बागमती

मकवानपुर, माघ २५ गते । हेटौँडास्थित आन्तरिक राजस्व कार्यालयले गत महिनामा ८० करोड आठ लाख ९९ हजार रुपैयाँ राजस्व सङ्कलन गरेको जनाएको छ। कार्यालयका अनुसार चालु आर्थिक वर्ष २०८२/८३ को पहिलो छ महिनामा कुल तीन अर्ब २७ करोड ९२ लाख ३२ हजार रुपैयाँ राजस्व सङ्कलन गरिएको छ, जुन अघिल्लो आर्थिक वर्षको सोही अवधिको तुलनामा आठ करोड ८६ लाख १० हजार रुपैयाँले बढी हो। उक्त अवधिमा अन्तःशुल्कबाट एक अर्ब ८८ करोड ६४ लाख ८७ हजार, आयकरबाट ५९ करोड ३२ लाख ७१ हजार, मूल्य अभिवृद्धि कर (भ्याट) बाट ४६ करोड ७१ लाख ३० हजार, स्वास्थ्य जोखिम करबाट २७ करोड ७३ लाख दुई हजार, ब्याजबाट तीन करोड ६९ लाख ४७ हजार तथा बहाल करबाट ८१ लाख २६ हजार रुपैयाँ राजस्व सङ्कलन भएको कार्यालय प्रमुख युक्तप्रसाद सुवेदीले जानकारी दिनुभयो। गत आर्थिक वर्षको सोही अवधिमा तीन अर्ब १९ करोड छ लाख २२ हजार रुपैयाँ राजस्व सङ्कलन भएको थियो। हाल कार्यालयमा आय...

बैतडीमा ईभी हाइस दुर्घटना हुँदा चालकको मृत्यु भएको छ। दोगडाकेदार गाउँपालिका–३ खोचलेकबाट कालागाउँतर्फ जाँदै गरेको सुपप्र ०२००१ ज ०६२४ नम्बरको ईभी हाइस शनिबार राति सिल्लेगडा–बडिया सडकखण्ड अन्तर्गत घोडेधार नजिक दुर्घटनामा परेको हो। दुर्घटनाका बेला गाडीमा चालक दोगडाकेदार गाउँपालिका–५ का मदन ठगुन्ना मात्रै सवार रहेका थिए। दुर्घटनामा गम्भीर घाइते भएका ठगुन्नाको उपचारका क्रममा डडेल्धुरा अस्पतालमा मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक बलदेव बडूले जानकारी दिएका छन्। प्रहरीका अनुसार हाइस सडकबाट करिब २५० मिटर तल खसेको थियो। घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ।...

काठमाडौं । काठमाडौँ उपत्यका खानेपानी लिमिटेड (कुकुल) ले भुक्तानी प्रणालीलाई पूर्ण रूपमा डिजिटल र स्वचालित बनाउन नेपाल क्लियरिङ हाउस लिमिटेड (एनसिएचएल) सँग सम्झौता गरेको छ। यससँगै कुकुलले एनसिएचएलका विभिन्न डिजिटल भुक्तानी प्रणालीमार्फत भुक्तानी संकलन तथा वितरण कार्य सुरु गरेको जनाएको छ। सम्झौतापत्रमा कुकुलका कार्यकारी निर्देशक अशोक कुमार पौडेल र एनसिएचएलका प्रमुख कार्यकारी अधिकृत नीलेश मान सिंह प्रधानले हस्ताक्षर गरेका छन्। सम्झौतापछि कुकुलको प्रणालीलाई राष्ट्रिय भुक्तानी अन्तरापृष्ठसँग जोडिएको छ, जसबाट तलब, आपूर्तिकर्ता भुक्तानी, राजस्व तथा विभिन्न कोषसम्बन्धी रकम सिधै बैंक खातामा जम्मा गर्न सकिनेछ। कुकुलले सेवा प्रवाहलाई थप प्रभावकारी, पारदर्शी र सहज बनाउन डिजिटल भुक्तानी प्रणाली विस्तार गर्ने योजना अघि बढाएको जनाएको छ।...

        रामजी यादव २४ माघ, वीरगंज (पर्सा) जनता समाजवादी पार्टी (जसपा) नेपालले पर्सा निर्वाचन क्षेत्र नं. १ मा आगामी प्रतिनिधिसभा निर्वाचनलाई लक्षित गर्दै घरदैलो अभियानलाई पहिलो प्राथमिकतामा राखेको जनाएको छ। पार्टीका तर्फबाट प्रतिनिधिसभा सदस्य पदका उम्मेदवार रामनरेश यादवले जनताको समस्या बुझ्न र प्रत्यक्ष संवाद स्थापित गर्न घरदैलो कार्यक्रमलाई तीव्रता दिएका हुन्। उम्मेदवार यादवले चुनावी अभियानका क्रममा क्षेत्रका विभिन्न बस्ती र टोलमा पुगेर स्थानीय बासिन्दासँग भेटघाट गर्दै उनीहरूको दुःख, सुख र समस्याबारे जानकारी लिइरहेका छन्। उनले जनताको समस्या नै आफ्नो समस्या भएको उल्लेख गर्दै समाधानका लागि आफू प्रतिबद्ध रहेको बताएका छन्। घरदैलो अभियानले मतदातासँग नजिकको सम्बन्ध स्थापित गर्नुका साथै जनविश्वास जित्न महत्वपूर्ण भूमिका खेलेको उनले बताए। अभियानका क्रममा उम्मेदवार यादवले युवापुस्...

काठमाडौं । धार्मिक आस्था, आध्यात्मिक जागरण तथा सनातन संस्कृतिको संरक्षण गर्ने उद्देश्यले काठमाडौंको रत्नपार्कस्थित शान्तिबाटिकामा श्री अष्टलक्ष्मी साधना तथा श्रीमद्भागवत सप्ताह ज्ञान महायज्ञ आयोजना हुने भएको छ। पूर्व बनझाक्री गुरु गोबिन्द ढुंगाना खत्रीको आयोजनामा हुने उक्त महायज्ञ  २०८२ साल माघ २४ गतेदेखि फागुन ३ गतेसम्म सञ्चालन हुने आयोजकले जानकारी दिएका छन्। महायज्ञको औपचारिक शुभारम्भको पूर्वसन्ध्यामा आज भव्य कलश यात्रा सम्पन्न गरिएको छ। धार्मिक विधि–विधानअनुसार श्रद्धालु भक्तजनहरूको सहभागितामा सुरु भएको कलश यात्रा रानीपोखरीबाट प्रारम्भ भई रत्नपार्क हुँदै शान्तिबाटिकामा पुगेर समापन गरिएको थियो। परम्परागत बाजागाजा, वैदिक मन्त्र उच्चारण तथा भक्तजनहरूको जयघोषले वातावरण पूर्ण रूपमा भक्तिमय बनेको थियो। यस यात्राले महायज्ञको आध्यात्मिक महत्वलाई थप उजागर गर्नुका साथै सम्पूर्ण क्षेत्रलाई धार्मि...

काठमाडौं । प्रधानमन्त्री सुशीला कार्कीले नेपाली चलचित्रका लोकप्रिय अभिनेता सुनिल थापाको असामयिक निधनप्रति गहिरो दुःख व्यक्त गरेकी छन्। उनले थापाको निधनले नेपाली मात्र नभई भारतीय चलचित्र क्षेत्रले समेत एक बहुमुखी प्रतिभा सम्पन्न कलाकार गुमाएको उल्लेख गरेकी छन्। प्रधानमन्त्री कार्कीले ‘चिनो’ चलचित्रका राते काइँलादेखि ‘मेरी कोम’का प्रशिक्षकसम्म थापाले निर्वाह गरेका खलनायक र सहनायकका सशक्त भूमिकाले दर्शकको मन जित्न सफल भएको बताएकी छन्। उनका अनुसार थापाले अभिनयमार्फत चलचित्र क्षेत्रमा विशिष्ट योगदान पुर्‍याएका थिए। शोक सन्देश जारी गर्दै प्रधानमन्त्रीले थापाले जीवन्त बनाएका पात्रहरू दर्शकको स्मृतिमा सधैं अमर रहने उल्लेख गरेकी छन्। उनले चार दशकभन्दा बढी समयसम्म गरेको समर्पण, साधना र योगदान भावी पुस्ताका कलाकारका लागि प्रेरणाको स्रोत बन्ने विश्वास व्यक्त गरेकी छन्। प्रधानमन्त्री कार्कीले ...

काठमाडौं – आगामी फागुन २१ गते हुने प्रतिनिधिसभा सदस्य निर्वाचनलाई लक्षित गर्दै नेपाल–भारत सीमा नाका मतदानभन्दा ७२ घण्टा अगावै बन्द गरिने निर्णय गरिएको छ। यो निर्णय मोरङको विराटनगरमा माघ २३ गते सम्पन्न सशस्त्र प्रहरी बल नेपाल र भारतीय सशस्त्र सीमा बल (एसएसबी)बीच भएको १६औँ डीआईजीस्तरीय समन्वय बैठकले गरेको हो। सशस्त्र प्रहरी बलका प्रवक्ता सशस्त्र प्रहरी नायब महानिरीक्षक विष्णुप्रसाद भट्टका अनुसार निर्वाचन अवधिमा सीमा सुरक्षा कडा पार्दै अवाञ्छित गतिविधि नियन्त्रण गर्न सीमा नाका अस्थायी रूपमा बन्द गरिनेछ। बैठकमा सीमा सुरक्षा सुदृढीकरण, सूचनाको आदानप्रदान, तेस्रो मुलुकका नागरिकको अवैध प्रवेश नियन्त्रण, मानव बेचबिखन, नक्कली मुद्रा, हातहतियार तथा लागुऔषध ओसारपसार रोकथामलगायत विषयमा विस्तृत छलफल भएको थियो। साथै, सीमा स्तम्भ संरक्षण, संयुक्त गस्ती सञ्चालन, यात्रु सहजीकरण, विपद् उद्धार अभ्यास त...

झापा – नेकपा (एमाले)का अध्यक्ष केपी शर्मा ओली आफ्नो निर्वाचन क्षेत्र झापा–५मा एक साता बस्ने कार्यक्रमसहित आइपुगेका छन्। आज चन्द्रगढी विमानस्थलमा उत्रिएपछि उनी बिर्तामोड हुँदै निर्वाचन क्षेत्र–५ पुगेका थिए। उनी विमानस्थलमा प्रतिनिधि सभाका निवर्तमान सभामुख देवराज घिमिरे लगायत एमालेका नेताहरू र कार्यकर्ताहरूले स्वागत गरेका थिए। सञ्चारकर्मीहरूसँग संक्षिप्त कुरा गर्दै अध्यक्ष ओलीले झापामा भइरहेको निर्वाचन तयारीबारे सुझाव मागे। अध्यक्ष ओलीले शान्ति सुरक्षाको अवस्था र निर्वाचन वातावरणबारे पत्रकारहरूको प्रतिक्रिया सुनेपछि कार्यकर्ताहरुलाई अपिल गर्दै भने, “देश अहिले विषम परिस्थितिमा छ। देशलाई जोगाउन आवश्यक छ कि झापा एमालेमय र समग्र देश एमालेमय बनोस्।” उनले यसपटक झापालाई आफूले ‘ओलीमय’ बनाउने दाबी पनि गरे। एमाले अध्यक्ष ओली यसअघि माघ ५ गते प्रतिनिधि सभा निर्वाचनको मनोनयन दर्ता गराउन झापा आएका थिए ...

रौतहट क्षेत्र नम्बर २ का राष्ट्रिय स्वतन्त्र पार्टी (रास्वपा) का उम्मेदवार शेख सगिर आलमको प्रचारमा प्रयोग भएको बा १५ च ४२४४ नम्बरको कारको ठक्करबाट ४ वर्षीया बालिका अल्फा खातुनको मृत्यु भएको छ। बिहीबार दिउँसो ईशनाथ नगरपालिका–४ मठियाटोल निवासी मोहम्मद सगिरकी छोरी अल्फा खातुनलाई उक्त कारले ठक्कर दिएको थियो। घटनापछि गम्भीर घाइते बालिकालाई स्थानीयले तत्काल उपचारका लागि गौरस्थित सिटी अस्पताल पुर्‍याएका थिए। तर उपचारकै क्रममा उनको मृत्यु भएको प्रहरीले जनाएको छ। दुर्घटनालगत्तै चालक फरार भए पनि करिब ४ घण्टापछि प्रहरीले उनलाई नियन्त्रणमा लिएको थियो। कार चालक परोहा नगरपालिका–३ निवासी मुस्ताक आलमविरुद्ध सवारी ज्यान मुद्दा दर्ता गरी अनुसन्धानका लागि शुक्रबार जिल्ला अदालतबाट म्याद थपिएको जिल्ला प्रहरी कार्यालय रौतहटले जनाएको छ। घटनास्थल नजिकको मस्जिदमा जडान गरिएको सिसिटीभी फुटेज प्रहरीले बरामद गरी...

प्रेस काउन्सिल नेपालले निरन्तर ५० वर्षसम्म प्रकाशन हुँदै आएका पत्रपत्रिकालाई ‘प्रेस काउन्सिल सम्मान’ प्रदान गर्ने निर्णय गरेको छ। धादिङको सल्यानटारमा माघ १७ गते बसेको काउन्सिलको बोर्ड बैठकले यस्तो निर्णय गरेको हो। काउन्सिलले बिहीबार जारी गरेको विज्ञप्तिमा यसअघि प्रदान गरिँदै आएका पुरस्कारलाई अझ पारदर्शी, व्यवस्थित र प्रभावकारी बनाउन सम्बन्धित कार्यविधिमा सुधार तथा परिमार्जन गर्ने निर्णयसमेत गरिएको उल्लेख छ। त्यसैगरी, निर्वाचन आचारसंहिता जागरण अभियान धादिङबाट शुभारम्भ गर्ने निर्णय गरिएको काउन्सिलले जनाएको छ। अभियानअन्तर्गत पहिलो चरणमा सातै प्रदेशका प्रमुख सहरमा निर्वाचन आचारसंहिता र मिडियाको भूमिकासम्बन्धी कार्यक्रम सञ्चालन गरिनेछ। पत्रकार आचारसंहिताको अनुगमनलाई थप प्रभावकारी बनाउने निर्णयसमेत बैठकले गरेको छ। साथै, आगामी फागुन २१ गते हुने प्रतिनिधिसभा सदस्य निर्वाचन स्वतन्त्र, स्वच...