राजनीति

काठमाडौँ प्रहरीले त्रिभुवन अन्तर्राष्ट्रिय विमानस्थल क्षेत्रमा यात्रुलाई दुर्व्यवहार तथा हैरानी दिने १८ जनालाई नियन्त्रणमा लिएको छ। जिल्ला प्रहरी परिसर काठमाडौँका प्रवक्ता, प्रहरी उपरीक्षक पवन भट्टराईका अनुसार ती व्यक्तिहरूले विमानस्थलमा आउने यात्रुलाई आफूले चिनेका होटलमा लैजाने प्रलोभन देखाउँदै कमिसन असुल्ने गरेका थिए। यस क्रममा केहीले यात्रुमाथि दुर्व्यवहार समेत गर्ने गरेको प्रारम्भिक अनुसन्धानबाट खुलेको छ। नियन्त्रणमा लिइएकामध्ये १० जना प्रत्यक्ष रूपमा यात्रुसँग कमिसन लिने र हैरानीमा संलग्न रहेको पुष्टि भएको प्रहरीले जनाएको छ। बाँकीमाथि समेत अनुसन्धान भइरहेको छ। प्रहरीले यस्तो अवैध गतिविधि नियन्त्रणका लागि विमानस्थल क्षेत्रमा निगरानी बढाइएको जनाएको छ भने संलग्न अन्य व्यक्तिहरूको खोजी कार्य पनि जारी रहेको बताइएको छ।...

पोखराको फेवाताल किनारमा मापदण्डविपरीत बनेका अस्थायी संरचना हटाउने अभियान सुरु गरिएको छ। गृह मन्त्रालयको निर्देशनअनुसार शनिबार बिहानैदेखि तालको ६५ मिटर भित्र पर्ने संरचनामा डोजर चलाइएको हो। यस क्रममा चर्चित पर्यटन व्यवसायी कर्ण शाक्यको ‘वाटर फ्रन्ट’ होटलमा पनि डोजर लगाइएको छ। होटलको स्विमिङ पुल, गेट लगायतका संरचना भत्काइएको प्रहरीले जनाएको छ। कास्की प्रहरीका प्रवक्ता डीएसपी हरीबहादुर बस्नेतका अनुसार जिल्ला प्रहरी, बैदाम प्रहरी, नगर प्रहरी र सशस्त्र प्रहरीसहित करिब डेढ सय सुरक्षाकर्मी परिचालन गरिएको छ। संरचना हटाउने क्रममा केही स्थानीयले असन्तुष्टि जनाएका छन्। यसअघि फेवातालको अवस्थाबारे प्रधानमन्त्री वालेन्द्र शाह र पोखरा महानगरका मेयर धनराज आचार्यबीच टेलिफोन संवाद भएको थियो।...

काठमाडौँ। सुधन गुरुङ जेनजी आन्दोलनका क्रममा घाइते भएका व्यक्तिहरूको स्वास्थ्य अवस्थाबारे जानकारी लिन केएमसी अस्पताल पुग्नुभएको छ। घाइतेहरूको निःशुल्क उपचार व्यवस्थापन गरिरहनुभएका पूर्व सांसद डा. सुनिल शर्मा लाई गृहमन्त्री गुरुङले धन्यवाद व्यक्त गर्नुभएको छ। गृह मन्त्रालयको जिम्मेवारी सम्हालेपछि निरन्तर सक्रिय रहनुभएका मन्त्री गुरुङले त्रिभुवन अन्तर्राष्ट्रिय विमानस्थल को निरीक्षण सम्पन्न गरेलगत्तै सिधै अस्पताल पुगेर घाइतेहरूको अवस्था बुझ्नुभएको थियो। सो अवसरमा उहाँले डा. शर्मासँग भेटघाट गर्दै उपचारको अवस्थाबारे जानकारी लिनुभएको हो। अस्पताल प्रशासनका अनुसार अधिकांश घाइतेहरू उपचारपछि डिस्चार्ज भइसकेका छन् भने केही अझै गम्भीर अवस्थामा रहेकाले अस्पतालमै निःशुल्क उपचार भइरहेको छ। डा. शर्माले सबै घाइतेहरूको निःशुल्क उपचार सुनिश्चित गरिएको बताउनुभयो। भेटका क्रममा गृहमन्त्री गुरुङले घा...

काठमाडौँ — राष्ट्रिय स्वतन्त्र पार्टी (रास्वपा)का सभापति रवि लामिछानेले उपसभामुखबारे कुनै दलसँग पनि छलफल नभएको बताएका छन्। शुक्रबार सिंहदरबारस्थित संसद् भवनमा सञ्चारकर्मीसँग कुरा गर्दै उनले सभामुखको निर्वाचनपछि संविधान र विगतको अभ्यास हेरेर मात्र निर्णय लिइने स्पष्ट पारे। ‘पहिले सभामुखको काम सकौँ, त्यसपछि उपसभामुखबारे छलफल गरौँला। यस विषयमा कुनै दलसँग छलफल भएको छैन। संविधान र विगतका अभ्यासलाई हेरेर हामी निर्णयमा पुग्छौँ,’ उनले भने।...

चितवनको कालिका नगरपालिकाले सामुदायिक कुकुर तथा बिरालोबाट रेबिज फैलन नदिन स्थायी बन्ध्याकरण तथा रेबिजविरुद्ध खोप अभियान सञ्चालन गरेको छ। नगरपालिकाका अनुसार सामुदायिक कुकुर–बिरालो जङ्गली जनावरसँग सम्पर्कमा आउने भएकाले रोग फैलिने जोखिम उच्च हुने हुँदा अभियान सञ्चालन गरिएको हो। पशु चिकित्सक डा. राजुप्रसाद न्यौपानेका अनुसार नेपाल सरकारको लक्ष्यअनुसार रेबिज नियन्त्रणमा सहयोग पु¥याउने उद्देश्यले कार्यक्रम सञ्चालन गरिएको हो। चैत १२ देखि १४ गतेसम्म सञ्चालन गरिएको अभियानमा २७२ कुकुर र २ बिरालोको स्थायी बन्ध्याकरण गरिएको छ। बन्ध्याकरणसँगै रेबिजविरुद्ध खोप लगाउने र स्वास्थ्य परीक्षण गरी आवश्यक उपचारसमेत गरिएको जनाइएको छ। नेपाल सरकारले सन् २०३० सम्म रेबिजका कारण हुने मानव मृत्यु शून्यमा झार्ने लक्ष्य लिएको छ। सोही लक्ष्यअनुसार ‘एनिमल बर्थ कन्ट्रोल’ कार्यक्रमअन्तर्गत अभियान सञ्चालन गरिएको हो।...

नेपाली कम्युनिस्ट पार्टीले आन्तरिक र बाह्य कारणले निर्वाचनमा अस्वाभाविक परिणाम आएको निष्कर्ष निकालेको छ। आन्तरिक कारणमा सामाजिक रूपान्तरण नहुनु, संगठनात्मक समायोजन नहुनु, विचारधारात्मक कामको कमी, युवाहरूको कम सहभागिता, वामशक्ति एकताबद्ध नहुनु, परिवर्तनको महत्व बुझाउन नसक्नु, र भएका कामको प्रचार नहुनु रहेका छन्। यस्तै, सिद्धान्त र व्यवहारमा अन्तर, अवसरवादी प्रवृत्ति, व्यक्तिवादी कार्यशैली, प्राविधिक जनशक्ति र स्रोतको कमी, विकल्पका रूपमा प्रस्तुत हुन नसक्नुलाई पनि कारण मानिएको छ। बाह्य कारणमा पुराना दलविरोधी अभियान, वामशक्तिमाथिको प्रहार, भूराजनीतिक तथा बाह्य शक्तिकेन्द्रको चलखेल, डिजिटल प्रचार, लोकप्रियतावादी शक्तिको प्रभाव, र विदेशमा बस्ने नेपालीको भूमिका रहेका छन्। नेकपाले यसलाई ‘असामान्य अवस्थामा भएको निर्वाचनको परिणाम’ भनेर विश्लेषण गरेको छ। समीक्षामा पार्टीले प्रविधिको प्रभाव, परम्पर...

काठमाडौँ — नेपालका वरिष्ठ क्यान्सर रोग विशेषज्ञ तथा सर्जिकल अंकोलोजिस्ट डा. प्रकाशराज न्यौपानेको ६४ वर्षको उमेरमा निधन भएको छ। पित्त नलीमा हुने क्यान्सर (कोलान्जिओ कार्सिनोमा)बाट पीडित रहेका उनको आज बिहान ५:५८ बजे पाटन अस्पतालमा उपचारका क्रममा निधन भएको अस्पताल स्रोतले पुष्टि गरेको छ। डा. न्यौपाने पछिल्लो एक वर्षदेखि क्यान्सरसँग संघर्षरत थिए र पछिल्ला एक महिना पाटन अस्पतालमै उपचाररत थिए। उनको उपचारमा मेडिकल अंकोलोजिस्ट डा. अरुण शाही नेतृत्वको टोली संलग्न थियो। डा. शाहीले डा. न्यौपानेको निधनले नेपालको क्यान्सर उपचार क्षेत्रमा अपूरणीय क्षति पुगेको बताएका छन्। डा. न्यौपाने पेट, कलेजो, प्यान्क्रियाज, थाइरोइड, स्तन, मृगौला तथा छालासम्बन्धी क्यान्सरको शल्यक्रियामा विशेषज्ञ थिए। उनले नेपालमा सर्जिकल अंकोलोजीको विकास र विस्तारमा महत्वपूर्ण भूमिका निर्वाह गरेका थिए। भक्तपुर क्यान्सर अस्पतालमा...

गृहमन्त्री सुधन गुरुङले पशुपतिनाथ मन्दिर मा दर्शन तथा पूजा–अर्चना गर्नुभएको छ। आज बिहान उहाँ मन्दिर परिसर पुगेर विधिपूर्वक पूजा गर्दै दर्शन गर्नुभएको हो। गृहमन्त्री नियुक्त भएपछि उहाँ पहिलोपटक पशुपतिनाथ पुगेका हुन्। हनुमान जयन्ती को अवसर पारेर उहाँ मन्दिर पुगेको जनाइएको छ। दर्शनसँगै उहाँले मन्दिर क्षेत्रको अवलोकन गर्दै सरसफाइ, व्यवस्थापन तथा तीर्थयात्रीको सुविधाबारे जानकारी लिनुभएको थियो। पशुपति क्षेत्र विकास कोषका पदाधिकारीहरूले वर्तमान अवस्था र चुनौतीबारे जानकारी गराएका थिए। गृहमन्त्री गुरुङले धार्मिक स्थलको संरक्षण र प्रवर्द्धनमार्फत पर्यटन प्रवर्द्धनमा टेवा पुग्ने विश्वास व्यक्त गर्नुभएको छ। साथै, उहाँले देशमा शान्ति, स्थिरता र समृद्धिको कामना गर्नुभएको जनाइएको छ।...

  चितवन, १९ चैत — भरतपुर मालपोत कार्यालयमा अनधिकृत रुपमा प्रवेश गर्ने १६ जनालाई जिल्ला प्रहरी कार्यालय चितवनले बिहीबार पक्राउ गरेको छ। कार्यालयले जारी गरेको सूचनामा अबदेखि सेवा लिन आउने व्यक्तिहरू र कानुनअनुसार दर्ता भएका भू–सेवा सञ्चालकहरूलाई मात्रै प्रवेश अनुमति दिइने उल्लेख गरिएको छ। सेवासम्बन्धी काम कारबाही मात्र सम्बन्धित व्यक्ति वा दर्ता भएका भू–सेवा सञ्चालकले पेश गरेका कागजातको आधारमा अगाडि बढाइने कार्यालयले जनाएको छ। भू–सेवा सञ्चालकहरूले कार्यालय प्रवेश गर्दा अनिवार्य रूपमा परिचयपत्र लिएर आउनुपर्ने व्यवस्था गरिएको छ। कार्यालयले सेवाग्राहीहरूलाई अनधिकृत व्यक्तिमा भर नपर्न र आधिकारिक प्रक्रिया अपनाउन सचेत गराएको छ।...

आजको बैठकमा सांसदहरूले पार्टीगत आधारमा भाषण दिनेक्रम पूरा भएपछि नियमित कार्यसूचीको भागको रूपमा गृहमन्त्री गुरुङले तीनवटा अध्यादेश प्रस्तुत गरे। उहाँले प्रस्तुत गरेका अध्यादेशहरू यसप्रकार छन्: नागरिकता (पहिलो संशोधन) अध्यादेश, २०८२ प्रतिनिधि सभा सदस्यको निर्वाचन (पहिलो संशोधन) अध्यादेश, २०८२ नेपाल विशेष सेवा (तेस्रो संशोधन) अध्यादेश, २०८२ संविधानको धारा ८४ को उपधारा (२) अनुसार समावेशी प्रतिनिधित्वको बन्द सूचीमा राखिने जनसंख्या सुनिश्चित गर्न अध्यादेशमार्फत कानुनमा संशोधन गरिएको हो। प्रतिनिधि सभा निर्वाचनको मिति २१ फागुनमा तोकिएपछि भोटर सूची अद्यावधिक गर्ने उद्देश्यले अघिल्लो सरकारले प्रतिनिधि सभा सदस्यको निर्वाचन (पहिलो संशोधन) अध्यादेश जारी गरेको थियो। गृहमन्त्री गुरुङले नेपाल विशेष सेवा (तेस्रो संशोधन) अध्यादेश जारी भएको जानकारी दिनुभयो, जसअन्तर्गत राष्ट्रिय अनुसन्ध...