लुम्बिनी

कपिलवस्तुको महाराजगन्ज नगरपालिका–२ गैडहवास्थित हुलाकी सडकखण्डमा यात्रुवाहक बस दुर्घटना हुँदा २२ जना घाइते भएका छन्। धनगढीबाट काठमाडौंतर्फ आउँदै गरेको सुदूरपश्चिम प्रदेश ०१–००१ ख ३७२१ नम्बरको बस अनियन्त्रित भई सडकको डिभाइडरमा ठोक्किएपछि पल्टिएको प्रहरीले जनाएको छ। शिवपुरी लक्जरी कोच प्रालिद्वारा सञ्चालित उक्त बसमा चालकसहित ४६ जना सवार थिए। दुर्घटनामा चालक कैलालीको धनगढी उपमहानगरपालिका–१३ गेटा निवासी ४२ वर्षीय हरीसिंह महरा, बैतडीको सिवास गाउँपालिका–६ निवासी २५ वर्षीय चक्रबहादुर रोकाया, डोटीको दिपायल सिलगढी नगरपालिका–५ निवासी ३० वर्षीय भरत मल्ल, कैलालीको गोदावरी नगरपालिका–१ निवासी २८ वर्षीय विमल भट्ट, गोदावरी नगरपालिका–२ निवासी ५५ वर्षीया सीतादेवी बादी, डडेलधुरा निवासी २९ वर्षीय नरेन्द्र ताम्राकार, उनकी श्रीमती २५ वर्षीया आलिया ताम्राकार, २ वर्षीय सुदर्शन ताम्राकार, बझाङको थलारा गाउँपालिका–...

भैरहवा । लुम्बिनी प्रदेश सरकारले आज आगामी आर्थिक वर्ष २०८३/८४ को आय–व्यय विवरण (बजेट) सार्वजनिक गर्ने भएको छ। आज साँझ ५ बजे बस्ने प्रदेशसभा बैठकमा आर्थिक मामिला तथा योजना मन्त्री धनेन्द्र कार्कीले आगामी आर्थिक वर्षको राजस्व तथा व्ययको अनुमानित विवरण प्रस्तुत गर्ने कार्यसूची रहेको छ। चालु आर्थिक वर्ष २०८२/८३ का लागि प्रदेश सरकारले ३८ अर्ब ९१ करोड रुपैयाँको बजेट ल्याएको थियो। प्रदेश सरकारका अनुसार आगामी आर्थिक वर्षको बजेट ‘समृद्ध लुम्बिनीः सुखी नागरिक’ को दीर्घकालीन सोच, दोस्रो आवधिक योजना तथा दिगो विकास लक्ष्यलाई आधार मानेर तयार गरिएको छ। प्रदेश सरकारले उत्पादन, रोजगारी, पूर्वाधार विकास तथा सेवा प्रवाहलाई प्राथमिकतामा राखेर बजेट निर्माण गरेको जनाएको छ।...

रुपन्देही। भारतबाट अवैध रूपमा नेपाल भित्र्याइएको करिब २५ लाख रुपैयाँ मूल्य बराबरको यौनवर्धक औषधि सशस्त्र प्रहरीले बरामद गरेको छ। सशस्त्र प्रहरी बलको टोलीले कपिलवस्तुको कृष्णनगर नगरपालिका–१, शिवनगर क्षेत्रबाट भारतबाट ल्याइँदै गरिएको अवस्थामा ३३० थान ‘युरिफिल इफेक्ट’ नामक यौनवर्धक औषधि बरामद गरेको हो। विशेष सूचनाका आधारमा सशस्त्र प्रहरी नायब उपरीक्षक (डीएसपी) यज्ञमान साउदको नेतृत्वमा खटिएको टोलीले उक्त औषधि नियन्त्रणमा लिएको जनाएको छ। बरामद औषधिको अनुमानित बजार मूल्य २४ लाख ७५ हजार रुपैयाँ रहेको बताइएको छ। सशस्त्र प्रहरी बल नम्बर २८ हेडक्वार्टरका प्रमुख सशस्त्र प्रहरी उपरीक्षक गोपाल अधिकारीका अनुसार बरामद औषधि आवश्यक कारबाहीका लागि कृष्णनगर भन्सार कार्यालयमा बुझाइएको छ। स्वास्थ्यकर्मीका अनुसार उक्त औषधि यौन उत्तेजना बढाउन प्रयोग गरिन्छ। नेपालमा औषधि तथा सर्जिकल सामग्रीमा कर वृद्ध...

देशका विभिन्न क्षेत्रमा लगातारको वर्षासँगै आएको बाढी र पहिरोका कारण मुख्य राजमार्गहरू प्रभावित भएका छन्। नेपाल प्रहरीले आज बिहान सार्वजनिक गरेको विवरणअनुसार कोशी, बागमती, गण्डकी र कर्णाली प्रदेशका विभिन्न सडक खण्डमा यातायात सेवा अवरुद्ध तथा आंशिक रूपमा सञ्चालन भइरहेको छ। कोशी प्रदेशअन्तर्गत भोजपुर नगरपालिका–५ बोखिममा बाढीका कारण मध्यपहाडी लोकमार्ग एकतर्फी सञ्चालनमा रहेको छ। उक्त क्षेत्रमा वैकल्पिक मार्गको व्यवस्था गरिएको प्रहरीले जनाएको छ। यस्तै, सङ्खुवासभाको मकालु गाउँपालिका–३ नयाँबस्तीमा पहिरो खस्दा कोशी राजमार्ग पनि एकतर्फी मात्र सञ्चालन भइरहेको छ। काभ्रेपलाञ्चोकको खुर्कोट–नेपालथोक–कटुञ्जेबेँसी सडक खण्डमा बाढीको जोखिम बढेपछि बीपी राजमार्गमा सवारी सञ्चालन रोकिएको छ। गण्डकी प्रदेशमा लमजुङ र म्याग्दी बढी प्रभावित भएका छन्। लमजुङको मध्यनेपाल नगरपालिका–१० बिमिरेभञ्ज्याङ क्षेत्रम...

लुम्बिनी प्रदेश अन्तर्गतको पाल्पा जिल्ला लाई पूर्ण संस्थागत प्रसूति सेवा तथा पूर्णखोप सुनिश्चितता दिगोपना जिल्ला घोषणा गरिएको छ। मङ्गलवार आयोजित कार्यक्रममा लुम्बिनी प्रदेशका मुख्यमन्त्री चेतनारायण आचार्य ले उक्त घोषणा गरेका हुन्। कार्यक्रमलाई सम्बोधन गर्दै मुख्यमन्त्री आचार्यले प्राप्त उपलब्धिलाई दिगो बनाउन सबै पक्षको साझा प्रयास आवश्यक रहेको बताए। उनले पाल्पा स्वास्थ्य सेवाको दृष्टिले महत्त्वपूर्ण जिल्ला भएको उल्लेख गर्दै यहाँ रहेका मिसन अस्पताल, मेडिकल कलेज तथा जिल्ला अस्पतालमार्फत सरकारी र निजी क्षेत्रबाट उल्लेखनीय लगानी भएको जानकारी दिए। पाल्पा जिल्ला मात्रै नभई बाहिरी जिल्लाका बिरामीसमेत उपचारका लागि आउने केन्द्रका रूपमा विकास भइरहेको उनको भनाइ थियो। जिल्ला अस्पतालको जग्गा प्राप्तिको विषयमा संघीय सरकारको मापदण्ड पूरा गर्नुपर्ने भएकाले प्रक्रिया केही जटिल बनेको उनले बताए। मुख...

अख्तियार दुरुपयोग अनुसन्धान आयोगले घुस लिएको आरोपमा मालपोत कार्यालय भैरहवाका एक नायब सुब्बाविरुद्ध विशेष अदालतमा मुद्दा दायर गरेको छ । आयोगका अनुसार ओमबहादुर खाम्चा ले सेवाग्राहीबाट २ लाख रुपैयाँ घुस लिएको आरोपमा सोमबार मुद्दा दायर गरिएको हो । उनी मालपोत कार्यालय भैरहवा मा कार्यरत थिए । अख्तियारका प्रवक्ता सुरेश न्यौपाने का अनुसार जग्गाको नयाँ स्रेस्ता कायम तथा नामसारी गरिदिने प्रयोजनका लागि सेवाग्राहीसँग रकम लिइसकेको अवस्थामा खाम्चालाई नियन्त्रणमा लिइएको थियो । अनुसन्धानका क्रममा जीर्ण स्रेस्ता कायम गर्ने तथा जग्गा नामसारी दाखिला गरिदिने कामका लागि सेवाग्राहीसँग मोलमोलाइ गरी २ लाख रुपैयाँ लिएको पुष्टि भएको आयोगले जनाएको छ । उक्त घटनामा भ्रष्टाचार निवारण ऐन, २०५९ अन्तर्गत कसुर गरेको ठहर गर्दै आयोगले २ लाख रुपैयाँ बिगो कायम गरी कैद सजायसमेत मागदाबी गर्दै विशेष अदालतमा मुद्दा दाय...

काठमाडौं । परराष्ट्रमन्त्री शिशिर खनालले अब राजनीतिक लाभभन्दा माथि उठेर दीर्घकालीन सोचका साथ काम गर्ने समय आएको बताएका छन् । टोखा नगरपालिकाले आर्थिक वर्ष २०८३/८४ को नीति, कार्यक्रम तथा बजेट तर्जुमाका लागि आयोजना गरेको सल्लाह–सुझाव सङ्कलन कार्यक्रममा बोल्दै उनले स्थानीय तहका जनप्रतिनिधिहरूले भविष्यलाई केन्द्रमा राखेर योजना निर्माण गर्नुपर्ने बताए । मन्त्री खनालले अल्पकालीन राजनीतिक स्वार्थभन्दा दीर्घकालीन विकास योजनामा ध्यान दिन आग्रह गर्दै आगामी २०–२५ वर्षपछिको पुस्ताले समेत सम्झिने खालका काम गर्ने अवसर अहिलेको स्थानीय नेतृत्वसँग रहेको उल्लेख गरे । काठमाडौं क्षेत्र नम्बर ६ का सांसदसमेत रहेका उनले टोखाको दक्षिणी क्षेत्र अत्यधिक बाक्लो बस्तीले भरिएको र उत्तरी क्षेत्रमा अझै खुला जमिन बाँकी रहेकाले व्यवस्थित शहरी विकासमा विशेष ध्यान दिनुपर्ने बताए । उनले टोखाको ऐतिहासिक नेवारी बस्ती त...

अर्घाखाँचीको पाणिनी गाउँपालिका–८ स्थित कोलडाँडामा भएको बस दुर्घटनामा दुई जनाको मृत्यु भएको छ भने ३० जना घाइते भएका छन्। जिल्ला प्रहरी कार्यालय अर्घाखाँचीका सूचना अधिकारी प्रहरी निरीक्षक झलक शर्माका अनुसार दुर्घटनामा गम्भीर घाइते भएका दुई जनाको उपचारका क्रममा मृत्यु भएको हो। पर्वतको मोदी गाउँपालिकाबाट सुपादेउराली दर्शनका लागि अर्घाखाँचीतर्फ आउँदै गरेको ध १ ख ५०४ नम्बरको बस मंगलबार दिउँसो दुर्घटनामा परेको प्रहरीले जनाएको छ। दुर्घटनामा परेका घाइतेहरूको परिचय भने हालसम्म खुलाइएको छैन। दुर्घटनाग्रस्त बस सडकबाट करिब १२० मिटर तल खसेको थियो। घाइते सबैको उद्धार गरी पाल्पाको प्रवास तथा अर्घाखाँची जिल्ला अस्पतालमा उपचारका लागि पठाइएको प्रहरीले जनाएको छ। घटनाबारे थप विवरण आउन बाँकी रहेको छ।...

लुम्बिनी प्रदेशसभाको सातौँ अधिवेशनअन्तर्गत १०औँ बैठक आज शुक्रबार बिहान ११:०० बजे बस्ने तय भएको छ। प्रदेशसभा सचिवालयका अनुसार बैठकमा समसामयिक विषयहरूमा प्रदेशसभा सदस्यहरूले विशेष समयमा आफ्ना धारणा प्रस्तुत गर्ने कार्यसूची रहेको छ। यसैगरी, उद्योग, पर्यटन तथा यातायातमन्त्री प्रचण्डविक्रम न्यौपाने ले ‘लुम्बिनी प्रज्ञा–प्रतिष्ठान विधेयक’माथि सैद्धान्तिक छलफलका क्रममा उठेका प्रश्नहरूको जवाफ दिने कार्यक्रम रहेको छ। त्यसैगरी, मुख्यमन्त्री चेतनारायण आचार्य ले ‘लुम्बिनी अनुसन्धान तथा प्रशिक्षण प्रतिष्ठानको स्थापना, सञ्चालन तथा व्यवस्थापन गर्न बनेको प्रतिवेदनसहितको विधेयक’माथि छलफल गरियोस् र पारित गरियोस् भन्ने प्रस्ताव प्रस्तुत गर्ने कार्यसूची रहेको प्रदेशसभा सचिवालयले जनाएको छ।...

काठमाडौँ । सांसद अभिषेकप्रताप साहले कपिलवस्तुको वरगदामा काली मन्दिर तोडफोडपछिको घटनामा प्रहरीको गोली लागेर ज्यान गुमाएका युवकलाई सहिद घोषणा गर्न माग गर्नुभएको छ। मंगलबार (चैत २४) प्रतिनिधिसभा बैठकमा बोल्दै उहाँले उक्त घटनाको निष्पक्ष र गहन छानबिन गर्न सरकारसँग आग्रह गर्नुभयो। गोली लागेर गम्भीर घाइते भएका अरुण यादवको उपचारका क्रममा सोमबार (चैत २३) निधन भएको थियो। उहाँले भन्नुभयो, “यस घटनाको सत्यतथ्य बाहिर ल्याउन उच्चस्तरीय छानबिन समिति गठन गरी दोषीमाथि कडा कारबाही गरिनु जरुरी छ।” सांसद साहले घाइतेहरूको उचित उपचारको व्यवस्था गर्न र मृतकका परिवारलाई क्षतिपूर्ति उपलब्ध गराउन समेत सरकारसँग माग गर्नुभएको छ।...