आजको विशेष

इटहरी । कोशी प्रदेशमा नक्कली नम्बर प्लेट जडान गरी सवारी सञ्चालन गर्ने प्रवृत्ति अझै सक्रिय रहेको संकेत देखिएको छ। इटहरी क्षेत्रमा प्रहरीले चार वटा सवारी नियन्त्रणमा लिएको छ। राजमार्ग सुरक्षा तथा ट्राफिक व्यवस्थापन कार्यालय इटहरीको संयुक्त चेकिङ अभियानका क्रममा ती सवारी विभिन्न स्थानबाट फेला परेका हुन्। विशेष सूचनाका आधारमा गरिएको निगरानीका क्रममा टाटा पन्च, महेन्द्रा बोलेरो पिकअप, हुण्डाईको निजी कार र भारतीय मारुती सुजुकी कार बरामद गरिएको प्रहरीले जनाएको छ। प्रारम्भिक जाँचमै ती सवारीमा आवश्यक कागजात अभावसँगै नक्कली नेपाली नम्बर प्लेट प्रयोग गरिएको पुष्टि भएपछि थप अनुसन्धानका लागि भन्सार कार्यालयमा बुझाइएको छ। प्रहरीका अनुसार एउटा सवारी इटहरी चौकबाट फेला परेको हो भने अर्को लौकही क्षेत्रबाट बरामद गरिएको हो। त्यस्तै, बिर्तामोड र चन्द्रगढी क्षेत्रबाट समेत सवारी फेला परेका छन्। सबै सवारी ...

काठमाडौं, २७ चैत । प्रधानमन्त्री बालेन शाह नेतृत्वको १६ सदस्यीय मन्त्रिपरिषद्‌मा महिला मन्त्रीको संख्या ६ पुगेको छ। गत चैत १३ गते गठन भएको नयाँ सरकारमा कानुन, न्याय तथा संसदीय मामिला मन्त्रीमा सोविता गौतम, कृषि तथा पशुपन्छी विकास मन्त्रीमा गीता चौधरी, महिला, बालबालिका तथा ज्येष्ठ नागरिक मन्त्रीमा सीता वादी र स्वास्थ्य तथा जनसंख्या मन्त्रीमा निशा मेहेता नियुक्त भएका थिए। आजै प्रधानमन्त्रीको सिफारिसमा उद्योग, वाणिज्य तथा आपूर्ति मन्त्रीमा गौरीकुमारी यादव नियुक्त भएकी छन्। नेपालको संविधानले राज्यका निकायमा कम्तीमा ३३ प्रतिशत महिला सहभागिता सुनिश्चित गरेको छ। हाल सरकारमा ३७ प्रतिशतभन्दा बढी महिला प्रतिनिधित्व रहेको छ।...

काठमाडौं । नेपाली कांग्रेसका नेता तथा तत्कालीन गृहमन्त्री रमेश लेखक ले पूर्वन्यायाधीश गौरीबहादुर कार्की नेतृत्वको जाँचबुझ आयोगको प्रतिवेदन ‘पूर्वाग्रही’ भएको टिप्पणी गरेका छन्। उनले उक्त प्रतिवेदन पूर्वाग्रही, प्रतिशोधपूर्ण, अपूर्ण र अप्रमाणित भएको दाबी गर्दै त्यसकै आधारमा आफूलाई फौजदारी अभियोग लगाई १३ दिनसम्म नियन्त्रणमा राखिएको आरोप लगाएका छन्। “गत भाद्र २३ र २४ गतेको घटनासम्बन्धी आयोगको पूर्वाग्रही, प्रतिशोधपूर्ण, अपूर्ण र अप्रमाणित प्रतिवेदनका आधारमा फौजदारी अभियोग लगाई १३ दिनसम्म नियन्त्रणमा राखिए पनि अन्ततः म रिहा भएको छु,” उनले शुक्रबार बिहान सामाजिक सञ्जालमा लेखेका छन्। उनका अनुसार उनले कानुनको पालना र न्यायप्रति विश्वास राखेका छन्। “बाँकी कानुनी र राजनीतिक लडाइँ जारी रहनेछ,” उनले भनेका छन्। कार्की आयोगको प्रतिवेदनका आधारमा यही चैत १४ गते भक्तपुरको कटुन्जेस्थित निवासबाट उनलाई प...

प्रतिनिधिसभा सदस्य तथा श्रम संस्कृति पार्टीका संसदीय दलका नेता हर्कराज राई (हर्क साम्पाङ)ले आगामी आर्थिक वर्ष २०८३/८४ को बजेटमा सुनसरी क्षेत्र नं. १ का महत्वपूर्ण योजनाहरू समावेश गर्न प्रधानमन्त्रीलाई पत्रमार्फत आग्रह गरेका छन्। उनले सुनसरी क्षेत्र नं. १ का जनताले लामो समयदेखि भोग्दै आएका आधारभूत समस्याहरू समाधान गर्न बजेटको ‘रातो किताब’मा विशेष प्राथमिकता दिनुपर्ने उल्लेख गर्दै ३७ बुँदे मागपत्र पेश गरेका हुन्। मागपत्रमा धरानको दीर्घकालीन खानेपानी समस्या समाधानका लागि सप्तकोशी–धरान खानेपानी आयोजनालाई मुख्य प्राथमिकतामा राख्न माग गरिएको छ। आगामी ३० वर्षसम्मको आवश्यकता ध्यानमा राख्दै धरानका विभिन्न वडामा पर्याप्त खानेपानी आपूर्ति सुनिश्चित गर्नुपर्ने उनको भनाइ छ। यसैगरी, धरान–२० को स्वाराँ, बराहक्षेत्र र रामधुनी नगरपालिकामा भूमिगत पानी निकालेर व्यवस्थित ओभरहेड ट्याङ्क निर्माण गरी खा...

ललितपुरको पाटनस्थित कृष्ण मन्दिर परिसरमा भएको दुःखद घटनाको सुरुवात सामान्य ‘रङ नम्बर’बाट भएको प्रहरीले जनाएको छ। बुधबार साँझ इमाडोल बस्ने सुमित नेम्बाङ र उनका भाइ सिर्जन नेम्बाङले कसैलाई फोन गर्ने क्रममा नम्बर नमिल्दा झुक्किएर सञ्जीव नेपालीको मोबाइलमा फोन पुगेको थियो। सुरुमा सामान्य कुराकानी भए पनि केहीबेरमै दुवै पक्षबीच भनाभन सुरु भई विवाद चर्किएको थियो। फोनमै एक–अर्कालाई चुनौती दिने अवस्था आएपछि सञ्जीवले उनीहरूलाई पाटन आउन भनेका थिए। त्यसपछि दाजुभाइ पाटन पुगेका थिए। भेट भएपछि सामान्य भनाभन झगडामा परिणत भयो। सोही क्रममा मासु पसलमा काम गर्ने सञ्जीवले आफूसँगै रहेको मासु काट्ने चक्कु निकालेर दुवै दाजुभाइमाथि अन्धाधुन्ध प्रहार गरेका थिए। गम्भीर घाइते भएका उनीहरूलाई तत्काल अस्पताल लगिए पनि उपचारकै क्रममा दुवैको ज्यान गएको प्रहरीले जनाएको छ। घटनापछि फरार हुने प्रयास गरिरहेका मुख्य अ...

सट्टेबाजी सञ्चालन गरेको आरोपमा प्रहरीले ९ जनालाई पक्राउ गरेको छ। ललितपुरको हात्तीवनस्थित सिटी स्केप अपार्टमेन्टबाट सट्टेबाजी खेलाइरहेको अवस्थामा उनीहरूलाई पक्राउ गरिएको हो। काठमाडौं उपत्यका अपराध अनुसन्धान कार्यालयका एसपी मनोहर भट्टका अनुसार पक्राउ पर्नेहरूमा तीन जना भारतीय नागरिकसमेत रहेका छन्। प्रहरीका अनुसार उक्त समूहले ३१ करोड २४ लाख ३४ हजार ९२० रुपैयाँ बराबरको कारोबार गरेको पाइएको छ। पक्राउ पर्ने भारतीय नागरिकहरूमा चेतन यादव, आशिष शर्मा र रौनक सिंह रहेका छन्। त्यसैगरी नेपाली नागरिकहरू सुजन दवाडी, निरोज राना, आशिष रेग्मी, हार्दिक पोखरेल, सुरेश पराजुली र योगेन्द्र कुँवरलाई पनि प्रहरीले पक्राउ गरेको जनाएको छ। उनीहरूबाट ८ वटा ल्यापटप, २४ वटा मोबाइल फोन, ३१ वटा सिम कार्ड र ३ वटा क्याल्कुलेटर बरामद गरिएको प्रहरीले जनाएको छ।...

घुस लिएको आरोपमा चिकित्सा विज्ञान राष्ट्रिय प्रतिष्ठानअन्तर्गत वीर अस्पतालका लेखा अधिकृत ढुण्डीराज दाहालविरुद्ध भ्रष्टाचार मुद्दा दायर गरिएको छ। अख्तियार दुरुपयोग अनुसन्धान आयोगले दाहालविरुद्ध बुधबार विशेष अदालत, काठमाडौंमा मुद्दा दायर गरेको आयोगका सहायक प्रवक्ता गणेशबहादुर अधिकारीले जानकारी दिएका छन्। आयोगका अनुसार उनले ९३ हजार ८५० रुपैयाँ घुस लिएको आरोप छ। विभिन्न सप्लायर्स कम्पनी तथा ठेकेदारहरूलाई नियमानुसार भुक्तानी गर्नुपर्ने बिल रकम पास गर्दा घुस लिएको सूचनाका आधारमा अख्तियारले उनलाई नियन्त्रणमा लिएको थियो। पक्राउ पर्दा उनीसँगबाट १ लाख २० हजार ८५० रुपैयाँ बरामद गरिएको थियो। अनुसन्धानका क्रममा ९३ हजार ८५० रुपैयाँ घुस लिएको पुष्टि भएको अख्तियारको दाबी छ। आयोगले सोही बराबरको बिगो कायम गरी कारबाहीको माग गर्दै आरोपपत्र दायर गरेको जनाएको छ।...

काठमाडौँ — ईशान बाल तथा महिला अस्पतालले विश्व बाल शल्यचिकित्सा दिवस (पेडियाट्रिक सर्जरी डे) मनाएको छ। टोखा–५ धापासीस्थित अस्पतालमा मंगलबार उक्त दिवस विविध कार्यक्रमसहित मनाइएको हो। अस्पतालका कार्यकारी निर्देशक प्रा.डा. रामनन्दन प्रसाद चौधरीका अनुसार कार्यक्रममा बाल शल्यचिकित्सासम्बन्धी विषयमा विस्तृत छलफल गरिएको थियो। बालबालिकाको शल्यक्रिया गर्दा चिकित्सक अन्तर्राष्ट्रिय स्तरबारे जानकार हुनुपर्ने, अस्पताल पनि सोही स्तरको हुनुपर्ने र शल्यक्रिया अनिवार्य रूपमा बाल शल्यचिकित्सकबाटै गरिनुपर्ने विषयमा जोड दिइएको थियो। छलफलमा अस्पतालका चिकित्सक, स्वास्थ्यकर्मी तथा स्थानीयको सहभागिता रहेको थियो। यस्ता जनचेतनामूलक कार्यक्रमले अभिभावकलाई बालबालिकाको स्वास्थ्यसम्बन्धी निर्णय लिन सहज बनाउने कार्यकारी निर्देशक चौधरीले बताए। वि.सं. २०५२ मा स्थापना भएको ईशान अस्पताल नेपालकै पहिलो गैरसरकारी बाल ...

काठमाडौँ — प्रधानमन्त्री कप एकदिवसीय क्रिकेट प्रतियोगिताअन्तर्गत आज (चैत २५) दुई खेल हुँदैछन्। पहिलो खेलमा वाग्मती प्रदेश र कोसी प्रदेशबीच प्रतिस्पर्धा हुनेछ। वाग्मती प्रदेश तेस्रो जितको खोजीमा मैदान उत्रनेछ। हाल तालिकाको सातौँ स्थानमा रहेको वाग्मतीले ६ खेलमा दुई जित र चार हारसहित ४ अंक जोडेको छ। कोसी प्रदेश भने पहिलो जित निकाल्ने लक्ष्यमा छ। तालिकाको पुछारमा रहेको कोसीले ६ खेलमा पाँच हार व्यहोर्दै १ अंक मात्र जोडेको छ भने एक खेल रद्द भएको थियो। यी दुई टोलीबीचको खेल जनकपुरस्थित रामजानकी बहुद्देश्यीय रंगशालामा बिहान ९:३० बजे सुरु हुनेछ। आजै हुने दोस्रो खेलमा गण्डकी प्रदेशले मधेस प्रदेशको सामना गर्नेछ। गण्डकी प्रदेश तेस्रो जितको खोजीमा हुनेछ। तालिकाको छैटौँ स्थानमा रहेको गण्डकीले ६ खेलमा दुई जित, तीन हार र एक खेल रद्द हुँदा ५ अंक जोडेको छ। मधेस प्रदेश भने चौथो जित निकाल्ने ...

काठमाडौँ — प्रधानमन्त्री बालेन्द्र शाह ‘बालेन’ले कूटनीतिक भेटघाटमा नयाँ अभ्यास सुरु गरेका छन्। पदभार सम्हालेको १० दिनपछि आज उनले नेपालस्थित विभिन्न देशका राजदूतहरूसँग एकैसाथ भेट गर्ने कार्यक्रम तय गरेका छन्। परराष्ट्रमन्त्री शिशिर खनालसहित हुने उक्त सामूहिक भेटले वर्षौँदेखि चल्दै आएको पुरानो चलनलाई तोडेको छ। सामान्यतया नयाँ प्रधानमन्त्री नियुक्त भएपछि राजदूतहरूले पालैपालो छुट्टाछुट्टै भेट्ने प्रचलन थियो। तर, बालेनले सुरुमै सबैलाई सँगै भेटेर कूटनीतिक संवादलाई थप पारदर्शी र व्यवस्थित बनाउन पहल गरेका छन्। यो कदमले समयको बचत मात्र गरेको छैन, सबै देशप्रति समान व्यवहार गर्ने सरकारको स्पष्ट नीतिलाई पनि झल्काएको छ। कुनै एक देशलाई बढी र अर्कोलाई कम महत्त्व दिनुभन्दा सबैलाई समान रूपमा व्यवहार गर्ने सन्देश यसबाट प्रवाह भएको छ। व्यक्तिगत र गोप्य भेटघाटभन्दा सामूहिक र पारदर्शी छलफललाई प्राथमिक...