Author: Xpress Tv News Nepal

झापा – नेकपा (एमाले)का अध्यक्ष केपी शर्मा ओली आफ्नो निर्वाचन क्षेत्र झापा–५मा एक साता बस्ने कार्यक्रमसहित आइपुगेका छन्। आज चन्द्रगढी विमानस्थलमा उत्रिएपछि उनी बिर्तामोड हुँदै निर्वाचन क्षेत्र–५ पुगेका थिए। उनी विमानस्थलमा प्रतिनिधि सभाका निवर्तमान सभामुख देवराज घिमिरे लगायत एमालेका नेताहरू र कार्यकर्ताहरूले स्वागत गरेका थिए। सञ्चारकर्मीहरूसँग संक्षिप्त कुरा गर्दै अध्यक्ष ओलीले झापामा भइरहेको निर्वाचन तयारीबारे सुझाव मागे। अध्यक्ष ओलीले शान्ति सुरक्षाको अवस्था र निर्वाचन वातावरणबारे पत्रकारहरूको प्रतिक्रिया सुनेपछि कार्यकर्ताहरुलाई अपिल गर्दै भने, “देश अहिले विषम परिस्थितिमा छ। देशलाई जोगाउन आवश्यक छ कि झापा एमालेमय र समग्र देश एमालेमय बनोस्।” उनले यसपटक झापालाई आफूले ‘ओलीमय’ बनाउने दाबी पनि गरे। एमाले अध्यक्ष ओली यसअघि माघ ५ गते प्रतिनिधि सभा निर्वाचनको मनोनयन दर्ता गराउन झापा आएका थिए ...

रौतहट क्षेत्र नम्बर २ का राष्ट्रिय स्वतन्त्र पार्टी (रास्वपा) का उम्मेदवार शेख सगिर आलमको प्रचारमा प्रयोग भएको बा १५ च ४२४४ नम्बरको कारको ठक्करबाट ४ वर्षीया बालिका अल्फा खातुनको मृत्यु भएको छ। बिहीबार दिउँसो ईशनाथ नगरपालिका–४ मठियाटोल निवासी मोहम्मद सगिरकी छोरी अल्फा खातुनलाई उक्त कारले ठक्कर दिएको थियो। घटनापछि गम्भीर घाइते बालिकालाई स्थानीयले तत्काल उपचारका लागि गौरस्थित सिटी अस्पताल पुर्‍याएका थिए। तर उपचारकै क्रममा उनको मृत्यु भएको प्रहरीले जनाएको छ। दुर्घटनालगत्तै चालक फरार भए पनि करिब ४ घण्टापछि प्रहरीले उनलाई नियन्त्रणमा लिएको थियो। कार चालक परोहा नगरपालिका–३ निवासी मुस्ताक आलमविरुद्ध सवारी ज्यान मुद्दा दर्ता गरी अनुसन्धानका लागि शुक्रबार जिल्ला अदालतबाट म्याद थपिएको जिल्ला प्रहरी कार्यालय रौतहटले जनाएको छ। घटनास्थल नजिकको मस्जिदमा जडान गरिएको सिसिटीभी फुटेज प्रहरीले बरामद गरी...

सर्लाहीको लालबन्दीस्थित छिमेक लघुवित्तको शाखामा लुटपाटका क्रममा लुटेराको चक्कु प्रहारबाट एक कर्मचारी घाइते भएका छन्। बिहीबार साँझ कार्यालय बन्द गर्ने क्रममा ५ देखि ६ जनाको समूहले अचानक प्रवेश गरी कर्मचारीमाथि आक्रमण गर्दै लुटपाट गरेको प्रहरीले जनाएको छ। जिल्ला प्रहरी कार्यालय सर्लाहीका अनुसार लुटेरा समूहले कर्मचारीलाई कोठाभित्र थुनेर चक्कु प्रहार गरेको थियो। आक्रमणबाट घाइते भएका कर्मचारीको पाखुरामा चोट लागेको छ। उनको उपचार भइरहेको र अवस्था खतरामुक्त रहेको प्रहरीले जनाएको छ। लुटेरा समूहले लघुवित्तबाट केही नगदसमेत लुटेर फरार भएको जनाइएको छ। घटनामा संलग्न व्यक्तिहरूको पहिचान खुल्न नसकेको र उनीहरूको खोजी कार्य तीव्र पारिएको जिल्ला प्रहरी कार्यालय सर्लाहीका प्रवक्ता तथा प्रहरी नायब उपरीक्षक (डीएसपी) सरोज राईले जानकारी दिएका छन्।...

प्रेस काउन्सिल नेपालले निरन्तर ५० वर्षसम्म प्रकाशन हुँदै आएका पत्रपत्रिकालाई ‘प्रेस काउन्सिल सम्मान’ प्रदान गर्ने निर्णय गरेको छ। धादिङको सल्यानटारमा माघ १७ गते बसेको काउन्सिलको बोर्ड बैठकले यस्तो निर्णय गरेको हो। काउन्सिलले बिहीबार जारी गरेको विज्ञप्तिमा यसअघि प्रदान गरिँदै आएका पुरस्कारलाई अझ पारदर्शी, व्यवस्थित र प्रभावकारी बनाउन सम्बन्धित कार्यविधिमा सुधार तथा परिमार्जन गर्ने निर्णयसमेत गरिएको उल्लेख छ। त्यसैगरी, निर्वाचन आचारसंहिता जागरण अभियान धादिङबाट शुभारम्भ गर्ने निर्णय गरिएको काउन्सिलले जनाएको छ। अभियानअन्तर्गत पहिलो चरणमा सातै प्रदेशका प्रमुख सहरमा निर्वाचन आचारसंहिता र मिडियाको भूमिकासम्बन्धी कार्यक्रम सञ्चालन गरिनेछ। पत्रकार आचारसंहिताको अनुगमनलाई थप प्रभावकारी बनाउने निर्णयसमेत बैठकले गरेको छ। साथै, आगामी फागुन २१ गते हुने प्रतिनिधिसभा सदस्य निर्वाचन स्वतन्त्र, स्वच...

काठमाडौँ महानगरपालिकाले आफ्नो क्षेत्रभित्र बग्ने बागमती नदी तथा नदी किनारमा फोहर फाल्ने कार्य नियन्त्रण गर्न कडाइ गर्ने भएको छ। महानगरपालिकाले आगामी शनिबारदेखि बागमती नदी र यसको दायाँ–बायाँ क्षेत्रमा फोहर फाल्ने व्यक्ति, समूह वा संस्थामाथि प्रचलित कानुनअनुसार कारबाही गरिने स्पष्ट गरेको छ। महानगरका अनुसार नदी प्रदूषण बढ्दै जाँदा वातावरण, जनस्वास्थ्य र शहरी सौन्दर्यमा नकारात्मक असर परेकोले यस्तो कदम चालिएको हो। नदी सफा र व्यवस्थित राख्न नियमित अनुगमन गरिने तथा फोहर फाल्ने कार्य भेटिएमा जरिवाना तथा अन्य कानुनी प्रक्रिया अघि बढाइने जनाइएको छ। महानगरपालिकाले बागमती नदीलाई स्वच्छ र सुरक्षित बनाउन सबै नागरिक, व्यवसायी तथा सरोकारवालालाई नदी किनारमा फोहर नफाल्न र सरसफाइ अभियानमा सहयोग गर्न पनि अनुरोध गरेको छ।...

रामजी यादव, २२ माघ, बीरगंज, पर्सा – जनमत पार्टी पर्सा क्षेत्र नं. २को घरदैलो कार्यक्रम सफलतापूर्वक सम्पन्न भएको छ। बहुदरमाई नगरपालिका वडानं. २ र ३ का मतदातासँग पार्टीका उम्मेदवार श्याम गुप्ताले आफ्ना कार्यकर्तासँगै भेटघाट गरेका हुन्। उक्त कार्यक्रम पिपरा, नगरदाहा र पदमौल टोलमा घरघर पुगेर मतदातासँग प्रत्यक्ष संवाद गरी पार्टीको अजेन्डा र योजनाबारे जानकारी गराउने उद्देश्यले सञ्चालन गरिएको थियो। उम्मेदवार श्याम गुप्ता र पार्टीका कार्यकर्ताले मतदातासँग छलफल गर्दै आगामी फागुन २१ गते हुने प्रतिनिधि सभा निर्वाचनमा आफ्नो उम्मेदवारलाई भारी मतले विजयी गराउन समर्थन मागेका थिए। घरदैलो कार्यक्रममा जनमत पार्टीका केन्द्रीय सदस्यहरू अनिता रौनियार, राजनारायण मिश्रा, पुनम चौधरी र नेतृ सन्तोषी महतो लगायतको उपस्थिती रहेको थियो।...

राष्ट्रिय प्रजातन्त्र पार्टीद्वारा धादिङ क्षेत्र नम्बर–२ मा प्रत्यक्ष उम्मेदवार परिचय कार्यक्रम सम्पन्न धादिङ । राष्ट्रिय प्रजातन्त्र पार्टी (राप्रपा) धादिङ क्षेत्र नम्बर–२ द्वारा प्रत्यक्षतर्फका उम्मेदवार परिचय कार्यक्रम भव्य रूपमा सम्पन्न गरिएको छ। पार्टीको आयोजनामा सम्पन्न उक्त कार्यक्रममा पार्टीका शीर्ष नेता, उम्मेदवार तथा सयौँ कार्यकर्ताहरूको उल्लेखनीय उपस्थिति रहेको थियो। कार्यक्रममा राप्रपाका नेता बुद्धमान तामाङ,  धादिङ क्षेत्र नम्बर २ (ख)प्रदेश सांसद डम्बर तामाङ      पूर्व सांसद बिना लामा, खेलकुद विभाग प्रमुख धुर्वविक्रम मल्ल, धादिङ क्षेत्र नम्बर–२ का प्रत्यक्ष उम्मेदवार सुरेश रिजाल, समानुपातिक उम्मेदवार सरस्वती लामा ह्योल्मो लगायतका नेता तथा कार्यकर्ताहरूको सक्रिय सहभागिता रहेको थियो। उपस्थित नेताहरूले पार्टीको विचार, सिद्धान्त र आगामी निर्वाचनका लक्ष्यबारे स्पष्ट धा...

पोखरिया बजारमा जनमत पार्टीको क्षेत्रीय जनसम्पर्क कार्यालय उद्घाटन पर्सा, २१ माघ । जनमत पार्टी पर्सा क्षेत्र नम्बर–३ को क्षेत्रीय जनसम्पर्क कार्यालय पोखरिया बजारमा उद्घाटन गरिएको छ। जनतासँग प्रत्यक्ष सम्पर्क विस्तार गर्ने उद्देश्यले स्थापना गरिएको उक्त कार्यालयको उद्घाटन आज आयोजित कार्यक्रममा गरिएको हो। कार्यक्रमका प्रमुख अतिथि जनमत पार्टी पर्साका जिल्ला इन्चार्ज माधव सिंह तथा विशिष्ट अतिथि ओमप्रकाश श्राफले संयुक्त रूपमा रिबन काटेर कार्यालयको उद्घाटन गरेका थिए। सो अवसरमा जनमत पार्टीकी केन्द्रीय सदस्य तथा पर्सा क्षेत्र नम्बर–३ बाट प्रतिनिधिसभा सदस्य पदकी प्रत्याशी मालती कुशवाहाले जनताको समस्या, भावना र आवश्यकतालाई नजिकबाट बुझ्न तथा सहज रूपमा सम्पर्क कायम गर्न कार्यालय स्थापना गरिएको बताइन्। उनले जनताको सेवामा समर्पित हुँदै क्षेत्रका विकास र समृद्धिका लागि पार्टी प्रतिबद्ध रहेको...

      प्रतिनिधिसभा निर्वाचन नजिकिँदै: आजदेखि चारवटै सुरक्षा निकाय संयुक्त रूपमा परिचालन काठमाडौं । आगामी फागुन २१ गते हुने प्रतिनिधिसभा निर्वाचनका लागि अब २९ दिन मात्र बाँकी रहँदा देशभर चुनावी सरगर्मी बढ्दै गएको छ। राजनीतिक दलहरूले मतदाता केन्द्रित कार्यक्रम र प्रचार–प्रसारलाई तीव्र बनाइरहेका छन्। निर्वाचनलाई शान्तिपूर्ण, निष्पक्ष र सुरक्षित रूपमा सम्पन्न गर्न एकीकृत सुरक्षा योजना २०८२ अनुसार आजदेखि नेपाली सेनाको संयोजनमा चारवटै सुरक्षा निकाय परिचालनमा आएका छन्। सुरक्षा योजनाअनुसार नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धान विभागबीच समन्वय गर्दै संवेदनशील क्षेत्र पहिचान, सुरक्षा घेरा मजबुत बनाउने तथा सम्भावित जोखिम न्यूनीकरणमा विशेष ध्यान दिइने जनाइएको छ। निर्वाचन आयोगसँगको सहकार्यमा मतदान केन्द्र, उम्मेदवार, चुनावी कार्यक्रम तथा...

कोहलपुरमा महिला, बालबालिका तथा ज्येष्ठ नागरिक सेवा केन्द्रको नयाँ भवन उद्घाटन कोहलपुर ।युनाइटेड किङडमको विदेश, राष्ट्रमण्डल तथा विकास कार्यालय (UK FCDO) को सहयोगमा ईलाका प्रहरी कार्यालय, कोहलपुर परिसरमा नव–निर्मित महिला, बालबालिका तथा ज्येष्ठ नागरिक सेवा केन्द्रको भवन उद्घाटन गरिएको छ। संयुक्त राष्ट्र परियोजना सेवा कार्यालय (UNOPS) मार्फत योजना कार्यान्वयन भई निर्माण सम्पन्न उक्त भवनको उद्घाटन प्रहरी महानिरीक्षक (प्र.म.नि.) दान बहादुर कार्कीले गर्नुभयो। उद्घाटन समारोहमा प्रहरी महानिरीक्षक कार्कीले महिला, बालबालिका तथा ज्येष्ठ नागरिक लक्षित सेवा केन्द्रले पीडितमैत्री वातावरणमा सेवा प्रवाह गर्न महत्वपूर्ण भूमिका खेल्ने विश्वास व्यक्त गर्नुभयो। उहाँले मानव अधिकारमैत्री र संवेदनशील सेवा प्रवाहमा नेपाल प्रहरी प्रतिबद्ध रहेको उल्लेख गर्नुभयो। नव–निर्मित सेवा केन्द्रबाट घरेलु हिंसा, लैङ्ग...