Author: Xpress Tv News Nepal

अख्तियार दुरुपयोग अनुसन्धान आयोगले घुस लिएको आरोपमा मालपोत कार्यालय भैरहवाका एक नायब सुब्बाविरुद्ध विशेष अदालतमा मुद्दा दायर गरेको छ । आयोगका अनुसार ओमबहादुर खाम्चा ले सेवाग्राहीबाट २ लाख रुपैयाँ घुस लिएको आरोपमा सोमबार मुद्दा दायर गरिएको हो । उनी मालपोत कार्यालय भैरहवा मा कार्यरत थिए । अख्तियारका प्रवक्ता सुरेश न्यौपाने का अनुसार जग्गाको नयाँ स्रेस्ता कायम तथा नामसारी गरिदिने प्रयोजनका लागि सेवाग्राहीसँग रकम लिइसकेको अवस्थामा खाम्चालाई नियन्त्रणमा लिइएको थियो । अनुसन्धानका क्रममा जीर्ण स्रेस्ता कायम गर्ने तथा जग्गा नामसारी दाखिला गरिदिने कामका लागि सेवाग्राहीसँग मोलमोलाइ गरी २ लाख रुपैयाँ लिएको पुष्टि भएको आयोगले जनाएको छ । उक्त घटनामा भ्रष्टाचार निवारण ऐन, २०५९ अन्तर्गत कसुर गरेको ठहर गर्दै आयोगले २ लाख रुपैयाँ बिगो कायम गरी कैद सजायसमेत मागदाबी गर्दै विशेष अदालतमा मुद्दा दाय...

काठमाडौं । प्रतिनिधिसभाका सांसद अचुतम लामिछानेले खेतीपातीको मुख्य समयमा किसानहरूले मल, बीउ–बिजन तथा कृषि औजारको अभाव झेल्नुपरेको बताएका छन् । प्रतिनिधिसभाको शून्य समयमा बोल्दै उनले आवश्यक कृषि सामग्री समयमै उपलब्ध नहुँदा उत्पादनमा गिरावट आउने खतरा बढेको बताए । उनले कृषि क्षेत्रप्रति राज्य गम्भीर नबन्दा किसानहरू निराश बन्दै गएको उल्लेख गरे । उनले भने, “खेती गर्ने महत्वपूर्ण समयमा किसानले मल, बीउ–बिजन र आवश्यक कृषि औजारसमेत सहज रूपमा पाउन सकेका छैनन् । समयमै मल नपाउँदा उत्पादन घट्ने जोखिम बढेको छ । यसले कृषि पेशा नै संकटतर्फ धकेलिरहेको छ ।” सांसद लामिछानेले किसानले आफ्नै खेतमा उत्पादन गरेका कृषि उपज बजारसम्म पु¥याउनसमेत अनेक कठिनाइ भोग्नुपरेको बताए । उनले किसानको श्रम, योगदान र उत्पादनको उचित सम्मान गर्दै कृषि क्षेत्रको समस्या समाधान गर्न सरकारसँग माग गरेका छन् ।...

काठमाडौं– International Cricket Council क्रिकेट विश्वकप लिग–२ अन्तर्गत नेपाल र स्कटल्याण्डबीचको खेल जारी रहेको छ । कीर्तिपुरस्थित Tribhuvan University International Cricket Ground मा भइरहेको खेलमा स्कटल्याण्डले नेपालसामु १९५ रनको सामान्य लक्ष्य प्रस्तुत गरेको छ । नेपालको अनुशासित र कसिलो बलिङसामु स्कटल्याण्ड टिक्न नसक्दा टोली ३९.१ ओभरमै अलआउट हुँदै १९४ रनमा समेटिएको हो । नेपालका लागि Lalit Rajbanshi ले उत्कृष्ट बलिङ गर्दै चार विकेट लिए भने Sandeep Lamichhane ले तीन विकेट हात पारे । टस जितेर पहिले ब्याटिङ गरेको स्कटल्याण्डले सुरुआत राम्रो बनाउन नसक्दा लगातार विकेट गुमाएको थियो । नेपाली बलरहरूले सुरुदेखि नै दबाब बनाएका कारण स्कटिश ब्याटरहरू खुलेर खेल्न सकेनन् । आजको खेलमा नेपालको प्लेइङ–११ मा कुनै परिवर्तन गरिएको छैन । टोलीमा कुशल भुर्तेल, आशीफ शेख, रोहित पौडेल, दीपेन्द्रसिंह ऐरी, इ...

काठमाडौं । नेपाली लेग स्पिनर Sandeep Lamichhane ले एकदिवसीय अन्तर्राष्ट्रिय क्रिकेटमा नयाँ विश्व कीर्तिमान कायम गरेका छन् । स्कटल्यान्डविरुद्ध जारी खेलमा दुई विकेट लिएसँगै सन्दीपले एकदिवसीय क्रिकेटमा १५० विकेट पूरा गरेका हुन् । उनले यो उपलब्धि केवल ७३ खेलमै हासिल गर्दै सर्वाधिक छिटो १५० विकेट लिने विश्व रेकर्ड आफ्नो नाममा लेखाएका छन् । यसअघि उक्त कीर्तिमान अष्ट्रेलियाका Mitchell Starc को नाममा रहेको थियो । स्टार्कले ७७ एकदिवसीय खेलमा १५० विकेट पूरा गरेका थिए । सन्दीपले स्कटल्यान्डका ब्याटर ब्रान्डेन म्याकमुलनलाई आउट गर्दै आफ्नो १५०औँ विकेट पूरा गरेका हुन् । नेपाली क्रिकेटका लागि यो उपलब्धिलाई ऐतिहासिक मानिएको छ ।...

काठमाडौं । सुकुम्बासीका लागि निर्माण गरिएको ‘होल्डिङ सेन्टर’को अवस्था तथा व्यवस्थापनबारे जानकारी लिन संसदीय टोलीले स्थलगत अनुगमन गरेको छ । अनुगमनका क्रममा टोलीले त्यहाँ बसोबास गरिरहेका परिवारको अवस्था, खानेपानी, स्वास्थ्य, सरसफाइ तथा अन्य आधारभूत सुविधाबारे जानकारी लिएको थियो । टोलीका सदस्यहरूले प्रभावित नागरिकसँग प्रत्यक्ष छलफल गर्दै उनीहरूको समस्या र आवश्यकताका विषयमा समेत चासो व्यक्त गरेका छन् । संसदीय टोलीले होल्डिङ सेन्टरको व्यवस्थापनलाई थप व्यवस्थित र प्रभावकारी बनाउन सम्बन्धित निकायलाई आवश्यक सुझावसमेत दिएको जनाएको छ । साथै सुकुम्बासीको दीर्घकालीन व्यवस्थापनका लागि सरकार गम्भीर हुनुपर्ने धारणा टोलीले राखेको छ ।...

काठमाडौं । राजधानीमा आगामी जेठ १५ देखि २२ गतेसम्म ‘हिमालयन लिटरेचर फेस्टिभल एन्ड राइटर्स वर्कशप’ आयोजना हुने भएको छ । विश्वका विभिन्न देशका लेखक, कवि, कलाकार तथा साहित्यिक व्यक्तित्वहरूको सहभागितामा महोत्सव सञ्चालन हुन लागेको हो । आयोजकका अनुसार महोत्सवमा ७५ भन्दा बढी लेखक, विद्वान्, अनुवादक, सम्पादक, चलचित्रकर्मी तथा कलाकार सहभागी हुनेछन् । महोत्सव नेपाली कथासाहित्यका अग्रणी स्रष्टा गुरूप्रसाद मैनाली प्रति समर्पित रहने निर्देशक सृजना भण्डारी ले जानकारी दिइन् । महोत्सवमा नेपालसहित भारत, अमेरिका, बेलायत, क्यानडा, आयरल्याण्ड, अस्ट्रेलिया, अस्ट्रिया, पोर्चुगल, पोल्याण्ड, युक्रेन, फ्रान्स, डेनमार्क, रुस तथा फिलिपिन्सलगायत देशका साहित्यकार तथा कलाकारहरूको सहभागिता रहने अपेक्षा गरिएको छ । कार्यक्रमअन्तर्गत कविता वाचन, प्यानल छलफल, साहित्यिक कार्यशाला, मास्टरक्लास, सांस्कृतिक प्रस्तुति, ...

काठमाडौं । नेपाली कांग्रेसका महामन्त्री Gagan Thapa ले पार्टीभित्र रहेका असन्तुष्ट नेताहरूलाई पनि साथमा लिएर अघि बढ्ने बताएका छन् । आइतबार काठमाडौंमा आयोजित एक कार्यक्रममा बोल्दै उनले १४औँ महाधिवेशनबाट निर्वाचित भएर पनि हाल केन्द्रीय समितिभन्दा बाहिर रहेका नेताहरूलाई सम्मानपूर्वक समेट्ने इच्छा व्यक्त गरे । उनले भने, “१४औँ महाधिवेशनबाट निर्वाचित धेरै नेताहरू अहिले बाहिर हुनुहुन्छ । म सबैलाई समेटेर अघि बढ्न चाहन्छु । जसलाई आवश्यक छ, उहाँहरूलाई उचित सम्मान र जिम्मेवारी दिएर सँगै काम गर्न चाहन्छु ।” महामन्त्री थापाले सदस्यता समिति र अनुशासन समितिको कामप्रति असन्तुष्टि भए छलफलमार्फत समाधान खोज्न आग्रह गर्दै असन्तुष्ट पक्षलाई संवादमा आउन अनुरोध गरे । “आउनुस्, बसौँ र सदस्यताका विषयमा खुलेर छलफल गरौँ,” उनले भने ।...

बागलुङ । बागलुङको प्रसिद्ध धार्मिकस्थल कालिका भगवती मन्दिरले वैशाख महिनामा ६१ लाख ७८ हजार २१० रुपैयाँ आम्दानी गरेको छ । कालिका भगवती गुठी व्यवस्थापन समितिले आय–व्यय विवरण सार्वजनिक गर्दै उक्त जानकारी दिएको हो । समितिका अनुसार वैशाख महिनामा मन्दिर सञ्चालन तथा व्यवस्थापनमा ११ लाख ५८ हजार ५४० रुपैयाँ खर्च भएको छ । खर्च कटाएर मन्दिरले ५० लाख १९ हजार ६७० रुपैयाँ बचत गर्न सफल भएको जनाएको छ । सार्वजनिक विवरणअनुसार भेटीबाट मात्रै ३६ लाख ८७ हजार ५४५ रुपैयाँ संकलन भएको छ । त्यसैगरी परेवाबाट १० लाख २९ हजार ५००, भाडाबाट ९ लाख ७१ हजार १४०, आर्थिक सहयोगबाट २ लाख ४ हजार २२० तथा बोकाबाट १ लाख ३६ हजार ३५५ रुपैयाँ आम्दानी भएको उल्लेख गरिएको छ । यस्तै, चामलबाट ९३ हजार, पण्डित सेवाबाट २५ हजार ५००, कुखुराबाट ७ हजार ८ सय, विवाहबाट १४ हजार, व्रतबन्धबाट ३ हजार तथा राँगाबाट २ हजार ८ सय रुपैयाँ आम्दानी भएक...

काठमाडौं । परराष्ट्रमन्त्री शिशिर खनालले अब राजनीतिक लाभभन्दा माथि उठेर दीर्घकालीन सोचका साथ काम गर्ने समय आएको बताएका छन् । टोखा नगरपालिकाले आर्थिक वर्ष २०८३/८४ को नीति, कार्यक्रम तथा बजेट तर्जुमाका लागि आयोजना गरेको सल्लाह–सुझाव सङ्कलन कार्यक्रममा बोल्दै उनले स्थानीय तहका जनप्रतिनिधिहरूले भविष्यलाई केन्द्रमा राखेर योजना निर्माण गर्नुपर्ने बताए । मन्त्री खनालले अल्पकालीन राजनीतिक स्वार्थभन्दा दीर्घकालीन विकास योजनामा ध्यान दिन आग्रह गर्दै आगामी २०–२५ वर्षपछिको पुस्ताले समेत सम्झिने खालका काम गर्ने अवसर अहिलेको स्थानीय नेतृत्वसँग रहेको उल्लेख गरे । काठमाडौं क्षेत्र नम्बर ६ का सांसदसमेत रहेका उनले टोखाको दक्षिणी क्षेत्र अत्यधिक बाक्लो बस्तीले भरिएको र उत्तरी क्षेत्रमा अझै खुला जमिन बाँकी रहेकाले व्यवस्थित शहरी विकासमा विशेष ध्यान दिनुपर्ने बताए । उनले टोखाको ऐतिहासिक नेवारी बस्ती त...

काठमाडौं । विश्व रनिङ समुदायको साझा संस्था एसोसियसन अफ इन्टरनेसनल म्याराथन एण्ड डिस्टेन्स रेस (एम्स) ले नेपालको धारा नेपालगन्ज म्याराथनलाई यस वर्षको प्रतिष्ठित ‘एम्स सोसल अवार्ड’ प्रदान गर्ने घोषणा गरेको छ । विश्वभर आयोजना हुने म्याराथन प्रतियोगितामध्ये उत्कृष्ट सामाजिक प्रभाव पार्ने इभेन्टलाई प्रदान गरिने यो अवार्ड निकै सम्मानित मानिन्छ । अवार्ड आगामी जुन १८ देखि २० तारिखसम्म नर्वेको ट्रम्सोमा आयोजना हुने एम्सको २५औँ वर्ल्ड कंग्रेसमा प्रदान गरिने जनाइएको छ । नेपालगन्ज म्याराथनका संस्थापक टीएस ठकुरीका अनुसार एम्सकी उपाध्यक्ष तथा छनोट समिति संयोजक मार्था मोरालेसले पत्रमार्फत अवार्डबारे जानकारी दिँदै बधाई व्यक्त गरेकी हुन् । पत्रमा नेपालगन्ज म्याराथनले खेलकुदमार्फत समाजमा सकारात्मक प्रभाव र दिगो विकासका लागि पुर्‍याएको योगदानको उच्च मूल्यांकन गरिएको उल्लेख छ । यसअघि यो अवार्ड इथोपिय...