Breaking News 1

अमेरिकाको लुइसियाना राज्यस्थित श्रेभपोर्ट सहरमा भएको भीषण गोलीकाण्डमा आठ बालबालिकासहित नौ जनाको ज्यान गएको छ। घटनालाई यस वर्ष अमेरिकामा भएका सबैभन्दा गम्भीर सामूहिक गोलीकाण्डमध्ये एक मानिएको छ। स्थानीय समयअनुसार आइतबार बिहान करिब ६ बजे वेस्ट ७९औँ स्ट्रिटको ३०० ब्लक क्षेत्रमा यो घटना भएको हो। प्रहरीले ३१ वर्षीय शमार एल्किन्सलाई घटनाको मुख्य आरोपीका रूपमा नियन्त्रणमा लिएको जनाएको छ। प्रहरीका अनुसार आक्रमण घरेलु विवादसँग सम्बन्धित देखिएको छ। प्रारम्भिक विवरणअनुसार सात बालबालिकालाई घरभित्रै गोली हानिएको थियो भने एक बालक भाग्ने क्रममा छततर्फ जाँदा गोली लागेर मृत्यु भएको हो। घटनामा असल्ट–स्टाइल हतियार प्रयोग भएको बताइएको छ। मृतक बालबालिकाको उमेर तीनदेखि ११ वर्षसम्म रहेको छ। उनीहरू सबै एकै परिवारका तथा आफन्त समूहका सदस्य भएको प्रहरीले जनाएको छ। घटनामा १३ वर्षीय एक बालक घाइते भएका छन्,...

जेनजी मुभमेन्ट नेपालले गृहमन्त्री सुधन गुरुङमाथि उठेका गम्भीर आरोपहरूको निष्पक्ष छानबिन सुनिश्चित गर्न उनलाई तत्काल पदबाट बर्खास्त गर्न सरकारसँग माग गरेको छ। मुभमेन्टका प्रवक्ता विजय शाहद्वारा सोमबार जारी गरिएको प्रेस विज्ञप्तिमा, मन्त्री पदमा रहँदा अनुसन्धान प्रक्रिया प्रभावित हुने र यसले स्वार्थको द्वन्द्व सिर्जना गर्ने स्पष्ट देखिएको उल्लेख गरिएको छ। विज्ञप्तिमा भनिएको छ कि आफ्नैविरुद्धको छानबिन प्रक्रियामा पदमा रहिरहनु आधारभूत नैतिकता र कानुनी सिद्धान्तविपरीत हुने भएकाले निष्पक्ष न्यायका लागि गृहमन्त्रीको राजीनामा वा बर्खास्ती आवश्यक छ। मुभमेन्टले मन्त्री नियुक्ति र हटाउने विषयलाई राजनीतिक खेल नबनाउन पनि बालेन शाह नेतृत्वको सरकारलाई आग्रह गरेको छ। क्याबिनेटमा हुने नियुक्तिहरू गम्भीर राजनीतिक तथा नैतिक जिम्मेवारी भएको भन्दै नेतृत्वले परिपक्वता, जवाफदेहिता र दूरदर्शिता देखाउनुपर...

काठमाडौँ । नेपाली विद्यार्थी आन्दोलन अहिले गम्भीर आत्मसमीक्षा, संरचनात्मक सुधार र आफ्नो अस्तित्व जोगाउने चुनौतीपूर्ण मोडमा प्रवेश गरेको छ। विश्वविद्यालयहरूबाट विद्यार्थी संगठन र तिनका कार्यालय हटाउने सरकारको तयारीप्रति विभिन्न राजनीतिक दलसम्बद्ध विद्यार्थी नेताहरूले आपत्ति जनाएका छन्। उनीहरूले यसलाई विद्यार्थी आन्दोलनमाथिको वैचारिक प्रहार र प्रशासनिक दबाबमार्फत कमजोर पार्ने प्रयासको रूपमा व्याख्या गरेका छन्। नेपाली कांग्रेसका नेता नैनसिंह महरले परिवर्तनशील समाज र प्रविधिको युगमा पुरानै राजनीतिक शैलीले काम नचल्ने बताए। संयुक्त विद्यार्थी संगठनको कार्यक्रममा बोल्दै उनले पाठ्यक्रमदेखि संगठनको कार्यशैलीसम्म समयअनुसार सुधार आवश्यक रहेको उल्लेख गरे। महरले ३५ वर्षको राजनीतिक अभ्यासको समीक्षा गर्दै युवा पुस्ताको सोच बुझ्न नसक्दा अपेक्षित परिणाम आउन नसकेको स्वीकार गरे। उनले विश्वविद्यालयबाट संगठ...

काठमाडौँ । राष्ट्रियसभा अध्यक्ष नारायणप्रसाद दाहाल र अष्ट्रेलियाको प्रतिनिधिसभाका सभामुख मिल्टन डिक बीच शिष्टाचार भेट भएको छ। टर्कीको इस्तानबुल मा जारी अन्तर व्यवस्थापिका संघको १५२औँ महासभा मा सहभागी हुन पुगेका उनीहरूबीच उक्त भेट भएको हो। भेटका क्रममा नेपाल र अष्ट्रेलियाबीचको द्विपक्षीय सम्बन्ध, आपसी हित तथा संसदीय सहकार्यका विषयमा छलफल भएको अध्यक्ष दाहालको सचिवालयले जनाएको छ। अष्ट्रेलियाले नेपालको विकास र समृद्धिमा विगतदेखि पुर्‍याउँदै आएको सहयोगप्रति आभार व्यक्त गर्दै अध्यक्ष दाहालले आगामी दिनमा थप सहकार्य र सहयोगको अपेक्षा गरेका थिए। सो अवसरमा सभामुख मिल्टनले अष्ट्रेलिया–नेपाल सम्बन्ध सौहार्द्रपूर्ण रहेको उल्लेख गर्दै संसदीय सहकार्यले दुई देशबीचको सम्बन्ध अझ सुदृढ र प्रगाढ बन्ने विश्वास व्यक्त गरेका थिए। भेटमा नेपाली प्रतिनिधिमण्डलका तर्फबाट राष्ट्रियसभा सदस्य कृष्णबहादुर...

काठमाडौँ । २०२६ आईसीसी महिला टी–२० च्यालेन्ज ट्रफी अन्तर्गत आज भएको खेलमा नेपालले इटालीलाई जितका लागि ११२ रनको लक्ष्य दिएको छ । टस जितेर पहिले ब्याटिङ गरेको नेपालले निर्धारित २० ओभरमा ८ विकेट गुमाउँदै १११ रन बनायो । नेपालका लागि मध्यक्रमकी भरपर्दो ब्याटर पूजा महतोले अविजित ४७ रनको महत्वपूर्ण इनिङ खेलिन्। ४४ बलको सामना गर्दै उनले २ चौका र १ छक्का प्रहार गरिन्। ओपनर विन्दु रावलले १५ रन र सम्झना खड्काले १६ रन जोड्दै राम्रो सुरुवात गरे पनि मध्यक्रममा लगातार विकेट गुमाउँदा नेपाल दबाबमा परेको थियो। कप्तान इन्दु बर्मा १० रनमा आउट भइन् भने अन्य ब्याटरहरूले दोहोरो अंकमा रन जोड्न सकेनन्। इटालीका बलरमध्ये इमिलिया बार्ट्रामले उत्कृष्ट प्रदर्शन गर्दै २.५ ओभरमा २० रन खर्चेर ३ विकेट लिइन्। साथै एलेक्सिया कोन्टोपिराकिस, सेउमिनी कानान्केगे, इलेनिया सिम्स र चतुरिका महामालगेले समान १–१ विकेट लिए।...

रूपन्देहीको भैरहवामा आगामी वैशाख ८ गतेदेखि खुकुरी टी–२० कप क्रिकेट प्रतियोगिता सञ्चालन हुने भएको छ। लुम्बिनी खुकुरी क्लब बेलहियाको आयोजनामा प्रतियोगिता सिद्धार्थनगर नगरपालिका–३ स्थित सिद्धार्थ क्रिकेट रंगशालामा सञ्चालन गरिनेछ। आयोजकले आज पत्रकार सम्मेलन गर्दै प्रतियोगिता वैशाख १५ गतेसम्म चल्ने जानकारी दिएको हो। क्लबका अध्यक्ष महेश थापाका अनुसार प्रतियोगितामा तीन भारतीय टोलीसहित १६ समूहको सहभागिता रहनेछ। प्रतियोगिता संयोजक तथा सहसचिव नन्दन श्रेष्ठले नेपाली क्रिकेटको विकास र नयाँ प्रतिभा उत्पादन गर्ने उद्देश्यले प्रतियोगिता आयोजना गरिएको बताए। उनले भने, “यस प्रतियोगिताले स्थानीय मात्र नभई राष्ट्रिय तथा अन्तर्राष्ट्रिय स्तरका खेलाडी उत्पादनमा समेत योगदान पुर्‍याउने विश्वास छ।” क्लबले यसअघि पनि धेरै राष्ट्रिय तथा अन्तर्राष्ट्रिय खेलाडी उत्पादनमा भूमिका खेलेको आयोजकको दाबी छ। प्रतिय...

काठमाडौं — राष्ट्रिय स्वतन्त्र पार्टी का सभापति रवि लामिछाने ले केन्द्रीय समिति बैठक बोलाएका छन्। बैठक सोमबार दिउँसो ३ बजे पार्टी केन्द्रीय कार्यालय वनस्थलीमा बस्नेछ। पार्टीले सबै केन्द्रीय समिति सदस्यहरूलाई अनिवार्य उपस्थितिका लागि आग्रह गरेको छ। तर बैठक किन बोलाइएको हो भन्ने विषयमा हालसम्म पार्टी नेताहरूले कुनै औपचारिक जानकारी दिएका छैनन्। यसअघि आइतबार दिउँसो रास्वपाको सचिवालय बैठक बस्ने तयारी गरिएको छ। त्यसपछि हुने केन्द्रीय समिति बैठकलाई पार्टीभित्रको आगामी रणनीति तथा संगठनात्मक निर्णयसँग जोडेर हेरिएको छ।...

काठमाडौं — अमेरिका र इरान बीच दोस्रो चरणको वार्ता शुक्रबारअघि नै हुने सम्भावना देखिएको छ। क्षेत्रीय सुरक्षा स्रोतहरूलाई उद्धृत गर्दै अल जजिरा ले यस्तो जानकारी सार्वजनिक गरेको हो। पाकिस्तानी सुरक्षा स्रोतहरूका अनुसार वार्ताको तयारी तीव्र पारिएको संकेतहरू देखिएका छन्। नूर खान हवाई अड्डा मा अमेरिकी सी–१७ ग्लोबमास्टर सैन्य ढुवानी विमानहरू अवतरण भइसकेका छन्, जसले उच्चस्तरीय गतिविधिको संकेत गर्छ। त्यस्तै इस्लामाबाद को ‘रेड जोन’ क्षेत्रमा सुरक्षा कडा बनाइएको छ भने केही सडकहरू अस्थायी रूपमा बन्द गरिएका छन्। सुरक्षा व्यवस्थालाई ध्यानमा राख्दै सेरेना होटल र मेरियट होटल बाट पाहुनाहरू हटाउने तथा नयाँ बुकिङ रोक्ने कामसमेत गरिएको स्रोतहरूले बताएका छन्। यसअघि अमेरिका–इरानबीच पहिलो चरणको वार्ता अप्रिल ११ मा इस्लामाबादस्थित सेरेना होटलमै सम्पन्न भएको थियो। दोस्रो चरणको वार्ताबाट द्विपक्षीय सम्बन्ध...

काठमाडौं — नेपाल आयल निगम ले कच्चा तेल (क्रुड आयल) भन्दा नेपालमा इन्धन महँगो भएको भन्ने विश्लेषण भ्रामक रहेको स्पष्ट पारेको छ। निगमका अनुसार अन्तरराष्ट्रिय बजारमा प्रशोधित पेट्रोलियम पदार्थको मूल्यकै आधारमा नेपालमा खुद्रा मूल्य निर्धारण हुँदै आएको छ। निगमका प्रवक्ता मनोज ठाकुर ले नेपालसँग आफ्नै रिफाइनरी नभएकाले कच्चा तेल नभई सोझै प्रशोधित पेट्रोल र डिजेल आयात गर्नुपर्ने बाध्यता रहेको बताए। “क्रुड आयलभन्दा प्रशोधित इन्धनको मूल्य स्वभाविक रूपमा बढी हुन्छ, त्यसैले तुलना गर्दा प्रशोधित इन्धनकै मूल्य हेर्नुपर्छ,” उनले भने। नेपालले इन्डियन आयल कर्पोरेसन बाट पेट्रोलियम पदार्थ आयात गर्दै आएको छ। सोही कम्पनीबाट प्राप्त मूल्यसूचीका आधारमा प्रत्येक १५ दिनमा नेपालमा इन्धनको मूल्य समायोजन हुने व्यवस्था छ। निगमका अनुसार १६ अप्रिल २०२६ मा क्रुड आयलको मूल्य प्रति ब्यारेल ९९.६ अमेरिकी डलर हुँदा पे...

काठमाडौं — नेपाल राष्ट्रिय क्रिकेट टोली र संयुक्त अरब इमिरेट्स राष्ट्रिय क्रिकेट टोली बीच अन्तर्राष्ट्रिय टी–२० सिरिज भोलि (वैशाख ७) देखि सुरु हुँदैछ। नेपाल क्रिकेट सङ्घ (क्यान) ले दुईदिने सिरिजका लागि सम्पूर्ण तयारी पूरा भएको जनाएको छ। सिरिज त्रिवि क्रिकेट मैदान कीर्तिपुर मा फ्लडलाइटमा खेलिनेछ, जसले नेपालमा पहिलो पटक रातिको समयमा अन्तर्राष्ट्रिय क्रिकेट प्रतियोगिता हुने ऐतिहासिक अवसर सिर्जना गरेको छ। यस सिरिजका लागि नेपालले नयाँ नेतृत्व प्रयोग गरेको छ। दीपेन्द्र सिंह ऐरी लाई टी–२० टोलीको कप्तान बनाइएको छ भने नियमित कप्तान रोहितकुमार पौडेल लाई कार्यबोझ व्यवस्थापनका लागि विश्राम दिइएको छ। टोलीमा सन्दीप लामिछाने, कुशल भुर्तेल, कुशल मल्ल, सन्दीप जोरा, आरिफ शेख, बसिर अहमद, गुल्सन झा, लोकेश बम, नन्दन यादव, सन्तोष यादव, अर्जुन साउद, हेमन्त धामी, शाहब आलम र शेर मल्ल रहेका छन्। यो सिरि...