Author: Xpress Tv News Nepal

काठमाडौं — गृहमन्त्री सुधन गुरुङले विपद्मा परेका नागरिकको शीघ्र उद्धार सुनिश्चित गर्न दुई वटा हेलिकप्टर सधैं तयारी अवस्थामा राखिने बताएका छन्। चैत १७ गते सशस्त्र प्रहरी बल नेपाल प्रधान कार्यालयको निरीक्षणका क्रममा उनले यस्तो बताएका हुन्। विपद् व्यवस्थापनमा सशस्त्र प्रहरीले ज्यानको जोखिम मोलेर नागरिक उद्धारमा खटिएकोप्रति आभार व्यक्त गर्दै मन्त्री गुरुङले नागरिकको जीवनभन्दा ठूलो कुनै कुरा नभएको उल्लेख गरे। उनले आपतकालीन अवस्थामा सेवा र सुरक्षामा कुनै कमी नआउने गरी गृहमन्त्रालय र सुरक्षा निकायलाई उच्च सतर्कतामा रहन निर्देशन दिए। विगतमा सशस्त्र प्रहरीको विपद् व्यवस्थापन तालिम शिक्षालय कुरिनटारमा तालिम लिएको स्मरण गर्दै उनले कोभिड–१९ महामारी तथा सीमा सुरक्षाका काममा आफूले सुरक्षा निकायसँग नजिकबाट सहकार्य गरिसकेको बताए। त्यसले सुरक्षाकर्मीको जिम्मेवारी र चुनौतीबारे आफू जानकार रहेको उनको भन...

गलकोट — चैतेदसैँको अवसरमा बागलुङस्थित कालिका भगवती मन्दिरमा यस वर्ष रु ३७ लाखभन्दा बढी भेटी सङ्कलन भएको छ। कालिका गुठी व्यवस्थापन समितिका अनुसार नवरात्र अवधिभर कुल रु ३७ लाख २५ हजार ५५५ भेटी प्राप्त भएको हो। गत वर्षको तुलनामा यस वर्ष करिब रु पाँच लाखले कमी आएको जनाइएको छ। अघिल्लो वर्ष चैतेदसैँमा रु ४२ लाख भेटी सङ्कलन भएको थियो। गण्डकी प्रदेशकै प्रमुख शक्तिपीठमध्ये पर्ने ऐतिहासिक बागलुङ कालिका मन्दिरमा यस वर्ष चैतेदसैँभर सात लाखभन्दा बढी भक्तजनले दर्शन गरी भेटी चढाएका थिए। समितिका अध्यक्ष भूपेन्द्र खड्काका अनुसार नवरात्रको पहिलो दिन चैत ५ गते रु १ लाख १७ हजारदेखि सुरु भएर क्रमशः चैत ६ गते रु १ लाख ५३ हजार, चैत ७ गते रु ४ लाख ३८ हजार, चैत ८ गते रु १ लाख ७० हजार, चैत ९ गते रु १ लाख ७१ हजार र चैत १० गते रु ४ लाख ९२ हजार सङ्कलन भएको थियो। त्यसैगरी चैत ११ गते रु ३ लाख, मुख्य दिन चैत १२ गते...

गृहमन्त्री सुदन गुरुङ ले सशस्त्र प्रहरी बलका प्रमुख राजु अर्याल सँगको छलफलमा बालबालिकालाई सानै उमेरदेखि जीवनोपयोगी सीप विकास गराउने उद्देश्यले विद्यालय पाठ्यक्रममा विपद् उद्धारसम्बन्धी कार्यक्रम समावेश गर्ने पहल सुरु भएको जानकारी दिएका छन्। यस कार्यक्रमका लागि सशस्त्र प्रहरी बल (एपीएफ) लाई आवश्यक तयारी अघि बढाउन निर्देशन दिइएको छ। गुरुङले शिक्षा मन्त्रालयसँग समन्वय गरी कार्यक्रम कार्यान्वयन गर्ने योजना अघि सारेका छन्। कार्यक्रमले बालबालिकालाई प्राकृतिक विपद्का समयमा सुरक्षित रहने तरिका, प्राथमिक उद्धार सीप तथा सचेतनामूलक ज्ञान प्रदान गर्ने लक्ष्य राखेको छ। यसमार्फत विद्यार्थीहरूलाई व्यवहारिक ज्ञानसहित आपत्कालीन अवस्थाको सामना गर्न सक्षम बनाउने अपेक्षा गरिएको छ। संबन्धित निकायहरूबीच आवश्यक सहकार्य गरी परियोजनालाई प्रभावकारी रूपमा कार्यान्वयन गरिने जनाइएको छ।...

काठमाडौं। श्रम, रोजगार तथा सामाजिक सुरक्षा मन्त्रालयले वैदेशिक रोजगारीमा जाने कामदारको स्वास्थ्य परीक्षण गर्ने स्वास्थ्य संस्थाहरूको नवीकरण प्रक्रिया खुला गरेको छ। मन्त्रालयका अनुसार, मन्त्रिस्तरबाट भएको निर्णयअनुसार नेपाल सरकारबाट स्वीकृति प्राप्त वा नेपाल सरकारको स्वामित्वमा रहेका स्वास्थ्य संस्थालाई कामदारको स्वास्थ्य परीक्षणका लागि सूचीकरण खुला गरिनेछ। स्वास्थ्य संस्था सूचीकरण, नवीकरण तथा अनुगमन सम्बन्धी कार्यविधि, २०७२ को दफा ३ अनुसार आवश्यक प्रक्रिया अघि बढाइने सहसचिव तथा प्रवक्ता पिताम्बर घिमिरे ले जानकारी दिएका छन्। वैदेशिक रोजगार ऐन, २०६४ को दफा ७२(१) अनुसार, विदेश जाने कामदारले स्वीकृत स्वास्थ्य संस्थाबाट अनिवार्य स्वास्थ्य परीक्षण गराउनुपर्छ। त्यस्तै, वैदेशिक रोजगार नियमावली, २०६४ को नियम ४५क(९) ले सरकारी स्वामित्वका स्वास्थ्य संस्थाबाट परीक्षण गराउन कुनै बाधा नपर्ने व्यवस्था ...

प्रधानमन्त्री बालेन्द्र शाह ले नेपाल राष्ट्र बैंकका गभर्नर डा. विश्वनाथ पौडेल लाई स्वतन्त्र र निडर भएर काम गर्न आग्रह गरेका छन्। राष्ट्र बैंकका एक अधिकारीका अनुसार सोमबार प्रधानमन्त्री र गभर्नरबीच भेटवार्ता भएको थियो। भेटमा देशको समग्र आर्थिक अवस्थाको सुधारबारे छलफल भएको थियो। प्रधानमन्त्रीले सम्पत्ति शुद्धीकरण नियन्त्रणमा कडा कदम चाल्न सुझाव दिएका थिए भने आर्थिक विकासका लागि राष्ट्र बैंकका सुझावहरू आवश्यक रहेको बताएका थिए। साथै, इरानमा जारी द्वन्द्वले नेपालको अर्थतन्त्रमा पार्न सक्ने प्रभावबारे अध्ययन गरी तयारी अवस्थामा रहन पनि आग्रह गरेका थिए। गभर्नर पौडेलले आर्थिक गतिविधि चलायमान बनाउने, सार्वजनिक वित्त सुधार गर्ने लगायतका उपायबारे आफ्नो धारणा प्रस्तुत गरेका थिए।...

स्थानीय बजारमा आज पनि सुनचाँदीको मूल्य बढेको छ। सुन तोलामा रु ६,७०० र चाँदी रु १४५ ले बढेको छ। नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला रु २,९०,२०० र चाँदीको मूल्य रु ४,८४५ कायम भएको छ। हिजो सोमबार छापावाल सुन प्रतितोला रु २,८३,५०० र चाँदी रु ४,७०० मा कारोबार भएको थियो। गत आइतबार सुन प्रतितोला रु २,८६,००० र चाँदी रु ४,७२० मा रहेको थियो। अन्तर्राष्ट्रिय बजारमा आज सुनको मूल्य एक औँसमा ४,५६० अमेरिकी डलर र चाँदी ८० अमेरिकी डलरमा कारोबार भइरहेको छ।...

हास्य टेलीश्रृंखला ‘हर्के हवलदार’का निर्देशक इन्द्र दोङ लामा, निर्देशकसहितका कलाकारहरू हर्क साम्पाङ नेतृत्वको श्रम संस्कृति पार्टीमा प्रवेश गरेका छन्। श्रम संस्कृति पार्टीका अध्यक्ष हर्कराज राई ले लामालाई पार्टीमा स्वागत गर्दै तस्बिर सार्वजनिक गरेका छन्। उनले फेसबुकमा लेखेका छन्, “जय माटो भन्ने टोली थप्दै।” साथै, साम्पाङले करिब ८० जनालाई पार्टी सदस्यता प्रदान गरिएको बताएका छन्। तस्बिरमा निर्देशक इन्द्र दोङ लामा र कलाकार राजेन्द्र गिरी साम्पाङको हातबाट पार्टी सदस्यता ग्रहण गर्दै देखिएका छन्।...

कपिलवस्तुको शुद्धोधन गाउँपालिकाका अध्यक्ष कमलेशरण चौधरी सहित तीनजनाविरुद्ध सामूहिक बलात्कारको मुद्दा दर्ता गरिएको छ। अध्यक्ष चौधरीसहित राजेश्वर चौधरी र सन्तकुमार यादव विरुद्ध सरकारी वकिल कार्यालयले सामूहिक बलात्कारको अभियोग दर्ता गरेको हो। जिल्ला सरकारी वकिल कार्यालय, रुपन्देहीले ‘भैरहवा–१५’ नाम परिवर्तन गरी दर्ता गरिएको जाहेरीका आधारमा मुद्दा अघि बढाएको जनाएको छ। मुद्दा दर्तासँगै अध्यक्ष चौधरीको पदसमेत संकटमा परेको छ। यस प्रकरणमा सन्तकुमार यादव हाल थुनछेकका लागि कारागारमा रहेका छन्। पीडितले २०८१ असोज ६ गते किटानी जाहेरी दिएकी थिइन्। यता, अध्यक्ष चौधरीले आरोप अस्वीकार गर्दै आफूलाई फसाइएको दाबी गरेका छन् र कानुनी लडाइँ लड्ने बताएका छन्।...

नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ले पूर्वप्रधानमन्त्रीहरूमाथि छानबिन गर्ने विषय आफूले नै अघि सारेको बताएका छन्। आइतबार पेरिसडाँडास्थित पार्टी कार्यालयमा सञ्चारकर्मीसँग कुरा गर्दै उनले संसदमा पनि यस विषयमा आवाज उठाएको उल्लेख गरे। ‘हामीले पहिले नै उठाएको विषय हो। मैले संसदमा पनि यसबारे बोलेको छु। पूर्वप्रधानमन्त्रीहरूमाथि छानबिन हुनुपर्छ भन्ने हाम्रो धारणा हो,’ उनले भने। प्रचण्डले एमाले अध्यक्ष केपी शर्मा ओलीमाथि कुनै राजनीतिक पूर्वाग्रह नराखी निष्पक्ष रूपमा अनुसन्धान गर्नुपर्नेमा जोड दिए। उनले स्वतन्त्र र पारदर्शी ढंगले छानबिन हुनुपर्ने बताएका छन्।...

काठमाडौँ । पूर्वप्रधानमन्त्री KP Sharma Oli लाई भर्चुअल माध्यमबाट अदालतमा उपस्थित गराइने भएको छ। स्वास्थ्यमा समस्या आएपछि अस्पतालमा भर्ना भएका ओलीलाई ‘अनलाइन भिडियो कन्फरेन्स’मार्फत अदालतमा पेश गर्ने तयारी गरिएको हो। जिल्ला सरकारी वकिल कार्यालय काठमाडौँका अनुसार स्वास्थ्य अवस्थाका कारण उनलाई भौतिक रूपमा अदालतमा उपस्थित गराउन नसकिने भएकाले भिडियो कन्फरेन्सिङको माध्यम अपनाइएको हो। शनिबार पक्राउ परेका ओली हाल Tribhuvan University Teaching Hospital मा उपचाररत छन्। यसैबीच, शनिबार नै पक्राउ परेका पूर्वगृहमन्त्री Ramesh Lekhak लाई भने अदालतमा उपस्थित गराइसकिएको छ।...