राजनीति

काठमाडौँ– नवलपरासी (बर्दघाट–सुस्तापूर्व) गैंडाकोटस्थित भृकुटी कागज कारखानामा कार्यरत ३३३ जना श्रमिकले १६ वर्षदेखि तलब नपाएको गुनासो गरेका छन्। सोमबार सफा सुन्दर हरियाली गैँडाकोट निरन्तर शनिवार अभियानले प्रधानमन्त्री तथा मन्त्रिपरिषद् कार्यालयमा ज्ञापनपत्र बुझाउँदै १६ वर्षदेखिको बाँकी तलब तत्काल भुक्तानी गर्न माग गरेको हो। प्रधानमन्त्रीलाई सम्बोधन गरिएको पत्रमा श्रमिकहरूको करिब ४० करोड रुपैयाँ भुक्तानी बाँकी रहेको उल्लेख गर्दै सो रकम शीघ्र उपलब्ध गराउन आग्रह गरिएको छ। त्यस्तै, गैँडाकोट नगरपालिका क्षेत्रमा रहेको करिब ६० बिघा जग्गालाई उचित व्यवस्थापन गरी कृषि, उद्योग वा नमुना व्यवस्थित बजारका रूपमा विकास गर्न स्पष्ट योजना बनाएर कार्यान्वयन गर्न पनि माग गरिएको छ। ज्ञापनपत्रमा निजी क्षेत्र (गोल्छा समूह)लाई हस्तान्तरण गरिएको उक्त कारखाना हाल खण्डहर अवस्थामा पुगेको उल्लेख छ। कारखाना क...

काठमाडौं। नेपाल भ्रमणमा रहेका संयुक्त राज्य अमेरिकाका दक्षिण तथा मध्य एसियाका लागि विशेषदूत Sergio Gor ले बिहीबार नेपाल सरकारका परराष्ट्रमन्त्री र अर्थमन्त्रीसँग छुट्टाछुट्टै शिष्टाचार भेटवार्ता गरेका छन्। काठमाडौं आगमनलगत्तै भएका यी उच्चस्तरीय भेटघाटहरूमा नेपाल–अमेरिका सम्बन्धलाई थप सुदृढ बनाउने, आर्थिक सहकार्य विस्तार गर्ने तथा लगानी र व्यापार प्रवर्द्धनका नयाँ अवसर पहिल्याउने विषयमा विस्तृत छलफल भएको हो। परराष्ट्र मन्त्रालयमा भएको भेटमा परराष्ट्रमन्त्री Shishir Khanal र विशेषदूत गोरबीच नेपाल–अमेरिका सम्बन्धका विविध पक्षलाई समयानुकूल रूपमा अझ प्रभावकारी बनाउने विषयमा कुराकानी भएको मन्त्रालयले जनाएको छ। भेटमा दुई देशबीचको कूटनीतिक सम्बन्धलाई अझ सुदृढ गर्दै द्विपक्षीय लगानी प्रवर्द्धन गर्ने र व्यापार विस्तारका सम्भावनाहरूलाई अघि बढाउने विषयमा जोड दिइएको थियो। मन्त्री खनालले नेप...

काठमाडौँ । काठमाडौँ जिल्ला अदालतले सामाजिक सञ्जालमार्फत महान्यायाधिवक्ता र महान्यायाधिवक्ता कार्यालयको मानमर्दन हुने अभिव्यक्ति दिएको आरोपमा पक्राउ परेका युवराज पौडेल (सफल)लाई ५० हजार रुपैयाँ धरौटीमा रिहा गर्न आदेश दिएको छ। जिल्ला न्यायाधीश कौशलेश्वर ज्ञवालीको इजलासले सो आदेश दिएको हो। उनी यसअघि हाजिरी जमानीमा रिहा भएका थिए। आजको थुनछेक आदेशपछि अदालतले धरौटी बुझाएर तारेखमा रही मुद्दाको पुर्पक्ष गर्न निर्देशन दिएको छ। धरौटी बुझाउन नसके उनलाई थुनामा पठाइने अदालतले जनाएको छ। पौडेलमाथि विद्युतीय कारोबार ऐन, २०६३ अन्तर्गत मुद्दा दायर गरिएको हो। अदालतमा उनले गल्ती स्वीकार गर्दै माफी मागेको तथा केही विवादित भिडियो हटाइसकेको विवरणसमेत उल्लेख गरिएको छ। मुद्दाको अन्तिम फैसला नभएसम्म उनी तारेखमा रहेर कानुनी प्रक्रिया अघि बढाउनेछन्।...

सुर्खेत । नेपाली कम्युनिस्ट पार्टी (नेकपा)का संयोजक पुष्पकमल दाहाल ले बालेन शाह नेतृत्वको वर्तमान सरकार निरङ्कुशताको दिशातर्फ उन्मुख भएको आरोप लगाएका छन्। बिहीबार रुकुम पश्चिमको सदरमुकाममा आयोजित पत्रकार सम्मेलनमा उनले ट्रेड युनियन र विद्यार्थी सङ्गठन खारेज गर्ने तयारी भइरहेको भन्दै सरकारको कदमप्रति असन्तुष्टि जनाए। साथै, अध्यादेश ल्याउने प्रक्रियाबारे पनि उनले आलोचना गरे। उनले भने, ‘सदनलाई छल्दै अध्यादेश ल्याउने र बोलाइसकेको अधिवेशन स्थगित गर्ने कार्य लोकतन्त्र र संसदीय अभ्यासविपरीत हो। यस्तो प्रवृत्तिबाट सरकार सचेत हुनुपर्छ, अन्यथा यो संविधानको मर्मविपरीत हुनेछ।’ प्रचण्डले सुकुमबासी समस्याबारे पनि धारणा राख्दै वैकल्पिक व्यवस्था नगरी बल प्रयोग गरिएकोप्रति आपत्ति जनाए। ‘सुकुमबासीले अतिक्रमण गरेका भए पनि उनीहरूको वास्तविक अवस्था बुझेर उचित छानबिन हुनुपर्थ्यो,’ उनले भने, ‘तर सरकारले हतारम...

१६ वैशाख, काठमाडौं – नेपाल सरकारले पहिलोपटक खुला प्रतिस्पर्धामार्फत राजदूत नियुक्त गर्ने तयारी थालेको छ। यसअघि परराष्ट्र मन्त्रालयका कर्मचारी र सत्तारुढ दलहरूको सिफारिसका आधारमा मात्र नियुक्ति हुने परम्परा रहँदै आएको थियो। परराष्ट्रमन्त्री शिशिर खनाल को सचिवालयका अनुसार अब निश्चित संख्यामा विज्ञापन आह्वान गरी प्रतिस्पर्धाबाट योग्य उम्मेदवार छनोट गर्ने योजना बनाइएको छ। सोमबार परराष्ट्र मन्त्रालय मा आयोजित सहसचिवहरूको बैठकमा मन्त्री खनालले केही राजदूत खुला प्रतिस्पर्धाबाट नियुक्त गर्ने सोच रहेको बताएका थिए। यद्यपि विज्ञापन खुल्ने मिति भने अझै तय भइसकेको छैन। स्रोतका अनुसार उक्त प्रस्तावमा प्रधानमन्त्रीको समेत सहमति भइसकेको छ र चाँडै विज्ञापन खुल्ने सम्भावना रहेको छ। मन्त्रीको सचिवालयका एक सदस्यले अर्को हप्ताभित्र दरखास्त आह्वान हुन सक्ने संकेत दिएका छन्। राजदूत नियुक्ति सम्बन्धी निर...

काठमाडौँ । प्रतिनिधिसभाका सभामुख डोलप्रसाद अर्याल र नेपालका लागि चिनियाँ राजदूत झाङ माओमिङ बीच शिष्टाचार भेटवार्ता भएको छ। भेटमा नेपाल–चीनबीचको द्विपक्षीय सम्बन्ध, संसदीय सहकार्य, विकास साझेदारी तथा क्षेत्रीय र अन्तर्राष्ट्रिय चासोका विषयमा विस्तृत छलफल भएको थियो। सभामुख अर्यालले नेपाल–चीन सम्बन्ध लामो इतिहास, पारस्परिक विश्वास र पञ्चशील सिद्धान्तमा आधारित रहेको उल्लेख गर्दै ‘एक चीन नीति’प्रति नेपालको अडिग प्रतिबद्धता पुनः व्यक्त गरेका थिए। उनले आपसी सम्मान, समानता र सहकार्यका आधारमा सम्बन्ध अझ सुदृढ बन्दै गएको धारणा राख्दै संसदीय तहमा समेत सहकार्य विस्तार गर्नुपर्नेमा जोड दिए। राजदूत माओमिङले नेपाललाई चीनको महत्वपूर्ण र नजिकको छिमेकीका रूपमा लिँदै विकास, पूर्वाधार निर्माण, व्यापार विस्तार तथा कनेक्टिभिटी सुदृढीकरणका क्षेत्रमा सहकार्य बढाउन चीन इच्छुक रहेको बताए। उनले नेपालमा भइरहेका...

काठमाडौं । सर्वोच्च अदालतले शेखर गोल्छा लाई २४ घण्टाभित्र इजलासमा उपस्थित गराउन आदेश दिएको छ। गोल्छाको तर्फबाट उनकी पत्नी सीमाले सोमबार सर्वोच्चमा बन्दीप्रत्यक्षीकरण रिट दायर गरेकी थिइन्। सोही रिटमाथि सुनुवाइ गर्दै न्यायाधीश नृपध्वज निरौला को एकल इजलासले पक्राउ र थुनाको कारण खुलाइएको लिखित जवाफसहित २४ घण्टाभित्र बन्दीलाई उपस्थित गराउन नेपाल प्रहरीको केन्द्रीय अनुसन्धान ब्युरो (CIB) लाई आदेश दिएको हो। यसअघि बिहीबार पक्राउ परेका गोल्छालाई थप तीन दिन हिरासतमा राखेर अनुसन्धान गर्न काठमाडौं जिल्ला अदालत ले सोमबार अनुमति दिएको थियो। विवादास्पद व्यवसायी दीपक भट्ट र सुलभ अग्रवाल लगायतको समूहसँग मिलेमतोमा भएको भनिएको सेयर कारोबार प्रकरणमा नेपाल धितोपत्र बोर्ड ले तयार पारेको जाँचबुझ प्रतिवेदनमा हिमालयन रिइन्स्योरेन्स लिमिटेडका तत्कालीन अध्यक्ष गोल्छाको संलग्नता देखिएपछि उनलाई पक्राउ गरिएको ...

एमाले सचिव महेश बस्नेतकी पत्नी अम्बिकासहित १० जनालाई शोभा पाठकमाथि आक्रमण गरेको आरोपमा प्रहरीले नियन्त्रणमा लिएको हो । झडपका क्रममा घाइते भएकी शोभा पाठकलाई उपचारका लागि ट्रमा सेन्टरमा भर्ना गरिएको छ । माइतीघर मण्डलामा सुधन गुरुङलाई पुनः गृहमन्त्री बनाउनुपर्ने मागसहित धर्ना बसेका केही महिलाहरूबीच विवाद बढ्दै झडप भएको प्रहरीले जनाएको छ । घटनापछि सामाजिक सञ्जालमार्फत पाठकले आफूलाई महेश बस्नेतकी पत्नी र एमाले कार्यकर्ताले आक्रमण गरेको दाबी गरेकी छन् । उनले आफ्नो ज्यान जोखिममा परेको भन्दै सुरक्षा र न्यायको माग गरेकी छन् । प्रहरीका अनुसार घाइते पाठकले उपचारपछि जाहेरी दिएपछि नियन्त्रणमा लिइएका १० जनामाथि कानुनी प्रक्रिया अघि बढाइनेछ । हाल उनीहरूलाई प्रहरी परिसर भद्रकालीमा राखिएको छ ।...

काठमाडौं । नेपालका लागि जापानका राजदूत मायदा तोरुले सञ्चार तथा सूचना प्रविधिमन्त्री डा. बिक्रम तिमिल्सिनासँग शिष्टाचार भेट गरेका छन्। आज सिंहदरबारस्थित सञ्चार मन्त्रालयमा भएको भेटमा नेपाल–जापान कूटनीतिक सम्बन्ध स्थापनाको ७० वर्ष पुगेको सन्दर्भमा द्विपक्षीय सम्बन्ध, साझा हित तथा बहुआयामिक सहकार्यलाई थप सुदृढ बनाउने विषयमा छलफल भएको थियो। भेटका क्रममा मन्त्री डा. तिमिल्सिनाले नेपाल–जापानबीचको ऐतिहासिक, मैत्रीपूर्ण र विश्वासमा आधारित सम्बन्ध आगामी दिनमा अझ प्रगाढ हुने विश्वास व्यक्त गरे। उनले जापानलाई विकास साझेदार मात्र नभई विश्वसनीय मित्र राष्ट्रका रूपमा नेपालले हेर्दै आएको उल्लेख गर्दै बदलिँदो विश्व परिवेशमा प्रविधि र नवप्रवर्तनमार्फत सम्बन्धलाई नयाँ उचाइमा पुर्‍याउन सकिने बताए। उनका अनुसार नेपाल सरकारले सूचना प्रविधि, कृत्रिम बौद्धिकता, साइबर सुरक्षा, दूरसञ्चार विस्तार तथा डिजिटल...

काठमाडौँ । श्रम संस्कृति पार्टीका अध्यक्ष हर्कराज राई (साम्पाङ) ले सरकारका पछिल्ला कदमप्रति असन्तुष्टि जनाउँदै विकासका नाममा प्राकृतिक सम्पदा र स्थानीय समुदायमाथि अन्याय भइरहेको आरोप लगाएका छन्। काठमाडौँका विभिन्न सुकुमबासी बस्तीमा महानगर र सरकारले डोजर चलाइरहेका बेला सामाजिक सञ्जालमार्फत प्रतिक्रिया दिँदै उनले सरकारको दोहोरो मापदण्डमाथि प्रश्न उठाएका हुन्। अध्यक्ष साम्पाङले एकातिर गरिब तथा सुकुमबासीका बस्ती हटाइरहेको सरकारले अर्कोतिर व्यवसायिक स्वार्थका लागि प्राकृतिक सम्पदामा क्षति पुर्‍याउने गतिविधिलाई सहयोग गरिरहेको टिप्पणी गरेका छन्। मुकुम्लुङ (पाथीभरा) क्षेत्रमा प्रस्तावित केबलकार परियोजनाको सन्दर्भ उल्लेख गर्दै उनले लेखेका छन्: ‘सुकुमबासी बस्ती हटाउन सक्रिय सरकार मुकुम्लुङमा कञ्चनजङ्गा आरक्षण क्षेत्र नै मासेर गुराँसघारी उजाड्ने गरी केबलकार निर्माण गर्न खोज्ने व्यापारीलाई कि...