Author: Xpress Tv News Nepal

काठमाडौँ । Delhi Capitals ले जारी Indian Premier League (आईपीएल) मा Rajasthan Royals लाई पराजित गरेको छ । गएराति सम्पन्न खेलमा दिल्लीले राजस्थानलाई ७ विकेटले हराएको हो। राजस्थानले दिएको २२६ रनको लक्ष्य पछ्याएको दिल्लीले १९.१ ओभरमा ३ विकेट गुमाउँदै लक्ष्य पूरा गरेको थियो। दिल्लीको जितमा केएल राहुलले सर्वाधिक ७५ रन बनाए भने पाथुम निसान्काले ६२ रनको योगदान दिए। त्यस्तै नितिश रानाले ३३ तथा आशुतोष शर्माले २५ रन जोडे। यसअघि टस जितेर पहिले ब्याटिङ गरेको राजस्थानले कप्तान रियान परागको ९० रन, डोनोभान फरेराको अविजित ४७ तथा ध्रुव जुरेलको ४२ रनको मद्दतमा २० ओभरमा ६ विकेट गुमाउँदै २२५ रन बनाएको थियो। यो दिल्लीको ९ खेलमा चौथो जित हो। यससँगै दिल्ली ८ अंकसहित छैटौँ स्थानमा उक्लिएको छ। त्यस्तै राजस्थान १० खेलमा १२ अंकसहित चौथो स्थानमा कायम रहेको छ। जारी आईपीएल अन्तर्गत आज Chennai Super Kings र Mumbai ...

काठमाडौं। नेपाल भ्रमणमा रहेका संयुक्त राज्य अमेरिकाका दक्षिण तथा मध्य एसियाका लागि विशेषदूत Sergio Gor ले बिहीबार नेपाल सरकारका परराष्ट्रमन्त्री र अर्थमन्त्रीसँग छुट्टाछुट्टै शिष्टाचार भेटवार्ता गरेका छन्। काठमाडौं आगमनलगत्तै भएका यी उच्चस्तरीय भेटघाटहरूमा नेपाल–अमेरिका सम्बन्धलाई थप सुदृढ बनाउने, आर्थिक सहकार्य विस्तार गर्ने तथा लगानी र व्यापार प्रवर्द्धनका नयाँ अवसर पहिल्याउने विषयमा विस्तृत छलफल भएको हो। परराष्ट्र मन्त्रालयमा भएको भेटमा परराष्ट्रमन्त्री Shishir Khanal र विशेषदूत गोरबीच नेपाल–अमेरिका सम्बन्धका विविध पक्षलाई समयानुकूल रूपमा अझ प्रभावकारी बनाउने विषयमा कुराकानी भएको मन्त्रालयले जनाएको छ। भेटमा दुई देशबीचको कूटनीतिक सम्बन्धलाई अझ सुदृढ गर्दै द्विपक्षीय लगानी प्रवर्द्धन गर्ने र व्यापार विस्तारका सम्भावनाहरूलाई अघि बढाउने विषयमा जोड दिइएको थियो। मन्त्री खनालले नेप...

काठमाडौं– ICC Cricket World Cup League 2 अन्तर्गतको त्रिकोणात्मक शृङ्खलामा नेपालले संयुक्त अरब इमिरेट्स (युएई)लाई २९० रनको लक्ष्य दिएको छ। Tribhuvan University International Cricket Ground मा टस जितेर पहिले ब्याटिङ गरेको नेपालले निर्धारित ५० ओभरमा ७ विकेट गुमाउँदै २८९ रन बनायो। नेपालका लागि Dipendra Singh Airee ले उत्कृष्ट प्रदर्शन गर्दै ९४ बलमा १३ चौका र १ छक्कासहित १०० रनको शतक बनाए। उनी अन्तिम बलमा रनआउट भए। मध्यक्रममा Gulshan Jha ले ३८ बलमा ४४ रन जोडे। ओपनर Binod Bhandari ले ७९ बलमा ५६ रन बनाउँदा कप्तान Rohit Paudel ले ४८ बलमा ३९ रनको योगदान दिए। Arjun Kumal ले ११ रन बनाउँदा Bhim Sharki शून्यमै आउट भए। Aarif Sheikh ले ११ रन थपे। सुरुआती दबाबपछि ऐरी र भण्डारीबीचको महत्वपूर्ण साझेदारीले नेपालको इनिङ्स सम्हालेको थियो। युएईका लागि Junaid Siddique र Aayan Khan ले समान २–२ विक...

सुदूरपश्चिम प्रदेशका स्थानीय तहमा खटाइएका दुई उपसचिवले राजीनामा दिएका छन्। डडेल्धुरा र बाजुराका स्थानीय तहमा खटाइएका नवराज ओझा र भोजबहादुर ऐडीले पदबाट राजीनामा दिएका हुन्। डडेल्धुराको अमरगढी नगरपालिकामा प्रमुख प्रशासकीय अधिकृतका रूपमा सरुवा गरिएका नवराज ओझाले स्वास्थ्य अवस्था र व्यक्तिगत कारण देखाउँदै प्रमुख सचिव वैकुण्ठप्रसाद अर्याललाई राजीनामा बुझाएका छन्। मुख्यमन्त्री तथा मन्त्रिपरिषद् कार्यालयमा प्रवक्ता समेत रहेका ओझाको सेवा अवधि करिब एक वर्ष मात्र बाँकी रहेको बताइएको छ। यस्तै, बाजुराको बुढीगंगा नगरपालिकामा खटाइएका उपसचिव भोजबहादुर ऐडीले संघीय मामिला तथा सामान्य प्रशासन मन्त्रालयमा पुगेर राजीनामा दिएका छन्। उनलाई २०८२ पुसमा नै उक्त पालिकामा खटाइएको भए पनि असहजता र दुर्गम क्षेत्रमा पुनः खटाइएपछि उनले पद छाडेको बुझिएको छ। यस घटनाले स्थानीय तहमा कर्मचारी व्यवस्थापन र सरुवा प्रणा...

काठमाडौँ । काठमाडौँ जिल्ला अदालतले सामाजिक सञ्जालमार्फत महान्यायाधिवक्ता र महान्यायाधिवक्ता कार्यालयको मानमर्दन हुने अभिव्यक्ति दिएको आरोपमा पक्राउ परेका युवराज पौडेल (सफल)लाई ५० हजार रुपैयाँ धरौटीमा रिहा गर्न आदेश दिएको छ। जिल्ला न्यायाधीश कौशलेश्वर ज्ञवालीको इजलासले सो आदेश दिएको हो। उनी यसअघि हाजिरी जमानीमा रिहा भएका थिए। आजको थुनछेक आदेशपछि अदालतले धरौटी बुझाएर तारेखमा रही मुद्दाको पुर्पक्ष गर्न निर्देशन दिएको छ। धरौटी बुझाउन नसके उनलाई थुनामा पठाइने अदालतले जनाएको छ। पौडेलमाथि विद्युतीय कारोबार ऐन, २०६३ अन्तर्गत मुद्दा दायर गरिएको हो। अदालतमा उनले गल्ती स्वीकार गर्दै माफी मागेको तथा केही विवादित भिडियो हटाइसकेको विवरणसमेत उल्लेख गरिएको छ। मुद्दाको अन्तिम फैसला नभएसम्म उनी तारेखमा रहेर कानुनी प्रक्रिया अघि बढाउनेछन्।...

सुर्खेत । नेपाली कम्युनिस्ट पार्टी (नेकपा)का संयोजक पुष्पकमल दाहाल ले बालेन शाह नेतृत्वको वर्तमान सरकार निरङ्कुशताको दिशातर्फ उन्मुख भएको आरोप लगाएका छन्। बिहीबार रुकुम पश्चिमको सदरमुकाममा आयोजित पत्रकार सम्मेलनमा उनले ट्रेड युनियन र विद्यार्थी सङ्गठन खारेज गर्ने तयारी भइरहेको भन्दै सरकारको कदमप्रति असन्तुष्टि जनाए। साथै, अध्यादेश ल्याउने प्रक्रियाबारे पनि उनले आलोचना गरे। उनले भने, ‘सदनलाई छल्दै अध्यादेश ल्याउने र बोलाइसकेको अधिवेशन स्थगित गर्ने कार्य लोकतन्त्र र संसदीय अभ्यासविपरीत हो। यस्तो प्रवृत्तिबाट सरकार सचेत हुनुपर्छ, अन्यथा यो संविधानको मर्मविपरीत हुनेछ।’ प्रचण्डले सुकुमबासी समस्याबारे पनि धारणा राख्दै वैकल्पिक व्यवस्था नगरी बल प्रयोग गरिएकोप्रति आपत्ति जनाए। ‘सुकुमबासीले अतिक्रमण गरेका भए पनि उनीहरूको वास्तविक अवस्था बुझेर उचित छानबिन हुनुपर्थ्यो,’ उनले भने, ‘तर सरकारले हतारम...

नेपालगन्ज । बाँकेको नेपालगन्ज उपमहानगरपालिका–१३ लालापुरुवा क्षेत्रमा अवैध रूपमा भारतबाट ल्याइएका कुखुराका चल्ला बरामद गरिएको छ। जिल्ला प्रहरी कार्यालयका अनुसार अन्दाजी रु ५ लाख १६ हजार ८०० मूल्य बराबरका ५ हजार ४४० थान चल्ला नियन्त्रणमा लिइएको हो। बरामद गरिएका चल्लालाई पशु क्वारेन्टाइन कार्यालय, नेपालगन्ज पठाइएकोमा सबै चल्ला नष्ट गरिएको कार्यालय प्रमुख डा. हरेराम यादवले जानकारी दिए। उनका अनुसार कडाइका बाबजुद पनि खुला सीमाको फाइदा उठाउँदै बाँके र बर्दियाका विभिन्न नाकाबाट कुखुराका चल्ला तथा कुखुराको अवैध आयात भइरहेको छ। यसरी भारतबाट कुखुरा अवैध रूपमा भित्र्याउनु दण्डनीय अपराध भएकाले सतर्क रहन उनले सबैमा आग्रह गरेका छन्।...

१६ वैशाख, काठमाडौं । सरकारले विश्वविद्यालयका वर्तमान पदाधिकारीहरूलाई हटाउन सक्ने प्रावधानसहित राष्ट्रपतिसमक्ष अध्यादेश सिफारिस गरेको छ। बुधबार राष्ट्रपति कार्यालयमा पठाइएका तीन अध्यादेशमध्ये ‘विश्वविद्यालय सम्बन्धी केही नेपाल ऐन संशोधन अध्यादेश’ पनि समावेश छ। उक्त अध्यादेशमार्फत विश्वविद्यालयसम्बन्धी विभिन्न ऐनका प्रावधान संशोधन गर्ने तयारी गरिएको छ। सरकारी स्रोतका अनुसार अध्यादेशमा पदाधिकारीहरूको पदावधिसम्बन्धी व्यवस्था नै हटाइएको छ। हालका ऐनअनुसार विश्वविद्यालयका पदाधिकारीहरूको कार्यकाल ४ वर्ष हुने प्रावधान रहे पनि सो व्यवस्था हटाउन खोजिएको हो। पदावधि सम्बन्धी स्पष्ट समयसीमा उल्लेख नगरिएकाले हाल कार्यरत पदाधिकारीहरूलाई आवश्यक परे सरकारले जुनसुकै बेला हटाउन सक्ने अवस्था सिर्जना हुन सक्छ। विश्वविद्यालयहरूमा उपकुलपति, रेक्टर र रजिस्ट्रार नियुक्त हुने व्यवस्था छ भने कुलपति प्रधान...

  काठमाडौं । टोखा नगरपालिका वडा ८ को आयोजनामा सञ्चालन गरिएको ७ दिने निःशुल्क सेल्फ मेकअप तालिम सफलतापूर्वक सम्पन्न भएको छ। स्थानीय महिलाहरू तथा युवतीहरूलाई सीपमूलक दक्षता अभिवृद्धि गरी आत्मनिर्भर बनाउने उद्देश्यका साथ सञ्चालन गरिएको उक्त तालिम प्रमाण पत्र सहित वितरण गर्दै समापन गरिएको हो। समापन समारोहमा वडा सदस्य अनुप राई ज्यु प्रमुख अतिथिका रूपमा उपस्थित थिए। साथै वडा सदस्य मिठु नेपाली, वडा सचिव दिनेश सापकोटा, समाजसेवी बिदुर राना मगर लगायतको सहभागिता रहेको थियो। कार्यक्रममा तालिममा सहभागी विभिन्न प्रशिक्षार्थीहरूको उल्लेखनीय उपस्थिति थियो। तालिम अवधिभर सहभागीहरूलाई आधारभूतदेखि उन्नत स्तरसम्मका सेल्फ मेकअप सीपहरू व्यवहारिक रूपमा सिकाइएको थियो। यसले सहभागीहरूलाई व्यक्तिगत साजसज्जामा दक्ष बनाउनुका साथै भविष्यमा पेशागत रूपमा समेत अघि बढ्न प्रेरणा मिल्ने विश्वास गरिएको छ। क...

काठमाडौं । प्रहरीले ३९ वर्षीय सन्तोष रानाभाटलाई ३८औँ पटक पक्राउ गरेको छ। उपत्यका अपराध अनुसन्धान कार्यालय, टेकुले तनहुँ ऋषिङ गाउँपालिका–५ रामजाकोट घर भएका रानाभाटलाई चोरी कसुरमा मंगलबार पक्राउ गरेको हो। कार्यालयका एसपी रमेश्वर कार्कीका अनुसार पक्राउ परेका रानाभाटको साथबाट ८८० ग्राम सुनका गरगहना, ३१७ ग्राम चाँदीका गहना, १९ थान धातुका सिक्का, पाँच थान विभिन्न कम्पनीका घडी, दुई थान मोबाइल, साथै खुकुरी र फलामको रड बरामद गरिएको छ। वैशाख १४ गते काठमाडौंको टोखा–जागरण टोलस्थित एक घरमा भएको चोरी घटनाको अनुसन्धानका क्रममा उनको संलग्नता खुलेपछि उनलाई नियन्त्रणमा लिइएको प्रहरीले जनाएको छ। थप अनुसन्धानका क्रममा उनले चैत ११ गते सचेतना मार्ग र वैशाख ८ गते कालोपुल क्षेत्रमा पनि चोरी गरेको खुलेको छ। प्रहरीका अनुसार रानाभाट ‘पेसेवर चोर’ हुन् र प्रायः एक्लै चोरी गर्ने गरेको देखिएको छ। उनी पैदल हिँडे...