प्रदेश समाचार

काठमाडौं — अमेरिकी राष्ट्रपति Donald Trump ले ह्वाइट हाउस संवाददाता भोजमा देखिएको संदिग्ध व्यक्तिबारे प्रतिक्रिया दिएका छन्। उनले उक्त व्यक्ति “५० यार्ड टाढाबाट जुध्न आएको” दाबी गरेका हुन्। राष्ट्रपति ट्रम्पका अनुसार ती व्यक्ति कार्यक्रम कक्षबाट निकै टाढा रहेको र तत्काल खतरा न्यून रहेको बुझिएको थियो। “त्यसैले ऊ कार्यक्रम कक्षबाट धेरै टाढा थियो,” उनले स्पष्ट पारे। हातहतियारसहितको उक्त व्यक्ति कार्यक्रमस्थलभित्र कसरी प्रवेश गर्न सफल भयो भन्ने विषय अझै खुल्न सकेको छैन। यस घटनापछि सुरक्षा व्यवस्थामाथि प्रश्न उठेको छ। CNN का अनुसार, घटनापछि भित्री कार्यक्रमहरूको सुरक्षा रणनीति परिवर्तन गर्नेबारे सोधिएको प्रश्नमा ट्रम्पले सामान्य प्रतिक्रिया दिँदै भने, “जस्तो छ, त्यस्तै हो।” उनले कार्यक्रम कक्ष अत्यन्त सुरक्षित रहेको दाबी गर्दै गुप्त सुरक्षा सेवाका एजेन्टहरूको कार्यप्रदर्शन “धेरै प्र...

काठमाडौं । काठमाडौं महानगरपालिकाले थापाथलीस्थित सुकुमबासी बस्ती खाली गर्ने कार्यलाई तीव्र बनाएको छ । बस्ती हटाउने क्रममा ठूलो संख्यामा सुरक्षाकर्मी परिचालन गरिएको छ । महानगर प्रहरी प्रमुख विष्णु प्रसाद जोशीका अनुसार हालसम्म उक्त क्षेत्रमा वास्तविक ‘होमलेस’ (बसोबासविहीन) व्यक्ति फेला नपरेको बताइएको छ । उनले भने, “अहिलेसम्म वास्तविक होमलेस भेटिएका छैनन्। असक्त, वृद्ध तथा गर्भवती महिलाहरूलाई उहाँहरूको अनुरोधअनुसार सुरक्षित स्थानमा पठाइएको छ। दुई परिवारलाई बिरामी भएपछि अस्पताल पुर्‍याइएको छ भने सामान ढुवानीका लागि चार ट्रक प्रयोग गरिएको छ।” जोशीका अनुसार टहराभित्र रहेका सामान बाहिर निकाल्ने काम जारी छ भने अधिकांश व्यक्तिहरू आफ्ना गन्तव्यतर्फ गइसकेका छन् । उनले थपे, “यदि कोही वास्तविक होमलेस हुनुहुन्छ भने आउनुस् भने पनि अहिलेसम्म कोही सम्पर्कमा आउनुभएको छैन।” नगर प्रहरीका अनुसार ...

आईसीसी लिग– २ अन्तगर्त त्रिकोणात्मक सिरिजको पहिलो खेलमा नेपालले यूएईलाई मध्यम लक्ष्य दिएको छ । कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ गरेको नेपालले ४८.२ ओभरमा सबै विकेट गुमाएर यूएईसामू २०१ रनको मध्यम लक्ष्य प्रस्तुत गरेको हो । नेपालका लागि उपकप्तान दीपेन्द्रसिंह ऐरीले उत्कृष्ट प्रदर्शन गरे । उनले ७५ रन प्रहार गरे । त्यस्तै, नेपाल लागि ओपनर आशिफ शेख ७ तथा कुशल भुर्तेल २४ रन बनाएर आउट भए । त्यसैगरी, भीम सार्की १०, कप्तान रोहितकुमार पौडेल २, बसिर अहमद २०, आरिफ शेख र सोमपाल कामी १५–१५, करण केसी २२ र सन्दीप लामिछाने २ रनमा आउट भए । ललित राजवंशी शून्य रनमा अविजित रहे । यूएईका जनाइड सिद्धकी र अजय कुमारले ३–३ विकेट लिए ।...

काठमाडौँ । सरकारले सुकुम्बासी बस्ती खाली गराउने अभियानअन्तर्गत आज थापाथली र गैरीगाउँ क्षेत्रमा ठूलो संख्यामा सुरक्षा बल परिचालन गरेको छ। सम्भावित प्रतिरोधलाई मध्यनजर गर्दै नेपाल प्रहरी र सशस्त्र प्रहरी बलका सुरक्षाकर्मी व्यापक रूपमा खटाइएको हो। सरकारले आज ती क्षेत्रमा रहेका अस्थायी संरचना हटाउने कार्य अघि बढाएको जनाएको छ। सुकुम्बासी समुदायबाट विरोध हुन सक्ने आकलनका कारण सुरक्षा व्यवस्था कडा पारिएको जनाइएको छ। यसैबीच, बाँकी रहेका मनोहरा, सिनामंगललगायत क्षेत्रका बस्तीहरू भोलि हटाउने तयारी गरिएको सरकारी स्रोतले जनाएको छ। अभियानलाई चरणबद्ध रूपमा अघि बढाउँदै सार्वजनिक तथा नदी किनार क्षेत्रको संरक्षण गर्ने लक्ष्य राखिएको छ।...

काठमाडौँ । काठमाडौँ महानगरपालिकाले अव्यवस्थित सुकुम्बासी बस्ती व्यवस्थापन तथा घरटहरा हटाउने सरकारी अभियानमा सहकार्य गर्ने जनाएको छ। महानगरकी कार्यवाहक मेयर सुनिता डंगोलले यस कार्यमा पूर्ण समन्वय र सहयोग रहने स्पष्ट पारेकी हुन्। सामाजिक सञ्जालमार्फत धारणा सार्वजनिक गर्दै उनले सरकारको पहललाई प्रभावकारी बनाउन महानगर तयार रहेको उल्लेख गरिन्। वैशाख ११ गते नगर कार्यपालिकाका सदस्यहरूसँग भएको छलफलपछि कानुन र न्यायको परिधिभित्र रही कार्य अघि बढाइने निर्णय गरिएको उनको भनाइ छ। उनले सार्वजनिक, पर्ति, ऐलानी, सरकारी तथा सामुदायिक जग्गाको संरक्षणलाई प्राथमिकतामा राख्दै अनधिकृत संरचना हटाउने कार्यमा मानवअधिकारका आधारभूत मूल्य र मान्यतालाई आत्मसात् गरिने बताइन्। साथै, यस अभियानमा संलग्न सबै निकाय, पदाधिकारी तथा सर्वसाधारणलाई आवश्यक सहयोग र समन्वयका लागि आग्रहसमेत गरिएको छ। महानगरले नदी किनार तथा स...

काठमाडौं : कृषि तथा पशुपन्छी विकास मन्त्रालय ले परम्परागत नेपाली खाद्य पदार्थ गुन्द्रुकको गुणस्तर सुनिश्चित गर्न नयाँ मापदण्ड लागू गरेको छ। यस व्यवस्थासँगै अब गुन्द्रुक उत्पादनदेखि प्याकेजिङ र बजार वितरणसम्म कडाइ गरिने भएको छ। मन्त्रालयले खाद्य स्वच्छता तथा गुणस्तर ऐन, २०८१ अनुसार गुन्द्रुकको स्पष्ट परिभाषा, उत्पादन प्रक्रिया र गुणस्तरसम्बन्धी मापदण्ड निर्धारण गरेको जनाएको छ। रायो, तोरी, मुलालगायत सागपातलाई नुनबिना प्राकृतिक वा ल्याक्टिक एसिड किण्वन विधिबाट तयार पारिएको खाद्य पदार्थलाई गुन्द्रुकका रूपमा परिभाषित गरिएको छ। नयाँ नियमअनुसार किण्वन प्रक्रियामा फलाम, एल्युमिनियम, तामा वा पित्तलका भाँडाको प्रयोग पूर्ण रूपमा निषेध गरिएको छ। साथै गुन्द्रुकमा ढुसी, किरा, माटो, प्लास्टिक वा धातुजस्ता कुनै पनि अशुद्ध पदार्थ मिसिन नहुने स्पष्ट गरिएको छ। कृत्रिम रंग, सुगन्ध र प्रिजरभेटिभको प्रयोग...

मस्को/किएभ — युक्रेनद्वारा गरिएको आक्रमणपछि रुसको दक्षिणी तटीय शहर तुआप्सेस्थित तेल प्रशोधन केन्द्रमा भीषण आगलागी हुँदा वातावरणमा विषाक्त कण फैलिएको र ‘विषाक्त वर्षा’ जस्तो अवस्था सिर्जना भएको जनाइएको छ। रूसी अधिकारीका अनुसार सोमबार भएको आक्रमणपछि केन्द्रका चारवटा भण्डारण ट्याङ्कीमा आगलागी भएको हो, जसलाई नियन्त्रणमा लिन अझै प्रयास जारी छ। आगलागीबाट निस्किएको बाक्लो कालो धुवाँले आकाश ढाकिँदा वायु प्रदूषणको स्तर सामान्यभन्दा दुईदेखि तीन गुणासम्म बढेको बताइएको छ। स्थानीय प्रशासनले बुधबार बासिन्दालाई घरभित्रै बस्न, झ्याल ढोका बन्द गर्न तथा अत्यावश्यक कामबाहेक बाहिर ननिस्कन आग्रह गरेको छ। बाहिर निस्कनै परे मास्क प्रयोग गर्न पनि निर्देशन दिइएको छ। सामाजिक सञ्जालमा सार्वजनिक भएका केही तस्बिर तथा भिडियोहरूमा समुद्र र किनार क्षेत्रमा तेलजस्तो पदार्थ फैलिएको, मरेका माछा तथा चराचुरुङ्गी देखि...

हेटौंडा सिमेन्ट उद्योग पुनः कच्चा पदार्थ अभावका कारण उत्पादन रोक्न बाध्य भएको छ। लामो समयदेखि आर्थिक सङ्कट झेल्दै आएको उद्योगले पछिल्लो पटक क्लिङ्कर उत्पादन गरे पनि आवश्यक कोइला, ढुङ्गालगायत कच्चा पदार्थ उपलब्ध नहुँदा पूर्ण रूपमा बन्द भएको हो। उद्योग प्रशासनका अनुसार कच्चा पदार्थ आपूर्तिका लागि सम्झौता भए पनि ढुवानीका लागि आवश्यक रकम अभाव देखाउँदै ठेकेदारले आपूर्ति गर्न नसकेपछि उत्पादन प्रक्रिया रोकिएको हो। उद्योगका सहायक प्रबन्धक भक्तिराम श्रेष्ठका अनुसार हाल उद्योगमा रहेका सामग्रीबाट करिब ५ हजार टन क्लिङ्कर उत्पादन भइसकेको छ भने अहिले सिमेन्ट प्याकेजिङको काम मात्र भइरहेको छ। दैनिक १६ हजार बोरा सिमेन्ट उत्पादन क्षमता रहेको यो उद्योग प्रायः बन्द अवस्थामा रहने गरेको छ। यससँगै क्लिङ्कर उत्पादनका क्रममा मेसिनमा देखिएको प्राविधिक समस्या मर्मतको क्रममा रहेको पनि जनाइएको छ। कर्मचारीको अवस...

सिन्धुलीको खुर्काेटस्थित इलाका प्रहरी कार्यालयको हिरासतमा २२ वर्षीय श्रीकृष्ण विकको मृत्यु भएपछि घटना विवादित बनेको छ। सुनकोसी गाउँपालिका–३ का विकको शव पाँच दिनदेखि अस्पतालमै रहेको छ। खोटाङकी एक बालिकासँग भएको अन्तरजातीय प्रेमविवाहपछि बालिकाको परिवारले जबरजस्ती करणीको मुद्दा दर्ता गरेपछि प्रहरीले उनलाई पक्राउ गरेको थियो। काठमाडौँबाट पक्राउ गरी सिन्धुली ल्याइएका विक वैशाख ७ गते साँझ हिरासतको भेन्टिलेटरमा सर्टको पासो लगाई आत्महत्याको प्रयास गरेको दाबी प्रहरीले गरेको छ। तर उपचारका क्रममा उनको मृत्यु भएको हो। प्रहरीले आत्महत्या भएको दाबी गर्दै शव बुझ्न आग्रह गरे पनि मृतकका परिवारले घटना शंकास्पद भएको भन्दै कडा विरोध जनाएका छन्। मृतककी आमा बिन्दामाया विकले छोरा आत्महत्या नगरेको दाबी गर्दै प्रहरी हिरासतभित्र कुटपिट गरेर हत्या गरिएको आरोप लगाएकी छन्। उनका अनुसार सर्टको कपडाले झुन्डिएर मृ...

नुवाकोटको किस्पाङ गाउँपालिका शैक्षिक क्षेत्रमा नयाँ गन्तव्यका रूपमा उदाउँदै गएको छ। गाउँपालिकाले प्राविधिक शिक्षा तथा व्यावसायिक तालिम परिषद् (CTEVT) बाट सम्बन्धन लिएर सञ्चालन गरेको प्राविधिक शिक्षालयमा पछिल्लो तीन वर्षदेखि देशभरका विद्यार्थीको उल्लेखनीय आकर्षण देखिएको छ। पूर्वको सङ्खुवासभादेखि पश्चिमको कञ्चनपुरसम्मका विद्यार्थी यहाँ प्राविधिक शिक्षा लिन आउने गरेका छन्। गाउँपालिकाले सामान्य चिकित्सा (एचए) र डिप्लोमा इन फार्मेसी कोर्स मात्र रु १ लाख ९५ हजार शुल्कमा उपलब्ध गराएपछि यो शिक्षालय सुलभ र आकर्षक शैक्षिक गन्तव्य बनेको हो। किस्पाङ–३ काहुलेमा २०८० सालमा स्थापना भएको यस शिक्षालयले पहिलो ब्याचमा फार्मेसी मात्र सञ्चालन गरेको थियो भने हाल दोस्रो र तेस्रो ब्याचमा सामान्य चिकित्सा र फार्मेसी दुवै विषयमा पूर्ण कोटा भर्ना भएको छ। देशभरका विद्यार्थीको सहभागिता शिक्षालयमा हाल सातै प्रद...