बागमती

काठमाडौं । नेकपा (एमाले)ले प्रधानमन्त्री बालेन्द्र शाहले संघीय संसद्मा व्यक्त गरेको अभिव्यक्तिलाई खेदजनक, गैरजिम्मेवार र राष्ट्रहित विपरीत भन्दै कडा आपत्ति जनाएको छ। एमाले महासचिव शंकर पोखरेलले जारी गरेको विज्ञप्तिमा प्रधानमन्त्री शाहको अभिव्यक्तिले नेपालको स्थापित कूटनीतिक अडान, द्विपक्षीय अन्तर्राष्ट्रिय सम्बन्ध र राष्ट्रिय एकतामाथि नकारात्मक असर पारेको उल्लेख गरिएको छ। साथै, उनले तत्काल संसद् र आम नेपाली जनतासँग माफी माग्नुपर्ने माग समेत गरिएको छ। विज्ञप्तिमा भनिएको छ, “नेपालको भूमि, सीमा र राष्ट्रिय स्वाधीनता कुनै दल वा व्यक्तिको विषय होइन, यो सम्पूर्ण नेपाली जनताको साझा विषय हो।” यस्ता संवेदनशील विषयमा गैरजिम्मेवार अभिव्यक्तिले देशको कूटनीतिक मर्यादामा क्षति पुर्‍याएको एमालेको आरोप छ। एमालेले २०७७ साल जेठ ७ गते तत्कालीन सरकारको नेतृत्वमा लिम्पियाधुरा, लिपुलेक र कालापानी समेटि...

आइतबार प्रतिनिधिसभा बैठकमा भएको तनावपूर्ण घटनाबारे बोल्दै सांसद रिंगला यादव ले आफूहरू सभामुखमाथि हातपात गर्न नभई माइक खोस्न गएको दाबी गरेकी छन्। शिलापत्रासँगको कुराकानीमा उनले नियमावलीमाथि थप छलफल गरी समितिमा पठाउनुपर्ने विपक्षी दलहरूको माग सभामुखले बेवास्ता गरेको आरोप लगाइन्। सभामुख सत्तापक्षप्रति पक्षपाती बनेको र विपक्षीको आवाज नसुनेको उनको भनाइ छ। यादवले भनिन्, “हामीले सभामुखमाथि हातपात गर्ने वा संसदको अपमान गर्ने कुनै उद्देश्य राखेका थिएनौँ। हाम्रो उद्देश्य माइक खोस्ने मात्र थियो, ताकि नियमावली जबर्जस्ती पारित हुन नसकोस्। माइक खोस्न खोज्दा हातपात गर्न खोजेको जस्तो प्रचार गरिएको छ।” उनले भाइरल भिडियोबारे पनि प्रतिक्रिया दिँदै आफूले कसैलाई मुक्का हान्न खोजेको नभई नाराबाजीका क्रममा हात उठाएको दाबी गरिन्। “हात उठाएर नारा लगाउँदा एआईको प्रयोग गरेर मुक्का प्रहार गर्न खोजेको जस्तो देखाइएको...

झापा – झापाको दमकस्थित रतुवा खोलाको पुलमुनि बोराभित्र बाँधिएको अवस्थामा मृत फेला परेकी युवतीको पहिचान खुलेको छ। जिल्ला प्रहरी कार्यालय झापाका अनुसार मृतक दमक नगरपालिका–८ वसन्तटोल निवासी नारायण तिवारीकी २१ वर्षीया छोरी रमा (रोमा) तिवारी हुन्। प्रहरीका अनुसार शव फेला परेपछि बुवा नारायण तिवारी र आमा मुना तिवारीले घटनास्थलमा पुगेर छोरीको सनाखत गरेका थिए। घटनाबारे थप अनुसन्धान भइरहेको प्रहरीले जनाएको छ। प्रारम्भिक जानकारीअनुसार रमा गत जेठ १३ गते राति करिब ९:३० बजे घरबाट निस्किएकी थिइन्। त्यसयता उनी परिवारको सम्पर्कमा आएकी थिइनन्। उनको शव शनिबार बिहान दमक नगरपालिका–१० स्थित सेतुमारी पुलमुनि रतुवा खोलामा बोराभित्र बाँधिएको अवस्थामा फेला परेको थियो। स्थानीयले शव देखेपछि प्रहरीलाई खबर गरेका थिए। प्रहरीले घटनाको कारण र संलग्न व्यक्तिबारे अनुसन्धान तीव्र पारेको जनाएको छ।...

अर्थमन्त्री डा. स्वर्णिम वाग्लेले विद्युत्‌मा लगाइएको मूल्य अभिवृद्धि कर (भ्याट) सरकार पछाडि नहट्ने स्पष्ट पारेका छन् । तर अन्तिम उपभोक्तालाई प्रत्यक्ष असर नपर्ने गरी सहुलियत दिने विकल्पमा छलफल भइरहेको उनले बताएका छन् । नेपाल आर्थिक पत्रकार संघ (नाफिज)ले सोमबार आयोजना गरेको पोस्ट बजेट छलफल कार्यक्रममा बोल्दै उनले आगामी साउनदेखि नै उपभोक्तालाई मार नपर्ने व्यवस्था ल्याइने संकेत गरे । उनका अनुसार विद्युत्‌मा भ्याट लगाउने निर्णय सरकारको ठूलो आँट हो र विगतमा छलफल भए पनि कार्यान्वयन हुन नसकेको अवस्था थियो । “विद्युत्‌मा भ्याट आउँछ, तर उपभोक्तालाई असर नपर्ने गरी व्यवस्था गर्छौं,” उनले भने । आगामी बजेटमा ५० युनिटभन्दा बढी विद्युत् खपत गर्ने उपभोक्तामाथि कर लाग्ने व्यवस्थापछि आलोचना बढेको छ । यसबारे प्रतिक्रिया दिँदै अर्थमन्त्री वाग्लेले सरकारले उपभोगमा आधारित कर प्रणालीतर्फ अघि बढेको बताए...

काठमाडौं । प्रधानमन्त्री वालेन्द्र शाहले प्रतिनिधिसभामा दिएको नेपाल–भारत सीमा सम्बन्धी अभिव्यक्तिलाई भारतीय सञ्चारमाध्यमहरूले प्रमुख समाचारका रूपमा प्रकाशित गरेका छन्। संसद्मा श्रम संस्कृति पार्टीका प्रमुख सचेतक आरेन राई र नेकपा एमालेकी उपनेता पद्मा अर्यालको प्रश्नको जवाफ दिने क्रममा प्रधानमन्त्री शाहले ‘भारतले मात्र नभई नेपालले पनि कतिपय स्थानमा भारतीय भूमि मिचेको हुन सक्ने’ भन्दै दुवै देशले छलफलमार्फत सीमा विवाद समाधान गर्नुपर्ने बताएका थिए। प्रधानमन्त्रीको यो अभिव्यक्तिपछि भारतका विभिन्न सञ्चारमाध्यमहरूमा विषयले ठूलो प्राथमिकता पाएको छ। बीबीसी हिन्दी र नवभारत टाइम्सले प्रधानमन्त्रीको भनाइलाई उद्धृत गर्दै यसलाई ‘आश्चर्यजनक’ टिप्पणीका रूपमा प्रस्तुत गरेका छन्। ती समाचारमा सीमा विवादलाई वार्तामार्फत समाधान गर्नुपर्ने प्रधानमन्त्रीको भनाइलाई समेत समेटिएको छ। त्यस्तै जी न्युजले यसला...

सिमकोट । हुम्ला र बाजुराको सीमा क्षेत्र लाम्पाटामा उत्पन्न विवाद तथा झडप घटनाबारे स्थलगत अध्ययन गर्न गृह मन्त्रालयद्वारा गठित जाँचबुझ समितिको टोली हुम्ला पुगेको छ। प्रहरी वरिष्ठ उपरीक्षक (एसएसपी) विमलराज पौडेल को नेतृत्वमा रहेको टोली आइतबार सिमकोट पुगेको जिल्ला प्रहरी कार्यालय हुम्लाले जनाएको छ। टोलीले विवादित क्षेत्र लाम्पाटा र च्याचौरको अवलोकन गरी घटनाको वास्तविक अवस्था बुझ्ने काम गरेको छ। सिमकोट बसाइँका क्रममा टोलीले स्थानीय नागरिक, घटनामा संलग्न पक्ष, जनप्रतिनिधि, राजनीतिक दलका प्रतिनिधि तथा नागरिक अगुवासँग छलफल गर्ने कार्यक्रम रहेको छ। गत जेठ २ देखि ४ गतेसम्म सीमा विवादका कारण हुम्ला र बाजुराका स्थानीयबीच झडप भएको थियो। विवाद चर्किएपछि गृह मन्त्रालयले घटनाको अध्ययन तथा समाधानका लागि छानबिन समिति गठन गरेको हो। सुदूरपश्चिम प्रदेश सरकारले चालु आर्थिक वर्षमा ४० लाख रुपैयाँ बजे...

काठमाडौँ । प्रधानमन्त्री बालेन्द्र शाहले सरकारको पहिलो वर्षलाई ‘सुशासनको वर्ष’ का रूपमा अघि बढाइएको स्पष्ट गरेका छन्। उनले भ्रष्टाचार, अनियमितता र बेथिति नियन्त्रणलाई सरकारको प्रमुख प्राथमिकता बनाइएको बताएका छन्। आइतबार प्रतिनिधिसभाको बैठकमा रास्वपा प्रमुख सचेतक कविन्द्र बुर्लाकोटीले उठाएको प्रश्नको जवाफ दिँदै प्रधानमन्त्री शाहले विकास निर्माणलाई रोक्ने नभइ सुशासनलाई आधार बनाएर अघि बढ्ने सरकारको नीति रहेको स्पष्ट पारे। उनका अनुसार पहिलो वर्षमा राज्यका विभिन्न निकायमा देखिएका अनियमितता, बेथिति र भ्रष्टाचार नियन्त्रण गर्दै प्रणालीलाई बलियो बनाउने लक्ष्य राखिएको छ। प्रधानमन्त्रीले भने, “हाम्रो पार्टीका मन्त्री र सभापतिले मुख्य प्राथमिकता सुशासन हो भन्दै आउनुभएको छ। पहिलो वर्षलाई सुशासनको वर्ष भनेका छौँ। यसको अर्थ विकास रोक्ने होइन। तर यो वर्ष विभिन्न निकायलाई निगरानीमा राखेर बेथिति ह...

काठमाडौं । सार्वजनिक कूटनीतिसम्बन्धी अमेरिकी उपविदेशमन्त्री सारा बी. रोजर्स औपचारिक भ्रमणका लागि नेपाल आइपुगेकी छन्। नेपालस्थित अमेरिकी दूतावास ले आइतबार उनको नेपाल आगमनको जानकारी दिँदै भ्रमणका विभिन्न कार्यक्रम सार्वजनिक गरेको हो। दूतावासका अनुसार उपविदेशमन्त्री रोजर्सले काठमाडौंमा आयोजना हुने ‘एसेन्ट समिट २०२६’ मा प्रमुख वक्ताका रूपमा सम्बोधन गर्नेछिन्। भ्रमणका क्रममा उनले नेपाल सरकारका उच्च पदस्थ अधिकारीहरू, अमेरिकन चेम्बर अफ कमर्सका प्रतिनिधिहरू तथा अमेरिकी विदेश मन्त्रालयका विभिन्न कार्यक्रमका पूर्व-सहभागीहरूसँग भेटवार्ता गर्ने कार्यक्रम रहेको छ। भेटघाटका क्रममा उनले लोकतान्त्रिक मूल्य, अभिव्यक्ति स्वतन्त्रता तथा डिजिटल स्वतन्त्रताको प्रवर्द्धनका विषयमा आफ्नो धारणा राख्ने जनाइएको छ। साथै, खुला समाज र आर्थिक समृद्धिका लागि यी विषयहरूको महत्त्वबारे पनि छलफल हुने दूतावासले जनाएको छ...

डडेल्धुरा । डडेल्धुराको परशुराम नगरपालिका–५ क्षेत्रमा सशस्त्र प्रहरी बलका एक जवानसहित दुई जना सम्पर्कविहीन भएका छन्। जिल्ला प्रहरी कार्यालय डडेल्धुराका अनुसार सम्पर्कविहीन हुनेमा परिगाउँस्थित सशस्त्र प्रहरी बलको बोर्डर आउट पोस्ट (बिओपी)मा कार्यरत प्रहरी जवान ओमप्रकाश पुन मगर र स्थानीय ५६ वर्षीय तीर्थबहादुर थापा मगर रहेका छन्। प्रहरीका अनुसार शुक्रबारदेखि सम्पर्कमा नरहेका उनीहरू मामाभान्जा नाता पर्ने व्यक्ति हुन्। घटनाबारे जानकारी प्राप्त भएपछि सुरक्षाकर्मीले खोजी कार्यलाई तीव्रता दिएका छन्। प्रहरी नायब उपरीक्षक (डीएसपी) बरुणबहादुर सिंहले महाकाली नदी किनारमा उनीहरूले प्रयोग गरेको ट्युब फेला परेको जानकारी दिँदै नदीमा बगेको हुन सक्ने आशंका गरिएको बताए। सोही आधारमा सुरक्षाकर्मी तथा सम्बन्धित निकायले नदी आसपासका क्षेत्रमा खोजी अभियान सञ्चालन गरिरहेका छन्। बेपत्ता दुवै जनाको अवस्था ह...

काठमाडौँ । सरकारले सार्वजनिक तथा व्यावसायिक सवारी साधनमा लाग्दै आएको वार्षिक करको दर वृद्धि गरेको छ। यातायात व्यवस्था कार्यालयमार्फत दर्ता तथा नवीकरण गर्दा तिर्नुपर्ने करमा नयाँ समायोजन भएपछि सवारी सञ्चालन खर्च बढ्ने भएको छ। नयाँ व्यवस्थाअनुसार १३०० सीसीसम्मका कार, जिप, भ्यान र माइक्रोबसको वार्षिक कर ५ हजार ५ सयबाट बढेर ६ हजार ५ सय रुपैयाँ पुगेको छ। त्यस्तै ४००० सीसीभन्दा माथिका ठूला सवारीका लागि अब ११ हजार रुपैयाँ कर तिर्नुपर्नेछ। मिनी ट्रक र मिनी बसतर्फ कर ९ हजार ५ सय रुपैयाँ कायम गरिएको छ भने ठूला ट्रक र बसको कर १२ हजार ५ सय रुपैयाँ तोकिएको छ। हेभी मेसिनरी उपकरण, तेल ट्यांकर र ग्यास बुलेटको वार्षिक कर सबैभन्दा बढी १७ हजार ५ सय रुपैयाँ पुगेको छ। त्यसैगरी विद्युतीय सवारी साधनका लागि क्षमताअनुसार ४ हजारदेखि ९ हजार ५ सय रुपैयाँसम्म कर निर्धारण गरिएको छ।...