Author: Xpress Tv News Nepal

अभिनेत्री तथा सामाजिक अभियन्ता मायादेवी थामीलाई कला तथा सामाजिक क्षेत्रमा पुर्‍याएको योगदानको कदर गर्दै ‘International Excellence Award 2026 Nepal & International Summit’ मा ‘Guest of Honour’ का रूपमा सम्मान गरिएको छ। ABM Presents तथा Samari International Event Pvt. Ltd. को सहयोगमा आयोजित विशेष कार्यक्रममा थामीलाई कला क्षेत्रमा दिएको निरन्तर योगदान तथा सामाजिक सेवामार्फत समाजमा पुर्‍याएको सकारात्मक प्रभावको सम्मानस्वरूप विशेष अतिथिका रूपमा सहभागी गराइएको हो। कार्यक्रममा विभिन्न क्षेत्रका व्यक्तित्व, कलाकार, सामाजिक अभियन्ता तथा विशिष्ट अतिथिहरूको सहभागिता रहेको थियो। कला र मनोरञ्जनको क्षेत्रमा आफ्नो पहिचान स्थापित गर्नुका साथै सामाजिक गतिविधिमा समेत सक्रिय रहँदै आएकी थामीको योगदानलाई कार्यक्रममार्फत विशेष रूपमा सम्मान गरिएको आयोजकले जनाएको छ। थामीले आफूलाई ‘Guest of Honour’ का रू...

काठमाडौं । International Excellence Award 2026 बाट एक्सप्रेस टिभी न्युज नेपालका प्रबन्ध निर्देशक कुमार भट्टराई सम्मानित भएका छन्। विगत लामो समयदेखि सञ्चार क्षेत्रमा सक्रिय रहँदै समाज, संस्कृति, सनातन धर्म तथा धार्मिक सम्पदाको संरक्षण र प्रवर्द्धनमा पुर्‍याउँदै आएको योगदानको मूल्याङ्कन गर्दै भट्टराईलाई उक्त प्रतिष्ठित सम्मान प्रदान गरिएको आयोजकले जनाएको छ। विशेषगरी नेपालका विभिन्न स्थानमा रहेका मठ–मन्दिर, धार्मिक तथा सांस्कृतिक गतिविधिलाई निःस्वार्थ रूपमा सञ्चारमाध्यममार्फत उजागर गर्दै प्रचार–प्रसारमा पुर्‍याएको योगदानको कदरस्वरूप उनलाई यो अवार्ड प्रदान गरिएको बताइएको छ। सम्मान ग्रहण गर्दै भट्टराईले यो अवार्ड आफ्ना लागि व्यक्तिगत उपलब्धि मात्र नभई आगामी दिनमा अझ जिम्मेवार भएर सञ्चार क्षेत्रमा काम गर्ने प्रेरणा र हौसला भएको बताए। उनले सनातन धर्म, संस्कृति, धार्मिक सम्पदा तथा स...

काठमाडौं । भोटेकोशीमा बाढी आएको भोलिपल्टदेखि नै गायक दुर्गेश थापा नुवाकोटका बाढी प्रभावितको उद्धार तथा राहतमा सक्रिय रहँदै आएका छन्। सुरुवातमा उनले विदुरका बाढीपीडितलाई लत्ताकपडा वितरण गर्नुका साथै आफैं खाना पकाएर खुवाएका थिए। बाढीका कारण आसपासका पुलहरू बगाएपछि थापा गल्छीको बाटो हुँदै करिब ११ घण्टा घुमेर त्रिशूली नदीपारि रहेको कोलोनी क्षेत्रका पीडितसम्म पुगेका थिए। त्यहाँ पनि उनले आवश्यक राहत सामग्री वितरण गर्दै पीडितलाई सहयोग गरेका थिए। नुवाकोटमा नौ दिनसम्म राहत तथा उद्धारमा खटिएका थापा आज रसुवातर्फ लागेका छन्। रसुवाको कालिका गाउँपालिका–१, २ र ३ का बाढीपीडितका लागि अत्यावश्यक लत्ताकपडा, दाल, चामल तथा भाँडाकुँडालगायत सामग्री बोकेर उनी त्यसतर्फ गएका हुन्। थापाका अनुसार धेरै व्यक्तिले फोन तथा सन्देशमार्फत कालिका गाउँपालिकाका ती वडामा अझै राहत पर्याप्त रूपमा पुग्न नसकेको जानकारी गराएका थिए...

भोटेकोशी बाढीका क्रममा रसुवामा बेपत्ता भएका ६ जनालाई नेपाली सेनाको टोलीले जीवितै उद्धार गरेको छ। उद्धारसँगै विभिन्न जलविद्युत् आयोजनाका सुरुङमा फसेका तथा सम्पर्कविहीन व्यक्तिको खोजी कार्यलाई पनि सेनाले निरन्तरता दिएको छ। सैनिक मुख्यालयका अनुसार लाङटाङ हाइड्रोमा नेपाली तथा विदेशीसमेत गरी २५ सदस्यीय संयुक्त उद्धार टोलीले सुरुङभित्र करिब १५० मिटरसम्म प्रवेश गरी दुई स्थानमा साना प्वाल बनाएर खोजी गरिरहेको छ। चिलिमे हाइड्रोमा पनि खोज तथा उद्धार कार्य जारी रहेको छ। त्यस्तै, त्रिशूली–३ एमा ९३ सदस्यीय संयुक्त उद्धार टोलीले पाँचवटा स्काभेटर प्रयोग गरी सुरुङको आउटलेटमा थुप्रिएको लेदो र माटो हटाइरहेको छ। आउटलेटको मार्ग फराकिलो बनाउन क्राउन ब्लास्टिङ गरी सफा गर्ने कामसमेत अघि बढाइएको छ। त्रिशूली–३ बीमा पनि नेपाली सेना, गैरसैनिक टोली तथा आयोजनाका प्रबन्ध निर्देशकसहितको संयुक्त टोलीले आयोजनाको कार्याल...

राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाहीले सुरुङभित्र फसेका व्यक्तिको अवस्थाबारे सरकारसँग प्रश्न गरेका छन्। उनले सरकारले अनुमति दिए आफू अझै पनि जीवित व्यक्तिलाई संसद्मा ल्याएर उभ्याउन सक्ने दाबी गरे। शाहीका अनुसार जुम्लाका पाँच जना व्यक्ति सुरुङभित्रबाट जीवितै बाहिर आएका छन्। उनीहरूसँग सुरुङभित्रको वास्तविक अवस्था, भोग्नुपरेको कठिनाइ र त्यहाँ रहेका अन्य व्यक्तिको अवस्थाबारे सरकारले एकपटक पनि जानकारी नलिएको भन्दै उनले प्रश्न उठाएका छन्।...

नुवाकोटका बाढी प्रभावित नागरिकका लागि श्री श्री श्री महागुरु दिव्य सिद्धि पुरुष जगद्गुरु महाराज शिव शक्ति बाबाले करिब १ लाख ८० हजार रुपैयाँ बराबरको राहत सामग्री तथा नगद सहयोग गर्नुभएको छ। भदौ १५ गते काठमाडौँबाट राहत सामग्री आफैँ लिएर नुवाकोटको विदुर पुग्नुभएका बाबाले बाढीबाट प्रभावित परिवारलाई खाद्यान्न तथा आवश्यक सामग्रीसहित नगद सहयोगसमेत वितरण गर्नुभएको थियो। कठिन परिस्थितिमा रहेका नागरिकलाई तत्काल राहत पुगोस् भन्ने उद्देश्यले उहाँले व्यक्तिगत रूपमा प्रभावित क्षेत्रमा पुगेर सहयोग गर्नुभएको हो। उहाँले उपलब्ध गराउनुभएको राहत सामग्रीमा चामल, चिउरा, भुजा, दालबुट, भुजिया, फुरुती, पानीलगायत विभिन्न खाद्यान्न तथा आवश्यक सामग्री रहेका थिए। साथै, प्रभावित केही नागरिकलाई व्यक्तिगत रूपमा नगद सहयोगसमेत प्रदान गरिएको थियो। बाढी र पहिरोका कारण प्रभावित नागरिकहरू समस्यामा परिरहेका बेला गरिएको यो स...

काठमाडौँबाट राहत सामग्री आफैँ लिएर नुवाकोट पुगेका शिव शक्ति बाबाद्वारा खाद्यान्न तथा नगद सहयोग नुवाकोटमा बाढीबाट प्रभावित नागरिकहरूलाई राहत पुर्‍याउने उद्देश्यले श्री श्री श्री महागुरु दिव्य सिद्धि पुरुष जगद्गुरु महाराज शिव शक्ति बाबाले १ लाख ८० हजार रुपैयाँ को राहत सामग्री सहयोग गर्नुभएको छ। भदौ १५ गते काठमाडौँबाट राहत सामग्री आफैँ लोड गरी शिव शक्ति बाबा नुवाकोटको विदुर नगरपालिका पुग्नुभएको थियो। उहाँले बाढी प्रभावित परिवारहरूलाई खाद्यान्न सामग्रीसहित नगद सहयोगसमेत वितरण गर्नुभएको हो। शिव शक्ति बाबाले उपलब्ध गराउनुभएको राहतमा ५० बोरा चामल, चिउरा, भुजा, दालबुट, भुजिया, फुरुती, रेडबुल, पानीलगायत विभिन्न खाद्यान्न तथा आवश्यक सामग्री रहेका थिए। उक्त खाद्यान्न तथा अन्य राहत सामग्रीको मूल्य करिब १ लाख ५० हजार रुपैयाँ रहेको बताइएको छ। त्यसैगरी, राहत सामग्री प्रभावित क्षेत्रमा पुर्‍याउन ग...

कोशी प्रदेश, मोरङको लेटाङमा बस्दै आउनुभएका जगद्गुरु शिव शक्ति बाबा बाढी तथा प्राकृतिक विपद्बाट प्रभावित परिवारलाई राहत वितरण गर्न भोलि नुवाकोट जाने हुनुभएको छ। बाढीपीडितको तत्कालीन आवश्यकतालाई मध्यनजर गर्दै शिव शक्ति बाबाको पहलमा १ लाख २० हजार रुपैयाँभन्दा बढी मूल्य बराबरका विभिन्न खाद्यान्न तथा राहत सामग्री संकलन गरिएको छ। उक्त राहत सामग्रीमा ५० बोरा चामल, भुजा, चिउरा, पानी, चाउचाउ, दाल, बुट लगायतका खाद्यान्न सामग्री समावेश छन्। विपद्को कठिन समयमा प्रभावित परिवारलाई केही राहत पुगोस् भन्ने उद्देश्यले सामग्री लिएर नुवाकोट जान लागिएको जनाइएको छ। बाढीका कारण घरबार तथा दैनिक जीवन प्रभावित भएका स्थानीयलाई आवश्यकताअनुसार राहत सामग्री वितरण गरिनेछ। मानवीय सेवाको भावनासहित प्रभावित समुदायको साथमा उभिँदै राहत वितरण गर्न लागिएको हो। विपद्को समयमा एकअर्कालाई सहयोग गर्दै पीडित परिवारको दुःखमा स...

नेपालमा प्रकृतिले उग्र रूप लिँदा आएको शक्तिशाली बाढीले आसपासका बस्ती तथा संरचनामा ठूलो क्षति पुर्‍याएको छ। बाढीको तीव्र बहावले धेरै घर तथा भौतिक संरचना प्रभावित भइरहेका बेला एउटा घर भने आश्चर्यजनक रूपमा सुरक्षित रहेको दृश्यले सबैको ध्यान तानेको छ। चारैतिर बाढीको भेल र जोखिमपूर्ण अवस्था रहे पनि उक्त घर भने आफ्नो ठाउँमा मजबुत रूपमा उभिएको देखिन्छ। घरभित्र रहेका मानिसहरू बाल्कोनीमा बसेर सुरक्षित रहेको दृश्यसमेत सार्वजनिक भएको छ। यति ठूलो र शक्तिशाली बाढीको सामना गर्दा पनि संरचनामा ठूलो क्षति नदेखिएपछि यसको निर्माण गुणस्तरबारे चर्चा सुरु भएको हो। यदि उक्त घरले वास्तवमै बाढीको यति ठूलो बहावलाई सामना गर्दै सुरक्षित रूपमा उभिन सफल भएको पुष्टि भएमा यसको डिजाइन तथा निर्माणमा संलग्न इन्जिनियर र ठेकेदारको काम प्रशंसनीय हुने भन्दै अन्तर्राष्ट्रिय सञ्चारमाध्यमहरूले समेत यस घटनालाई चासोका साथ उल्लेख ग...

बाढीका कारण लेदो र माटोले पुरिएको त्रिशूली–३ ‘ए’ जलविद्युत् आयोजनाको सुरुङमा उद्धार कार्य तीव्र पारिएको छ। सुरुङमा जमेको लेदो हटाउँदै ड्रिलिङमार्फत उद्धारको बाटो खोल्ने प्रयास भइरहेको छ। उद्धारका क्रममा सुरुङको माथिल्लो भागमा रहेको ‘क्राउन’ पहिचान गर्न टोली सफल भएको छ। क्राउन पहिचान भएपछि ड्रिलिङबाट बनाइएको प्वालमार्फत सुरुङभित्र क्यामेरा र अक्सिजन पठाउने तयारी भइरहेको छ। क्यामेरामार्फत सुरुङभित्रको वास्तविक अवस्था पत्ता लगाउने तथा सम्भावित रूपमा भित्र रहेका व्यक्तिसम्म अक्सिजन पुर्‍याउने प्रयास भइरहेको छ। साथै, सुरुङभित्र थुप्रिएको लेदो हटाउने कामलाई पनि सँगसँगै अघि बढाइएको छ। प्रतिकूल मौसम, लेदो र कठिन भौगोलिक अवस्थाका बीच प्राविधिक तथा सुरक्षाकर्मीको टोलीले उद्धार कार्यलाई निरन्तरता दिइरहेको छ। सम्भावित रूपमा सुरुङभित्र फसेकाहरूको उद्धारका लागि टोलीले उपलब्ध सबै उपाय अपनाएर काम गरिरह...