बागमती

सट्टेबाजी सञ्चालन गरेको आरोपमा प्रहरीले ९ जनालाई पक्राउ गरेको छ। ललितपुरको हात्तीवनस्थित सिटी स्केप अपार्टमेन्टबाट सट्टेबाजी खेलाइरहेको अवस्थामा उनीहरूलाई पक्राउ गरिएको हो। काठमाडौं उपत्यका अपराध अनुसन्धान कार्यालयका एसपी मनोहर भट्टका अनुसार पक्राउ पर्नेहरूमा तीन जना भारतीय नागरिकसमेत रहेका छन्। प्रहरीका अनुसार उक्त समूहले ३१ करोड २४ लाख ३४ हजार ९२० रुपैयाँ बराबरको कारोबार गरेको पाइएको छ। पक्राउ पर्ने भारतीय नागरिकहरूमा चेतन यादव, आशिष शर्मा र रौनक सिंह रहेका छन्। त्यसैगरी नेपाली नागरिकहरू सुजन दवाडी, निरोज राना, आशिष रेग्मी, हार्दिक पोखरेल, सुरेश पराजुली र योगेन्द्र कुँवरलाई पनि प्रहरीले पक्राउ गरेको जनाएको छ। उनीहरूबाट ८ वटा ल्यापटप, २४ वटा मोबाइल फोन, ३१ वटा सिम कार्ड र ३ वटा क्याल्कुलेटर बरामद गरिएको प्रहरीले जनाएको छ।...

घुस लिएको आरोपमा चिकित्सा विज्ञान राष्ट्रिय प्रतिष्ठानअन्तर्गत वीर अस्पतालका लेखा अधिकृत ढुण्डीराज दाहालविरुद्ध भ्रष्टाचार मुद्दा दायर गरिएको छ। अख्तियार दुरुपयोग अनुसन्धान आयोगले दाहालविरुद्ध बुधबार विशेष अदालत, काठमाडौंमा मुद्दा दायर गरेको आयोगका सहायक प्रवक्ता गणेशबहादुर अधिकारीले जानकारी दिएका छन्। आयोगका अनुसार उनले ९३ हजार ८५० रुपैयाँ घुस लिएको आरोप छ। विभिन्न सप्लायर्स कम्पनी तथा ठेकेदारहरूलाई नियमानुसार भुक्तानी गर्नुपर्ने बिल रकम पास गर्दा घुस लिएको सूचनाका आधारमा अख्तियारले उनलाई नियन्त्रणमा लिएको थियो। पक्राउ पर्दा उनीसँगबाट १ लाख २० हजार ८५० रुपैयाँ बरामद गरिएको थियो। अनुसन्धानका क्रममा ९३ हजार ८५० रुपैयाँ घुस लिएको पुष्टि भएको अख्तियारको दाबी छ। आयोगले सोही बराबरको बिगो कायम गरी कारबाहीको माग गर्दै आरोपपत्र दायर गरेको जनाएको छ।...

काठमाडौँ — ईशान बाल तथा महिला अस्पतालले विश्व बाल शल्यचिकित्सा दिवस (पेडियाट्रिक सर्जरी डे) मनाएको छ। टोखा–५ धापासीस्थित अस्पतालमा मंगलबार उक्त दिवस विविध कार्यक्रमसहित मनाइएको हो। अस्पतालका कार्यकारी निर्देशक प्रा.डा. रामनन्दन प्रसाद चौधरीका अनुसार कार्यक्रममा बाल शल्यचिकित्सासम्बन्धी विषयमा विस्तृत छलफल गरिएको थियो। बालबालिकाको शल्यक्रिया गर्दा चिकित्सक अन्तर्राष्ट्रिय स्तरबारे जानकार हुनुपर्ने, अस्पताल पनि सोही स्तरको हुनुपर्ने र शल्यक्रिया अनिवार्य रूपमा बाल शल्यचिकित्सकबाटै गरिनुपर्ने विषयमा जोड दिइएको थियो। छलफलमा अस्पतालका चिकित्सक, स्वास्थ्यकर्मी तथा स्थानीयको सहभागिता रहेको थियो। यस्ता जनचेतनामूलक कार्यक्रमले अभिभावकलाई बालबालिकाको स्वास्थ्यसम्बन्धी निर्णय लिन सहज बनाउने कार्यकारी निर्देशक चौधरीले बताए। वि.सं. २०५२ मा स्थापना भएको ईशान अस्पताल नेपालकै पहिलो गैरसरकारी बाल ...

काठमाडौँ — प्रधानमन्त्री कप एकदिवसीय क्रिकेट प्रतियोगिताअन्तर्गत आज (चैत २५) दुई खेल हुँदैछन्। पहिलो खेलमा वाग्मती प्रदेश र कोसी प्रदेशबीच प्रतिस्पर्धा हुनेछ। वाग्मती प्रदेश तेस्रो जितको खोजीमा मैदान उत्रनेछ। हाल तालिकाको सातौँ स्थानमा रहेको वाग्मतीले ६ खेलमा दुई जित र चार हारसहित ४ अंक जोडेको छ। कोसी प्रदेश भने पहिलो जित निकाल्ने लक्ष्यमा छ। तालिकाको पुछारमा रहेको कोसीले ६ खेलमा पाँच हार व्यहोर्दै १ अंक मात्र जोडेको छ भने एक खेल रद्द भएको थियो। यी दुई टोलीबीचको खेल जनकपुरस्थित रामजानकी बहुद्देश्यीय रंगशालामा बिहान ९:३० बजे सुरु हुनेछ। आजै हुने दोस्रो खेलमा गण्डकी प्रदेशले मधेस प्रदेशको सामना गर्नेछ। गण्डकी प्रदेश तेस्रो जितको खोजीमा हुनेछ। तालिकाको छैटौँ स्थानमा रहेको गण्डकीले ६ खेलमा दुई जित, तीन हार र एक खेल रद्द हुँदा ५ अंक जोडेको छ। मधेस प्रदेश भने चौथो जित निकाल्ने ...

काठमाडौँ — प्रधानमन्त्री बालेन्द्र शाह ‘बालेन’ले कूटनीतिक भेटघाटमा नयाँ अभ्यास सुरु गरेका छन्। पदभार सम्हालेको १० दिनपछि आज उनले नेपालस्थित विभिन्न देशका राजदूतहरूसँग एकैसाथ भेट गर्ने कार्यक्रम तय गरेका छन्। परराष्ट्रमन्त्री शिशिर खनालसहित हुने उक्त सामूहिक भेटले वर्षौँदेखि चल्दै आएको पुरानो चलनलाई तोडेको छ। सामान्यतया नयाँ प्रधानमन्त्री नियुक्त भएपछि राजदूतहरूले पालैपालो छुट्टाछुट्टै भेट्ने प्रचलन थियो। तर, बालेनले सुरुमै सबैलाई सँगै भेटेर कूटनीतिक संवादलाई थप पारदर्शी र व्यवस्थित बनाउन पहल गरेका छन्। यो कदमले समयको बचत मात्र गरेको छैन, सबै देशप्रति समान व्यवहार गर्ने सरकारको स्पष्ट नीतिलाई पनि झल्काएको छ। कुनै एक देशलाई बढी र अर्कोलाई कम महत्त्व दिनुभन्दा सबैलाई समान रूपमा व्यवहार गर्ने सन्देश यसबाट प्रवाह भएको छ। व्यक्तिगत र गोप्य भेटघाटभन्दा सामूहिक र पारदर्शी छलफललाई प्राथमिक...

काठमाडौं — गृहमन्त्री सुधन गुरुङ ले काभ्रेको रोशी क्षेत्रमा अवैध रूपमा सञ्चालनमा रहेका सबै क्रसर उद्योग तत्काल बन्द गर्न निर्देशन दिएका छन्। गिट्टी–बालुवा उत्खननका कारण बाढी र पहिरोको जोखिम बढेको उल्लेख गर्दै उनले यसको नियन्त्रणमा लापरबाही भएकोप्रति चिन्ता व्यक्त गरे। साथै, विगतमा राजनीतिक मिलेमतोमा अवैध रूपमा सञ्चालन हुँदै आएका यस्ता गतिविधि अब कडाइका साथ रोक्ने बताए।...

काठमाडौँ । भ्रष्टाचार, ठगी र अपराधविरुद्ध कडाइका साथ अभियान चलाइरहेका गृहमन्त्री सुधन गुरुङ स्वयं पोखराको फेवाताल जग्गा प्रकरणमा ठगिएको दाबी गरेका छन्। सर्वोच्च अदालतको आदेशअनुसार फेवाताल अतिक्रमण हटाउने अभियानमा सक्रिय रहेका गुरुङले आफूले लिजमा लिएको जग्गा समेत मापदण्डभित्रकै अतिक्रमित क्षेत्र परेको जानकारी पाएको बताएका छन्। जग्गा लिँदा धनी पक्षले वास्तविक अवस्था लुकाई झुक्याएर सम्झौता गराएको भन्दै मन्त्री गुरुङसहित तीन जना साझेदार अब कानुनी उपचारमा जाने तयारीमा छन्। करिब ८–१० वर्षअघि पोखराको फेवाताल किनारमा साहसिक पर्यटन प्रवर्द्धन गर्ने उद्देश्यका साथ ‘एड्भेन्चर स्पोर्ट्स नेपाल’ सञ्चालन गर्ने योजना अघि बढाइएको थियो। गुरुङका अनुसार त्यस समयमा जग्गाधनीहरूले उक्त जग्गा ६५ मिटर मापदण्डभित्र नपर्ने भन्दै विश्वास दिलाएका थिए र कागजातमा पनि सुरक्षित देखाइएको थियो। तर पछि सम्बन्धित ...

काठमाडौँ । सांसद अभिषेकप्रताप साहले कपिलवस्तुको वरगदामा काली मन्दिर तोडफोडपछिको घटनामा प्रहरीको गोली लागेर ज्यान गुमाएका युवकलाई सहिद घोषणा गर्न माग गर्नुभएको छ। मंगलबार (चैत २४) प्रतिनिधिसभा बैठकमा बोल्दै उहाँले उक्त घटनाको निष्पक्ष र गहन छानबिन गर्न सरकारसँग आग्रह गर्नुभयो। गोली लागेर गम्भीर घाइते भएका अरुण यादवको उपचारका क्रममा सोमबार (चैत २३) निधन भएको थियो। उहाँले भन्नुभयो, “यस घटनाको सत्यतथ्य बाहिर ल्याउन उच्चस्तरीय छानबिन समिति गठन गरी दोषीमाथि कडा कारबाही गरिनु जरुरी छ।” सांसद साहले घाइतेहरूको उचित उपचारको व्यवस्था गर्न र मृतकका परिवारलाई क्षतिपूर्ति उपलब्ध गराउन समेत सरकारसँग माग गर्नुभएको छ।...

सरकारले नेपाल राष्ट्र बैंकको डेपुटी गभर्नर पदमा कार्यकारी निर्देशक किरण पण्डितलाई नियुक्त गरेको छ। मंगलबार बसेको मन्त्रिपरिषद् बैठकले राष्ट्र बैंकमा रिक्त रहेका दुई डेपुटी गभर्नर पदमध्ये एक पदमा पण्डितलाई नियुक्त गर्ने निर्णय गरेको हो। नियुक्तिपछि पनि एक जना डेपुटी गभर्नरको पद भने अझै खाली नै रहेको छ। यसअघि डेपुटी गभर्नर डा. नीलम ढुंगाना र बमबहादुर मिश्रको पदावधि समाप्त भएपछि करिब एक महिनादेखि उक्त पदहरू रिक्त रहँदै आएका थिए।...

नेपाल कम्युनिष्ट पार्टी (एमाले)का १८ जना महिला सांसदले पछिल्लो समय किशोरीहरूमाथि बढ्दै गएको साइबर बुलिङका घटनाबारे नेपाल प्रहरीको साइबर ब्युरोमा उजुरी दर्ता गरेका छन्। एमालेकी सचिव तथा प्रतिनिधिसभा सदस्य पद्माकुमारी अर्याल, केन्द्रीय सदस्य एवं राष्ट्रिय सभा सदस्य रामकुमारी झाँक्रीसहितका सांसदहरूले भोटाहिटीस्थित साइबर ब्युरोमा लिखित उजुरी पेश गरेका हुन्। उजुरीमा सामाजिक सञ्जाल तथा विभिन्न भर्चुअल प्लेटफर्ममार्फत विशेषगरी किशोरीहरू लक्षित गर्दै गरिने साइबर बुलिङ, दुर्व्यवहार, अपमानजनक टिप्पणी, घृणात्मक अभिव्यक्ति र अनावश्यक आलोचनाले उनीहरू मानसिक रूपमा पीडित भइरहेको उल्लेख गरिएको छ। यस्ता गतिविधिले किशोरीहरूको आत्मसम्मान, मानसिक स्वास्थ्य र सामाजिक सुरक्षामा गम्भीर असर पारिरहेको पनि उजुरीमा औंल्याइएको छ। सांसदहरूले यस्ता घटनाको छिटो र प्रभावकारी छानबिन तथा अनुसन्धान गरी दोषीलाई क...