Author: Xpress Tv News Nepal

काठमाडौं । नदी किनार तथा सार्वजनिक जग्गामा रहेका सुकुम्वासी बस्ती हटाउने सरकारी अभियानविरुद्ध देशका विभिन्न जिल्लामा भूमिहीन, सुकुम्वासी, अव्यवस्थित बसोबासी तथा भूमिहीन दलित समुदाय आन्दोलनमा उत्रिएका छन् । काठमाडौं उपत्यकामा डोजर अभियान तीव्र बनेपछि यसको प्रभाव देशभर फैलिएको हो । झापा, मोरङ, सुनसरीदेखि जनकपुर, हेटौंडा, पोखरा, बुटवल, दाङ, बर्दिया र सुर्खेतसम्म विभिन्न स्थानमा प्रदर्शन भएका छन् । प्रदर्शनकारीहरूले “विस्थापन होइन व्यवस्थापन गर”, “भूमिहीनलाई न्याय दे”, “उठीबास बन्द गर” लगायतका नारासहित सरकारको निर्णयको विरोध गरेका छन् । सरकारले सार्वजनिक तथा सरकारी जग्गा खाली गराउन ७७ जिल्ला प्रशासन कार्यालयलाई निर्देशन दिएपछि विभिन्न जिल्लामा बस्ती हटाउने तयारी सुरु भएको छ । तर, स्थानीय तह र प्रशासनबीच समन्वय अभावका कारण धेरै स्थानमा कार्यान्वयन प्रक्रिया रोकिएको बताइएको छ । झापाको द...

काठमाडौं । Ministry of Foreign Affairs Nepal ले लिम्पियाधुरा, लिपुलेक र कालापानी क्षेत्रको सीमा विवाद कूटनीतिक माध्यमबाट समाधान गर्न नेपाल सरकार प्रतिबद्ध रहेको जनाएको छ । शुक्रबार आयोजित पत्रकार सम्मेलनमा मन्त्रालयका प्रवक्ता Lok Bahadur Paudyal Chhetri ले लिपुलेक क्षेत्रबारे नेपालको धारणा स्पष्ट र अडिग रहेको बताएका हुन् । उनले नेपाली भूमि लिपुलेक हुँदै भारत–चीनबीच सञ्चालन हुने भनिएको कैलाश मानसरोवर यात्राबारे नेपालले यसअघि नै आफ्नो आधिकारिक धारणा सार्वजनिक गरिसकेको उल्लेख गरे । साथै, सन् १८१६ को Treaty of Sugauli अनुसार महाकाली नदीपूर्वका लिम्पियाधुरा, लिपुलेक र कालापानी नेपालको अभिन्न भूभाग भएकोमा सरकार स्पष्ट रहेको बताए । प्रवक्ता पौडेलले नेपालले आफ्नो अडान भारत र चीन दुवैलाई कूटनीतिक माध्यमबाट जानकारी गराइसकेको पनि बताए । नेपाल–भारतबीचको मैत्रीपूर्ण सम्बन्धको भावना अनुरूप ...

काठमाडौं । नेपाली क्रिकेटर Lokesh Bam बेल्जियममा हुने ईयू टी–२० प्रतियोगिता खेल्ने भएका छन् । उनी बेल्जियन फ्रेन्चाइज टोली Antwerp Anchors मा अनुबन्धित भएका हुन् । यो लोकेशको पहिलो विदेशी क्लब सम्झौता हो । एंकर्सले शुक्रबार सामाजिक सञ्जालमार्फत लोकेशलाई टोलीमा स्वागत गरेको जानकारी दिएको हो । यससँगै उनी उक्त टोलीबाट खेल्ने दोस्रो नेपाली खेलाडी बनेका छन् । यसअघि नेपाली राष्ट्रिय टोलीका ओपनर Aasif Sheikh पनि एंकर्समा आबद्ध भइसकेका छन् । टोलीका मुख्य प्रशिक्षक Donovan Miller रहेका छन् भने टोलीमा Andre Russell, Martin Guptill, David Wiese तथा Ruben Trumpelmann जस्ता अन्तर्राष्ट्रिय स्टार खेलाडी पनि समावेश छन् । लोकेशले नेपालका लागि हालसम्म २३ वटा टी–२० अन्तर्राष्ट्रिय खेल खेल्दै २१५ रन बनाइसकेका छन् । पहिलो संस्करणको ईयू टी–२० बेल्जियम आगामी जुन ६ देखि १४ तारिखसम्म सञ्चालन हुनेछ । प...

काठमाडौं । राष्ट्रिय स्वतन्त्र पार्टी (रास्वपा)का सांसद राजीव खत्री ले प्रधानन्यायाधीश नियुक्ति सिफारिसलाई लिएर भइरहेको बहसमाथि टिप्पणी गरेका छन्। उनले उमेर वा वरियताभन्दा व्यक्तिको कर्म र क्षमता महत्वपूर्ण हुने बताएका छन्। सामाजिक सञ्जालमार्फत प्रतिक्रिया दिँदै सांसद खत्रीले प्रतिस्पर्धामा धेरै व्यक्ति हुँदा जोसुकैले पनि सफलता हासिल गर्न सक्ने उल्लेख गरे। उनले ‘चार नम्बरले जित्न हुँदैन’ भन्ने तर्क गर्नु उचित नहुने बताएका छन्। ‘मैदानमा छ जनालाई दौडाएपछि जसले पनि जित्न सक्छ। चार नम्बरले जित्न हुँदैन भनेर रुनुको अर्थ छैन। मान्छे उमेरले होइन, कर्मले श्रेष्ठ हुन्छ,’ उनले लेखेका छन्। उनले न्याय र विवेक निष्पक्ष भए मानिसले यही समाजमा स्वर्ग र नर्कको अनुभूति गर्न सक्ने धारणा पनि राखेका छन्। मानिस मरेपछि कहाँ जान्छ भन्ने विषय बहसको कुरा भए पनि न्यायपूर्ण दृष्टिकोण नै सबैभन्दा महत्वपूर्ण ह...

काठमाडौं । राष्ट्रिय स्वतन्त्र पार्टी नेतृत्वको सरकारले ल्याएका ८ वटा अध्यादेशको भविष्य अब विपक्षी दलहरूको भूमिकामा निर्भर देखिएको छ । राष्ट्रपति रामचन्द्र पौडेल ले अध्यादेश जारी गरिसके पनि संसद्‌बाट प्रतिस्थापन विधेयक पारित नभए ती स्वतः निष्क्रिय हुने संवैधानिक व्यवस्था छ । मन्त्रिपरिषद्को सिफारिसमा राष्ट्रपति पौडेलले वैशाख १७ गते सहकारी र सार्वजनिक खरिदसम्बन्धी अध्यादेश जारी गरेका थिए । त्यसपछि क्रमशः सम्पत्ति शुद्धीकरण निवारण, विश्वविद्यालय, सार्वजनिक पदाधिकारी, स्वास्थ्य विज्ञान प्रतिष्ठान, संवैधानिक परिषद् लगायतका विषयमा अध्यादेश ल्याइएको थियो । सरकारले अध्यादेशमार्फत करिब डेढ सय कानुन संशोधन गरेको छ । संविधानको धारा ११४ अनुसार संसद् अधिवेशन नरहेको अवस्थामा तत्काल आवश्यक परे अध्यादेश जारी गर्न सकिने व्यवस्था छ । तर संसद् बैठक सुरु भएपछि ती अध्यादेशलाई प्रतिस्थापन विधेयकका रूपमा ...

काठमाडौं — सर्वोच्च अदालतका न्यायाधीश डा. मनोज शर्मा प्रधानन्यायाधीशमा सिफारिस भएका छन् । न्यायपरिषद्को बिहीबार बसेको बैठकले शर्माको नाम प्रधानन्यायाधीशका लागि सिफारिस गरेको हो । नेपालको न्यायिक इतिहासमा वरिष्ठतम् न्यायाधीशलाई छोडेर रोलक्रमको चौथो स्थानमा रहेका न्यायाधीशलाई प्रधानन्यायाधीशमा सिफारिस गरिएको यो पहिलो घटना हो । संसदीय सुनुवाइ समितिबाट अनुमोदन भएमा उनी ३३औँ प्रधानन्यायाधीश बन्नेछन् । ६ वैशाख २०७६ मा सर्वोच्च अदालतको न्यायाधीशमा नियुक्त भएका शर्मा अनुमोदन भएमा ६ वर्षे पूर्ण कार्यकाल प्रधानन्यायाधीशका रूपमा रहनेछन् । हालका कामु प्रधानन्यायाधीश सपना प्रधान मल्ल, वरिष्ठतम् न्यायाधीश कुमार रेग्मी र हरि फुयाललाई पछाडि पार्दै चौथो वरियतामा रहेका शर्मालाई सिफारिस गरिएको हो । ४ असार २०२७ मा पर्सामा जन्मिएका शर्मा ३ असार २०९२ मा ६५ वर्ष पुग्नेछन् । प्रजातन्त्र पुनर्स्थापनापछि क...

काठमाडौं । संघीय संसद् सचिवालयले सांसदहरूको उपस्थितिलाई थप व्यवस्थित र प्रविधिमैत्री बनाउन विद्युतीय हाजिरी प्रणाली लागू गर्ने तयारी गरेको छ । त्यसका लागि सांसदहरूको बायोमेट्रिक विवरण संकलन कार्य सुरु गरिएको सचिवालयले जनाएको छ । संघीय संसद्अन्तर्गत हुने बैठक तथा संसदीय समितिका कार्यक्रममा सांसदहरूको उपस्थितिलाई अब विद्युतीय माध्यमबाट अभिलेखन गरिनेछ । यसअघि कागजी रूपमा हाजिरी गर्ने व्यवस्था रहेकामा अब डिजिटल प्रणालीमार्फत हाजिरी व्यवस्थापन गरिने तयारी गरिएको हो । सचिवालयका अनुसार बायोमेट्रिक विवरण संकलनसँगै सांसदहरूको औपचारिक तस्वीरसमेत खिचिने भएकाले सांसदहरूलाई संघीय संसद्को लोगो सहित औपचारिक पोशाकमा उपस्थित हुन अनुरोध गरिएको छ । सांसदहरूको बायोमेट्रिक विवरण संकलन कार्य वैशाख २८ गतेसम्म सञ्चालन हुने सचिवालयले जानकारी दिएको छ ।...

सिरहाको बरियारपट्टीमा रहेको छोटी भन्सार कार्यालय बन्द गर्ने सरकारी निर्णयको विरोधमा स्थानीयवासी तथा व्यवसायीहरूले आन्दोलन सुरु गरेका छन् । आन्दोलनका कारण हुलाकी राजमार्ग अवरुद्ध हुँदा बिहानदेखि सवारी आवागमन प्रभावित बनेको छ । नेपाल सरकारले २०८३ वैशाख २१ गते राजपत्रमार्फत बरियारपट्टी छोटी भन्सार कार्यालय खारेज गर्ने निर्णय सार्वजनिक गरेको थियो । उक्त निर्णयले सीमावर्ती क्षेत्रको व्यापार, स्थानीय बजार तथा आर्थिक गतिविधिमा गम्भीर असर पर्ने भन्दै स्थानीयले विरोध जनाएका हुन् । आन्दोलनकारीहरूले बरियारपट्टी गाउँपालिका–३ स्थित बरियारपट्टी चोकमा सडक अवरोध गर्दै बिहान करिब ८ः३० बजेदेखि हुलाकी राजमार्ग बन्द गरेका छन् । सडकको बीचभागमा बेन्च राखेर गरिएको अवरोधका कारण पूर्व–पश्चिम आवतजावत गर्ने सवारी साधन लामो समयसम्म रोकिएका थिए । प्रदर्शनमा सहभागीहरूले बरियारपट्टी छोटी भन्सार कार्यालय पुनः सञ...

सरकारले गृह मन्त्रालयमार्फत उपलब्ध गराएका सरकारी सवारीसाधन एक पूर्वराष्ट्रपति र चार पूर्वप्रधानमन्त्रीले प्रयोग गरिरहेको पाइएको छ । गृह मन्त्रालयको आन्तरिक प्रशासन, सवारी तथा सभा–समारोह व्यवस्थापन शाखाका अनुसार मन्त्रिपरिषद्को निर्णयका आधारमा उनीहरूलाई सरकारी गाडी उपलब्ध गराइएको हो । शाखाका अनुसार नेपालका प्रथम राष्ट्रपति डा. रामवरण यादव ले मन्त्रालयबाट उपलब्ध दुई वटा गाडी प्रयोग गरिरहेका छन् । त्यस्तै पूर्वप्रधानमन्त्रीहरू लोकेन्द्रबहादुर चन्द, डा. बाबुराम भट्टराई, झलनाथ खनाल र खिलराज रेग्मी ले गृह मन्त्रालयले उपलब्ध गराएका एक/एक वटा गाडी प्रयोग गरिरहेका छन् । यस विषयमा प्रधानमन्त्री तथा मन्त्रिपरिषद्को कार्यालयले सरकारी गाडी प्रयोग गरिरहेका भीभीआईपीहरूको विवरण माग गरेपछि गृह मन्त्रालयले आवश्यक जानकारी पठाइसकेको जनाएको छ । मन्त्रालयका प्रवक्ता सहसचिव आनन्द काफ्ले ले प्रधानम...

नेपाल आयल निगमले पेट्रोलमा प्रतिलिटर २ रुपैयाँ तथा डिजेल–मट्टितेलमा १२ रुपैयाँले मूल्य घटाएको छ। यता, एलपी ग्यासमा १५० रुपैयाँ र हवाई इन्धनको मूल्य भने बढाइएको निगमले जनाएको छ। नयाँ मूल्यसूचीअनुसार अब खाना पकाउने ग्यासको मूल्य प्रति सिलिन्डर २ हजार १६० रुपैयाँ पुगेको छ।