Author: Xpress Tv News Nepal

काठमाडौं — International Cricket Council (आईसीसी) महिला टी–२० च्यालेन्ज ट्रफीअन्तर्गत नेपालले आज आफ्नो पहिलो खेलमा अमेरिकासँग प्रतिस्पर्धा गर्दैछ। खेल रुवान्डामा नेपाली समयअनुसार बेलुका पौने ५ बजे सुरु हुनेछ। नेपाली महिला टोलीले पहिलो पटक रुवान्डामा अन्तर्राष्ट्रिय प्रतियोगिता खेल्न लागेको हो। प्रतियोगितामा नेपाल र अमेरिकासहित इटाली, आयोजक रुवान्डा र भानुआतु सहभागी छन्। सबै टोलीले एकअर्कासँग दुई पटक खेल्ने प्रारूप तय गरिएको छ। अङ्क तालिकाको शीर्ष स्थानमा रहने टोली प्रतियोगिताको विजेता बन्नेछ। आजदेखि सुरु भएको प्रतियोगिता वैशाख १८ गतेसम्म सञ्चालन हुनेछ। आईसीसीले यो प्रतियोगिता पहिलो पटक आयोजना गरेको हो। यसअघि नेपाल क्रिकेट सङ्घ (क्यान) ले गएको बुधबार नेपाली राष्ट्रिय महिला क्रिकेट टोलीलाई औपचारिक रूपमा बिदाइ गरेको थियो।...

काठमाडौं — नेपाल पानी उद्योग महासंघले प्रशोधित पिउने पानीको मूल्य वृद्धि गर्ने घोषणा गरेको छ। बढ्दो ढुवानी खर्च र कच्चा पदार्थको मूल्यमा आएको तीव्र वृद्धिका कारण उद्योग सञ्चालन महँगो बनेपछि यस्तो निर्णय गरिएको महासंघले जनाएको हो। महासंघका महासचिव ध्रुवप्रसाद अधिकारीद्वारा जारी प्रेस विज्ञप्तिअनुसार पानी उद्योगमा प्रयोग हुने बोतल, क्याप, र्‍यापिङ रोल, जार तथा जार क्यापलगायत सामग्रीको मूल्य करिब ४० प्रतिशतसम्म बढेको छ। साथै पेट्रोलियम पदार्थको मूल्यवृद्धिले ढुवानी खर्चसमेत उल्लेखनीय रूपमा बढाएको छ। महासंघले सुरक्षित र गुणस्तरीय पिउने पानी उपलब्ध गराउँदै आएको यस उद्योगले राजस्व संकलन, रोजगारी सिर्जना र बजार आपूर्तिमा महत्वपूर्ण योगदान पुर्‍याउँदै आएको उल्लेख गरेको छ। तर पछिल्लो समय लागत अत्यधिक बढेपछि पुरानै मूल्यमा पानी बिक्री गरी उद्योग सञ्चालन सम्भव नभएको निष्कर्ष निकालिएको छ। विज...

काठमाडौँ — त्रिभुवन अन्तर्राष्ट्रिय विमानस्थलबाट प्रहरीले लागुऔषधजस्तो देखिने तरल पदार्थसहित एक विदेशी नागरिकलाई पक्राउ गरेको छ। पक्राउ पर्नेमा अमेरिकी राहदानीवाहक ४६ वर्षीय ओग्नियन पेट्रोभ रहेका छन्। विमानस्थल सुरक्षा कार्यालयका प्रहरी उपरीक्षक राजकुमार सिलवालका अनुसार उनी काठमाडौँबाट दिल्ली जान लागेको Air Indiaको उडान नम्बर AI-218 मार्फत यात्रा गर्ने क्रममा पक्राउ परेका हुन्। प्रहरीका अनुसार नियमित लगेज जाँचका क्रममा स्क्रिनिङ गर्दा उनको सामान शंकास्पद देखिएपछि थप जाँच गरिएको थियो। त्यसक्रममा गाँजा/भाङको तेलजस्तो देखिने करिब १.२५ लिटर क्षमताका पाँच वटा बोतल बरामद गरिएको बताइएको छ। पक्राउ परेका उनलाई थप अनुसन्धान तथा कारबाहीका लागि लागुऔषध नियन्त्रण ब्यूरोको जिम्मा लगाइएको छ। प्रहरीले उक्त पदार्थको वास्तविक प्रकृति परीक्षणपछि मात्रै पुष्टि हुने जनाएको छ।...

जुम्ला — राष्ट्रिय परिचयपत्र नम्बरमार्फत अनलाइन प्रणालीबाट मतदाता नामावली दर्ता गर्नेको सङ्ख्या उल्लेख्य रूपमा बढेको छ। निर्वाचन आयोगको केन्द्रीय कार्यालयले मतदाता नामावली सङ्कलन तथा अद्यावधिक कार्यक्रम पुनः सुरु गरेसँगै राष्ट्रिय परिचयपत्र बनाएका धेरै नागरिकले अनलाइन माध्यमबाटै नाम दर्ता गर्न थालेको जिल्ला निर्वाचन कार्यालयले जनाएको छ। निर्वाचन अधिकारी दीपेन्द्र कँडेलका अनुसार दर्ता गराउनेमध्ये करिब ९० प्रतिशतले अनलाइन प्रणाली प्रयोग गरेका छन्। उहाँका अनुसार हालसम्म राष्ट्रिय परिचयपत्रमार्फत ३३५ जना र कार्यालयमा प्रत्यक्ष उपस्थित भएर ५ जना गरी कुल ४४० जनाले मतदाता नामावलीमा नाम दर्ता गराएका छन्। कार्यालयले जिल्लाका सबै स्थानीय तहलाई मतदाता नामावली दर्ता तथा अद्यावधिक प्रक्रियाबारे जानकारी गराउँदै पत्राचारसमेत गरेको जनाएको छ। गत फागुन २१ गते सम्पन्न प्रतिनिधिसभा निर्वाचनका लागि...

काठमाडौँ । काठमाडौँ उपत्यकामा पछिल्लो समय दैनिक उपभोग्य वस्तुहरूको मूल्य अस्वाभाविक रूपमा वृद्धि हुँदै गएको छ। विशेषगरी केराको मूल्य खुद्रा बजारमा प्रतिदर्जन ३५० देखि ४०० रुपैयाँसम्म पुगेको छ, जबकि किसानले भने सोही उत्पादनको ६० देखि ८० रुपैयाँ मात्र प्राप्त गरिरहेका छन्। यसले उत्पादनदेखि उपभोक्तासम्मको मूल्य श्रृंखलामा गम्भीर असन्तुलन देखिएको छ। त्यस्तै, ग्यास अभावको समस्या पनि बढ्दै गएको छ। उपभोक्ताहरूले सिलिन्डर साट्न ५०० देखि १ हजार रुपैयाँसम्म अतिरिक्त शुल्क तिर्नु परेको गुनासो गरेका छन्। आपूर्ति व्यवस्थापन कमजोर हुँदा उपभोक्ता थप समस्यामा परेका हुन्। यातायात क्षेत्रमा पनि सरकारले तोकेको भाडादरभन्दा बढी असुली भइरहेको भन्दै असन्तुष्टि बढेको छ। अनौपचारिक रूपमा अतिरिक्त शुल्क लिने प्रवृत्तिले सर्वसाधारण यात्रु प्रत्यक्ष प्रभावित भएका छन्। पेट्रोलियम पदार्थको मूल्यवृद्धिसँगै समग्र...

काठमाडौँ — अन्तर्राष्ट्रिय क्रिकेट परिषद् (आईसीसी) को आयोजनामा पहिलोपटक सञ्चालन भएको वुमेन्स च्यालेन्ज ट्रफी २०२६ मा नेपालले आज आफ्नो पहिलो खेल खेल्दैछ। नेपाली महिला टोलीले उद्घाटन खेलमा अमेरिकासँग प्रतिस्पर्धा गर्न लागेको हो। खेल रुवान्डाको किगालीस्थित गहङ्गा अन्तर्राष्ट्रिय क्रिकेट स्टेडियममा साँझ ४:४५ बजे सुरु हुनेछ। यो खेल नेपालका लागि विशेष अर्थ राख्छ, किनभने टी–२० अन्तर्राष्ट्रिय मान्यतामा अमेरिकासँग नेपालले पहिलोपटक प्रतिस्पर्धा गर्न लागेको हो। यसअघि दुवै टोलीबीच अभ्यास खेल भए पनि ती खेलले अन्तर्राष्ट्रिय मान्यता पाएका थिएनन्। नेपाल मात्र होइन, प्रतियोगितामा सहभागी अधिकांश टोलीसँग पनि नेपाली महिला टोलीले पहिलोपटक टी–२० आई खेल खेल्दैछ। अप्रिल १८ देखि मे १ सम्म चल्ने प्रतियोगितामा आयोजक रुवान्डासहित नेपाल, अमेरिका, इटाली र भानुआतु सहभागी छन्। प्रतियोगिता डबल राउण्ड रोबिन प्रणाली...

काठमाडौं – ICC Women's Challenge Trophy 2026 अन्तर्गत नेपाल महिला राष्ट्रिय क्रिकेट टोलीले आज आफ्नो पहिलो खेलमा अमेरिकासँग प्रतिस्पर्धा गर्दैछ। खेल Gahanga International Cricket Stadium मा साँझ ४:४५ बजे सुरु हुनेछ। टी–२० अन्तर्राष्ट्रिय मान्यतासहित अमेरिकाविरुद्ध नेपालले पहिलो पटक खेल्न लागेको हो। यसअघि यी दुई टोलीबीच अभ्यास खेल भए पनि आधिकारिक टी–२०आई मान्यता प्राप्त थिएन। प्रतियोगितामा सहभागी अन्य टोलीहरूसँग पनि नेपालले पहिलो पटक टी–२०आई प्रतिस्पर्धा गर्दैछ। अप्रिल १८ देखि मे १ सम्म सञ्चालन हुने प्रतियोगितामा आयोजक रुवान्डासहित नेपाल, अमेरिका, इटाली र भानुआतु सहभागी छन्। डबल राउण्ड रोबिन आधारमा खेलिने प्रतियोगितामा प्रत्येक टोलीले एक–अर्कासँग दुई–दुई पटक प्रतिस्पर्धा गर्नेछन्। अन्त्यमा सर्वाधिक अंक बटुल्ने टोली च्याम्पियन बन्नेछ। नेपाल महिला टोली पहिलो पटक रुवान्डामा अन्तर्राष्ट...

काठमाडौं । काठमाडौँमा शुक्रबार गृहमन्त्री सुधन गुरुङ र मधेस तथा लुम्बिनी प्रदेशका सांसदबीच सीमापार अपराध तथा तस्करी नियन्त्रणका उपायबारे महत्वपूर्ण छलफल भएको छ। बैठकमा सहभागी सांसदहरूले सीमा क्षेत्रमा बढ्दो तस्करी नियन्त्रण गर्न प्रभावकारी नीति तथा कडाइका साथ कार्यान्वयन गर्न सरकारसँग माग गरेका छन्। उनीहरूले विशेषगरी भन्सार प्रणालीमा सुधार, भन्सार दरको पुनरावलोकन, सीमा निगरानी सुदृढीकरण तथा कृषि सामग्रीको आयात–निर्यात प्रक्रियालाई सहज बनाउनुपर्नेमा जोड दिएका छन्। यसैगरी सीमावर्ती क्षेत्रका नागरिकलाई दैनिक उपभोग्य वस्तुमा सीमित भन्सार छुट दिने स्पष्ट मापदण्ड निर्माण गर्नुपर्ने सुझाव पनि प्रस्तुत गरिएको थियो। सांसदहरूले यस्तो व्यवस्थाले स्थानीय जनजीवन सहज बनाउने र अवैध तस्करीलाई निरुत्साहित गर्ने विश्वास व्यक्त गरेका छन्। छलफलका क्रममा उठेका गृह मन्त्रालयसँग सम्बन्धित विषयहरू तत्काल...

काठमाडौं । प्रधानमन्त्री बालेन्द्र शाह (बालेन) द्वारा गाइएको एक गीत युट्युबबाट हटाउन माग गर्दै साइबर ब्युरोमा उजुरी परेको छ। पूर्व संविधानसभा सदस्य तथा यौनिक तथा लैंगिक अल्पसंख्यक अधिकारकर्मी सुनीलबाबु पन्तले उक्त उजुरी दिएका हुन्। गीतमा प्रयोग भएका केही शब्दले यौनिक तथा लैंगिक अल्पसंख्यक समुदायको मानमर्दन गरेको भन्दै उनले कारबाहीको माग गरेका छन्। साइबर ब्युरोका एसपी दीपक गिरीका अनुसार उजुरी प्राप्त भएको र त्यसबारे अध्ययन प्रक्रिया सुरु गरिएको छ। “गीत हटाइदिन माग गर्दै उजुरी आएको छ, हामीले यसको अध्ययन सुरु गरेका छौँ,” उनले भने। करिब १२ वर्षअघि ‘रअ बार्ज र्‍याप ब्याटल’ शीर्षकमा अपलोड गरिएको उक्त सामग्री सङ्सनेपाललगायत विभिन्न युट्युब च्यानलमा उपलब्ध रहेको छ। उक्त भिडियोमा महिलाहरू तथा यौनिक तथा लैंगिक अल्पसंख्यक समुदायप्रति आपत्तिजनक अभिव्यक्ति प्रयोग गरिएको आरोप छ।...

काठमाडौं । सर्वोच्च अदालतले प्रधानमन्त्री बालेन्द्र शाहलाई अदालतको अवहेलना सम्बन्धी मुद्दामा वारेस (प्रतिनिधि) राख्न अनुमति दिएको छ । न्यायाधीशद्वय हरि फुयाल र शान्तिसिंह थापा को इजलासले तारेख धान्नका लागि वारेस नियुक्त गर्न पाउने सुविधा प्रदान गरेको हो । यससँगै अब मुद्दाको तारेखका लागि प्रधानमन्त्री शाह स्वयं उपस्थित हुनुपर्ने बाध्यता हटेको छ । उक्त मुद्दा तीन वर्षअघि, शाह काठमाडौँ महानगरपालिकाका मेयर रहँदा उत्पन्न भएको हो । उच्च अदालत पाटन ले हिन्दी चलचित्र प्रदर्शन रोक्न नपाइने आदेश दिएपछि सो आदेशविरुद्ध सामाजिक सञ्जालमार्फत टिप्पणी गरेपछि उनीविरुद्ध अदालतको अवहेलना मुद्दा दायर गरिएको थियो । अधिवक्ता वर्षा झा ले उक्त टिप्पणीलाई अदालतको आदेशको अवज्ञा ठहर गर्दै मुद्दा दायर गरेकी थिइन् । सर्वोच्चको पछिल्लो आदेशसँगै अब मुद्दा प्रक्रियामा प्रधानमन्त्रीको प्रत्यक्ष उपस्थितिबिनै का...