सुरक्षा

गृहमन्त्री सुदन गुरुङ ले सशस्त्र प्रहरी बलका प्रमुख राजु अर्याल सँगको छलफलमा बालबालिकालाई सानै उमेरदेखि जीवनोपयोगी सीप विकास गराउने उद्देश्यले विद्यालय पाठ्यक्रममा विपद् उद्धारसम्बन्धी कार्यक्रम समावेश गर्ने पहल सुरु भएको जानकारी दिएका छन्। यस कार्यक्रमका लागि सशस्त्र प्रहरी बल (एपीएफ) लाई आवश्यक तयारी अघि बढाउन निर्देशन दिइएको छ। गुरुङले शिक्षा मन्त्रालयसँग समन्वय गरी कार्यक्रम कार्यान्वयन गर्ने योजना अघि सारेका छन्। कार्यक्रमले बालबालिकालाई प्राकृतिक विपद्का समयमा सुरक्षित रहने तरिका, प्राथमिक उद्धार सीप तथा सचेतनामूलक ज्ञान प्रदान गर्ने लक्ष्य राखेको छ। यसमार्फत विद्यार्थीहरूलाई व्यवहारिक ज्ञानसहित आपत्कालीन अवस्थाको सामना गर्न सक्षम बनाउने अपेक्षा गरिएको छ। संबन्धित निकायहरूबीच आवश्यक सहकार्य गरी परियोजनालाई प्रभावकारी रूपमा कार्यान्वयन गरिने जनाइएको छ।...

पर्सा जिल्लाको जिराभवानी गाउँपालिका–४ स्थित पशु बजारबाट सशस्त्र प्रहरी बलको टोलीले २१८ किलो गाँजासहित एक ट्रयाक्टर नियन्त्रणमा लिएको छ। सुपौलिबाट जगरनाथपुरतर्फ जाँदै गरेको मे १ त ५७१४ नम्बरको ट्रयाक्टरमा परालले छोपेर ल्याइँदै गरेको २२ वटा पोकामा रहेको गाँजा सशस्त्र प्रहरी बल नेपाल नं. १३ गण पर्साले बरामद गरेको हो। गाँजा ल्याउने व्यक्ति तथा ट्रयाक्टर चालक गस्तीमा रहेका सशस्त्र प्रहरीलाई टाढैबाट देख्नासाथ ट्रयाक्टर र गाँजा सोही स्थानमा छाडेर फरार भएका थिए। बरामद गाँजा र ट्रयाक्टर आवश्यक कारबाहीका लागि सम्बन्धित निकायमा बुझाइएको छ।...

पेट्रोलियम पाइपलाइन प्रयोग नगरी ट्यांकरमार्फत पेट्रोल ढुवानी गरिएको घटनामा अख्तियार दुरुपयोग अनुसन्धान आयोगले विस्तृत अनुसन्धान गर्ने भएको छ। प्रारम्भिक अनुसन्धानमा शून्य लागतमा पाइपलाइनबाट ढुवानी गर्न सकिने पेट्रोल मासिक करिब पाँच करोड रुपैयाँ खर्चेर ट्यांकरमार्फत ल्याइएको देखिएको छ। अख्तियार स्रोतका अनुसार पाइपलाइन उपलब्ध हुँदाहुँदै पनि एक सय चार ट्यांकरमार्फत पेट्रोल ढुवानी गर्दा नेपाल आयल निगमलाई ठूलो आर्थिक भार परेको प्रारम्भिक निष्कर्ष निकालिएको छ। अब आयोगले अनुसन्धान अधिकृत तोकेर सम्बन्धित अधिकारीसँग बयान लिने र थप छानबिन अघि बढाउने तयारी गरेको छ। एक वर्षमा मात्रै ढुवानी भाडाबापत करिब ६० करोड रुपैयाँ खर्च भएको देखिएपछि अख्तियार यस विषयमा सक्रिय भएको हो। पाइपलाइनको सट्टा ट्यांकर प्रयोग गर्दा केही कर्मचारीले कमिसन लिएको हुन सक्ने आशंकासमेत गरिएको छ।...

गृहमन्त्री ओमप्रकाश अर्यालसहित उच्च अधिकारीहरूको टोलीले काठमाडौं उपत्यकाका विभिन्न मतदान स्थलको अनुगमन गरेका छन्। उनीहरूमध्ये गृह सचिव राजकुमार श्रेष्ठ, सुरक्षा निकाय प्रमुख र गृहमन्त्रालयका अन्य उच्च अधिकारीहरू सहभागी थिए। मन्त्री अर्यालले प्रतिनिधिसभा सदस्य निर्वाचनअन्तर्गत ललितपुर क्षेत्र नं ३ मा मतदान गरेलगत्तै काठमाडौं र ललितपुरका मतदान स्थलको निरीक्षण तथा अनुगमन गरेका हुन्। उनले मतदातासँग प्रत्यक्ष संवाद गर्दै मतदान स्थलको अवस्था सम्बन्धमा जानकारी लिएका थिए। अनुगमनको क्रममा सानेपास्थित टीका विद्याश्रम मावि, तारकेश्वरको नागर्जुन मावि, पृथ्वीनारायण मावि, बालुवाटारको श्री पञ्चकन्या आधारभूत विद्यालय र सशस्त्र प्रहरी बलको मुख्यालयमा रहेको केन्द्रीय निर्वाचन सेल निरीक्षण गरिएको थियो। टोलीमा प्रहरी महानिरीक्षक दानबहादुर कार्की, सशस्त्र प्रहरी महानिरीक्षक राजु अर्याल, राष्ट्रिय अनुस...

सर्लाहीको बलरा नगरपालिकाको एउटा मतदान केन्द्रमा प्रतिनिधि समूहबीच विवाद भएपछि ढुंगामुढा हुँदा रोकिएको मतदान प्रक्रिया पुनः सुचारु भएको छ। बिहानैदेखि विवाद सुरु भएको उक्त केन्द्रमा कांग्रेस र रास्वपा कार्यकर्ताबीच मतदाता भिडभाड र झगडा भएपछि एक घण्टा बढी मतदान स्थगित गरिएको थियो। अहिले प्रमुख जिल्ला अधिकारीसहित सबै सुरक्षा निकायका अधिकारी त्यहाँ पुगेका छन् र मतदान प्रक्रिया सुरक्षित बनाउन सक्रिय छन्। उक्त मतदान केन्द्रमा करिब एक हजार तीन जना मतदाता रहेका छन्। सुरक्षाको दृष्टिले आवश्यक कदम उठाइएका कारण मतदाताहरूले ढुक्कसाथ मतदान गर्न सक्ने व्यवस्था गरिएको छ। प्रहरीले मतदान गरिसकेका व्यक्तिहरूलाई केन्द्र वरिपरि भीड नगर्न पनि अनुरोध गरेको छ।...

सिरहा सदरमुकामस्थित कारागारभित्र एक थान कटुवा पेस्तोल र दुई थान गोली बरामद भएपछि नाइकेसहित १३ जनालाई नियन्त्रणमा लिइएको छ। जिल्ला सुरक्षा समितिले गरेको विशेष अनुगमनका क्रममा ‘नाइके’ इन्द्रजित यादवको साथबाट हतियार फेला परेको हो। प्रमुख जिल्ला अधिकारी सुरेन्द्र पौडेलका अनुसार आइतबार यादवको समूहले अन्य १० जना कैदीबन्दीलाई कुटपिट गरी कारागारबाट बाहिर निकाल्न खोजेको थियो। गोप्य सूचनाका आधारमा सोमबार कारागारभित्र खानतलासी गर्दा हतियार बरामद भएको हो। घटनामा संलग्न नाइके यादवसहित १३ जनालाई कारागारबाट प्रहरीले झिकेर हिरासतमा राखेको छ। अधिकारीले भने, ‘उनीहरूलाई अन्यत्र कारागारमा स्थानान्तरण गर्ने तयारी भइरहेको छ।’ नाइके यादव पक्राउ भएपछि उनका समर्थकहरूले कारागारभित्र नाराबाजी, आगजनी र तोडफोडसमेत गरेका थिए। प्रशासनले सुरक्षा सतर्कता कडा पारेको छ। १५० जनाको क्षमताको कारागारमा हाल ४३७ जना कैदी...

      प्रतिनिधिसभा निर्वाचन नजिकिँदै: आजदेखि चारवटै सुरक्षा निकाय संयुक्त रूपमा परिचालन काठमाडौं । आगामी फागुन २१ गते हुने प्रतिनिधिसभा निर्वाचनका लागि अब २९ दिन मात्र बाँकी रहँदा देशभर चुनावी सरगर्मी बढ्दै गएको छ। राजनीतिक दलहरूले मतदाता केन्द्रित कार्यक्रम र प्रचार–प्रसारलाई तीव्र बनाइरहेका छन्। निर्वाचनलाई शान्तिपूर्ण, निष्पक्ष र सुरक्षित रूपमा सम्पन्न गर्न एकीकृत सुरक्षा योजना २०८२ अनुसार आजदेखि नेपाली सेनाको संयोजनमा चारवटै सुरक्षा निकाय परिचालनमा आएका छन्। सुरक्षा योजनाअनुसार नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धान विभागबीच समन्वय गर्दै संवेदनशील क्षेत्र पहिचान, सुरक्षा घेरा मजबुत बनाउने तथा सम्भावित जोखिम न्यूनीकरणमा विशेष ध्यान दिइने जनाइएको छ। निर्वाचन आयोगसँगको सहकार्यमा मतदान केन्द्र, उम्मेदवार, चुनावी कार्यक्रम तथा...

पाकिस्तानले भारतविरूद्ध जबाफी कारबाही सुरू भएको दाबी गरेको छ। पाकिस्तानबाट प्रकाशित हुने पत्रिका डनका अनुसार पाकिस्तानले भारतले चलाएको ‘अपरेसन सिन्दुर’ को जबाफमा अपरेसन ‘बनयान उल मर्सुस’ चलाएको हो। पाकिस्तानी सरकारको एक्स ह्याण्डलबाट पनि उक्त अपरेसन चलाइएको भनेर सार्वजनिक गरिएको छ। यो अपरेसबाट भारतीय हमलाको जबाफस्वरूप उनीहरुको सैन्य अड्डामा हमला गरिने भनेर संघीय सरकारले विज्ञप्ति जारी गरेको पनि डनले उल्लेख गरेको छ। यी कारबाहीहरू भारतले हाम्रो मातृभूमि, जनता र सार्वभौमसत्तामाथि आक्रमण गरेको जबाफमा गरिँदैछ भनेर सरकारले जारी गरेको विज्ञप्तीमा उल्लेख गरिएको पनि पाकिस्तानी सञ्चारमाध्यमहरुले जनाएका छन्। गएराति पाकिस्तानी वायु सेनाका तीन एयरबेसमा भारतले क्षेप्यास्र प्रहार गरेको पनि विज्ञप्तीमा उल्लेख छ। डनले पाकिस्तानको सरकारी मिडियालाई उद्धृत गर्दै अपरेसन बन्यान उन मर्सुसबाट आक...

काठमाडौं। भारतमा अध्ययनरत प्रकृति लम्सालको रहस्यमय मृत्युपछि कलेज प्रशासनले होस्टेलमा रहेका अन्य ७ सय बढी नेपाली विद्यार्थीमाथि भएको धरपकडविरुद्ध काठमाडौंमा प्रदर्शन भएको छ । नेकपा (एमाले) निकट विद्यार्थी संगठन अखिल नेपाल स्वतन्त्र विद्यार्थी युनियन (अनेरास्वविय)० ले भारतको ओडिसास्थित छात्रावासमा नेपाली छात्रा प्रकृति लम्सालको निधनको घटनामा न्याय माग्दै लैनचौरस्थित भारतीय दूतावासअगाडि प्रदर्शन गरेको हो ।प्रदर्शनका क्रममा अनेरास्ववियुका अध्यक्ष समिक बडालले नेपाली विद्यार्थीको सुरक्षाको प्रत्याभूति गर्न भारत सरकारसमक्ष माग गरे ।आफूहरूले शान्तिपूर्ण प्रदर्शनमार्फत् उठाएका माग पूरा नगरे देशव्यापी दबाब सिर्जना गर्न बाध्य हुने उनले बताए । प्रकृति लम्सालको लागि न्याय माग्दै सामाजिक सञ्जालमा ह्यासट्यागसमेत चलाउने जानकारी बडालले दिएका छन् ।  ...

धादिङ। धादिङमा यात्रुवाहक बस दुर्घटना भएको छ। आइतबार राति भएको दुर्घटनामा एक जनाको मृत्यु भएको र २३ जना घाइते रहेको प्रहरीले जानकारी दिएको छ। प्रहरीकाअनुसार सोमबार राति भक्तपुरबाट चितवनको देवघाट जाँदै गरेको बा ३ ख ८९२३ नम्बरको बस धादिङको थाक्रे गाउँपालिका वडा नम्बर ७ स्थित पृथ्वी राजमार्गमा दुर्घटना भएको हो। बस आफै अनियन्त्रित भई सडकछेउमा पल्टिएको प्रहरीले जानकारी दिएको छ। दुर्घटनामा दोलखा भीरकोटकी ५० वर्षीया पार्वती काफ्लेको निधन भएको प्रहरीले बताएको छ। दुर्घटनामा गम्भीर घाइते भई उपचारका लागि महाराजगञ्जस्थित नेपाल प्रहरी अस्पताल पुर्‍याइएकामा उनको आइतबार राति नै उनको निधन भएको हो। दुर्घटनामा घाइते भएकामध्ये ५ जनाको बाँसबारीस्थित न्युरो अस्पतालमा उपचार भइरहेको छ। ९ जनाको प्रहरी अस्पताल र  ८ जनाको ट्रमा सेन्टरमा उपचार भइरहेको छ। दोलखा घर भएका बस चालक जीतबहादुर मगरको भने साइबाबा अस्...