Breaking News 1

काठमाडौं । काठमाडौं उपत्यकामा पछिल्लो २४ घण्टामा सवारी नियम उल्लङ्घन गर्ने २ हजार ४०८ चालक कारबाहीमा परेका छन्। उक्त कारबाहीबाट रु ४ लाख ५८ हजार राजस्व सङ्कलन भएको काठमाडौं उपत्यका ट्राफिक प्रहरी कार्यालयले जनाएको छ। कार्यालयका अनुसार मादक पदार्थ सेवन गरेर सवारी चलाउने १४०, नियमविपरीत राइड सेयरिङ गर्ने ११६, ट्राफिक सङ्केत बत्ती उल्लङ्घन गर्ने १३८ तथा तीव्र गतिमा सवारी चलाउने २८४ चालकलाई कारबाही गरिएको छ। त्यसैगरी, लेन अनुशासन उल्लङ्घन गर्ने ८५, निषेधित क्षेत्रमा हर्न बजाउने १०६, सडक पेटीमा सवारी पार्किङ गर्ने १२४, एकतर्फी सडकमा सवारी चलाउने ११६ तथा अन्य विभिन्न ट्राफिक नियम उल्लङ्घन गर्ने १ हजार ३३५ जनालाई समेत कारबाही गरिएको प्रहरीले जनाएको छ। ट्राफिक प्रहरीले सडक सुरक्षालाई प्रभावकारी बनाउन नियमित अनुगमन तथा कारबाहीलाई निरन्तरता दिइरहेको जनाएको छ।...

रुपन्देही। भारतबाट अवैध रूपमा नेपाल भित्र्याइएको करिब २५ लाख रुपैयाँ मूल्य बराबरको यौनवर्धक औषधि सशस्त्र प्रहरीले बरामद गरेको छ। सशस्त्र प्रहरी बलको टोलीले कपिलवस्तुको कृष्णनगर नगरपालिका–१, शिवनगर क्षेत्रबाट भारतबाट ल्याइँदै गरिएको अवस्थामा ३३० थान ‘युरिफिल इफेक्ट’ नामक यौनवर्धक औषधि बरामद गरेको हो। विशेष सूचनाका आधारमा सशस्त्र प्रहरी नायब उपरीक्षक (डीएसपी) यज्ञमान साउदको नेतृत्वमा खटिएको टोलीले उक्त औषधि नियन्त्रणमा लिएको जनाएको छ। बरामद औषधिको अनुमानित बजार मूल्य २४ लाख ७५ हजार रुपैयाँ रहेको बताइएको छ। सशस्त्र प्रहरी बल नम्बर २८ हेडक्वार्टरका प्रमुख सशस्त्र प्रहरी उपरीक्षक गोपाल अधिकारीका अनुसार बरामद औषधि आवश्यक कारबाहीका लागि कृष्णनगर भन्सार कार्यालयमा बुझाइएको छ। स्वास्थ्यकर्मीका अनुसार उक्त औषधि यौन उत्तेजना बढाउन प्रयोग गरिन्छ। नेपालमा औषधि तथा सर्जिकल सामग्रीमा कर वृद्ध...

    काठमाडौँ। गृहमन्त्री सुधन गुरुङले बालाजु नयाँ बसपार्कस्थित सुकुम्बासी परिवारहरू राखिएको दुईवटा होल्डिङ सेन्टरको आकस्मिक अवलोकन गर्नुभएको छ। अवलोकनका क्रममा उहाँले त्यहाँ बसोबास गरिरहेका परिवारसँग विगतमा भएका कमजोरीप्रति माफी माग्दै सरकार उनीहरूको उचित व्यवस्थापनका लागि प्रतिबद्ध रहेको बताउनुभयो। आफू गृह मन्त्रालयको जिम्मेवारीमा नरहेका बेला सुकुम्बासी बस्ती हटाइएको भए पनि सरकार पीडितहरूको व्यवस्थापनप्रति गम्भीर रहेको उहाँले स्पष्ट पार्नुभयो। व्यवस्थापनका क्रममा कुनै कमीकमजोरी भएको भए क्षमा गरिदिन आग्रह गर्दै गृहमन्त्री गुरुङले भन्नुभयो, “सरकारले कुनै पनि हालतमा तपाईंहरूको उचित व्यवस्थापन गर्नेछ। अहिले पनि हाम्रो ध्यान यही विषयमा केन्द्रित छ।” भेटका क्रममा सुकुम्बासी परिवारहरूले आफ्ना समस्या र गुनासाहरू गृहमन्त्रीसमक्ष राखेका थिए। हाल बसोबास र खानपानमा सहजता भए पनि बालबालिकाको शि...

काठमाडौं । प्रतिपक्षी दल श्रम संस्कृति पार्टीका अध्यक्ष Harka Raj Rai (Sampang) ले सरकारले प्रस्तुत गरेको आगामी आर्थिक वर्षको बजेट मुलुकका वास्तविक समस्या समाधानभन्दा बाहिरी विकासका योजनामा केन्द्रित भएको टिप्पणी गरेका छन्। प्रतिनिधिसभामा बजेटमाथिको छलफलमा बोल्दै उनले देशको समस्यालाई ‘खुट्टाको घाउ’ र विकासलाई ‘नयाँ जुत्ता’सँग तुलना गरे। उनका अनुसार बजेटले जनताका आधारभूत समस्या समाधान गर्नुभन्दा नयाँ योजना र संरचना थप्नेतर्फ बढी ध्यान दिएको देखिन्छ। साम्पाङले नेपालमा पेट्रोलियम पदार्थको मूल्य विश्वकै महँगोमध्ये पर्दा पनि त्यसलाई घटाउने विषयमा बजेट मौन रहेको भन्दै असन्तुष्टि जनाए। दैनिक उपभोगका वस्तु तथा सेवाको मूल्यवृद्धिले जनजीवन प्रभावित भइरहेका बेला सरकारले त्यसतर्फ पर्याप्त ध्यान नदिएको उनको भनाइ थियो। उनले सरकारको भूमिका शान्ति–सुरक्षा कायम गर्ने र नागरिकलाई आवश्यक सेवा–सुविधा...

टोखा नगरपालिका वडा नं. ११ स्थित माउन्ट रेडियन्ट हाई स्कुल मा आज दुर्व्यसनमुक्त समाज निर्माण गर्ने उद्देश्यका साथ एक विशेष सचेतनामूलक कार्यक्रम भव्य रूपमा सम्पन्न भएको छ। कार्यक्रममा विद्यालयका कक्षा ७, ८, ९ र १० मा अध्ययनरत विद्यार्थीहरूको उत्साहजनक सहभागिता रहेको थियो। कार्यक्रममा एक्सप्रेस टिभी न्युज नेपालका प्रबन्ध निर्देशक कुमार भट्टराई मोटिभेसनल प्रशिक्षकका रूपमा सहभागी भई विद्यार्थीहरूलाई दुर्व्यसनका नकारात्मक असरबारे जानकारी गराएका थिए। उनले युवावस्थामा सही निर्णय, सकारात्मक सोच र असल संगतको महत्वबारे प्रेरणादायी प्रस्तुति दिएका थिए। कार्यक्रममा टोखा नगरपालिका वडा नं. ११ का वडा अध्यक्ष घनश्याम खड्का, विद्यालयका शिक्षकहरू तथा एसपी सरलगायतको विशेष उपस्थिति रहेको थियो। उपस्थित अतिथिहरूले विद्यार्थीहरूलाई अनुशासित, जिम्मेवार र दुर्व्यसनमुक्त जीवनशैली अपनाउन प्रेरित गरेका थिए...

नवनियुक्त गृहमन्त्री सुधन गुरुङज्यूले पद तथा गोपनीयताको सपथ ग्रहण गरेलगत्तै वि.सं. २०५८ सालमा भएको दरबार हत्याकाण्डको फाइल पुनः खोल्ने ऐतिहासिक निर्णय गर्नुभएको छ। उहाँको यो कदमलाई देशको राजनीतिक तथा ऐतिहासिक वृत्तमा निकै महत्वपूर्ण र चासोपूर्ण निर्णयका रूपमा हेरिएको छ। आज मन्त्रालयमा पदभार ग्रहण गर्दै उहाँले नेपाली इतिहासकै सबैभन्दा रहस्यमय, संवेदनशील र दुःखद घटनामध्ये एक मानिएको उक्त घटनाबारे सत्यतथ्य बाहिर ल्याउन विस्तृत अनुसन्धान अघि बढाउने स्पष्ट संकेत दिनुभएको हो। साथै, निष्पक्ष र गहिरो छानबिनमार्फत जनतामा रहेका विभिन्न शंका–उपशंकाको अन्त्य गर्ने उद्देश्य रहेको उहाँको भनाइ छ। गृहमन्त्री गुरुङको यस निर्णयपछि राजनीतिक वृत्तमा विभिन्न प्रतिक्रिया देखिन थालेका छन् भने सर्वसाधारणमा पनि यो घटनाबारे फेरि चासो बढेको छ।...

काठमाडौं । संघीय शिक्षण–सिकाइ अनुदानमा कार्यरत शिक्षकहरूले सरकारले आगामी आर्थिक वर्षको बजेटमार्फत आफ्ना माग सम्बोधन नगरेको भन्दै मंगलबार माइतीघर मण्डलामा विरोध प्रदर्शन गरेका छन्। प्रदर्शनमा सहभागी शिक्षकहरूले सम्मानजनक तलब वृद्धि, महँगी भत्ता, प्रोत्साहन भत्ता, सामाजिक सुरक्षा कोषमा आबद्धता, सेवा निरन्तरता तथा सरकारसँग विगतमा भएका सहमति कार्यान्वयनको माग गरेका छन्। अंग्रेजी, गणित र विज्ञान विषय अध्यापन गरिरहेका करिब ११ हजार शिक्षकहरूले दरबन्दी मिलान, तह समायोजन वा विद्यालय मर्ज हुँदा पनि सेवा निरन्तरता सुनिश्चित गर्नुपर्ने, उमेर हदका आधारमा सेवाबाट हटाउन नहुने तथा शिक्षक सेवा आयोगको परीक्षामा अनुभवका आधारमा अतिरिक्त अंक प्रदान गर्नुपर्ने माग राखेका छन्। मागप्रति सरकारले बेवास्ता गरे पठनपाठन प्रभावित पार्नेदेखि सामूहिक राजीनामासम्मका आन्दोलनका कार्यक्रम घोषणा गर्न बाध्य हुने ...

काठमाडौँ । नेपाली कांग्रेसका नेता तथा सांसद अर्जुननरसिंह केसी ले संसद् अवरोध अन्त्य गर्न सरकार गम्भीर नदेखिएको भन्दै असन्तुष्टि व्यक्त गरेका छन्। उनले संसद् सञ्चालनका लागि आवश्यक पहल नगर्नु प्रतिपक्षको मात्र होइन, लोकतान्त्रिक प्रणाली र संसद्को गरिमामाथिको अनादर भएको बताएका छन्। सोमबार सामाजिक सञ्जालमार्फत आफ्नो धारणा सार्वजनिक गर्दै केसीले नेपालमा संसद् अवरोध असाधारण अवस्था नभई लामो समयदेखि दोहोरिँदै आएको प्रवृत्तिका रूपमा स्थापित हुँदै गएको टिप्पणी गरेका छन्। उनका अनुसार यस्तो अवस्थाले संसदीय अभ्यास कमजोर बनाउनुका साथै लोकतान्त्रिक संस्थाप्रति जनविश्वास पनि घटाउँदै लगेको छ। केसीले विश्वका स्थापित लोकतन्त्रहरूमा राजनीतिक विवाद र गतिरोध भए पनि त्यसको समाधान संवाद, सहमति र संस्थागत प्रक्रियामार्फत खोजिने गरेको उल्लेख गरेका छन्। बेलायतमा ब्रेक्जिट विवाद तथा भारतमा टूजी स्पेक्ट्रम प्रकर...

काठमाडौं । पुरुष एसियन गेम्स छनोट प्रतियोगिताको फाइनल खेलमा नेपालले हङकङविरुद्ध टस जितेर पहिले फिल्डिङ गर्ने निर्णय गरेको छ। सिंगापुरस्थित नेशन क्रिकेट मैदानमा भइरहेको उपाधि भिडन्तमा नेपालका कप्तानले टस जित्दै हङकङलाई पहिले ब्याटिङको निम्तो दिएका हुन्। दुवै टोली प्रतियोगिताको उपाधि जित्ने लक्ष्यसहित मैदानमा उत्रिएका छन्। उत्कृष्ट प्रदर्शन गर्दै फाइनलसम्मको यात्रा तय गरेका नेपाल र हङकङबीचको प्रतिस्पर्धालाई निकै महत्वपूर्ण मानिएको छ। नेपाल यसअघि नै फाइनलमा स्थान सुरक्षित गर्दै आगामी एसियन गेम्सका लागि छनोट भइसकेको छ। त्यसैले अब नेपाली टोलीको लक्ष्य उपाधि जितेर प्रतियोगिताको सुखद अन्त्य गर्ने रहेको छ। प्रकाशित मिति: सोमबार, जेठ २५, २०८३...

  काठमाडौं । तत्कालीन गृहमन्त्री सुधन गुरुङको सम्पत्ति र सेयर लगानीबारे सार्वजनिक रूपमा उठेका प्रश्नहरूको छानबिन गर्न सरकारले गठन गरेको समितिले उनको सम्पत्तिको स्रोत वैध रहेको निष्कर्ष निकालेको छ। समितिले आफ्नो प्रतिवेदन प्रधानमन्त्री बालेन्द्र शाहसमक्ष बुझाउँदै गुरुङको चल-अचल सम्पत्ति, सेयर लगानी, बैंक मौज्दात, ऋण तथा रेमिट्यान्सलगायतका सबै आर्थिक गतिविधिको स्रोत पुष्टि भएको जनाएको छ। समितिको प्रतिवेदनअनुसार गुरुङसँग रहेको सम्पत्तिको आर्जन प्रक्रिया अस्वाभाविक नदेखिएको र सार्वजनिक रूपमा आरोप लगाइएझैँ विवादास्पद व्यवसायी दीपक भट्टसँग प्रत्यक्ष आर्थिक कारोबार वा सम्बन्ध पुष्टि हुने कुनै प्रमाण फेला परेको छैन। छानबिनका क्रममा गुरुङसँग जोडिएका विभिन्न सम्पत्ति, सेयर लगानी, बैंक विवरण तथा ‘हामी नेपाल’ नामक संस्थासँग सम्बन्धित आर्थिक गतिविधिहरू समेत अध्ययन गरिएको थियो। प्रतिवेदनमा...