बागमती

गुल्मी जिल्लामा फागुन २१ गते हुने प्रतिनिधिसभा सदस्य निर्वाचनका लागि चार लाख ९९ हजार मतपत्र प्राप्त भएको छ। दुई निर्वाचन क्षेत्र रहेको जिल्लामा प्रत्यक्षतर्फ दुई लाख ४६ हजार र समानुपातिकतर्फ दुई लाख ५३ हजार मतपत्र आइपुगेको जिल्ला निर्वाचन कार्यालयले जनाएको छ। सूचना अधिकारी हर्क श्रीसका अनुसार मतपत्र नेपाली सेना र सशस्त्र प्रहरी बलको सुरक्षामा ल्याई मुख्य निर्वाचन अधिकृतको कार्यालय तथा क्षेत्र नम्बर–२ को निर्वाचन अधिकृत कार्यालयमा सुरक्षित रूपमा राखिएको छ। निर्वाचन क्षेत्र नम्बर–१ मा दुई लाख ६९ हजार (प्रत्यक्ष १ लाख ३१ हजार, समानुपातिक १ लाख ३८ हजार) र क्षेत्र नम्बर–२ मा दुई लाख ३० हजार (प्रत्यक्ष १ लाख १५ हजार, समानुपातिक १ लाख १५ हजार) मतपत्र प्राप्त भएका छन्। जिल्लामा दुई लाख २९ हजार ५४९ मतदाता रहेका छन्, जसमा महिला १ लाख १५ हजार २१०, पुरुष १ लाख १४ हजार ३३७ र अन्य दुई जना छन्। ...

काठमाडौं — फागुन २१ गते हुने प्रतिनिधिसभा सदस्य निर्वाचनका लागि मतपत्र नेपाली सेनाको स्कर्टिङमा जिल्लाहरूमा पठाउने कार्य तीव्र पारिएको छ। निर्वाचन आयोगका अनुसार मंगलबार रातिसम्म ७० जिल्लामा मतपत्र पुगिसकेको छ भने बाँकी जिल्लामा पनि भोलि साँझसम्म पुर्‍याइनेछ। भक्तपुरको सानोठिमीस्थित जनक शिक्षा सामग्री केन्द्रमा छपाइ भएका मतपत्रको सुरक्षा नेपाली सेनाले गरिरहेको छ। ढुवानीका क्रममा पनि सेनाले नै स्कर्टिङ गर्दै आएको छ। उपत्यकानजिकका केही जिल्ला र तराईका तीन जिल्लामा मतपत्र पुग्न बाँकी रहेको आयोगका प्रवक्ता नारायणप्रसाद भट्टराईले जानकारी दिए। मतपत्रबाहेक अन्य निर्वाचन सामग्री भने अधिकांश जिल्लामा पठाइसकिएको छ। ती सामग्रीको ढुवानीमा सशस्त्र प्रहरी बल नेपालले स्कर्टिङ गरिरहेको छ। सशस्त्र प्रहरीका प्रवक्ता डीआईजी विष्णु प्रसाद भट्टका अनुसार ७७ वटै जिल्लामा सामग्री पुग्ने क्रममा छ। उच्च हिम...

नेपाल सरकार, वन तथा वातावरण मन्त्रालयले किसानको बालीनालीमा क्षति पुर्‍याउँदै आएको जंगली बँदेललाई एक वर्षका लागि ‘कृषि हानिकारक वन्यजन्तु’ घोषणा गरेको छ। Ministry of Forests and Environmentले राष्ट्रिय निकुञ्ज तथा वन्यजन्तु संरक्षण नियमावली, २०३० को नियम ३६ बमोजिम उक्त निर्णय गरेको हो। राजपत्रमा प्रकाशित सूचनाअनुसार अब किसानले आफ्नो निजी खेत, खला वा बारीमा पसेर क्षति पुर्‍याउने (सानो जातको बँदेल बाहेक) जंगली बँदेललाई बिना अनुमति धपाउन, लखेट्न, पक्रन वा मार्न सक्नेछन्। तर यो व्यवस्था निश्चित सर्तसहित लागू गरिएको छ। बँदेलले वास्तविक रूपमा बालीनाली वा धनजनमा क्षति पुर्‍याएको अवस्थामा मात्र किसानले व्यक्तिगत वा सामूहिक रूपमा नियन्त्रण गर्न पाउनेछन्। यदि बँदेल जिउँदै समातिएमा नजिकको राष्ट्रिय निकुञ्ज, आरक्ष, संरक्षण क्षेत्र वा डिभिजन वन कार्यालयमा बुझाउनुपर्नेछ। साथै, घटनाबारे सम्बन्धित...

भूमि व्यवस्था, सहकारी तथा गरिबी निवारण मन्त्रालयअन्तर्गत भूमि व्यवस्थापन तथा अभिलेख विभागले घरजग्गा कारोबारलाई व्यवस्थित, पारदर्शी र विश्वसनीय बनाउन इजाजतपत्र प्रणालीलाई कडाइ गरेको छ। सार्वजनिक सूचनामा अबदेखि वैध अनुमतिपत्र प्राप्त व्यक्ति वा कम्पनीले मात्रै घरजग्गा किनबेच, दलाली तथा मध्यस्थता गर्न पाउने स्पष्ट गरिएको छ। इजाजतपत्र नलिई कारोबार सञ्चालन, विज्ञापन वा सेवाग्राहीसँग आर्थिक लेनदेन गर्ने काम गैरकानुनी हुने र त्यस्ता व्यक्तिहरू वा संस्थामाथि कानुन अनुसार जरिवाना, दण्ड तथा अन्य कारबाही गरिने चेतावनी दिइएको छ। विभागका अनुसार पछिल्लो समय घरजग्गा कारोबारको नाममा ठगी, दोहोरो बिक्री, अवैध अग्रिम असुली र कागजात दुरुपयोगजस्ता घटनाहरू बढेका छन्। यसलाई नियन्त्रण गर्न तथा सेवाग्राहीको हित संरक्षण गर्न इजाजतपत्र प्रणाली प्रभावकारी रूपमा कार्यान्वयनमा ल्याइएको हो। सूचनामा सेवाग्राहीला...

धादिङमा भएको भीषण बस दुर्घटनाबारे छानबिन गर्न सरकारले समिति गठन गर्ने निर्णय गरेको छ। ठूलो जनधनको क्षति भएपछि सोमबार गृह मन्त्रालयमा बसेको बैठकले घटनाको विस्तृत अनुसन्धान गर्ने निर्णय गरेको मन्त्रालयकी सहप्रवक्ता रमा आचार्यले जानकारी दिइन्। बैठकमा गृहमन्त्री ओम प्रकाश, भौतिक पूर्वाधार तथा यातायात मन्त्रालयका सचिव, सडक विभागका महानिर्देशक, यातायात व्यवसायी महासंघका प्रतिनिधि तथा तीनवटै सुरक्षा निकायका प्रमुखहरू सहभागी थिए। छलफलपछि दुर्घटनाको कारण, जिम्मेवारी र आगामी सुरक्षा उपायबारे अध्ययन गर्न छानबिन समिति गठन गर्ने निर्णय गरिएको हो। पोखराबाट काठमाडौं आउँदै गरेको ग२ख १४२१ नम्बरको बस आइतबार राति करिब १ बजे धादिङको बेनिघाट रोराङ गाउँपालिका–५, भैंसेगौडाबाट त्रिशूली नदी किनारमा खसेको थियो। दुर्घटनामा १८ जनाको मृत्यु भएको छ। तीमध्ये १७ जनाको घटनास्थलमै र एक जनाको उपचारका क्रममा ट्रमा सेन्टरम...

काठमाडौंको तारकेश्वर नगरपालिका–१०, मनमैजुस्थित नसाल चोक नजिक आज दिउँसो चितुवा देखिएपछि स्थानीयवासी त्रसित बनेका छन्। चितुवाको आक्रमणबाट तीन जना घाइते भएका छन्। घाइतेहरूको नजिकैको स्वास्थ्य संस्थामा उपचार भइरहेको जनाइएको छ। घटनापछि वडा नं. १० का जनप्रतिनिधि विक्रम महर्जन, हातिसार वन डिभिजन कार्यालयबाट खटिएको प्राविधिक टोली, नेपाल प्रहरी तथा स्थानीयवासीको समन्वयमा चितुवालाई साँझ करिब ५:२० बजे नियन्त्रणमा लिई उद्धार गरिएको हो। उद्धार गरिएको चितुवालाई आवश्यक प्रक्रिया पूरा गरी हातिसार वन डिभिजन कार्यालय लगिएको जानकारी दिइएको छ। घटनापछि क्षेत्रमा सुरक्षाकर्मी परिचालन गरिएको छ भने सर्वसाधारणलाई उच्च सतर्कता अपनाउन आग्रह गरिएको छ।...

१० फागुन, काठमाडौं — मोफसलका प्रतियोगिताका कारण स्थगित गरिएको राष्ट्रिय लिग फुटबल आजदेखि पुनः सञ्चालनमा आउँदैछ। आजको पहिलो खेलमा एपीएफ एफसी र नव जनजागृति क्लब आमनेसामने हुनेछन्। खेल दिउँसो १२ः१५ बजे अखिल नेपाल फुटबल संघ (एन्फा) कम्प्लेक्स मैदानमा सुरु हुनेछ। त्यसैगरी, अपराह्न ४ बजे न्युरोड टिम (एनआरटी) र मनाङ मर्स्याङ्दी क्लब बीच प्रतिस्पर्धा हुनेछ। यो खेल पनि एन्फा कम्प्लेक्समै आयोजना गरिँदैछ। आजको खेल जित्न सके एपीएफ र एनआरटीले शीर्ष स्थानमा रहेको मछिन्द्र एफसी सँग अंक बराबरी गर्ने अवसर पाउनेछन्। एपीएफ पाँच खेलबाट १३ अंकसहित तेस्रो स्थानमा छ भने समान अंक भए पनि गोलअन्तरका आधारमा एनआरटी चौथो स्थानमा रहेको छ। हाल मछिन्द्रले ६ खेलबाट १६ अंक जोड्दै शीर्ष स्थान कायम राखेको छ। लिगमा मछिन्द्रसँगै लालिगुराँस एसोसिएसन, एपीएफ र त्रिभुवन आर्मी एफसी अपराजित टोलीका रूपमा रहेका छन्। एन्...

रौतहट — गौरमा देखिएको तनावपूर्ण अवस्थालाई नियन्त्रणमा लिन तीनवटै सुरक्षा निकाय परिचालन गरिएको छ। प्रशासनका अनुसार नेपाली सेना, नेपाल प्रहरी र सशस्त्र प्रहरी बल संयुक्त रूपमा खटिएका छन्। सहायक प्रमुख जिल्ला अधिकारी जितेन्द्रकुमार यादवका अनुसार शान्ति–सुरक्षा कायम गर्न सुरक्षा व्यवस्था कडा पारिएको छ। घटनामा संलग्न रहेको आशंकामा हालसम्म १८ जनालाई नियन्त्रणमा लिइएको उनले बताए। दुई समुदायबीच संवादमार्फत समाधान खोज्न पहल भइरहेको जनाउँदै प्रशासनले स्थिति सामान्य बनाउन प्रयास जारी रहेको जानकारी दिएको छ। घटनालाई उक्साउने व्यक्तिहरूलाई निगरानीमा राखिएको र आवश्यक परे कानुनी कारबाही अघि बढाइने चेतावनी पनि प्रशासनले दिएको छ। घटनाबारे थप अनुसन्धान भइरहेको भन्दै सर्वसाधारणलाई संयमित र शान्त रहन प्रशासनले आग्रह गरेको छ।...

  चितवन — चितवन राष्ट्रिय निकुञ्ज र पर्सा राष्ट्रिय निकुञ्ज सम्मिलित कम्प्लेक्स क्षेत्रमा सञ्चालन गरिएको बाघ गणनाका क्रममा ६० वटा क्यामेरा हराएका छन्। चितवन राष्ट्रिय निकुञ्जका सूचना अधिकारी अविनास थापा मगरका अनुसार समस्याग्रस्त भएका ८५ क्यामेरामध्ये ६० वटा फेला नपरेका र २५ वटा बिग्रिएका छन्। यस कम्प्लेक्समा कुल १ हजार ७८० क्यामेरा प्रयोग गरिएको थियो। गत पुस ३ गतेदेखि सुरु गरिएको बाघ गणना बिहीबार सम्पन्न भएको हो। दुई निकुञ्जलाई एउटै कम्प्लेक्सका रूपमा विभाजन गरी तीन ब्लक बनाएर गणना गरिएको थियो। ९५८ वटा ग्रिड निर्धारण गरी प्रत्येक दुई वर्ग किलोमिटर क्षेत्रलाई आधार मानेर क्यामेरा जडान गरिएको बताइएको छ। प्रत्येक ब्लकमा १७ रातसम्म क्यामेरा राखेर तथ्यांक सङ्कलन गरिएको थियो। यसअघि सन् २०२२ मा गरिएको राष्ट्रिय बाघ गणनाअनुसार नेपालमा ३५५ वटा वयस्क बाघ रहेका थिए। उक्त तथ्यांकअनुसार चितवनमा १२८...

काठमाडौँ — आज विश्वभर २१ फेब्रुअरीका दिन अन्तर्राष्ट्रिय मातृभाषा दिवस विभिन्न कार्यक्रम गरी मनाइँदै छ। भाषिक अधिकारको संरक्षण, सांस्कृतिक पहिचानको सम्मान तथा बहुभाषिक शिक्षाको प्रवर्द्धन गर्ने उद्देश्यले हरेक वर्ष यो दिवस मनाउने गरिन्छ। सन् १९५२ मा तत्कालीन पूर्वी पाकिस्तान (हाल बङ्गलादेश) मा बङ्गाली भाषालाई मान्यता दिन माग गर्दै गरिएको आन्दोलनका क्रममा विद्यार्थीमाथि गोली प्रहार भई ज्यान गुमाउनुपरेको घटनाको स्मरणमा यो दिवस मनाउन थालिएको हो। उक्त घटनालाई अन्तर्राष्ट्रिय मान्यता दिँदै यूनेस्कोले सन् १९९९ नोभेम्बर १७ मा २१ फेब्रुअरीलाई अन्तर्राष्ट्रिय मातृभाषा दिवसका रूपमा घोषणा गरेको थियो। त्यसयता सन् २००० देखि संयुक्त राष्ट्र सङ्घको आह्वानमा विश्वभर औपचारिक रूपमा यो दिवस मनाइँदै आएको छ। नेपाल बहुभाषिक देशका रूपमा परिचित छ। भाषा आयोग नेपालको प्रतिवेदनअनुसार नेपालमा बोलिने भाषाको सङ्ख्या ...