवारी सञ्चालन बन्द गरिएको प्रहरीले...

नेपाल आयल निगमका कार्यकारी निर्देशक डा. चण्डिकाप्रसाद भट्टले पदबाट राजीनामा दिएका छन्। उनले बुधबार आफ्नो राजीनामापत्र उद्योग, वाणिज्य तथा आपूर्ति मन्त्रालयमा बुझाएका हुन्। मन्त्रालय स्रोतले भट्टको राजीनामा पुष्टि गरेको छ। सरकारले राजनीतिक नियुक्तिहरू खारेज गर्दै नयाँ प्रक्रियामार्फत नेतृत्व चयन गर्ने तयारी गरिरहेको भए पनि आयल निगमको नेतृत्व भने उक्त निर्णयको दायरामा परेको थिएन। यद्यपि, कार्यसम्पादनसँगै पछिल्लो समय बढ्दो राजनीतिक दबाबका कारण भट्टले स्वेच्छिक रूपमा राजीनामा दिएको बताइएको छ।...

काठमाडौँ । प्रमुख प्रतिपक्षी नेपाली कांग्रेसले प्रधानमन्त्री उपस्थित नभई संसद् बैठक चल्न नदिने अडान लिएको छ। बुधबार प्रतिनिधिसभाको दोस्रो बैठकमा नेपाली कांग्रेस संसदीय दलका नेता भीष्मराज आङ्देम्बेले सरकारको नीति तथा कार्यक्रममाथिको छलफल प्रधानमन्त्रीको उपस्थितिबिना अघि बढ्न नदिने संकेत गरेका हुन्। उनीहरूले संसदमा उपस्थितिका लागि प्रधानमन्त्रीलाई रुलिङ गर्न सभामुखसँग माग गरिरहेका छन्। तर सभामुखले भने प्रधानमन्त्रीलाई रुलिङ गर्नुको सट्टा प्रतिपक्षीलाई संयमित हुन आग्रह गरिरहेका छन्। यसअघि पहिलो बैठकमा पनि यस्तै माग उठेपछि बैठक केहीबेर स्थगन गरिएको थियो। दोस्रो बैठक सुरु भएलगत्तै प्रधानमन्त्रीको प्रतिनिधिका रूपमा अर्थमन्त्री डा. स्वर्णिम वाग्लेले नीति तथा कार्यक्रममाथिको छलफल प्रस्ताव पेस गरेका थिए। त्यसपछि कांग्रेस सांसदहरू उठेर विरोध जनाइरहेका छन्। प्रतिपक्षी सांसदहरूले बोल्न समय...

सहकारी पीडितहरूले बागमती प्रदेश सहकारी रजिष्ट्रारको कार्यालय घेराउ गरेका छन्। सहकारी बचतकर्ता संरक्षण राष्ट्रिय अभियान महासंघको नेतृत्वमा पीडितहरूले बुधबार कार्यालय घेराउ गर्दै विरोध प्रदर्शन गरेका हुन्। देउराली सहकारीसहित विभिन्न सहकारीका पीडितहरूले सहकारीलाई समस्याग्रस्त घोषणा गरी आफ्नो बचत फिर्ता दिलाउन माग गरेका छन्। उनीहरूले कार्यालयमा दबाब दिँदै आफ्ना मागहरू तत्काल सम्बोधन गर्न आग्रह गरेका छन्। पीडितहरूले बागमती प्रदेशका १६ वटा सहकारीलाई समस्याग्रस्त घोषणा गर्नुपर्ने माग गरेका छन्। पटक–पटक ध्यानाकर्षण गराउँदा पनि माग सम्बोधन नभएको भन्दै उनीहरूले आक्रोश व्यक्त गरेका छन्।...

काठमाडौँ । नेकपा (एमाले) संसदीय दलकी उपनेता पद्मा अर्यालले सरकारको वार्षिक नीति तथा कार्यक्रम प्रस्तुत गर्ने र त्यससम्बन्धी छलफलमा प्रधानमन्त्री स्वयं उपस्थित हुनुपर्ने माग गरेकी छन्। सरकारको नीति तथा कार्यक्रम एक वर्षको मार्गदर्शक दस्ताबेज भएको उल्लेख गर्दै उनले यसको मुख्य जवाफदेहिता प्रधानमन्त्रीमै रहने बताइन्। प्रधानमन्त्रीको व्यस्तताका कारण अर्थमन्त्रीलाई ‘वारेस’ तोकिएको विषयप्रति आपत्ति जनाउँदै अर्यालले प्रधानमन्त्री काठमाडौँमै उपलब्ध रहेको र अन्य कार्यमा सक्रिय रहेको अवस्थामा संसदलाई समय नदिनु गैरजिम्मेवारी भएको तर्क गरिन्। एमालेले प्रधानमन्त्रीको उपस्थितिको सुनिश्चितता नभएसम्म संसदको कारबाही अघि बढ्न नदिने अडान लिएको छ। उपनेता अर्यालले प्रधानमन्त्रीले संसदप्रतिको उत्तरदायित्वलाई नजरअन्दाज गरेको आरोप लगाउँदै उनलाई आफ्नो जिम्मेवारीबोध गराउन यो कदम चालिएको स्पष्ट पारिन्। सद...

काठमाडौं । सर्वोच्च अदालतमा सुनुवाइका क्रममा अवाञ्छित गतिविधि गरेको आरोपमा रोशनी वादीलाई प्रहरीले नियन्त्रणमा लिएको छ। काठमाडौं प्रहरीका अनुसार उनलाई हाल सिंहदरबार प्रहरी वृत्तमा राखिएको छ। प्रहरी प्रवक्ता पवन भट्टराईले अदालतमा विचाराधीन मुद्दाको सुनुवाइ भइरहेका बेला इजलासभित्र हुलहुज्जतजन्य गतिविधि भएपछि नियन्त्रणमा लिनुपरेको जानकारी दिए। रोशनी वादी पछिल्लो समय प्रदर्शनरत चलचित्र ‘लाल बजार’ विरुद्ध आन्दोलन गर्दै आएकी छन्। उक्त चलचित्रले वादी समुदायका महिलाको छविमा नकारात्मक असर पारेको दाबी गर्दै उनले प्रदर्शन रोक्न माग गर्दै आएकी थिइन्। सोही विषयमा दायर गरिएको रिटमाथिको सुनुवाइका लागि उनी बुधबार सर्वोच्च अदालत पुगेकी थिइन्। सुनुवाइका क्रममा अवरोध सिर्जना भएपछि सुरक्षाकर्मीले उनलाई नियन्त्रणमा लिएको जनाइएको छ। यसअघि पनि उनी विभिन्न विरोध कार्यक्रममार्फत सार्वजनिक रूपमा सक्रिय र...

काठमाडौं । राष्ट्रियसभाका सांसदहरूले सुकुम्वासी समस्याको दीर्घकालीन समाधान खोज्न, मूल्यवृद्धि नियन्त्रण गर्न तथा स्वदेशमै रोजगारी सिर्जना गर्न सरकारको ध्यानाकर्षण गराएका छन्। राष्ट्रियसभाको आजको बैठकको शून्य समयमा सांसदहरूले जातीय विभेदका घटना न्यूनीकरण, रुग्ण उद्योग पुनः सञ्चालन तथा सुशासन कायम गर्न सरकारसँग आग्रह गरेका हुन्। सांसद कमला पन्तले गौरवको आयोजनाका रूपमा रहेको गोरखकाली रबर उद्योग पुनः सञ्चालनको तयारीबारे सरकारसँग जवाफ माग गरिन्। सांसद जयन्ती राईले अतिक्रमण हटाउने क्रममा विस्थापित भएका सुकुम्वासीहरूको उचित व्यवस्थापन गर्न आग्रह गरिन्। सांसद दुर्गा गुरुङले सुकुम्वासी समस्याको स्थायी समाधान आवश्यक रहेको बताइन् भने सांसद नरबहादुर विष्टले वैदेशिक रोजगारीमा निर्भरता घटाएर स्वदेशमै रोजगारी सिर्जना गर्ने योजना ल्याउन सरकारसँग माग गरे। सांसद नारायणदत्त मिश्रले नागरिक अधिकार ...