Breaking News 1

सर्लाहीसहित मधेश प्रदेशमा करिब पाँच महिनापछि शुक्रबार साँझ मेघगर्जन र तीव्र हावाहुरीसहित वर्षा भएको छ। यहाँ कात्तिकयता पानी नपरेको अवस्थामा शुक्रबार बेलुकी वर्षा भएको हो। यसअघि गएको सोमबार पनि मधेशका विभिन्न स्थानमा हावाहुरीसहित सामान्य वर्षा भएको थियो। एक हप्तामै दुई पटक तीव्र हावाहुरी चल्दा भर्खरै घोगा लागेको हाइब्रिड मकै बालीमा व्यापक क्षति पुगेको किसानहरूले बताएका छन्। राम्रो आम्दानी हुने आशामा किसानहरूले बीउबिजन, मल, किटनाशक औषधि तथा श्रममा लगानी गरेका थिए। लालबन्दी नगरपालिका–४ हरिभवनका किसान केदार कार्कीका अनुसार यस वर्ष मकै खेती बढेका बेला हप्ताभित्रै दुई पटक आएको हावाहुरीले मकैका बोट ढालेको छ। शुक्रबार साँझको हावाहुरीले कर्मैया, हरिवन, लालबन्दी, जब्दी, हरिभवन, हरिपुर, जियाजोर, रानिगन्ज, परवानिपुर र घारिबथानलगायत क्षेत्रका मकै बालीमा बढी क्षति पुर्‍याएको छ। बागमती नगरपाल...

काठमाडौं । काठमाडौं महानगरपालिका–१० थापागाउँमा ‘श्रीटेल होलिडेज’ नामक ट्राभल एजेन्सी सञ्चालन गरी सर्वसाधारणलाई ठगी गरेको आरोपमा प्रहरीले ७ जनालाई पक्राउ गरेको छ। पक्राउ पर्नेमा ६ जना भारतीय र १ जना नेपाली नागरिक रहेका छन्। सर्वसाधारणलाई युरोप, एसिया र अफ्रिकासहित १७५ देशमा पर्यटक भिसामा घुम्न पठाउने ‘प्याकेज अफर’ देखाएर आरोपीहरूले ठगी गरेका हुन्। उपत्यका अपराध अनुसन्धान कार्यालय को टोलीले चैत ३ गते थापागाउँस्थित कार्यालयमा छापा मारेर उनीहरूलाई पक्राउ गरेको हो। पक्राउ पर्नेमा सप्तरी कञ्चनरुपका २६ वर्षीय विवेक रेग्मी, भारतका ३९ वर्षीय हुसेन सैयद, ४४ वर्षीय साजिद ओमर सैयद, ३४ वर्षीय महम्मद इमरान, ३३ वर्षीय मिर खालिद हुसेन, ४० वर्षीय रजाक महम्मद र ४२ वर्षीय समादा गिरी रहेका छन्। विवेक रेग्मी बाहेक अन्य सबै भारतीय नागरिक हुन्। अनुसन्धानका अनुसार आरोपीहरूले करिब २ करोड ७२ लाख रुपैयाँ अस...

हेटौँडा । बागमती प्रदेश सरकार का भौतिक पूर्वाधार विकास मन्त्री डा. दिनेशचन्द्र देवकोटा ले ‘जेन–जी’ आन्दोलनका क्रममा क्षति पुगेका भौतिक संरचना तथा सरकारी कार्यालयहरूको मर्मत कार्यको स्थलगत अनुगमन गरेका छन्। मंगलबार मन्त्री देवकोटासहितको टोलीले हेटौँडास्थित चार मन्त्रालय रहेको पाँचतले भवन, प्रमुख सचिवको निवासलगायत क्षतिग्रस्त संरचनाहरूको निरीक्षण गरेको हो। अनुगमनमा मन्त्रालयका सचिव ईश्वरचन्द्र मरहट्ठा र सहरी विकास तथा भवन निर्माण महाशाखाका प्रमुख भूपेन्द्रकुमार यादवसमेत सहभागी थिए। निरीक्षणका क्रममा मन्त्री देवकोटाले काठमाडौँबाट स्ट्रक्चरल इन्जिनियर ल्याएर प्राविधिक मूल्याङ्कन गरिएको र सोही आधारमा पुनर्निर्माण अघि बढाइएको जानकारी दिए। उनका अनुसार मर्मत गरेर प्रयोगमा ल्याउन सकिने भवनहरूको काम अन्तिम चरणमा पुगेको छ। ‘पाँच–छ महिनाको छोटो अवधिमै निर्माण व्यवसायी र मन्त्रालयबीचको सहकार्य...

काठमाडौं । मानव अधिकार तथा शान्ति समाज ले अमेरिका, इजरायल र इरानबीच जारी युद्ध अन्त्यको माग गर्दै काठमाडौंमा प्रदर्शन गरेको छ। संस्थाले आज एकैदिन अमेरिकी राजदूतावास महाराजगञ्ज, इजरायली राजदूतावास लाजिम्पाट र याक एन्ड यति होटल स्थित इरानी कन्सुलेट कार्यालय अगाडि प्रदर्शन गरेको हो। प्रदर्शनका क्रममा ‘शक्ति राष्ट्रहरू युद्धको पक्षपोषण होइन, युद्ध अन्त्यमा योगदान गर’, ‘अमेरिका, युद्ध रोक, शान्ति कायम गर’ लगायतका नारासहित ब्यानर बोकेर सहभागीहरूले विश्व शान्तिको कामना गरेका थिए। प्रदर्शनकारीहरूका अनुसार अमेरिका, इजरायल र इरानबीच जारी द्वन्द्वले विश्व शान्तिलाई गम्भीर रूपमा प्रभावित पारेको छ। समाजले डोनाल्ड ट्रम्प लाई सम्बोधन गर्दै युद्ध विस्तार हुँदै जानु विश्व शान्तिका लागि ठूलो खतरा भएको उल्लेख गरेको छ। जारी द्वन्द्व तत्काल अन्त्य गरी शान्ति प्रवर्द्धनका लागि विशेष पहल गर्न पन...

चितवन राष्ट्रिय निकुञ्ज मा हुर्काइएका घडियाल गोहीमध्ये २५० वटा गोहीलाई राप्ती नदी मा छाडिएको छ। चालु आर्थिक वर्षमा राप्ती नदीका विभिन्न स्थानमा ती गोहीहरू छाडिएका हुन्। गत आर्थिक वर्षमा प्रजनन केन्द्रमा हुर्काइएका १३३ वटा गोही नदीमा छाडिएका थिए। केन्द्र स्थापना भएयता हालसम्म दुई हजार २८० वटा गोही विभिन्न नदीहरूमा छाडिएका छन्। कार्यालयका सूचना अधिकारी अविनाश थापा मगरका अनुसार नारायणी नदी मा ४१९, राप्ती नदीमा १,५२५, कालीगण्डकी नदी मा ३५, सप्तकोसी नदी मा १०५ र कर्णाली नदी मा ४१ वटा गोही छाडिएका छन्। त्यसैगरी बबई नदी मा ११०, चौधर नदीमा २५ र बाँकेको पश्चिम राप्ती नदीमा १० वटा गोही छाडिएको जानकारी दिइएको छ। हाल निकुञ्जको प्रजनन केन्द्रमा ५९८ वटा गोही रहेका छन्। करिब पाँच वर्ष उमेर पुगेपछि गोहीलाई नदीमा छाड्ने गरिन्छ। सन् १९७८ मा प्रजनन केन्द्र स्थापना भएपछि सन् १९८१ देखि गोहीका बच्चा नद...

रवि लामिछानेले आफ्ना पार्टीका नवनिर्वाचित सांसदहरूलाई सरकारी अस्पतालमै उपचार गराउन आग्रह गरेका छन्। ललितपुरको ग्वार्कोमा आयोजित अभिमुखीकरण कार्यक्रममा उनले आकस्मिक अवस्थाबाहेक निजी अस्पतालभन्दा सरकारी अस्पताललाई प्राथमिकता दिन निर्देशन दिएका हुन्। सभापतिले भने, “सक्नुहुन्छ भने सरकारी अस्पतालमै उपचार गराउनुस्, म यसलाई बाध्यकारी भन्दिनँ, तर यसले जनताको अवस्था बुझ्न मद्दत गर्छ।” उनले स्वास्थ्य सेवाको गुणस्तर सुधारका लागि नेतृत्व तहबाट व्यवहारिक उदाहरण प्रस्तुत गर्नुपर्ने बताए। लामिछानेले सांसदहरूलाई जनताको जीवनस्तर, सेवा पहुँच र स्वास्थ्य सेवामा रहेका कठिनाइ प्रत्यक्ष अनुभव गर्न यस्तो अभ्यास आवश्यक रहेको बताए। साथै, स्वास्थ्य क्षेत्रमा देखिएका अव्यवस्था र पहुँच असमानता अन्त्य गर्न नीति र व्यवहार दुबैमा परिवर्तन आवश्यक रहेको उल्लेख गरे। कार्यक्रममा उनले पार्टीभित्र विविध पृष्ठभूमिका व...

काठमाडौं : प्रत्येक वर्ष चैत्र कृष्ण औँसीका दिन मनाइने परम्परागत घोडेजात्रा पर्व आज काठमाडौँ उपत्यकामा विभिन्न कार्यक्रमसहित मनाइँदै छ। यस अवसरमा आज अपराह्न सैनिक मञ्च टुँडिखेलमा नेपाली सेनाले विशेष समारोह आयोजना गर्दैछ। कार्यक्रममा अश्वकला, मोटरसाइकल प्रदर्शन, शारीरिक व्यायाम तथा विविध युद्धकलाका आकर्षक प्रस्तुति रहनेछन्। सांस्कृतिक विश्वासअनुसार टुँडिखेल आसपास बस्ने ‘गुरुमापा’ नामक राक्षसले बालबालिकालाई दुःख दिने गरेको किंवदन्ती छ। उक्त राक्षसलाई घोडाको टापले कुल्चाएर परास्त गरिएको सम्झनामा यो जात्रा मनाउन थालिएको मानिन्छ। घोडाको टापले कुल्चिँदा राक्षसको शक्ति नष्ट भई सहर सुरक्षित रहने जनविश्वास रहँदै आएको छ, जसले यो परम्परालाई निरन्तरता दिएको छ। काठमाडौँको टुँडिखेलसँगै ललितपुरको पाटन क्षेत्रमा पनि घोडा दौडाएर यो पर्व मनाउने छुट्टै मौलिक परम्परा रहेको छ। घोडेजात्राको अवसरम...

पोखरा अन्तर्राष्ट्रिय विमानस्थल निर्माणसम्बन्धी भ्रष्टाचार मुद्दामा China CAMC Engineering Co., Ltd.सँग विशेष अदालतले २५ लाख रुपैयाँ धरौटी माग गरेको छ। मंगलबार न्यायाधीश नारायण प्रसाद पौडेल र उमेश कोइरालाको इजलासले उक्त आदेश दिएको हो। कम्पनीका प्रतिनिधि रविन रिजाल अदालतमा उपस्थित भई बयान दिएपछि थुनछेक आदेश जारी गरिएको थियो। यस मुद्दामा विशेष अदालतले अधिकांश अन्य प्रतिवादीलाई भने साधारण तारेखमा रिहा गर्ने आदेश दिएको छ। पोखरा विमानस्थल निर्माणका क्रममा चिनियाँ कम्पनीसँगको मिलेमतोमा लागत अनुमान बढाएर भ्रष्टाचार गरिएको आरोपमा अख्तियार दुरुपयोग अनुसन्धान आयोगले मुद्दा दायर गरेको हो।...

राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाहले आगामी चैत १० गते प्रधानमन्त्रीका रूपमा पद तथा गोपनीयताको सपथ लिने आन्तरिक तयारी गरिएको छ। उच्च स्रोतका अनुसार सोही दिनका लागि ‘शुभ साइत’ समेत तय गरिएको जनाइएको छ। शाहको सपथग्रहण लगत्तै मन्त्रिपरिषद्का सदस्यहरूको पनि एकैपटक सपथग्रहण गराउने तयारी रहेको बताइएको छ। विगतमा जस्तो चरणबद्ध रूपमा मन्त्रिपरिषद् विस्तार नगरी यसपटक पूर्ण मन्त्रिपरिषद् एकैपटक गठन गर्ने योजना रास्वपाले बनाएको स्रोतको दाबी छ। पार्टीले चैत ८ र ९ गतेभित्र मन्त्रिपरिषद् गठनसम्बन्धी सबै निर्णय टुंग्याउने र १० गते सपथग्रहण कार्यक्रम सम्पन्न गर्ने तयारी गरेको छ। मन्त्रिपरिषद् चयनमा भौगोलिक सन्तुलन, जातीय तथा क्षेत्रीय प्रतिनिधित्व, चुनावी परिणाम, विज्ञता र लैङ्गिक समावेशितालाई प्राथमिकतामा राखिने जनाइएको छ। २०८२ फागुन २१ गते सम्पन्न प्रतिनिधिसभा निर्वाचनमा र...

टोखा नगरपालिका वडा नं. ११ अन्तर्गत रहेको ल्याब प्रयोगशाला, हालै (Gen Z) आन्दोलनको क्रममा क्षतिग्रस्त भएपछि ठप्प परेको थियो। तर वडा अध्यक्ष घनश्याम खड्का ज्युको नेतृत्वमा गरिएको समीक्षा तथा जाँचपछि ल्याब पुनः सञ्चालनमा आएको छ। यस पुनः सञ्चालनले स्थानीय स्वास्थ्य सेवा क्षेत्रमा महत्वपूर्ण योगदान पुर्‍याउने विश्वास व्यक्त गरिएको छ। पुनः सञ्चालन भएको ल्याब हरेक दिन बिहान १०:०० बजे देखि साँझ ४:०० बजे सम्म सेवा उपलब्ध गराउने छ। साथै, महिनामा दुई दिन विशेष रूपमा सुगर (मधुमेह) रोगीहरूको उपचारका लागि बिहान ८:०० बजे देखि विशेष सेवा प्रदान गरिने जानकारी प्राप्त भएको छ। टोखा–११ ले लामो समयदेखि विभिन्न रोगहरूको उपचार गर्दै आएको इतिहास छ। यस कार्यलाई निरन्तरता दिँदै ल्याबको पुनःसञ्चालनले स्थानीय बासिन्दामा खुसी र आशा जगाएको छ। स्वास्थ्य सेवा सुविधा पुनः खुलेको समाचार सुनेर टोखा बासिन्दाहरू उत्साहि...