Breaking News 1

काठमाडौं । राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशनबाट निर्वाचित केन्द्रीय सदस्यहरूको पद तथा गोपनीयताको शपथ ग्रहण आज हुने भएको छ। पार्टीका अनुसार आज बिहान ११ बजे वनस्थलीस्थित केन्द्रीय कार्यालयमा आयोजित कार्यक्रममा नवनिर्वाचित केन्द्रीय सदस्यहरूले पद तथा गोपनीयताको शपथ लिनेछन्। रास्वपाको प्रथम राष्ट्रिय महाधिवेशन गत असार ७ देखि १२ गतेसम्म चितवनको भरतपुरमा सम्पन्न भएको थियो। महाधिवेशनबाट सभापतिमा रवि लामिछाने निर्विरोध निर्वाचित भएका थिए। सभापति लामिछानेले भने महाधिवेशनकै क्रममा भरतपुरमा पद तथा गोपनीयताको शपथ ग्रहण गरिसकेका छन्।...

काठमाडौं । भूमि व्यवस्था, सहकारी तथा संघीय मामिला मन्त्रालयले कर्मचारी सरुवा प्रक्रियालाई पूर्ण रूपमा डिजिटल प्रणालीमार्फत सञ्चालन गर्ने व्यवस्था लागू गरेको छ। सरुवा प्रक्रियालाई थप पारदर्शी, व्यवस्थित, छिटोछरितो र प्रविधिमैत्री बनाउने उद्देश्यले मन्त्रालयले नयाँ डिजिटल सरुवा प्रणाली विकास गरेको हो। मन्त्रालयका अनुसार नयाँ प्रणाली कर्मचारीको डिजिटल प्रोफाइल मा आधारित हुनेछ। कर्मचारीका व्यक्तिगत तथा सेवासम्बन्धी विवरण सम्बन्धित प्रणालीसँग प्रत्यक्ष वा एप्लिकेसन प्रोग्रामिङ इन्टरफेस (एपीआई) मार्फत आबद्ध हुने भएकाले आवश्यक विवरण स्वतः अद्यावधिक हुने व्यवस्था गरिएको छ। सरुवासम्बन्धी आवेदन व्यवस्थापनका लागि प्रणालीमा फ्ल्यागिङ प्रणाली समेत समावेश गरिएको छ। यसले दोहोरिएका, विशेष निगरानी आवश्यक पर्ने वा थप परीक्षण गर्नुपर्ने आवेदनको सहज पहिचान गर्न सहयोग पुर्‍याउनेछ। त्यसैगरी, कर्मचारीहर...

चितवन । वर्षायाम सुरु भएसँगै नारायणगढ–मुग्लिन सडकखण्डमा सम्भावित पहिरोका कारण सडक अवरुद्ध हुन नदिन आवश्यक उपकरण र जनशक्ति तयारी अवस्थामा राखिएको छ। सडक डिभिजन कार्यालय, भरतपुरले आफ्नो कार्यक्षेत्रअन्तर्गत पर्ने नारायणगढ–मुग्लिन सडकखण्ड तथा कालीगण्डकी करिडोरमा पहिरोको जोखिमलाई ध्यानमा राख्दै आवश्यक मेसिन तथा प्राविधिक जनशक्ति परिचालनको व्यवस्था गरेको जनाएको छ। कार्यालयका प्रमुख सिनियर डिभिजनल इन्जिनियर नारायण लामिछानेका अनुसार जोखिमयुक्त स्थानमा पहिरो खसेर सडक अवरुद्ध भए तत्काल हटाउन उपकरण तयारी अवस्थामा राखिएको हो। उनका अनुसार: मुग्लिन क्याम्पमा १ वटा लोडर, सेती दोभान क्याम्पमा १ वटा एक्स्काभेटर, १ वटा लोडर र १ वटा ब्याकहो लोडर, सडक डिभिजन कार्यालय, भरतपुरमा १ वटा ब्याकहो लोडर, तथा कालीगण्डकी करिडोरमा १ वटा लोडर तयारी अवस्थामा राखिएको छ। सडक अवरुद्ध भएमा तत्काल पह...

काठमाडौं । नेकपा (एमाले)का अध्यक्ष तथा पूर्वप्रधानमन्त्री केपी शर्मा ओलीले मुलुकमा तोडफोड, हिंसा, आगजनी र लुटपाटजस्ता गतिविधिलाई वैधानिकता दिइएको आरोप लगाउँदै त्यसले देश बर्बादीतर्फ धकेलिएको बताएका छन्। मंगलबार काठमाडौंमा आयोजित एक कार्यक्रममा बोल्दै अध्यक्ष ओलीले देश कमजोर बन्दै गएपछि खेलकुदसहित कुनै पनि क्षेत्रले अपेक्षित गति लिन नसकेको बताए। उनले खेलाडीमा देशभक्तिको भावना अपरिहार्य रहेको उल्लेख गर्दै देश समृद्ध नभएसम्म कुनै पनि क्षेत्रले दीर्घकालीन सफलता हासिल गर्न नसक्ने धारणा राखे। ओलीले आफ्नो नेतृत्वको सरकारले भूकम्प, कोभिड–१९ र आर्थिक चुनौतीबीच पनि देशलाई उकास्ने प्रयास गरेको दाबी गरे। शिक्षा, स्वास्थ्य, खेलकुदलगायत विभिन्न क्षेत्रमा सुधारका पहल गरिएको उनको भनाइ थियो। उनले वर्तमान सरकारले मुलुकलाई गलत दिशातर्फ लगेको आरोप लगाउँदै संवैधानिक प्रक्रियाबाट सरकार परिवर्तन गर्न...

काठमाडौं । राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन) नेतृत्वको सरकारले तीन महिना पूरा गरेको छ। प्रतिनिधिसभा निर्वाचनपछि स्पष्ट बहुमतसहित बनेको सरकारले सुशासन, डिजिटल शासन, भ्रष्टाचार नियन्त्रण र प्रशासनिक सुधारलाई प्राथमिकतामा राख्दै शासन सञ्चालन सुरु गरेको थियो। सरकारले चुनावअघि सार्वजनिक गरेको घोषणापत्र र सरकार गठनपछि ल्याएको १०० बुँदे कार्ययोजना मार्फत सरकारी सेवा अनलाइन बनाउने, भ्रष्टाचार नियन्त्रण गर्ने, राजनीतिक हस्तक्षेप घटाउने तथा सार्वजनिक प्रशासनमा सुधार ल्याउने प्रतिबद्धता जनाएको थियो। प्रारम्भिक सुधार, तर कार्यान्वयनमा चुनौती तीन महिनामा सरकारले प्रशासनिक सुधार, डिजिटल सेवा विस्तार, सार्वजनिक सेवा सरलीकरण र भ्रष्टाचारविरुद्ध केही कदम चालेको दाबी गरेको छ। उच्च पदाधिकारीको सम्पत्ति छानबिन, केही प्रशासनिक निर्णय र डिजिटल सेवाको विस्तारलाई सकारात...

काठमाडौं । राहदानी विभागसँग हाल करिब ५५ हजार थान राहदानी मौज्दात रहेको छ। दैनिक औसत ३ हजार राहदानी जारी भइरहेकाले हालको मौज्दातले असार मसान्तसम्म मात्र धान्ने अनुमान गरिएको छ। यसअघि जर्मन कम्पनीमार्फत नयाँ ई–पासपोर्ट प्रणाली लागू गर्ने प्रक्रिया अघि बढिरहेको बेला प्रधानमन्त्री बालेन्द्र शाहको सचिवालयबाट ठेक्का प्रक्रिया पुनर्विचार गर्न दबाब आएपछि केही समय अन्योल सिर्जना भएको थियो। अख्तियार दुरुपयोग अनुसन्धान आयोगले राहदानी विभागका महानिर्देशकसहित १६ जना र दुई ठेकेदार कम्पनीविरुद्ध विशेष अदालतमा मुद्दा दायर गरेपछि प्रक्रिया झन् जटिल बनेको थियो। तर, परराष्ट्रमन्त्री शिशिर खनालसँग विभागका अधिकारीहरूको छलफलपछि जर्मन कम्पनीमार्फत अघि बढिरहेको ठेक्का प्रक्रिया निरन्तरता दिने तयारी भएको स्रोतले जनाएको छ। परराष्ट्र मन्त्रालयका एक अधिकारीका अनुसार ठेकेदार कम्पनीले सम्झौताअनुसार प्रणाली जडा...

कपिलवस्तुको महाराजगन्ज नगरपालिका–२ गैडहवास्थित हुलाकी सडकखण्डमा यात्रुवाहक बस दुर्घटना हुँदा २२ जना घाइते भएका छन्। धनगढीबाट काठमाडौंतर्फ आउँदै गरेको सुदूरपश्चिम प्रदेश ०१–००१ ख ३७२१ नम्बरको बस अनियन्त्रित भई सडकको डिभाइडरमा ठोक्किएपछि पल्टिएको प्रहरीले जनाएको छ। शिवपुरी लक्जरी कोच प्रालिद्वारा सञ्चालित उक्त बसमा चालकसहित ४६ जना सवार थिए। दुर्घटनामा चालक कैलालीको धनगढी उपमहानगरपालिका–१३ गेटा निवासी ४२ वर्षीय हरीसिंह महरा, बैतडीको सिवास गाउँपालिका–६ निवासी २५ वर्षीय चक्रबहादुर रोकाया, डोटीको दिपायल सिलगढी नगरपालिका–५ निवासी ३० वर्षीय भरत मल्ल, कैलालीको गोदावरी नगरपालिका–१ निवासी २८ वर्षीय विमल भट्ट, गोदावरी नगरपालिका–२ निवासी ५५ वर्षीया सीतादेवी बादी, डडेलधुरा निवासी २९ वर्षीय नरेन्द्र ताम्राकार, उनकी श्रीमती २५ वर्षीया आलिया ताम्राकार, २ वर्षीय सुदर्शन ताम्राकार, बझाङको थलारा गाउँपालिका–...

जगद्गुरु शिव शक्ति बाबाको दुईदिने आशिर्वाद कार्यक्रम सिक्किममा  भव्य र श्रद्धापूर्वक सम्पन्न भएको छ। असार २७ र २८ गते सम्पन्न उक्त कार्यक्रममा हजारौँ श्रद्धालु भक्तजनको उल्लेखनीय सहभागिता रहेको थियो। कार्यक्रममा विभिन्न क्षेत्रका विशिष्ट व्यक्तित्व (VIP), SHO Police, सरकारी कर्मचारी, समाजसेवी, व्यवसायी तथा सर्वसाधारण भक्तजन सहभागी भई जगद्गुरु शिव शक्ति बाबाको दर्शन तथा आशीर्वाद प्राप्त गरेका थिए। कार्यक्रमस्थलमा बिहानदेखि नै भक्तजनहरूको ठूलो भीड लागेको थियो। यस विशेष आध्यात्मिक कार्यक्रमको व्यवस्थापन तथा समन्वय अन्तर्राष्ट्रिय कथा वाचक रोहित राज महाराजको विशेष पहल र नेतृत्वमा गरिएको थियो। कार्यक्रमलाई व्यवस्थित, मर्यादित र सफल बनाउन स्वयंसेवकहरूको टोलीले समेत सक्रिय भूमिका निर्वाह गरेको थियो। हजारौँ भक्तजनको उपस्थितिका बाबजुद कार्यक्रम अत्यन्त अनुशासित, शान्तिपूर्ण र व्यवस्थित रूपमा ...

काठमाडौं । राष्ट्रिय धान दिवस तथा असार १५ का अवसरमा नेपाली कांग्रेसका सभापति गगन थापाले सम्पूर्ण किसान तथा नेपाली जनसमुदायमा शुभकामना व्यक्त गर्दै किसानको सम्मान, कृषि आधुनिकीकरण र खाद्य आत्मनिर्भरतामा जोड दिएका छन्। शुभकामना सन्देश जारी गर्दै थापाले नेपाल कृषि प्रधान देश भएकाले कृषि राष्ट्रको सभ्यता, संस्कृति र अर्थतन्त्रको महत्वपूर्ण आधार भएको उल्लेख गरेका छन्। खेतबारीमा पसिना बगाएर देशको खाद्य सुरक्षा सुनिश्चित गर्ने किसानप्रति उच्च सम्मान व्यक्त गर्दै उनले असार १५ किसानको श्रम, सङ्घर्ष, आशा र आत्मनिर्भरताको पर्व भएको बताएका छन्। उनले नेपालको संविधानले प्रत्येक नागरिकको खाद्यसम्बन्धी हकलाई मौलिक अधिकारका रूपमा सुनिश्चित गरेको उल्लेख गर्दै धान उत्पादन वृद्धि गर्नु केवल कृषि कार्य मात्र नभई संविधानको मर्म कार्यान्वयनसँग पनि प्रत्यक्ष रूपमा जोडिएको विषय भएको बताएका छन्। थापाले हरेक वर्ष...

काठमाडौं। राष्ट्रपति रामचन्द्र पौडेलले जमिन बाँझो राख्ने प्रवृत्तिको अन्त्य गर्दै कृषिमा आधुनिकीकरण गर्नुपर्ने आवश्यकता औँल्याएका छन्। २३औँ राष्ट्रिय धान दिवस, २०८३ का अवसरमा शुभकामना सन्देश जारी गर्दै उनले कृषिलाई आधुनिक र व्यावसायिक बनाउँदै विदेश पलायन हुन बाध्य जनशक्तिलाई स्वदेशमै रोजगारीका अवसर सिर्जना गर्नुपर्ने बताए। यसबाट धान तथा चामलको आयात घटाई देशलाई आत्मनिर्भर बनाउन सकिने उनको भनाइ छ। राष्ट्रपतिले श्रम संस्कृतिको विकाससँगै धान उत्पादनमा आत्मनिर्भर बन्न सम्पूर्ण ध्यान केन्द्रित गर्नुपर्नेमा जोड दिँदै कृषि केवल जीविकोपार्जनको माध्यम नभई सम्मानित र आकर्षक व्यवसायका रूपमा विकास गर्न सबैलाई आह्वान गरेका छन्। साथै, त्यसका लागि सम्बन्धित निकायले आवश्यक नीति, योजना र सहयोग उपलब्ध गराउनुपर्ने उल्लेख गरेका छन्। धान रोपाइँको महिना नेपाली कृषि संस्कृति र जीवनशैलीसँग गहिरो रूपमा जोड...