बागमती

पोखरामा कार फेवातालमा खस्दा एक युवकको मृत्यु भएको छ। आज बिहान करिब २ः१० बजे पोखरा महानगरपालिका–६ पामेस्थित गैराको चौतरा नजिक विएए १५८२ नम्बरको कार अनियन्त्रित भई तालमा खसेर दुर्घटना भएको हो। दुर्घटनामा स्याङ्जाको फेदीखोला गाउँपालिका–५ घर भई हाल पोखरा–७ मासबार बस्दै आएका २४ वर्षीय चालक अदित गुरुङको मृत्यु भएको सशस्त्र प्रहरी बल कालिका गणका गणपति सशस्त्र प्रहरी उपरीक्षक वसन्तबहादुर सिंहले जानकारी दिनुभयो। घटनाको खबर प्राप्त हुनासाथ सशस्त्र प्रहरी उपरीक्षक सिंहको नेतृत्वमा कालिका गणबाट गोताखोरसहित २१ जनाको टोली उद्धारका लागि खटिएको थियो। गोताखोर टोलीले अचेत अवस्थामा चालकलाई तालबाट बाहिर निकाली उपचारका लागि गण्डकी मेडिकल कलेज पुर्‍याए पनि चिकित्सकले मृत घोषणा गरेका थिए। दुर्घटनापछि प्रहरीले क्रेनको सहायताले कारलाई तालबाट बाहिर निकालेको छ भने सवारीसाधनलाई थप अनुसन्धानका लागि वडा प्रहरी...

काठमाडौं प्रवेश नाका नागढुङ्गामा प्रहरीले पेस्तोलसहित एक जनालाई पक्राउ गरेको छ। प्रहरी प्रभाग नागढुङ्गाबाट खटिएको टोलीले नियमित चेकजाँचका क्रममा चितवनबाट काठमाडौं आउँदै गरेको बा १९ च ६९० नम्बरको कार जाँच गर्दा हतियार बरामद गरेको हो। पक्राउ पर्नेमा ३० वर्षीय केयुर पुरी रहेका छन्। उनी कीर्तिपुर नगरपालिका निवासी भएको प्रहरीले जनाएको छ। प्रहरीका अनुसार पुरीको झोलाबाट ‘मेड इन अमेरिका’ लेखिएको एक थान पेस्तोल र सोही पेस्तोलमा प्रयोग हुने चार राउन्ड गोली फेला परेको हो। घटनाबारे थप अनुसन्धान भइरहेको प्रहरीले जनाएको छ।...

थाइल्याण्डस्थित टेर्डथाइ क्रिकेट मैदानमा टस हारेर पहिले ब्याटिङ गरेको पाकिस्तान ‘ए’ ले निर्धारित २० ओभरमा ६ विकेट गुमाउँदै १३७ रन बनाएको हो। पाकिस्तानका लागि कप्तान हफ्सा खालिदले अविजित ४० रन बनाइन्। त्यस्तै, वाहिदा अख्तरालले २३ रन, हुरैना सज्जादले १७ रन र शावल जुल्फिकारले १० रनको योगदान दिइन्। नेपालका तर्फबाट कविता कुँवरले २ विकेट लिइन् भने रिया शर्मा, मनीषा उपाध्याय, रुबिना क्षेत्री र सीता राना मगरले समान १–१ विकेट हात पारे।...

आज फेब्रुअरी १३ अर्थात् विश्व रेडियो दिवस विश्वभर विभिन्न कार्यक्रम गरी मनाइँदैछ। सञ्चारको क्षेत्रमा रेडियोले पुर्‍याएको योगदान र समाजमा ल्याएको सकारात्मक परिवर्तनको सम्मानस्वरूप यो दिवस मनाउने गरिन्छ। प्रभावकारी, सस्तो र पहुँचयोग्य सञ्चार माध्यमका रूपमा रेडियोले जनमानसमा सूचना प्रवाह गर्न महत्वपूर्ण भूमिका निर्वाह गर्दै आएको छ। रेडियोको इतिहास सन् १८९४ मा इटालीका वैज्ञानिक गुग्लिएल्मो मार्कोनीले रेडियो प्रविधिको विकास गरेसँगै सुरु भएको मानिन्छ। तारविहीन रूपमा आवाज एक स्थानबाट अर्को स्थानमा पुर्‍याउन सकिने यो आविष्कारले सञ्चार क्षेत्रमा ठूलो क्रान्ति ल्यायो। त्यसयता रेडियो प्रविधिमा निरन्तर विकास हुँदै आज एफएम, डिजिटल रेडियो र पोडकास्टसम्म विस्तार भएको छ। संयुक्त राष्ट्रसंघीय शैक्षिक, वैज्ञानिक तथा सांस्कृतिक संगठन (UNESCO) ले सन् २०११ मा रेडियोको योगदानको सम्मान गर्दै फेब्रुअरी १३ लाई व...

आईसीसी पुरुष टी–२० विश्वकप क्रिकेट अन्तर्गत जारी खेलमा नेपालले इटलीलाई १२४ रनको लक्ष्य दिएको छ। भारतको मुम्बईस्थित ऐतिहासिक वानखेडे स्टेडियममा टस हारेर पहिले ब्याटिङ गरेको नेपाल १९.३ ओभरमा सबै विकेट गुमाउँदै १२३ रनमा समेटिएको हो। नेपालका लागि कप्तान रोहितकुमार पौडेलले सर्वाधिक २३ रन बनाए। आसिफ शेखले २२ रनको योगदान गर्दा दीपेन्द्रसिंह ऐरीले १७ रन जोडे। करण केसी १८ रनमा अविजित रहे। अन्य ब्याटरले भने दोहोरो अंकमा रन बनाउन सकेनन्। आक्रामक खेल्ने प्रयासमा अधिकांश खेलाडी क्याच आउट हुन पुगेका थिए। बलिङतर्फ इटलीका क्रिशन कालुगामागेले ३ विकेट लिए भने बेन मानेन्टीले २ विकेट झारे। अब इटलीले जितका लागि २० ओभरमा १२४ रन बनाउनुपर्नेछ।...

काठमाडौँ । राष्ट्रिय स्वतन्त्र पार्टी (रास्वपा) का नेता प्रणय शमशेर राणाले पार्टी सदस्यताबाट राजीनामा दिएका छन्। उनले महामन्त्री कबिन्द्र बुर्लाकोटीलाई सम्बोधन गर्दै बिहीबार राजीनामा पत्र पठाएका हुन्। राजीनामा पत्रमा राणाले पार्टीभित्र देखिएको बेथिति, आन्तरिक अभ्यासमा पारदर्शिताको अभाव तथा ‘प्राइमरी इलेक्सन’ प्रक्रियाप्रति असन्तुष्टि जनाएका छन्। विशेष परिस्थितिको नाममा संगठनको नेतृत्व चयन अधिकार सीमित गरिएको तथा आर्थिक अपारदर्शिता देखिएको उनको आरोप छ। पार्टीले स्थापना कालमा उठाएको सुशासन र पारदर्शिताको एजेन्डा व्यवहारमा लागू नभएको उल्लेख गर्दै उनले सम्पूर्ण जिम्मेवारीबाट अलग भएको जनाएका छन्।...

काठमाडौँ । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरी पाकिस्तान सुपर लिग (पीएसएल) अन्तर्गत इस्लामाबाद युनाइटेडबाट खेल्ने भएका छन्। इस्लामाबाद युनाइटेडले उनलाई ६० लाख पाकिस्तानी रुपैयाँ (करिब ३१ लाख नेपाली रुपैयाँ) मा अनुबन्ध गरेको जानकारी दिएको छ। ऐरीको यो अनुबन्धसँगै उनी पीएसएलमा आबद्ध हुने नेपाली खेलाडीको सूचीमा थपिएका छन्। उत्कृष्ट प्रदर्शनका कारण अन्तर्राष्ट्रिय फ्रेन्चाइज लिगमा उनको माग बढ्दै गएको मानिन्छ। इस्लामाबाद युनाइटेडले ऐरीको अनुभव र अलराउन्ड प्रदर्शनबाट टोलीलाई थप मजबुती मिल्ने विश्वास व्यक्त गरेको छ।...

सर्वोच्च अदालतले सवारीसाधनमा अंग्रेजी भाषामा इम्बोस्ड नम्बर प्लेट बनाउने र जडान गर्ने कार्य तत्कालका लागि रोक्न अन्तरिम आदेश जारी गरेको छ। न्यायाधीशद्वय कुमार रेग्मी र महेश शर्मा पौडेलको संयुक्त इजलासले माघ २५ गते सुनुवाइ गर्दै यस्तो आदेश दिएको हो। अदालतले अंग्रेजी भाषामा नम्बर प्लेट जडान गर्ने निर्णय संविधान तथा प्रचलित कानुनी व्यवस्थासँग मेल नखाने देखिएको भन्दै सर्वोच्च अदालत नियमावली, २०७४ को नियम ४९(२)(क) अनुसार कार्यान्वयन नगर्न आदेश दिएको जनाएको छ। यसअघि भौतिक पूर्वाधार तथा यातायात मन्त्रालयअन्तर्गतको विषयगत समितिको निर्णयका आधारमा यातायात व्यवस्था विभागले इम्बोस्ड नम्बर प्लेट अनिवार्य गर्ने सूचना जारी गरेको थियो। सोही निर्णयविरुद्ध अधिवक्ता रामबहादुर राउतसहितले सर्वोच्चमा रिट दायर गरेका थिए। रिट निवेदकले संविधानको धारा ७ अनुसार सरकारी कामकाजको भाषा देवनागरी लिपिमा लेखिने ने...

निर्वाचन आयोगले प्रतिनिधिसभा सदस्य निर्वाचनमा सहभागी राजनीतिक दल र उम्मेदवारलाई फागुन ३ गतेभित्र आफ्नो घोषणापत्र सार्वजनिक गर्न निर्देशन दिएको छ। आयोगको मंगलबारको निर्णयअनुसार निर्वाचन आचारसंहिता, २०८२ को दफा ३७ बमोजिम दल र पहिलो हुने निर्वाचित हुने निर्वाचन प्रणालीतर्फका उम्मेदवारहरूले तोकिएको मितिभित्र घोषणापत्र बुझाउनुपर्ने प्रवक्ता नारायणप्रसाद भट्टराईले जानकारी दिएका छन्। दलहरूले आफ्नो घोषणापत्र निर्वाचन आयोगमा र उम्मेदवारहरूले सम्बन्धित निर्वाचन कार्यालयमा पेस गर्नुपर्ने व्यवस्था दलसम्बन्धी ऐन, २०७३ को दफा ५७ अनुसार गरिएको आयोगले जनाएको छ।...

खाना पकाउने एलपी ग्यासको आपूर्तिमा देखिएको समस्या समाधान गर्न वाणिज्य, आपूर्ति तथा उपभोक्ता संरक्षण विभागले ढुवानी व्यवस्थापन प्रभावकारी बनाउन आवश्यक समन्वय र नियमन गर्ने भएको छ। हाल ग्यास वितरणमा समस्या देखिँदा उपभोक्ताले सास्ती खेप्नुपरेको भन्दै विभागले नेपाल आयल निगमलाई ढुवानी व्यवस्थापन सुधार गर्न निर्देशन दिएको छ। साथै, ग्यास उत्पादन तथा बोटलिङ उद्योगहरूलाई पूर्ण क्षमतामा उत्पादन बढाउन र उपभोक्ताको मागअनुसार वितरण गर्न आग्रह गरिएको छ। विभागले डिलर, रिटेलर र सप्लायर्सलाई मागको सही अभिलेख राख्दै अनावश्यक सञ्चय नगरी समान रूपमा वितरण गर्न निर्देशन दिएको छ। उपभोक्ता तथा व्यवसायीलाई पनि आवश्यक मात्रामा ग्यास खरिद गर्न अनुरोध गरिएको छ। ग्यासको उपलब्धता, भण्डारण र वितरण अवस्थाबारे विभागले उद्योग, सप्लायर्स र डिलर स्तरमा अनुगमन तथा विश्लेषण जारी राखेको जनाएको छ।...