प्रदेश समाचार

काठमाडौं । राष्ट्रपति रामचन्द्र पौडेल ले कृषकको सम्मानलाई राज्यले उच्च प्राथमिकतामा राख्नुपर्ने बताएका छन्। कृषि, वन तथा वातावरण मन्त्रालयद्वारा आयोजित राष्ट्रिय उत्कृष्ट कृषक पुरस्कार कार्यक्रम–२०८२ लाई सम्बोधन गर्दै उनले किसानको प्रगति नै राष्ट्रको समृद्धिसँग प्रत्यक्ष जोडिएको उल्लेख गरे। राष्ट्रपति पौडेलले किसानको मुस्कानमा देशको खुसी र किसानको उन्नतिमा राष्ट्रको समृद्धि गाँसिएको भन्दै कृषि क्षेत्रलाई केवल जीविकोपार्जनको माध्यम नभई राष्ट्र निर्माणको मुख्य आधारका रूपमा विकास गर्नुपर्ने धारणा राखे। उनले श्रम संस्कृतिको विकास गर्दै किसानको मेहनत, पसिना र समर्पणलाई राज्यले उचित सम्मान गर्नुपर्ने बताए। उनले कृषि क्षेत्रको विकासका लागि राज्य, निजी क्षेत्र र सम्बन्धित निकायहरू एकजुट भएर लगानी, प्रविधि, बजारीकरण तथा युवाको सहभागिता बढाउनुपर्ने आवश्यकता औँल्याए। आधुनिक प्रविधिको प्रयोग, यु...

काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले मानव अधिकार आयोगले सार्वजनिक गरेको प्रतिवेदनलाई तत्काल कार्यान्वयनमा लैजान सरकारसँग आग्रह गरेका छन्। राप्रपाको स्थापना दिवसको ३६औँ वर्ष प्रवेशका अवसरमा शुक्रबार काठमाडौंमा आयोजित विशेष कार्यक्रममा बोल्दै उनले उक्त प्रतिवेदन गम्भीर प्रकृतिको रहेको भन्दै सरकारले ढिलाइ नगरी कार्यान्वयन गर्नुपर्ने आवश्यकता औँल्याए। अध्यक्ष लिङ्देनले मानव अधिकार आयोगले दोषी ठहर्याएका वा अभियुक्तका रूपमा देखिएका व्यक्तिहरूले कानुनी प्रक्रिया पूरा गरी छिटोभन्दा छिटो सफाइ लिनुपर्नेमा पनि जोड दिए। उनका अनुसार आयोगका प्रतिवेदनहरू नेपालभित्र मात्र सीमित नहुने भएकाले अन्तर्राष्ट्रिय स्तरमा समेत यसको प्रभाव रहने गर्दछ। उनले भने, “मानव अधिकार आयोगको प्रारम्भिक प्रतिवेदन अत्यन्त महत्त्वपूर्ण छ। यसले धेरै विषय उजागर गरेको छ। सरकारले ...

काठमाडौं । गणतन्त्र दिवसका अवसरमा काठमाडौंको सैनिक मञ्च टुँडिखेलमा आयोजित विशेष समारोहलाई राष्ट्रपति रामचन्द्र पौडेलले सम्बोधन गरेका छन् । यो गणतन्त्र दिवसको अवसरमा राष्ट्रपतिको पहिलो औपचारिक सम्बोधन समेत हो । समारोहमा प्रधानमन्त्री बालेन्द्र शाहले आफैं सम्बोधन नगरी राष्ट्रपतिलाई सम्बोधनका लागि सिफारिस गरेपछि राष्ट्रपति पौडेलले मुख्य सम्बोधन गरेका हुन् । सम्बोधनका क्रममा राष्ट्रपति पौडेलले गणतन्त्रले नेपाली जनतालाई राजनीतिक अधिकार सुनिश्चित गर्दै समुन्नत भविष्यतर्फ अघि बढ्ने अवसर प्रदान गरेको उल्लेख गरे । उनले गणतन्त्रले देशलाई एकताबद्ध बनाउँदै साझा राष्ट्र निर्माणको भावना बलियो बनाएको बताए । “यसले देशवासीलाई जोडेको छ, साझा राष्ट्र बनाउने सङ्कल्प अभिप्रेरित गरेको छ। यसले हामीलाई आफ्नो जाति, भाषा, धर्म, सम्प्रदाय, सभ्यता र भूमिको स्वामित्व दिएको छ। त्यसैले यो हाम्रा लागि राष्ट्र नि...

काठमाडौं । नारायणप्रसाद दाहाल ले गणतन्त्रको विकल्प अझ उन्नत, समृद्ध र जनमुखी गणतन्त्र नै हुने बताएका छन्। गणतन्त्र दिवसको अवसरमा शुभकामना सन्देश जारी गर्दै उनले नेपाली जनताको लामो संघर्ष, त्याग र बलिदानबाट संघीय लोकतान्त्रिक गणतन्त्र स्थापना भएको उल्लेख गरेका हुन्। उनले गणतन्त्रलाई नागरिक अधिकार, समावेशिता, सामाजिक न्याय तथा समान अवसरमा आधारित शासन प्रणालीको रूपमा व्याख्या गरेका छन्। अध्यक्ष दाहालले संविधानको मर्मअनुसार समाजवादउन्मुख आत्मनिर्भर अर्थतन्त्र निर्माण गर्दै सुशासन, पारदर्शिता र उत्तरदायित्वसहित राज्य सञ्चालन गर्नुपर्ने आवश्यकता औँल्याए। उनले २०६५ साल जेठ १५ गते संविधानसभाबाट निरङ्कुश राजतन्त्रको अन्त्य गरी गणतन्त्र घोषणा गरिएको ऐतिहासिक दिनको स्मरण गर्दै सम्पूर्ण शहीदहरूप्रति श्रद्धाञ्जली व्यक्त गरेका छन्। त्यसैगरी, विभिन्न आन्दोलनका क्रममा घाइते तथा अपाङ्ग भएका नागरिक...

काठमाडौं । टोखा नगरपालिका वडा नं. ९ र १० अन्तर्गत सरकारी संरचनाभित्र सञ्चालन हुँदै आएका गणेशथान क्षेत्रका पूजा सामग्री पसलहरू हटाउन डोजर चलाइएको छ । नगरपालिकाको निर्देशन अवज्ञा गर्दै तोकिएको समयभित्र संरचना नहटाइएपछि बिहीबार र डोजर परिचालन गरिएको हो । टोखा नगरपालिकाले यसअघि नै सरकारी संरचना तथा सार्वजनिक क्षेत्र अतिक्रमण गरी सञ्चालन गरिएका पसल हटाउन १५ दिने सूचना जारी गरेको थियो । उक्त अवधिभित्र पसल तथा टहरा नहटाइएपछि नगरपालिकाले प्रहरी प्रशासनको सहयोगमा डोजर चलाएर संरचना हटाउने प्रक्रिया अघि बढाएको जनाएको छ । डोजर सञ्चालनका क्रममा सम्भावित तनावलाई मध्यनजर गर्दै ठूलो संख्यामा नेपाल प्रहरी परिचालन गरिएको थियो । गणेशथान क्षेत्रमा बिहानैदेखि प्रहरीको बाक्लो उपस्थिति देखिएको थियो भने स्थानीयवासी र व्यवसायीहरूको भीडसमेत लागेको थियो । नगरपालिकाका अनुसार सार्वजनिक तथा सरकारी स्वामित्वको ...

काठमाडौं । सरकारले गठन गरेको सम्पत्ति छानबिन समितिले निवर्तमान गृहमन्त्री तथा राष्ट्रिय स्वतन्त्र पार्टी (रास्वपा)का सांसद राष्ट्रिय स्वतन्त्र पार्टी का सुधन गुरुङसँग दोस्रो दिन पनि बयान लिएको छ । समितिले मंगलबार (जेठ १२) देखि गुरुङको बयान लिन सुरु गरेको थियो । बुधबार (जेठ १३) दोस्रो दिन पनि बयान प्रक्रिया जारी रहेको भए पनि पूर्ण रूपमा सम्पन्न नभएको समितिले जनाएको छ । गुरुङले भने निकटवर्तीहरूलाई आफ्नो बयान सकिएको जानकारी दिएका छन् । तर समितिका प्रवक्ता समेत रहेका सहन्यायाधिवक्ता अच्युतमणि न्यौपानेका अनुसार अनुसन्धान प्रक्रिया अझै जारी छ । “बयान सुरु भएको हो । अनुसन्धान गर्दै जाँदा फेरि पनि बयान दिनुपर्ने हुनसक्छ,” उनले भने, “समितिले प्रतिवेदन बुझाउने समय सीमित भएकाले अनुसन्धानको कामलाई तीव्र बनाइएको छ ।” गत वैशाख २८ गते मन्त्रिपरिषद् बैठकबाट १५ दिनको समयसीमा तोकेर समिति गठन गरि...

काठमाडौँ । प्रमुख प्रतिपक्ष दल नेकपा (एमाले) की सांसद नीता घतानीले प्रधानमन्त्री वालेन्द्र साहले लोकतन्त्रको मर्यादा उल्लङ्घन गरिरहेको आरोप लगाएकी छन् । बुधबार बसेको प्रतिनिधि सभा बैठकमा बोल्दै सांसद घतानीले प्रधानमन्त्री साहले जनताका प्रश्नको जवाफ नदिई लोकतान्त्रिक अभ्यासको अपमान गरिरहेको भन्दै आपत्ति जनाइन् । उनले प्रधानमन्त्रीलाई सदनमा उठेका प्रश्नहरूको जवाफ दिन हिम्मत भए उपस्थित हुन चुनौती दिँदै सरकारप्रति बढ्दो जवाफदेहिताको अभावप्रति कडा टिप्पणी गरिन् । सांसद घतानीले सरकारलाई प्रश्न गर्ने वातावरण कमजोर हुँदै गएको र आलोचना गर्न नहुने प्रवृत्ति विकास भइरहेको भन्दै चिन्ता व्यक्त गरिन् । उनका अनुसार लोकतन्त्र अन्ध समर्थन होइन र नागरिकहरू केवल ताली बजाउने भीड मात्र होइनन् भन्ने कुरा स्पष्ट हुन आवश्यक छ । उनले सांसदहरू जनताका प्रतिनिधि भएको उल्लेख गर्दै सरकारलाई निरन्तर जवाफदेही...

काठमाडौं । आगामी आर्थिक वर्ष २०८३/८४ को बजेटका प्राथमिकताबारे प्रधानमन्त्री बालेन शाह, राष्ट्रिय स्वतन्त्र पार्टी (रास्वपा) का सभापति रवि लामिछाने र अर्थमन्त्री स्वर्णिम वाग्ले बीच सिंहदरबारमा विस्तृत छलफल भएको छ। मंगलबार बेलुका सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको उक्त छलफल करिब चार घण्टाभन्दा बढी समय चलेको हो। छलफलमा आगामी बजेटका प्राथमिकता, नीति तथा कार्यक्रमलाई प्रभावकारी रूपमा कार्यान्वयन गर्ने विषयमा केन्द्रित रहेर गहन संवाद भएको स्रोतले जनाएको छ। प्रधानमन्त्री शाह दिनभर विभिन्न राजनीतिक तथा प्रशासनिक भेटघाटमा व्यस्त रहेपछि कार्यालय समयपछि अर्थमन्त्री र रास्वपा सभापतिसँग बजेट केन्द्रित छलफलमा सहभागी भएका हुन्। बालेन नेतृत्वको सरकारले ल्याउन लागेको यो पहिलो बजेट भएकाले उक्त भेटवार्तालाई राजनीतिक वृत्तमा विशेष चासोका साथ हेरिएको छ। अर्थमन्त्री वा...

कञ्चनपुर । कञ्चनपुरमा बाघको आक्रमणबाट नाबालकसहित चार जना घाइते भएका छन् । मंगलबार साँझ महेन्द्रनगरबाट बेलडाँडीतर्फ जाँदै गरेको क्रममा शुक्लाफाँटा राष्ट्रिय निकुञ्ज क्षेत्रअन्तर्गत कालिकिच नजिकै बाघले आक्रमण गर्दा उनीहरू घाइते भएका हुन् । कालिकिचबाट करिब दुई किलोमिटर टाढा निकुञ्ज क्षेत्रको हुलाकी सडकमा भएको आक्रमणमा मोटरसाइकल चालक बेलौरी नगरपालिका–९ खजुवाका वीरेन्द्र ठगुन्ना, उनकी श्रीमती कल्पना ठगुन्ना, अढाई वर्षीय छोरा रियान्स र १४ वर्षीया भान्जी आरुसी साहु घाइते भएका छन् । प्रहरीका अनुसार साँझ करिब ७ः३० बजेतिर बाघले मोटरसाइकल चालक ठगुन्नाको हातमा आक्रमण गर्दा सवारी अनियन्त्रित भई दुर्घटना भएको थियो । चालक ठगुन्नाको दाहिने खुट्टा, दुवै हात तथा शरीरका विभिन्न भागमा चोट लागेको छ भने अवस्था सामान्य रहेको जिल्ला प्रहरी कार्यालय कञ्चनपुरले जनाएको छ । श्रीमती र बालक छोराको टाउको, अनुहा...

काठमाडौं । प्रधानमन्त्री बालेन्द्र शाह (बालेन)ले नेपालले सन्तुलित, व्यावहारिक र राष्ट्रिय हितअनुकूल विदेश नीतिलाई निरन्तरता दिने बताएका छन् । मंगलबार प्रधानमन्त्री तथा मन्त्रिपरिषद्को कार्यालयमा आयोजित सामूहिक शिष्टाचार भेटवार्ताका क्रममा उनले काठमाडौं तथा नयाँदिल्लीस्थित युरोपेली संघ (ईयू) र सदस्य राष्ट्रका राजदूतहरूसहित ३० देशका कूटनीतिक प्रतिनिधिलाई यस्तो धारणा राखेका हुन् । प्रधानमन्त्री शाहले नेपालका छिमेकी मुलुक, विकास साझेदार तथा मित्र राष्ट्रहरूसँगको सम्बन्ध आपसी सम्मान, सार्वभौम समानता र साझा समृद्धिको आधारमा अघि बढिरहेको स्पष्ट पारे । उनले नेपालको विकास, समृद्धि र स्थायित्वका लागि सहयोग पुर्‍याउँदै आएका सबै मित्र राष्ट्रप्रति आभारसमेत व्यक्त गरे । उनले व्यापार, लगानी, हरित ऊर्जा, पर्यटन, जलवायु परिवर्तन तथा पूर्वाधार विकासलगायतका क्षेत्रमा अन्तर्राष्ट्रिय सहकार्यलाई थप विस्...