Author: Xpress Tv News Nepal

टोखा बक्सिङ क्लब द्वारा आयोजित U-15 तथा U-17 स्तरको बक्सिङ प्रतियोगिताको पहिलो चरण सफलतापूर्वक सम्पन्न भएको छ। प्रतियोगिता टोखा नगरपालिका वडा नं. ७ धापासी हाइटस्थित तिलिंगटार माध्यमिक विद्यालय को प्रांगणमा उत्साहपूर्ण वातावरणबीच सम्पन्न भएको हो। प्रतियोगितामा विभिन्न स्थानबाट आएका युवा खेलाडीहरूको उल्लेखनीय सहभागिता रहेको थियो। कार्यक्रमका प्राविधिक समितिका अनुसार पहिलो दिन कुल १५ वटा बाउट सम्पन्न भएका छन् भने भोलि १४ वटा फाइनल खेल सञ्चालन हुने जानकारी दिइएको छ। प्रतियोगिताले युवा खेलाडीहरूलाई आफ्नो प्रतिभा प्रदर्शन गर्ने अवसर प्रदान गर्नुका साथै बक्सिङ खेलप्रति आकर्षण बढाउन महत्वपूर्ण भूमिका खेलेको आयोजकले जनाएको छ। कार्यक्रमको अध्यक्षता टेक बहादुर थापाले गर्नुभएको थियो भने उद्घोषकको भूमिकामा विकास सिलवाल रहनुभएको थियो। कार्यक्रममा उपस्थिति को रुपमा वडा ८ को अध्यक्ष रमेश खत्री...

काठमाडौं । शिक्षा, विज्ञान तथा प्रविधि मन्त्रालयले उच्च शिक्षाका लागि विदेश जाने विद्यार्थीहरूलाई नवीकरण भएका शैक्षिक परामर्शदाता संस्थाबाट मात्रै सेवा लिन आग्रह गरेको छ । मन्त्रालयले आर्थिक वर्ष २०८२/८३ का लागि नवीकरण सम्पन्न गरेका शैक्षिक परामर्शदाता संस्थाहरूको नामावली सार्वजनिक गर्दै स्वीकृतिप्राप्त संस्थाबाट मात्रै परामर्श लिन अनुरोध गरेको हो । मन्त्रालयका सचिव चूडामणि पौडेलको जेठ ६ गतेको निर्णयअनुसार सार्वजनिक गरिएको सूचीमा एक हजार ४५९ वटा संस्थाहरू समावेश छन् । उक्त सूची मन्त्रालयको आधिकारिक वेबसाइटमार्फत सार्वजनिक गरिएको जनाएको छ । सरकारले ‘शैक्षिक परामर्श सेवा तथा भाषा शिक्षणसम्बन्धी निर्देशिका, २०७३’ अनुसार अनुमति नलिई सञ्चालन भएका तथा विद्यार्थीलाई झुट्टा आश्वासन र कागजात प्रयोग गरी आर्थिक ठगी गर्ने संस्थामाथि निगरानी र कारबाहीलाई तीव्र बनाएको छ । यसैक्रममा, जेठ १ गत...

भक्तपुर । नेकपा एमालेको केन्द्रीय सचिवालय बैठक आज पनि बस्ने भएको छ। हिजो पाँच जना उपाध्यक्षहरूले पार्टीको वर्तमान अवस्था र समसामयिक विषयमा समीक्षात्मक धारणा राखेपछि बैठक स्थगित गरिएको थियो। एमाले अध्यक्ष K. P. Sharma Oli को भक्तपुरस्थित गुण्डु निवासमा आज बिहान ११ः३० बजे बस्ने बैठकमा पार्टीको समग्र अवस्था, आगामी निर्वाचनको तयारी तथा संगठनात्मक विषयमा छलफल हुने जनाइएको छ। पार्टीका उपमहासचिव Lekharaj Bhatta ले हिजोको बैठकमा वर्तमान राजनीतिक अवस्था, पार्टी संगठन र निर्वाचन केन्द्रित विषयमा विस्तृत समीक्षा भएको जानकारी दिएका छन्। आजको बैठकमा १२ जना पदाधिकारीले आफ्नो धारणा राख्ने कार्यसूची रहेको बताइएको छ। त्यसपछि नेताहरूको कार्यविभाजन प्रस्तावमाथि पनि छलफल हुने एमाले स्रोतले जनाएको छ। बैठक अध्यक्ष ओलीको गुण्डुस्थित निवासमै बस्नेछ।...

काठमाडौं । अब काठमाडौं उपत्यकाबाट छुट्ने लामो दूरीका सार्वजनिक सवारीसाधनमा यात्रा गर्ने यात्रुहरूको सामान सुरक्षित राख्न ‘लगेज ट्याग’ प्रणाली लागू गरिने भएको छ। यात्रुका झोला हराउने, साटिने तथा चोरी हुने समस्या न्यूनीकरण गर्दै सार्वजनिक यातायातलाई व्यवस्थित बनाउन यो व्यवस्था लागू गर्न लागिएको हो। यस सम्बन्धमा शुक्रबार काठमाडौं उपत्यका ट्राफिक प्रहरी कार्यालय र राष्ट्रिय यातायात व्यवसायी महासंघबीच औपचारिक सहमति भएको छ। सहमतिपत्रमा काठमाडौं उपत्यका ट्राफिक प्रहरी कार्यालयका प्रमुख तथा वरिष्ठ प्रहरी उपरीक्षक (एसएसपी) नवराज अधिकारी र महासंघका अध्यक्ष सरोज सिटौलाले हस्ताक्षर गरेका छन्। सहमति अनुसार जेठ १५ गतेदेखि लामो दूरीका सार्वजनिक बसमा यात्रा गर्ने यात्रुहरूको सामानमा विशेष ट्याग लगाइनेछ। यात्रुलाई दिइएको ट्याग नम्बर र बसमा राखिएको सामानको ट्याग नम्बर मिलाएर मात्रै गन्तव्यमा सामान बुझ...

काठमाडौं । सार्वजनिक यातायातमा यात्रा गर्ने यात्रुहरूको सामान हराउने, चोरी हुने तथा साटिने घटनालाई नियन्त्रण गर्न अब ‘लगेज ट्याग’ प्रणाली अनिवार्य रूपमा लागू गरिने भएको छ । यस सम्बन्धमा काठमाडौँ उपत्यका ट्राफिक प्रहरी कार्यालय र नेपाल यातायात व्यवसायी राष्ट्रिय महासङ्घबीच शुक्रबार समझदारी पत्रमा हस्ताक्षर भएको हो । समझदारीअनुसार अब सार्वजनिक सवारी साधनमा यात्रुको ब्याग वा लगेज राख्दा दुई प्रति ट्याग उपलब्ध गराइनेछ । एउटा ट्याग सामानमा टाँसिनेछ भने अर्को यात्रुलाई सुरक्षित राख्न दिइनेछ । गन्तव्यमा पुगेपछि यात्रुसँग भएको ट्याग र सामानमा रहेको ट्याग मिलाएर मात्र लगेज फिर्ता दिने व्यवस्था गरिनेछ । सार्वजनिक सवारीमा यात्रा गर्दा झिटीगुन्टा तथा लगेज हराउने, चोरी हुने वा साटिने गुनासो बढ्दै गएपछि यात्रुको सामान सुरक्षित बनाउन र सेवा थप विश्वसनीय बनाउन यो प्रणाली लागू गर्न लागिएको जनाइएको...

    म्याग्दी । चीन र भारत जोड्ने राष्ट्रिय गौरवको कालीगण्डकी करिडोरअन्तर्गत पर्ने बेनी–जोमसोम–कोरला सडक योजनाको कोवाङ–जोमसोम खण्ड निर्माण अलपत्र पारेपछि ठेकेदार कम्पनीसँगको ठेक्का सम्झौता अन्त्य गरिएको छ । मुस्ताङको थासाङ गाउँपालिकास्थित कोवाङ खन्तिदेखि टुकुचे, मार्फा हुँदै जिल्ला सदरमुकाम जोमसोम बजारसम्म फैलिएको १७ किलोमिटर सडक नौ वर्षसम्म पनि सम्पन्न नभएपछि बेनी–जोमसोम–कोरला सडक योजना कार्यालयले सार्वजनिक सूचना जारी गर्दै ठेक्का तोडिएको जनाएको हो । योजना प्रमुख तेजस्वी शर्माका अनुसार दुई वर्षभित्र सक्नुपर्ने काम सात पटकसम्म म्याद थप्दा पनि पूरा नभएपछि पप्पु–गौरी पार्वती कोशी एन्ड न्यौपाने निर्माण कम्पनीसँगको सम्झौता रद्द गरिएको हो । “सातौँ पटक थपिएको म्याद २०८२ असोज २५ गतेसम्म निर्माण सम्पन्न हुनुपर्ने थियो । तर म्याद सकिएको २०० दिन बितिसक्दा पनि कम्पनीले जिम...

मुख्यमन्त्री कृष्णप्रसाद यादव ले शुक्रबार विश्वासको मत लिने तयारी गरिरहेकै बेला बिहीबार राति एमालेका मोहम्मद समिरलाई विनाविभागीय मन्त्रीका रूपमा सरकारमा समावेश गरिएको हो। विश्वासको मत लिन केही घण्टा बाँकी रहँदा एमाले सरकारमा प्रवेश गर्नुले मधेस प्रदेशको राजनीतिक समीकरणमा ठूलो परिवर्तन आउने संकेत गरेको छ। एमाले मधेस प्रदेश संसदीय दलका नेता सरोजकुमार यादव का अनुसार पार्टीबाट थप तीन जना मन्त्री पनि सरकारमा सहभागी हुनेछन्। उनले मोहम्मद समिरले आजै शपथ लिने र अन्य मन्त्रीहरूको शपथ साँझसम्म गराउने तयारी रहेको जानकारी दिए। उनका अनुसार एमालेले सरकारमा चार मन्त्रालय पाउने सहमति भएको छ। केन्द्रमा बनेको नयाँ राजनीतिक गठबन्धनअनुसार एमाले सरकारमा सहभागी भएको उनले स्पष्ट पारे। यसैबीच, उनले जनता समाजवादी पार्टी नेपाल सरकारबाट बाहिरिने दाबी गरेका छन्। तर, जसपा नेपालको संसदीय दलले भने मुख्यमन्त्...

काठमाडौं– टोखा नगरपालिका–७ अन्तर्गत धापवासी–ग्रीनल्याण्ड आसपास क्षेत्रमा बनाइएका अतिक्रमित घर–टहरा हटाइएको छ । नगरपालिकाले पूर्वसूचना अटेर गर्ने संरचनामाथि डोजर चलाएर हटाउने अभियान सुरु गरेको हो । नगरपालिकाले यसअघि १५ दिने सूचना जारी गर्दै सार्वजनिक तथा सरकारी जग्गामा बनाइएका अवैध संरचना स्वयं हटाउन सम्बन्धित पक्षलाई आग्रह गरेको थियो । तर अटेरी गरेपछि नगरपालिकाले डोजर प्रयोग गरी घर–टहरा, कम्पाउन्ड तथा अस्थायी संरचना हटाएको जनाएको छ । नगरपालिकाका प्रमुख प्रशासकीय अधिकृत कमल भट्टराईका अनुसार आज बिहानदेखि धापवासी क्षेत्रमा सडक छेउ र सरकारी जग्गा अतिक्रमण गरी बनाइएका संरचना हटाउने काम सुरु गरिएको हो । उनले सार्वजनिक जग्गा संरक्षण तथा अतिक्रमण नियन्त्रण अभियानअन्तर्गत उक्त कदम चालिएको स्पष्ट पार्दै कानुनी व्यवस्था पालना गर्न र सार्वजनिक जग्गा अतिक्रमण नगर्न सबैलाई आग्रह गरेका छन् ।...

चितवन– यस वर्ष चितवनमा मह उत्पादनमा उल्लेखनीय कमी आएको छ। गत वर्षको तुलनामा यस पटक करिब १६ दशमलव ६६ प्रतिशतले उत्पादन घटेको मौरीपालन विकास केन्द्रले जनाएको छ। मौरीपालन विकास केन्द्र भण्डाराका प्रमुख सुजन अंगाईका अनुसार गत वर्ष जिल्लामा ५४० मेट्रिक टन मह उत्पादन भएकोमा यस वर्ष घटेर ४५० मेट्रिक टनमा सीमित भएको छ। जिल्लामा हाल १७ हजार ५०० घार मेलीफेरा मौरी पालन भइरहेको छ। तर बेमौसमी वर्षाका कारण तोरी र चिउरी फूलमा असर पर्दा मह उत्पादन घटेको बताइएको छ। किसानहरूले अघिल्ला वर्षहरूमा तोरीबाट तीन पटकसम्म मह काट्ने गरे पनि यस वर्ष बढीमा दुई पटक मात्रै मह निकाल्न सकेका छन्। यस्तै चिउरीबाट पाँच पटकसम्म मह संकलन हुने गरेकामा यस पटक तीन पटक मात्र मह काटिएको जनाइएको छ। घारको सङ्ख्या बढ्दै गए पनि उत्पादन भने घट्दै गएको केन्द्रको भनाइ छ। केन्द्रका अनुसार गत वर्ष ७० प्रतिशत मौरीपालक किसानले वर्...

काठमाडौं– सर्वोच्च अदालतमा प्रधानन्यायाधीश नियुक्ति प्रक्रियालाई लिएर न्यायालयभित्रको विवाद थप चर्किएको देखिएको छ। वरिष्ठतम् न्यायाधीश सपना प्रधान मल्ल पछिल्ला दिनमा नियुक्ति प्रक्रियाप्रति असन्तुष्टि जनाउँदै विभिन्न गतिविधिमा सक्रिय बनेपछि न्यायालयभित्र तनावको अवस्था सिर्जना भएको चर्चा भइरहेको छ। प्रधानन्यायाधीशमा मनोजकुमार शर्मा को नियुक्ति प्रक्रिया रोक्न माग गरिएको निवेदन दर्ता गर्न उनले सर्वोच्च प्रशासनलाई आदेश दिएको विषयले समेत चर्चा पाएको छ। तर उक्त आदेश कार्यान्वयनमा नआएपछि त्यसले कानुनी र प्रशासनिक दुवै वृत्तमा प्रश्न उठाएको बताइन्छ। यसअघि कानुन दिवसको कार्यक्रममा पनि न्यायाधीश मल्लले सार्वजनिक रूपमा नियुक्ति प्रक्रियाप्रति असन्तुष्टि व्यक्त गरेकी थिइन्। न्यायालयभित्रैबाट नियुक्ति प्रक्रिया रोक्ने प्रयास भएको चर्चा भए पनि संवैधानिक परिषद्को सिफारिस र राजनीतिक सहमतिका आधारमा ...