Author: Xpress Tv News Nepal

काठमाडौं । राष्ट्रिय स्वतन्त्र पार्टी (रास्वपा)ले जिल्ला अधिवेशनको तयारीलाई तीव्रता दिँदै देशभरका ७७ वटै जिल्लामा निर्वाचन समिति गठन गरेको छ। केन्द्रीय निर्वाचन आयोगका प्रमुख भुवन केसीका अनुसार शनिबार र आइतबार हुने जिल्ला अधिवेशनका लागि प्रत्येक जिल्लामा तीन सदस्यीय निर्वाचन समिति गठन गरिएको हो। उनले सबै जिल्लामा निर्वाचन समिति परिचालन भइसकेको र महाधिवेशनको कार्यतालिकाअनुसार अधिवेशनसम्बन्धी कामहरू अगाडि बढिरहेको जानकारी दिए। उनका अनुसार समितिले जिल्लास्तरीय अधिवेशन सम्पन्न गराएर प्रतिवेदन केन्द्रमा बुझाउनेछ। केही स्थानीय तहमा परेको उजुरीका कारण बागमती र मधेश प्रदेशका केही पालिकामा अधिवेशन स्थगित गरिएको छ भने कतिपय स्थानमा पुनः निर्वाचन गराउन निर्देशन दिइएको केसीले बताए। रास्वपाको विद्यमान विधानअनुसार जिल्ला समितिमा एक सभापति, एक उपसभापति, एक सचिव, एक सहसचिव तथा पाँच जना समावेशी...

राजस्व छलीको आशङ्कामा विभिन्न स्थानबाट नियन्त्रणमा लिइएका ७७९ वटा विद्युतीय सवारीसाधनबारे विस्तृत अनुसन्धान गर्न सरकारले संयुक्त छानबिन समिति गठन गरेको छ। प्रधानमन्त्री तथा मन्त्रिपरिषद्को कार्यालयको निर्देशनमा अर्थ मन्त्रालय, भन्सार विभाग, नेपाल प्रहरी तथा सशस्त्र प्रहरी बलका प्रतिनिधि सम्मिलित समिति गठन गरिएको हो। प्रधानमन्त्री बालेन शाहकी प्रेस तथा अनुसन्धान विज्ञ दिपा दाहालका अनुसार सरकार सुशासन र राजस्व संरक्षणप्रति संवेदनशील रहेकाले तत्काल समिति गठन गरी आवश्यक कानुनी प्रक्रिया अघि बढाइएको हो। समितिले सवारीसाधन नियन्त्रणमा लिइएका स्थानमै पुगेर तीव्र गतिमा अनुसन्धान सुरु गरिसकेको उनले बताइन्। दाहालका अनुसार सवारीसाधनको संख्या धेरै भएकाले भन्सार तथा राजस्वसँग सम्बन्धित कागजातहरूको सूक्ष्म परीक्षण र प्रमाणीकरण गर्न केही समय लाग्न सक्छ। छानबिन सम्पन्न नभएसम्म धैर्य र विश्वास कायम...

सिरहा । माध्यमिक शिक्षा परीक्षा (एसईई)का क्रममा चिट चोर्न प्रयोग गरिएको आरोपमा बरामद गरिएका ४९६ वटा मोबाइल फोन र पाँच वटा स्मार्टवाच नष्ट गरिएको छ। गत चैतमा सम्पन्न एसईई परीक्षाका बेला जिल्लाका विभिन्न परीक्षा केन्द्रबाट सात वटा आइफोन, ४८९ वटा विभिन्न कम्पनीका एन्ड्रोइड मोबाइल फोन तथा पाँच वटा स्मार्टवाच जफत गरिएको थियो। परीक्षा सञ्चालन निर्देशिकाविपरीत प्रयोग भएको ठहर गर्दै ती उपकरण बिहीबार नष्ट गरिएको हो। मधेश प्रदेशकी तत्कालीन शिक्षामन्त्री रानी शर्मा तिवारीले परीक्षामा मोबाइल प्रयोग गरेको पाइएमा नष्ट गरिने चेतावनी दिएकी थिइन्। सोही निर्देशनअनुसार जिल्ला परीक्षा समन्वय समिति सिरहाले बरामद उपकरण व्यवस्थापनका लागि उपसमिति गठन गरी नष्ट गर्ने निर्णय गरेको जनाएको छ। शिक्षा विकास तथा समन्वय इकाइका शाखा अधिकृत राजदेव यादवको संयोजकत्वमा जिल्ला प्रशासन कार्यालय, जिल्ला प्रहरी कार्यालय, ...

काठमाडौं । वरिष्ठ पत्रकार तथा अध्येता राजेन्द्र दाहाल ले सरकारले आगामी आर्थिक वर्षका लागि प्रस्तुत गरेको बजेटले सार्वजनिक तथा सामुदायिक शिक्षालाई अपेक्षित प्राथमिकता दिन नसकेको बताएका छन्। दाहालले शिक्षालाई केन्द्रमा राखेर प्रभावकारी कार्यक्रम, पर्याप्त स्रोत–साधन र गुणस्तर सुधारका योजनाको अपेक्षा गरिए पनि बजेट त्यसअनुसार आउन नसकेको बताए। उनका अनुसार शिक्षाप्रति चासो राख्ने धेरै नागरिकको अपेक्षा पूरा नभएकाले बजेटले निराश बनाएको छ। उनले शिक्षाका लागि थपिएको बजेटको ठूलो हिस्सा शिक्षक तथा कर्मचारीको तलब–भत्तामा केन्द्रित भएको उल्लेख गर्दै विद्यार्थीको सिकाइ उपलब्धि सुधार, विद्यालयको शैक्षिक वातावरण सुदृढीकरण तथा अभिभावकको विश्वास बढाउने विषयलाई पर्याप्त महत्व नदिइएको बताए। दाहालले विद्यालयको भौतिक पूर्वाधारको म्यापिङका लागि बजेट छुट्याइए पनि त्यसले प्रत्यक्ष रूपमा पठनपाठनको गुणस्तर व...

काठमाडौं । विश्व वातावरण दिवस २०२६ आज देशभर विभिन्न जनचेतनामूलक तथा वातावरण संरक्षणसम्बन्धी कार्यक्रम आयोजना गरी मनाइँदै छ। यस वर्ष ‘समृद्ध भविष्यको आधारः जलवायु एवं प्रकृतिमैत्री विकास’ भन्ने मूल नाराका साथ सप्ताहव्यापी रूपमा दिवस मनाउन लागिएको हो। दिवसको अवसरमा वातावरण विभागले ललितपुरमा विशेष कार्यक्रमको आयोजना गरेको छ। उक्त कार्यक्रममा कृषि, वन तथा वातावरणमन्त्री गीता चौधरी प्रमुख अतिथिका रूपमा सहभागी हुने कार्यक्रम रहेको छ। वातावरण विभागका अनुसार कार्यक्रममा विभिन्न सरकारी निकाय, विकास साझेदार संस्था, वातावरणविद् तथा सरोकारवालाको सहभागिता रहनेछ। विभागका महानिर्देशक ज्ञानराज सुवेदीले वातावरण संरक्षण, जलवायु परिवर्तनका चुनौतीको सामना तथा प्रकृतिमैत्री विकासलाई प्रवर्द्धन गर्ने उद्देश्यले विश्व वातावरण दिवसलाई विशेष महत्त्वका साथ मनाउन लागिएको बताए। दिवसको अवसरमा देशभर वृक्षरोपण,...

काठमाडौँ । प्रतिनिधिसभा सदस्य एवं राष्ट्रिय आविष्कार केन्द्रका संस्थापक महावीर पुनले नेपालले आर्थिक क्षमताका कारण धेरै सङ्ख्यामा फरेन्सिक (विधि विज्ञान) प्रयोगशाला निर्माण गर्न नसक्ने बताएका छन्। बिहीबार सङ्घीय संसद् प्रतिनिधि सभा अन्तर्गतको शिक्षा, स्वास्थ्य तथा सूचना प्रविधि समितिको बैठकमा ‘राष्ट्रिय विधि विज्ञान प्रयोगशाला विधेयक’ माथिको छलफलका क्रममा बोल्दै उनले यस्तो धारणा राखेका हुन्। छलफलमा सांसदहरूले प्रत्येक प्रदेशमा फरेन्सिक ल्याब स्थापना गर्नुपर्ने आवश्यकता औँल्याए पनि सांसद पुनले त्यसमा असहमति जनाए। उनका अनुसार फरेन्सिक प्रयोगशालाका लागि आवश्यक उपकरण अत्यन्तै महँगो हुने भएकाले प्रदेश–प्रदेशमा ल्याब स्थापना गर्नु नेपालको आर्थिक क्षमताभन्दा बाहिरको विषय हो। उनले अन्तर्राष्ट्रिय मापदण्डअनुसार आईएसओ मान्यता प्राप्त गर्न पनि ठूलो लगानी र पूर्वाधार आवश्यक पर्ने उल्लेख गरे। आ...

काठमाडौं । राष्ट्रिय प्रजातन्त्र पार्टी (राप्रपा)का महामन्त्री Dhawal Shumsher Rana सहित १८३ जना नेताकार्यकर्ताले पार्टी परित्याग गरेका छन्। उपत्यकाका विभिन्न पदाधिकारी, नेता, केन्द्रीय सदस्य तथा भ्रातृ एवं जनवर्गीय संगठनका पदाधिकारी, सदस्य र कार्यकर्ताले सामूहिक रूपमा पार्टीबाट राजीनामा दिएका हुन्। राणा पक्षले पार्टीको मूल नेतृत्व कमजोर, आत्मकेन्द्रित र सिद्धान्तविपरीत ढंगले अघि बढेकाले पार्टीको भविष्य संकटमा परेको आरोप लगाएको छ। उनीहरूले पार्टीको वैचारिक आधार र विश्वासबाट नेतृत्व विचलित भएको, एकता महाधिवेशनको म्यान्डेटलाई बेवास्ता गरेको तथा केन्द्रीय कार्यसमितिलाई जानकारीसमेत नदिई तत्कालीन Pushpa Kamal Dahal नेतृत्वको सरकारको ‘संघीय लोकतान्त्रिक गणतन्त्रलाई सुदृढ बनाउने’ न्यूनतम साझा कार्यक्रममा सहभागी बनेको दाबी गरेका छन्। राजीनामा पत्रमा उनीहरूले संवैधानिक राजसंस्था पुनःस्थापन...

काठमाडौं । अध्ययन बिदा लिएर लामो समयसम्म सेवामा नफर्किएका त्रिभुवन विश्वविद्यालय (त्रिवि) का प्राध्यापकहरूबाट रकम असुली गर्ने प्रक्रिया तीव्र बनेको छ। हालसम्म ४१ जना प्राध्यापकले अध्ययन बिदा दुरुपयोगबापतको रकम फिर्ता गरेका छन्। त्रिविका अनुसार हालसम्म रु १० करोड ४६ लाख ५६ हजार ८०४ विश्वविद्यालयको पेन्सन कोषमा जम्मा भइसकेको छ। अध्ययन बिदामा रहेका १९१ प्राध्यापकमध्ये ४१ जनाले रकम फिर्ता गरिसकेका छन् भने ६२ जनाले रकम बुझाउनका लागि निवेदन दिएका छन्। तीमध्ये ५४ जनालाई समितिले औपचारिक पत्राचार गरिसकेको जनाएको छ। शिक्षा तथा खेलकुद मन्त्रालयको सक्रियता र निर्देशनपछि त्रिविले अध्ययन बिदाको दुरुपयोग सम्बन्धी छानबिनलाई तीव्रता दिएको हो। मन्त्रालयले कबुलियतनामाअनुसार रकम फिर्ता गराउन विश्वविद्यालयलाई निर्देशन दिएको बताइएको छ। छानबिन समितिका संयोजक डा. जीवन काफ्लेले रकम असुलीको प्रक्रिया निरन्...

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने ले भारतीय प्रधानमन्त्री नरेन्द्र मोदी लाई श्री पशुपतिनाथ मन्दिर को प्रतिकृति उपहार प्रदान गरेका छन्। नेपाल–भारतबीचको धार्मिक, सांस्कृतिक तथा ऐतिहासिक सम्बन्धलाई थप सुदृढ बनाउने उद्देश्यका साथ उक्त प्रतिकृति उपहार प्रदान गरिएको बताइएको छ। पशुपतिनाथ मन्दिर हिन्दू धर्मावलम्बीहरूको प्रमुख आस्थाको केन्द्र तथा नेपालको महत्वपूर्ण धार्मिक एवं सांस्कृतिक सम्पदामध्ये एक हो। उपहार हस्तान्तरणका क्रममा नेपाल र भारतबीचको सदियौँदेखिको मैत्रीपूर्ण सम्बन्ध, सांस्कृतिक आदानप्रदान तथा धार्मिक पर्यटन प्रवर्द्धनका विषयमा समेत छलफल भएको जनाइएको छ। पशुपतिनाथ मन्दिरको प्रतिकृतिलाई दुई देशबीचको आध्यात्मिक तथा सांस्कृतिक सम्बन्धको प्रतीकका रूपमा हेरिएको छ। यसले नेपाल–भारत सम्बन्धलाई अझ घनिष्ठ बनाउन सहयोग पुग्ने विश्वास व्यक्त गरिएको छ।...

काठमाडौं । पाँचदिने भारत भ्रमणमा रहेका राष्ट्रिय स्वतन्त्र पार्टी (रास्वपा)का सभापति रवि लामिछाने लाई भारतीय नेतृत्वले दिएको उच्चस्तरीय स्वागतलाई लिएर नेपाल–भारत सम्बन्धबारे विभिन्न तहमा चर्चा सुरु भएको छ। भ्रमणका क्रममा लामिछानेले नरेन्द्र मोदी, अमित शाह तथा एस. जयशंकर लगायत भारतीय उच्च नेतृत्वसँग भेटवार्ता गरेका थिए। भारतका लागि नेपालका पूर्वराजदूत नीलाम्बर आचार्य ले उक्त भ्रमणलाई समग्र रूपमा सकारात्मक र फलदायी भएको बताएका छन्। उनका अनुसार लामिछानेलाई दिइएको सम्मानलाई केवल व्यक्तिगत रूपमा नभई नेपाल र नेपाली जनताप्रतिको सम्मानका रूपमा पनि हेर्न सकिन्छ। आचार्यले नेपाल–भारत सम्बन्धलाई थप सुदृढ बनाउन यस्ता उच्चस्तरीय संवाद र भेटघाटले सकारात्मक योगदान पुर्‍याउने विश्वास व्यक्त गरेका छन्। यसैबीच, बालेन्द्र शाह ले सीमा सम्बन्धी विषयमा दिएको अभिव्यक्तिप्रति प्रतिक्रिया दिँदै आचार्यले...