Author: Xpress Tv News Nepal

रामजी यादव, वीरगंज, ३ फागुन। सबैया साझेदारी वन उपभोक्ता समूहअन्तर्गत खुल्ला तथा मधेसी तर्फका सदस्यहरूको निर्वाचन आज सम्पन्न भएको छ। उक्त निर्वाचनमार्फत खुल्ला तर्फ सात जना र मधेसी तर्फ एक जना सदस्य चयन भएका हुन्। निर्वाचन परिणामअनुसार खुल्ला तर्फ सदस्यमा जगत नारायण यादवले ८१ मत, भैयाराम प्रसादले ७२ मत, रामअयोध्या राउत अहिरले ६३ मत, श्रवण साहले ४९ मत, राजिव कुमार सोनारले ४९ मत, सुरेश कुमारले ४१ मत तथा सुरज कुमार कुर्मीले ४१ मत प्राप्त गरी विजयी भएका छन्। त्यस्तै, मधेसी तर्फ मणिभूषण तिवारीले १२६ मत प्राप्त गर्दै विजयी भएको निर्वाचन अधिकृत रामनारायण कुर्मीले जानकारी दिनुभयो। खुल्ला सदस्यतर्फ सात पदका लागि ४० जनाको उम्मेदवारी परेको थियो भने मधेसी सदस्यतर्फ एक पदका लागि दुई जनाको उम्मेदवारी परेको थियो। यसअघि दलित, आदिवासी जनजाति तथा महिला तर्फका सदस्यहरू सहमतिमा गोला प्रथाबाट चयन गरिएका ...

इटहरी — नेकपा (एमाले) सुनसरीले इटहरी उपमहानगरपालिका–१७ का वडाध्यक्ष प्रभात आचार्यलाई पार्टीबाट निष्कासन गरेको छ । अन्य राजनीतिक दलबाट उम्मेदवार बनेका आफ्नै छोराको पक्षमा भोट मागेको र पार्टीको आधिकारिक उम्मेदवारविरुद्ध गतिविधि गरेको आरोपमा उनलाई कारबाही गरिएको एमालेले जनाएको छ । एमाले सुनसरीका अनुसार आचार्यलाई यसअघि पटक–पटक सचेत गरिए पनि उनले पार्टी अनुशासन र निर्देशनलाई बेवास्ता गर्दै गतिविधि जारी राखेका थिए । पार्टीको नीति, निर्णय र नेतृत्वविरुद्ध गएको ठहर गर्दै उनलाई साधारण सदस्यसमेत नरहने गरी निष्कासन गरिएको हो । आचार्य स्थानीय तह निर्वाचनका बेला माओवादी केन्द्र परित्याग गरी एमाले प्रवेश गरेका थिए । एमालेबाट निर्वाचित भई वडाध्यक्ष बनेका उनीमाथि पछिल्लो गतिविधिले पार्टीको अनुशासन उल्लंघन गरेको निष्कर्ष निकालिएको एमालेले जनाएको छ ।...

नेपाल आयल निगमले पेट्रोल, डिजेल र मट्टीतेलको मूल्य बढाएको छ । निगमले सोमबार बिहानदेखि लागू हुने गरी इन्धनको नयाँ मूल्य समायोजन गरेको जनाएको छ । निगमका अनुसार पेट्रोलको मूल्य प्रतिलिटर एक रुपैयाँले वृद्धि गरिएको छ भने डिजेल र मट्टीतेलको मूल्य प्रतिलिटर तीन रुपैयाँले बढाइएको छ । नयाँ मूल्यसूची लागू भएसँगै देशभरका पेट्रोल पम्पहरूमा समायोजित दरअनुसार इन्धन बिक्री वितरण सुरु गरिएको निगमले जनाएको छ ।...

  एक्सप्रेस टिभी न्युज नेपालको प्रथम वार्षिकोत्सव कार्यक्रम अत्यन्तै भव्य, सभ्य र गरिमामय वातावरणबीच सफलतापूर्वक सम्पन्न भएको छ । छोटो समयमै सञ्चार क्षेत्रमा आफ्नो छुट्टै पहिचान बनाउन सफल एक्सप्रेस टिभी न्युज नेपालको यो ऐतिहासिक अवसर उत्साह, सम्मान र आत्मीयताले भरिएको रह्यो । कार्यक्रममा टोखा नगरपालिकाका नगर प्रमुख प्रकाश अधिकारीज्यू प्रमुख अतिथिका रूपमा सहभागी भई कार्यक्रमको गरिमा बढाउनुभयो । त्यसैगरी जय दुर्गे काली सेवा केन्द्रकी अध्यक्ष सपना खड्गी ‘दुर्गे काली माता’, उपाध्यक्ष प्रविन घर्ति मगर गुरुज्यू, श्री मोहनीका महाराजा विनोद कार्की ज्यु, गोविन्द ढुंगाना खत्री ज्यु, सिमान्त केसी गुरु ज्यु, सरू माताज्यू, पूजा माताज्यू, टोखा नगरपालिका–११ का वडा अध्यक्ष घनश्याम खड्गी ज्यु, वडा नम्बर–८ का वडा अध्यक्ष रमेश खत्री ज्यु, वडा सदस्य अनुप राई ज्यु, मिठु नेपाली लगायत विशिष्ट व्यक्तित्वहर...

महाशिवरात्रिको पावन अवसरमा विश्व शान्ति, मानव कल्याण र धार्मिक सद्भावको कामना गर्दै दुर्गे काली माताद्वारा सवा लाख बत्ती प्रज्वलन कार्यक्रम सम्पन्न गरिएको छ । १०८ मन्दिरमा सवा लाख बत्ती बाल्ने धार्मिक अभियानअन्तर्गत नवौं चरणको कार्यक्रम गोदावरी नगरपालिका–१३ मा अवस्थित सन्तानेश्वर महादेव मन्दिर परिसरमा विधिवत् रूपमा सम्पन्न भएको हो । महाशिवरात्रि हिन्दु धर्मावलम्बीहरूको महान् पर्वका रूपमा मनाइने गरिन्छ । यस विशेष दिन भगवान शिवको आराधना, उपवास, रात्रि जागरण तथा दीप प्रज्वलन गरी श्रद्धाभक्तिपूर्वक पूजा गर्ने परम्परा छ । सोही अवसर पारेर आयोजित सवा लाख बत्ती प्रज्वलन कार्यक्रमले धार्मिक वातावरणलाई अझ भव्य र आध्यात्मिक बनाएको थियो । कार्यक्रममा वैदिक मन्त्रोच्चारण, शिव आरती, भजन–कीर्तन तथा विशेष पूजा अर्चना गरिएको थियो । स्थानीय भक्तजन, धर्मप्रेमी तथा विभिन्न स्थानबाट आएका श्रद्धालुहरूको उ...

नेकपा (एमाले)का अध्यक्ष केपी शर्मा ओली आफ्नै निर्वाचन क्षेत्रमा केन्द्रित भई मतदातासँग प्रत्यक्ष भेटघाटमा जुटेका छन्। यसअघि ओली मुख्यतः आमसभा र सिमित कार्यक्रममा मात्र देखा पर्दथे, तर हाल उनी घर–घर पुगेर मतदातासँग संवाद गर्ने कार्यमा सक्रिय देखिएका छन्। विश्लेषकहरूका अनुसार यो कदम केवल चुनावी रणनीति नभई राजनीतिक दबाब र आफ्नै क्षेत्रमा देखा परेका केही चुनौतीसँग पनि सम्बन्धित हुन सक्छ। गत माघ २३ गते झापा आएर सात दिनमा करिब ८० वटा गाउँ भ्रमण गरेका ओली आज पुनः झापा भ्रमणमा लाग्ने कार्यक्रम छ। उनी बिहान १०:२० बजे काठमाडौंबाट भद्रपुर विमानस्थल अवतरण गरी निर्वाचन क्षेत्रमा जानेछन्। आइतबार अध्यक्ष ओली शिक्षक भेला, धिमाल जाति समुदायको भेला र मुस्लिम समुदायसँगको भेलामा सहभागी हुनेछन्। त्यसपछि दमक–२ स्थित अस्थायी निवासमा क्षेत्रीय कार्यकर्ता र आम नागरिकसँग प्रत्यक्ष भेटघाट कार्यक्रम रहने नेकपा एमाल...

संसारका सृष्टिकर्ता, संहारकर्ता तथा करुणाका सागर भगवान महादेवको पावन आराधना गर्ने यस विशेष दिन महाशिवरात्रिको अवसरमा सम्पूर्ण श्रद्धालु भक्तजनहरूमा हार्दिक मंगलमय शुभकामना व्यक्त गर्दछु। भगवान पशुपतिनाथ मन्दिरका अधिपति महादेवले तपाईं र तपाईंको परिवारलाई सधैं रक्षा गरून्, जीवनमा सुख, शान्ति, समृद्धि, उत्तम स्वास्थ्य र दीर्घायु प्रदान गरून्। महादेवको दिव्य शक्तिले सबै दुःख, संकट र बाधाहरू हटाई जीवनलाई उज्यालो, सफल र मंगलमय बनाओस्। यस पावन रात्रीले हाम्रो मन, आत्मा र विचारलाई शुद्ध बनाई सत्य, धैर्य, सकारात्मकता र आध्यात्मिक शक्तितर्फ अघि बढ्न प्रेरणा प्रदान गरोस्। सच्चा श्रद्धा र विश्वासका साथ महादेवको स्मरण गर्दा जीवनमा नयाँ ऊर्जा, आशा र सफलताको मार्ग खुलोस्। ॐ नमः शिवाय। हर हर महादेव! 🙏...

पोखरामा कार फेवातालमा खस्दा एक युवकको मृत्यु भएको छ। आज बिहान करिब २ः१० बजे पोखरा महानगरपालिका–६ पामेस्थित गैराको चौतरा नजिक विएए १५८२ नम्बरको कार अनियन्त्रित भई तालमा खसेर दुर्घटना भएको हो। दुर्घटनामा स्याङ्जाको फेदीखोला गाउँपालिका–५ घर भई हाल पोखरा–७ मासबार बस्दै आएका २४ वर्षीय चालक अदित गुरुङको मृत्यु भएको सशस्त्र प्रहरी बल कालिका गणका गणपति सशस्त्र प्रहरी उपरीक्षक वसन्तबहादुर सिंहले जानकारी दिनुभयो। घटनाको खबर प्राप्त हुनासाथ सशस्त्र प्रहरी उपरीक्षक सिंहको नेतृत्वमा कालिका गणबाट गोताखोरसहित २१ जनाको टोली उद्धारका लागि खटिएको थियो। गोताखोर टोलीले अचेत अवस्थामा चालकलाई तालबाट बाहिर निकाली उपचारका लागि गण्डकी मेडिकल कलेज पुर्‍याए पनि चिकित्सकले मृत घोषणा गरेका थिए। दुर्घटनापछि प्रहरीले क्रेनको सहायताले कारलाई तालबाट बाहिर निकालेको छ भने सवारीसाधनलाई थप अनुसन्धानका लागि वडा प्रहरी...

काठमाडौं प्रवेश नाका नागढुङ्गामा प्रहरीले पेस्तोलसहित एक जनालाई पक्राउ गरेको छ। प्रहरी प्रभाग नागढुङ्गाबाट खटिएको टोलीले नियमित चेकजाँचका क्रममा चितवनबाट काठमाडौं आउँदै गरेको बा १९ च ६९० नम्बरको कार जाँच गर्दा हतियार बरामद गरेको हो। पक्राउ पर्नेमा ३० वर्षीय केयुर पुरी रहेका छन्। उनी कीर्तिपुर नगरपालिका निवासी भएको प्रहरीले जनाएको छ। प्रहरीका अनुसार पुरीको झोलाबाट ‘मेड इन अमेरिका’ लेखिएको एक थान पेस्तोल र सोही पेस्तोलमा प्रयोग हुने चार राउन्ड गोली फेला परेको हो। घटनाबारे थप अनुसन्धान भइरहेको प्रहरीले जनाएको छ।...

थाइल्याण्डस्थित टेर्डथाइ क्रिकेट मैदानमा टस हारेर पहिले ब्याटिङ गरेको पाकिस्तान ‘ए’ ले निर्धारित २० ओभरमा ६ विकेट गुमाउँदै १३७ रन बनाएको हो। पाकिस्तानका लागि कप्तान हफ्सा खालिदले अविजित ४० रन बनाइन्। त्यस्तै, वाहिदा अख्तरालले २३ रन, हुरैना सज्जादले १७ रन र शावल जुल्फिकारले १० रनको योगदान दिइन्। नेपालका तर्फबाट कविता कुँवरले २ विकेट लिइन् भने रिया शर्मा, मनीषा उपाध्याय, रुबिना क्षेत्री र सीता राना मगरले समान १–१ विकेट हात पारे।...