Breaking News 1

काठमाडौं । पूर्वप्रधानमन्त्री बाबुराम भट्टराई ले राष्ट्रिय स्वतन्त्र पार्टी (रास्वपा) लाई प्रदेशसभा खारेज गर्ने एजेन्डा त्यागेर सुशासन र विकासका मुद्दामा केन्द्रित हुन सुझाव दिएका छन्। रास्वपाको महाधिवेशनबाट प्रदेशसभा खारेज गर्ने तथा संघीय संरचनामा पुनर्विचार गर्ने विषय उठेको सन्दर्भमा सामाजिक सञ्जालमार्फत प्रतिक्रिया दिँदै भट्टराईले यस्तो कदम मुलुकका लागि गम्भीर भूल हुन सक्ने बताएका हुन्। उनले आफ्नो धारणा दुई प्रमुख आधारमा प्रस्तुत गरेका छन्। पहिलो, विधिको शासन र संवैधानिक प्रक्रियाको सम्मान। उनका अनुसार एकातिर संविधान संशोधनबारे बहस गर्न कार्यदल गठन गर्ने र अर्कोतर्फ पर्याप्त सहमति बिना एकपक्षीय निर्णय अघि बढाउने प्रयासले राजनीतिक दल, विभिन्न समुदाय र नागरिकबीच विश्वासको संकट निम्त्याउन सक्छ। दोस्रो, नेपालको सामाजिक तथा भौगोलिक विविधताको सन्दर्भ। भट्टराईले लामो राजनीतिक संघर्ष र...

काठमाडौं । पछिल्लो २४ घण्टामा काठमाडौं उपत्यकामा सवारी नियम उल्लङ्घन गर्ने दुई हजार ५५० चालक कारबाहीमा परेका छन्। उक्त कारबाहीबाट रु १७ लाख २४ हजार ५०३ राजस्व राज्यकोषमा जम्मा भएको छ। काठमाडौं उपत्यका ट्राफिक प्रहरी कार्यालयका अनुसार मादक पदार्थ सेवन (मापसे) गरेर सवारी चलाउने १०२ जना, नियमविपरीत राइड सेयरिङ गर्ने १४२ जना, ट्राफिक बत्ती उल्लङ्घन गर्ने १४० जना तथा तीव्र गतिमा सवारी चलाउने २०७ जना कारबाहीमा परेका छन्। त्यसैगरी, लेन अनुशासन उल्लङ्घन गर्ने ५६ जना, निषेधित क्षेत्रमा हर्न बजाउने १०८ जना, तोकिएको मापदण्डभन्दा बढी धुवाँ उत्सर्जन गर्ने १४ वटा सवारीसाधन, सवारीको प्राविधिक अवस्था परीक्षण नगरी सडकमा सञ्चालन गरिएका ३५ वटा सवारीसाधन तथा अन्य ट्राफिक नियम उल्लङ्घन गर्ने एक हजार ७४६ जनालाई समेत कारबाही गरिएको कार्यालयले जनाएको छ।...

काठमाडौं । अर्जेन्टिनाका कप्तान Lionel Messi ले विश्वकप इतिहासमा सर्वाधिक गोलकर्ताको कीर्तिमान बनाएकै दिन आफ्नो नाममा एउटा अप्रिय रेकर्ड पनि दर्ता गरेका छन्। उनी विश्वकप इतिहासमा सबैभन्दा धेरै पेनाल्टी मिस गर्ने खेलाडी बनेका छन्। अस्ट्रियाविरुद्धको खेलमा पेनाल्टी चुकाउनु मेसीको विश्वकप करियरमा तेस्रो पटक थियो। लाउटारो मार्टिनेज डि–बक्सभित्र लडाइएपछि अर्जेन्टिनाले खेलको नवौँ मिनेटमा पेनाल्टी पाएको थियो। ३८ वर्षीय मेसी पेनाल्टी प्रहार गर्न अघि सरेका थिए। तर, दौडिने क्रममा केही असन्तुलित भएपछि उनले बल गोलपोस्टको देब्रेपट्टि बाहिर प्रहार गरे। अप्रत्याशित रूपमा पेनाल्टी खेर फालेपछि उनले दुवै हातले टाउको समात्दै निराशा व्यक्त गरेका थिए। यससँगै अर्जेन्टिनाले सुरुआती अग्रता लिने अवसर गुमायो। आठ पटकका Ballon d'Or विजेता मेसीले विश्वकपमा पेनाल्टी मिस गरेको यो तेस्रो घटना हो। यसअघि उनले सन् ...

काठमाडौं । सरकारले आगामी आर्थिक वर्षमा अस्ट्रेलिया, साउदी अरेबिया र थाइल्यान्डमा नेपाली दूतावास भवन निर्माण गर्ने तयारी गरेको छ। परराष्ट्र मन्त्रालयको प्रस्तावअनुसार यी तीन देशमा दूतावास भवन निर्माणका लागि बजेट विनियोजन गरिएको हो। परराष्ट्र मन्त्रालयका प्रवक्ता लोकबहादुर पौडेल क्षेत्रीका अनुसार अस्ट्रेलियाको क्यानबेरा, साउदी अरेबियाको रियाद र थाइल्यान्डको बैंककमा आर्थिक वर्ष सुरु भएसँगै भवन निर्माण प्रक्रिया अघि बढाइनेछ। हाल नेपालका विदेशस्थित ३१ दूतावास, ३ स्थायी नियोग र १० महावाणिज्य दूतावास गरी कुल ४४ कूटनीतिक नियोग सञ्चालनमा छन्। तीमध्ये केही कार्यालय र राजदूत निवास मात्र आफ्नै स्वामित्व वा लिजमा रहेका भवनमा सञ्चालन भइरहेका छन् भने अधिकांश नियोग अझै भाडाका भवनमा निर्भर छन्। सरकारले यसअघि नै पाकिस्तानको इस्लामाबाद, साउदी अरेबियाको रियाद, श्रीलंकाको कोलम्बो, मलेसियाको क्वालालम्प...

काठमाडौं — बेलायतका प्रधानमन्त्री कीर स्टार्मरले सोमबार आफ्नो पदबाट राजीनामा दिने घोषणा गरेका छन्। सत्तारूढ लेबर पार्टीभित्र बढ्दो असन्तुष्टि र आन्तरिक दबाबका कारण उनले उक्त निर्णय लिएको जनाइएको छ। १० डाउनिङ स्ट्रिटबाट राष्ट्रका नाममा सम्बोधन गर्दै स्टार्मरले देशको सर्वोत्तम हितलाई ध्यानमा राख्दै पार्टी नेतृत्वबाट अलग हुने निर्णय गरेको बताएका छन्। नयाँ नेता चयन नभएसम्म उनी कार्यवाहक प्रधानमन्त्रीका रूपमा जिम्मेवारीमा रहनेछन्। लेबर पार्टीले आगामी जुलाई ९ देखि नयाँ नेतृत्व चयन प्रक्रिया औपचारिक रूपमा सुरु गर्ने जनाएको छ। ग्रेटर म्यानचेस्टरका पूर्व मेयर एन्डी बर्नहम नयाँ प्रधानमन्त्री बन्ने दौडमा अग्रस्थानमा रहेको चर्चा छ। जुलाई २०२४ मा प्रधानमन्त्री बनेका स्टार्मरको लोकप्रियता पछिल्ला महिनाहरूमा लगातार घट्दै गएको थियो। उनको राजीनामासँगै बेलायतले पछिल्लो एक दशकमा सातौँ प्रधानमन्त्री पाउ...

मियामी । पहिलो पटक फिफा विश्वकपमा सहभागिता जनाएको केप भर्डेले आफ्नो उत्कृष्ट प्रदर्शनलाई निरन्तरता दिँदै दुई पटकको विश्वविजेता उरुग्वेलाई २–२ गोलको रोमाञ्चक बराबरीमा रोक्न सफल भएको छ। समूह ‘एच’ अन्तर्गत सोमबार बिहान सम्पन्न खेलमा केप भर्डेले उरुग्वेसँग अंक बाँड्दै नकआउट चरण प्रवेशको आशा जीवित राखेको हो। यसअघि आफ्नो पहिलो खेलमा स्पेनलाई गोलरहित बराबरीमा रोक्दै सबैलाई चकित पारेको केप भर्डेले उरुग्वेविरुद्ध पनि साहसिक प्रदर्शन गर्‍यो। खेलको २१औँ मिनेटमा केभिन पिनाले करिब ३० यार्ड टाढाबाट प्रहार गरेको आकर्षक फ्रिकिक गोलमा परिणत भएपछि केप भर्डेले अप्रत्याशित अग्रता लिएको थियो। तर अग्रता जोगाउने प्रयासमा डिफेन्स कमजोर बन्दा उरुग्वे खेलमा फर्कियो। म्याक्सी अराउजोले डाइभिङ हेडरमार्फत गोल गर्दै खेल १–१ को बराबरीमा ल्याए। त्यसपछि पहिलो हाफको इन्जुरी समयमा अगस्टिन कानोबियोले गोल गर्दै उरुग्वेलाई २...

ग्यास विक्रेता महासंघ नेपालले ग्यास विक्रेताहरूलाई आधुनिक प्रणालीमा आधारित हिसाब–किताब तथा कारोबार व्यवस्थापनमा सहजता प्रदान गर्ने उद्देश्यले ई–बिलिङ तथा अकाउन्टिङ सफ्टवेयर सम्बन्धी विशेष तालिम तथा परिचयात्मक कार्यक्रम सम्पन्न गरेको छ। उक्त कार्यक्रममार्फत विक्रेताहरूलाई कारोबारमा हुने मिसम्याच (गलत हिसाब–किताब) बाट जोगाउनका लागि कम खर्चमा, सरल र सहज रूपमा प्रयोग गर्न सकिने सफ्टवेयर प्रणाली महासंघले उपलब्ध गराएको जानकारी दिइएको छ। यस प्रणालीमार्फत विक्रेताहरूले आफ्नो दैनिक खरिद–बिक्री, हिसाब–किताब तथा कर सम्बन्धी विवरणहरू डिजिटल रूपमा व्यवस्थापन गर्न सक्ने व्यवस्था मिलाइएको छ। कार्यक्रममा ग्यास विक्रेता महासंघ नेपालका अध्यक्ष ज्ञानेश्वर अर्याल, वरिष्ठ उपाध्यक्ष विष्णु प्रसाद हुलाल, उपाध्यक्षहरू गेहेन्द्र रिजाल, रामप्रसाद ज्ञवाली तथा राधिका महर्जन, सचिव कृष्ण गैरे, कोषाध्यक्ष रविन कार...

  ग्यास विक्रेता संघ नेपाल, काठमाडौं अन्तर्गत कागेश्वरी मनोहरा नगर समितिको प्रथम वार्षिक साधारण सभा काठमाडौंस्थित हाइली क्रियटिभ स्कुलमा भव्य तथा सभ्य रूपमा सम्पन्न भएको छ। कार्यक्रमको अध्यक्षता कागेश्वरी मनोहरा नगर समितिका अध्यक्ष प्रकाश लामिछानेले गरेका थिए भने कार्यक्रम सञ्चालक बसन्तराज पोखरेलले गरेका थिए। प्रमुख अतिथिका रूपमा कागेश्वरी मनोहरा नगरपालिका–७ का कार्यवाहक अध्यक्ष भक्त थापा उपस्थित थिए। त्यसैगरी, विशिष्ट अतिथिका रूपमा ग्यास विक्रेता महासंघ नेपालका अध्यक्ष ज्ञानेश्वर अर्यालको उपस्थिति रहेको थियो। कार्यक्रममा अतिथिका रूपमा बृदिगम्भीर पण्डित, महेश्वर चापागाईं, हरिकृष्ण ढकाल, रामप्रसाद ज्ञवाली, गेहेन्द्र रिजाल, कुञ्ज गेटे, रविन कार्की, डिलराज भट्टराई, हेमबहादुर थापा, मञ्जु थापालगायत विभिन्न ग्यास डिलर तथा व्यवसायिक संस्थाका प्रतिनिधिहरूको उल्लेखनीय सहभागिता रहेको थियो। ...

काठमाडौं । आइतबारदेखि चितवनमा सुरु हुने राष्ट्रिय स्वतन्त्र पार्टी (रास्वपा) को प्रथम महाधिवेशनमा प्रमुख राजनीतिक दलका शीर्ष नेताहरू सहभागी नहुने भएका छन्। महाधिवेशनमा शुभकामना दिन नेपाली कांग्रेस, एमाले र नेकपाबाट अध्यक्ष वा शीर्ष तहका नेताको सट्टा अन्य प्रतिनिधि पठाउने तयारी भएपछि यसको राजनीतिक अर्थबारे चर्चा हुन थालेको छ। नेपाली कांग्रेसले हालसम्म प्रतिनिधिको टुंगो लगाएको छैन। एमालेले पूर्वउपमहासचिव प्रदीप ज्ञवालीलाई पठाउने निर्णय गरेको छ भने नेकपाबाट उपमहासचिव वर्षमान पुन सहभागी हुने भएका छन्। राप्रपाका अध्यक्ष राजेन्द्र लिङ्देन भने स्वयं महाधिवेशनमा उपस्थित हुने कार्यक्रम छ। संसदमा प्रभावशाली उपस्थिति बनाएको रास्वपाको महाधिवेशनमा प्रमुख दलका शीर्ष नेताहरू अनुपस्थित रहने निर्णयलाई कतिपयले राजनीतिक दूरी वा प्रतिस्पर्धी दलप्रतिको दृष्टिकोणका रूपमा व्याख्या गरेका छन्। विशेषगरी एमाले...

काठमाडौं । प्रतिनिधिसभाले ‘राष्ट्र ऋण उठाउने विधेयक, २०८३ माथि विचार गरियोस्’ भन्ने प्रस्ताव सर्वसम्मत रूपमा स्वीकृत गरेको छ। प्रतिनिधिसभाको आज बसेको बैठकमा अर्थमन्त्री डा. स्वर्णिम वाग्लेले प्रस्तुत गरेको उक्त प्रस्तावलाई सभाले अनुमोदन गरेको हो। प्रस्तावमाथिको सामान्य छलफलमा सांसदहरूले उठाएका जिज्ञासा तथा सुझावहरूको जवाफ दिँदै अर्थमन्त्री डा. वाग्लेले आगामी आर्थिक वर्षको बजेट देशको विद्यमान आर्थिक क्षमताअनुसार तयार गरिएको र आवश्यकताका आधारमा मात्र ऋण लिने व्यवस्था गरिएको स्पष्ट पारे। उनले ऋणको वास्तविक अवस्थालाई अर्थतन्त्रको समग्र आकारसँग तुलना गरेर मूल्याङ्कन गर्नुपर्ने उल्लेख गर्दै हाल मुलुकको पुरानो ऋण करिब ३० खर्ब रुपैयाँ रहेको जानकारी दिए। अर्थमन्त्री वाग्लेले सरकारले आर्थिक अनुशासन कायम राख्दै सन्तुलित बजेट ल्याएको बताउँदै भने, “बजेटको आकार पनि सन्तुलित छ र ऋणको भार पनि अना...