Breaking News 1

काठमाडौं। आफ्ना मागको सम्बोधनका लागि सिंहदरबार घेराउ गर्न माइतीघरबाट अघि बढेका दृष्टिविहीन प्रदर्शनकारीलाई प्रहरीले बीचबाटोमै रोकेको छ। लामो समयदेखि माइतीघर मण्डलामा धर्नामा बसेका दृष्टिविहीनहरू बिहीबार (असार १८) सिंहदरबारतर्फ मार्चपास गर्ने तयारीमा थिए। तर, प्रहरीले उनीहरूलाई अघि बढ्न नदिई बीचबाटै फर्काएको हो। आफ्ना मागप्रति सरकारको ध्यानाकर्षण गराउन उनीहरूले सिंहदरबार घेराउको कार्यक्रम घोषणा गरेका थिए। सडकपेटीलाई कार्यक्षेत्र बनाएर स्वरोजगारमूलक पेशा अपनाउँदै आएका दृष्टिविहीनहरूले सरकारले आफ्नो व्यवसाय गर्न अवरोध गरेको आरोप लगाउँदै ११ दिनदेखि निरन्तर धर्ना दिँदै आएका छन्। उनीहरूको मुख्य मागमा दृष्टिविहीनको सम्मानजनक व्यवस्थापन, योग्यता, क्षमता र अनुभवका आधारमा रोजगारीको सुनिश्चितता, त्यो सम्भव नभएसम्म हाल गर्दै आएको स्वरोजगार तथा सडक संगीतजस्ता पेशालाई निर्बाध रूपमा सञ्चालन गर्न...

काठमाडौं। त्रिभुवन अन्तर्राष्ट्रिय विमानस्थल भन्सार सुरक्षा कार्यालयले सुन तथा चाँदीका गरगहनासहित दुई जनालाई नियन्त्रणमा लिएको जनाएको छ। कार्यालयका अनुसार असार १६ गते बिहान त्रिभुवन अन्तर्राष्ट्रिय विमानस्थलस्थित कार्गो कम्प्लेक्समा Manifest No. AMS AP 321 अन्तर्गत जुत्ता, पाइन्ट, साडी तथा अन्य कपडा रहेको उल्लेख गरिएको कार्गो पार्सलको एक्स–रे परीक्षण गरिएको थियो। परीक्षणका क्रममा पार्सल शंकास्पद देखिएपछि खोल्दा विभिन्न प्रकारका सुन तथा चाँदीजस्ता देखिने धातुका गरगहना फेला परेको भन्सार सुरक्षा कार्यालयले जनाएको छ। प्रारम्भिक अनुसन्धानबाट उक्त पार्सल झापास्थित युनिक कार्गो (Unique Cargo) ले एपेक्स लजिस्टिक प्रालि (Apex Logistic Pvt. Ltd.) मार्फत काठमाडौंबाट संयुक्त राज्य अमेरिका पठाउने तयारी गरेको खुलेको छ। घटनामा संलग्न रहेको आरोपमा एपेक्स लजिस्टिक प्रालिका सञ्चालक ४६ वर्षीय यज्ञराज सुव...

जनकपुरधाम। प्रहरी सहायक निरीक्षक (एएसआई) थमन बीके हत्या प्रकरणमा लक्ष्मी महतो कोइरी र निलम्बित अभिराम शर्मासहित ६ जनालाई पाँच वर्ष कैद तथा तीन जनालाई जन्मकैदको सजाय सुनाइएको छ। जनकपुर उच्च अदालतका कायममुकायम मुख्य न्यायाधीश टेकनारायण कुँवर र न्यायाधीश मुरारीबाबु श्रेष्ठको संयुक्त इजलासले पूर्वसांसद महतो, प्रदेशसभा सदस्य शर्मा, धर्मेन्द्र राय, रामशंकर मिश्र, सुरेश पाण्डे र पवन कपरलाई पाँच–पाँच वर्ष कैद सजाय सुनाएको हो। यस्तै, यही घटनामा प्रतिवादी प्रदीप साह माझी, सञ्जयकुमार साह र मोहन ठाकुरलाई तत्कालीन मुलुकी ऐनको ज्यानसम्बन्धी कसुरअन्तर्गत जन्मकैदको सजाय हुने फैसला गरिएको अदालतका सूचना अधिकारी गणेश पाण्डेले जानकारी दिएका छन्। यसअघि महोत्तरी जिल्ला अदालतले २०८१ कात्तिक ११ गते प्रदीप साह माझी, सञ्जयकुमार साह र मोहन ठाकुरलाई जन्मकैदको सजाय सुनाएको थियो भने पूर्वसांसद महतो र पवन कपरला...

खोटाङ, असार १८। वैदेशिक रोजगारीका क्रममा दक्षिण कोरियामा मृत्यु भएका खोटेहाङ गाउँपालिका–१, लिकुवापोखरीका धर्मराज तामाङको परिवारले आर्थिक सहायता र बीमाबापत कुल २३ लाख रुपैयाँ प्राप्त गरेको छ। खोटेहाङ गाउँपालिका अन्तर्गतको आप्रवासी स्रोत उपकेन्द्रका परामर्शकर्ता युवराज कालिकोटेका अनुसार परिवारले वैदेशिक रोजगार बोर्डबाट आर्थिक सहायताबापत १० लाख रुपैयाँ र बीमाबापत १३ लाख रुपैयाँ प्राप्त गरेको हो। धर्मराज २०८० मंसिर २६ गते वैदेशिक रोजगारीका लागि दक्षिण कोरिया गएका थिए। २०८२ मंसिर २२ गते उनी मृत अवस्थामा फेला परेका थिए। आफन्तका अनुसार उनी झुण्डिएको अवस्थामा भेटिएका थिए। मृतकका परिवारले २०८२ पुस २४ गते आर्थिक सहायता तथा बीमाको रकम प्राप्त गर्न आप्रवासी स्रोत उपकेन्द्रमा निवेदन दिएका थिए। सोही दिन आवश्यक कागजात तयार गरी वैदेशिक रोजगार बोर्डमा सिफारिस गरिएको थियो। त्यसपछि असार १६ गते मृतकका परिव...

काठमाडौं। नेकपा (एमाले)का महासचिव शंकर पोखरेलले सरकारले हालै गरेका नियुक्ति प्रक्रिया र राजनीतिक निर्णयप्रति व्यङ्ग्यात्मक टिप्पणी गरेका छन्। उनले प्रधानमन्त्री बालेन्द्र (बालेन) शाह नेतृत्वको सरकारको कार्यशैलीमाथि सामाजिक सञ्जाल फेसबुकमार्फत प्रश्न उठाएका हुन्। प्रधानमन्त्री तथा त्रिभुवन विश्वविद्यालयका कुलपति बालेन शाहले बुधबार नेपाल सरकारका पूर्वसचिव तथा वरिष्ठ सहरी योजनाविद् किशोर थापालाई त्रिभुवन विश्वविद्यालय सेवा आयोगको अध्यक्षमा नियुक्त गरेपछि पोखरेलले उक्त प्रतिक्रिया दिएका हुन्। पोखरेलले काठमाडौं महानगरपालिकाको स्थानीय निर्वाचनमा बालेन शाहसँग प्रतिस्पर्धा गरेका व्यक्तिलाई अध्यादेशमार्फत पद रिक्त गराई सोही पदमा नियुक्त गरिएको भन्दै सरकारको दोहोरो चरित्र उजागर भएको टिप्पणी गरेका छन्। उनले विश्वविद्यालयलाई राजनीतीकरणमुक्त बनाउने नाममा विद्यार्थी संगठनमाथि प्रतिबन्ध लगाउने सरकारको...

काठमाडौं – राष्ट्रिय स्वतन्त्र पार्टी (रास्वपा)को प्रथम राष्ट्रिय महाधिवेशनबाट निर्वाचित ९९ जना केन्द्रीय सदस्यले पद तथा गोपनीयताको शपथ ग्रहण गरेका छन्। निर्वाचित केन्द्रीय सदस्यहरूको समूहगत अवस्थाअनुसार रवि लामिछाने निकट ३४ जना, बालेन समूहका २५ जना, विवेकशील साझाबाट आएका ३ जना तथा अन्य समूहका ३८ जना निर्वाचित भएका छन्। रास्वपाको विधानअनुसार १५१ सदस्यीय केन्द्रीय समिति रहने व्यवस्था छ। जसमा सभापतिसहित ९९ जना महाधिवेशनबाट निर्वाचित, ५१ जना सभापतिबाट मनोनीत तथा सातै प्रदेशका अध्यक्ष पदेन सदस्य रहने प्रावधान छ। महाधिवेशनबाट दुई उपसभापति, एक महामन्त्री र तीन सहमहामन्त्री समेत निर्वाचित भएका छन्। अन्य पदाधिकारी भने विधानबमोजिम सभापतिले मनोनयन गर्ने व्यवस्था रहेको छ।...

काठमाडौं — सर्वोच्च अदालतमा न्यायाधीशको अभावका कारण मुद्दा फर्स्योटको गति सुस्त बन्दै गएको छ। रिक्त न्यायाधीश पदमा नियुक्ति प्रक्रिया अघि नबढ्दा अदालतमा विचाराधीन मुद्दाको चाप निरन्तर बढिरहेको छ। प्रधानन्यायाधीश मनोजकुमार शर्मा नियुक्त भएको लामो समय बितिसक्दा पनि न्याय परिषद्को बैठक आह्वान नगरेकाले रिक्त पदमा न्यायाधीश नियुक्तिको प्रक्रिया अघि बढ्न सकेको छैन। सर्वोच्च अदालतको तथ्यांकअनुसार जेठ मसान्तसम्म २७ हजार ७ सय ३९ मुद्दा विचाराधीन छन्। तीमध्ये १० हजार २ सय ३४ मुद्दा दुई वर्षभन्दा पुराना छन् भने १ हजार ४ सय ४२ मुद्दा पाँच वर्षभन्दा बढी समयदेखि फैसला हुन बाँकी रहेका छन्। मंगलबार पेसी तोकिएका ४ सय ६३ मुद्दामध्ये १ सय ३१ मुद्दामा मात्रै फैसला वा आदेश भएको थियो। १ सय ९३ मुद्दा भने ‘हेर्न नभ्याइने’ सूचीमा परेका छन्। सर्वोच्च अदालतमा २१ न्यायाधीशको दरबन्दी रहे पनि हाल १८ जना मात...

काठमाडौं । काठमाडौं उपत्यकामा ट्राफिक नियम उल्लंघन गर्ने २ हजार १५७ जना सवारीचालक पछिल्लो २४ घण्टामा कारबाहीमा परेका छन्। उक्त कारबाहीबाट २१ लाख ४० हजार ५४६ रुपैयाँ राजस्व संकलन भएको काठमाडौं उपत्यका ट्राफिक प्रहरी कार्यालयले जनाएको छ। कार्यालयका अनुसार मादकपदार्थ सेवन गरेर सवारी चलाउने ८२ जना, नियमविपरीत राइड सेयरिङ गर्ने १०१ जना, ट्राफिक संकेत बत्ती उल्लंघन गर्ने १०५ जना तथा तीव्र गतिमा सवारी चलाउने ११७ जना कारबाहीमा परेका छन्। त्यसैगरी, लेन अनुशासन उल्लंघन गर्ने ७७ जना, निषेधित क्षेत्रमा हर्न बजाउने ६१ जना, कालो सिसा प्रयोग गरेका २२ वटा सवारीसाधन, एकतर्फी सडकमा सवारी चलाउने ५४ जना तथा अन्य विभिन्न ट्राफिक नियम उल्लंघन गर्ने १ हजार ५३८ जनालाई पनि कारबाही गरिएको ट्राफिक प्रहरीले जनाएको छ।...

काठमाडौं । कृषि, वन तथा वातावरण मन्त्रालयले आगामी साउन महिनाभित्र करिब २ लाख १० हजार मेट्रिक टन रासायनिक मल नेपाल भित्र्याउने तयारी गरेको छ। किसानलाई समयमै मल उपलब्ध गराउने उद्देश्यले मन्त्रालयले विभिन्न माध्यमबाट आयात प्रक्रिया तीव्र बनाएको जनाएको छ। मन्त्रालयका अनुसार सरकार–सरकार (जीटूजी) सम्झौताअन्तर्गत भारतबाट ३० हजार मेट्रिक टन युरिया मल आयात गरिँदैछ। उक्त मल असार अन्तिमदेखि साउन दोस्रो साताभित्र नेपाल आइपुग्ने अपेक्षा गरिएको छ। भारतसँग भएको ८० हजार मेट्रिक टन मल आपूर्ति सम्झौता अनुसार पहिलो चरणमा ५० हजार मेट्रिक टन मल साउन दोस्रो सातासम्म नेपाल भित्रिने मन्त्रालयले जनाएको छ। यस्तै, अन्तर्राष्ट्रिय (ग्लोबल) टेन्डर मार्फत १ लाख ८० हजार मेट्रिक टन रासायनिक मल आयात गर्ने प्रक्रिया अघि बढाइएको छ। यसमध्ये ६० हजार मेट्रिक टन डीएपी र १ लाख २० हजार मेट्रिक टन युरिया रहेको छ। यी मल सा...

चितवन । चितवन राष्ट्रिय निकुञ्जभित्र सञ्चालन हुँदै आएको जङ्गल सफारी सेवा आजदेखि अस्थायी रूपमा बन्द गरिएको छ। वर्षायाममा भलबाढी, कच्ची वनमार्ग बिग्रिने, रुख ढलेर बाटो अवरुद्ध हुने तथा पर्यटकको सुरक्षालाई ध्यानमा राख्दै सफारी सेवा स्थगित गरिएको निकुञ्जले जनाएको छ। निकुञ्जका सूचना अधिकारी अविनास थापामगरका अनुसार अर्को सूचना जारी नभएसम्म जङ्गल सफारी सञ्चालन नहुनेछ। उनका अनुसार वर्षायाम वन्यजन्तु तथा चराचुरुङ्गीको प्रजननका लागि उपयुक्त समय भएकाले उनीहरूको प्राकृतिक बासस्थानमा अनावश्यक असर नपरोस् भन्ने उद्देश्यले पनि सफारी बन्द गरिएको हो। निकुञ्जले प्रत्येक वर्ष वर्षायाममा जङ्गल सफारी सेवा बन्द गर्दै आएको छ। मौसममा सुधार आएपछि, सामान्यतया दसैँ आसपासबाट पुनः सफारी सञ्चालन गर्ने परम्परा रहेको छ। यद्यपि, निकुञ्जभित्रको सफारी बन्द भए पनि सामुदायिक वन क्षेत्रमा सञ्चालन हुने जिप सफारी भने यथा...