Author: Xpress Tv News Nepal

मस्को/किएभ — युक्रेनद्वारा गरिएको आक्रमणपछि रुसको दक्षिणी तटीय शहर तुआप्सेस्थित तेल प्रशोधन केन्द्रमा भीषण आगलागी हुँदा वातावरणमा विषाक्त कण फैलिएको र ‘विषाक्त वर्षा’ जस्तो अवस्था सिर्जना भएको जनाइएको छ। रूसी अधिकारीका अनुसार सोमबार भएको आक्रमणपछि केन्द्रका चारवटा भण्डारण ट्याङ्कीमा आगलागी भएको हो, जसलाई नियन्त्रणमा लिन अझै प्रयास जारी छ। आगलागीबाट निस्किएको बाक्लो कालो धुवाँले आकाश ढाकिँदा वायु प्रदूषणको स्तर सामान्यभन्दा दुईदेखि तीन गुणासम्म बढेको बताइएको छ। स्थानीय प्रशासनले बुधबार बासिन्दालाई घरभित्रै बस्न, झ्याल ढोका बन्द गर्न तथा अत्यावश्यक कामबाहेक बाहिर ननिस्कन आग्रह गरेको छ। बाहिर निस्कनै परे मास्क प्रयोग गर्न पनि निर्देशन दिइएको छ। सामाजिक सञ्जालमा सार्वजनिक भएका केही तस्बिर तथा भिडियोहरूमा समुद्र र किनार क्षेत्रमा तेलजस्तो पदार्थ फैलिएको, मरेका माछा तथा चराचुरुङ्गी देखि...

हेटौंडा सिमेन्ट उद्योग पुनः कच्चा पदार्थ अभावका कारण उत्पादन रोक्न बाध्य भएको छ। लामो समयदेखि आर्थिक सङ्कट झेल्दै आएको उद्योगले पछिल्लो पटक क्लिङ्कर उत्पादन गरे पनि आवश्यक कोइला, ढुङ्गालगायत कच्चा पदार्थ उपलब्ध नहुँदा पूर्ण रूपमा बन्द भएको हो। उद्योग प्रशासनका अनुसार कच्चा पदार्थ आपूर्तिका लागि सम्झौता भए पनि ढुवानीका लागि आवश्यक रकम अभाव देखाउँदै ठेकेदारले आपूर्ति गर्न नसकेपछि उत्पादन प्रक्रिया रोकिएको हो। उद्योगका सहायक प्रबन्धक भक्तिराम श्रेष्ठका अनुसार हाल उद्योगमा रहेका सामग्रीबाट करिब ५ हजार टन क्लिङ्कर उत्पादन भइसकेको छ भने अहिले सिमेन्ट प्याकेजिङको काम मात्र भइरहेको छ। दैनिक १६ हजार बोरा सिमेन्ट उत्पादन क्षमता रहेको यो उद्योग प्रायः बन्द अवस्थामा रहने गरेको छ। यससँगै क्लिङ्कर उत्पादनका क्रममा मेसिनमा देखिएको प्राविधिक समस्या मर्मतको क्रममा रहेको पनि जनाइएको छ। कर्मचारीको अवस...

सिन्धुलीको खुर्काेटस्थित इलाका प्रहरी कार्यालयको हिरासतमा २२ वर्षीय श्रीकृष्ण विकको मृत्यु भएपछि घटना विवादित बनेको छ। सुनकोसी गाउँपालिका–३ का विकको शव पाँच दिनदेखि अस्पतालमै रहेको छ। खोटाङकी एक बालिकासँग भएको अन्तरजातीय प्रेमविवाहपछि बालिकाको परिवारले जबरजस्ती करणीको मुद्दा दर्ता गरेपछि प्रहरीले उनलाई पक्राउ गरेको थियो। काठमाडौँबाट पक्राउ गरी सिन्धुली ल्याइएका विक वैशाख ७ गते साँझ हिरासतको भेन्टिलेटरमा सर्टको पासो लगाई आत्महत्याको प्रयास गरेको दाबी प्रहरीले गरेको छ। तर उपचारका क्रममा उनको मृत्यु भएको हो। प्रहरीले आत्महत्या भएको दाबी गर्दै शव बुझ्न आग्रह गरे पनि मृतकका परिवारले घटना शंकास्पद भएको भन्दै कडा विरोध जनाएका छन्। मृतककी आमा बिन्दामाया विकले छोरा आत्महत्या नगरेको दाबी गर्दै प्रहरी हिरासतभित्र कुटपिट गरेर हत्या गरिएको आरोप लगाएकी छन्। उनका अनुसार सर्टको कपडाले झुन्डिएर मृ...

नुवाकोटको किस्पाङ गाउँपालिका शैक्षिक क्षेत्रमा नयाँ गन्तव्यका रूपमा उदाउँदै गएको छ। गाउँपालिकाले प्राविधिक शिक्षा तथा व्यावसायिक तालिम परिषद् (CTEVT) बाट सम्बन्धन लिएर सञ्चालन गरेको प्राविधिक शिक्षालयमा पछिल्लो तीन वर्षदेखि देशभरका विद्यार्थीको उल्लेखनीय आकर्षण देखिएको छ। पूर्वको सङ्खुवासभादेखि पश्चिमको कञ्चनपुरसम्मका विद्यार्थी यहाँ प्राविधिक शिक्षा लिन आउने गरेका छन्। गाउँपालिकाले सामान्य चिकित्सा (एचए) र डिप्लोमा इन फार्मेसी कोर्स मात्र रु १ लाख ९५ हजार शुल्कमा उपलब्ध गराएपछि यो शिक्षालय सुलभ र आकर्षक शैक्षिक गन्तव्य बनेको हो। किस्पाङ–३ काहुलेमा २०८० सालमा स्थापना भएको यस शिक्षालयले पहिलो ब्याचमा फार्मेसी मात्र सञ्चालन गरेको थियो भने हाल दोस्रो र तेस्रो ब्याचमा सामान्य चिकित्सा र फार्मेसी दुवै विषयमा पूर्ण कोटा भर्ना भएको छ। देशभरका विद्यार्थीको सहभागिता शिक्षालयमा हाल सातै प्रद...

काठमाडौं । काठमाडौं उपत्यकामा वायु प्रदूषणको स्तर निरन्तर उच्च रहँदा बिहीबारदेखि अवस्था ‘अति अस्वस्थकर’ तहमा पुगेको छ। वायु गुणस्तर मापन सूचकांक (एक्यूआई) शुक्रबार बिहान ९ बजे २३० पुगेको छ, जुन जनस्वास्थ्यका दृष्टिले अत्यन्त जोखिमपूर्ण मानिन्छ। स्वीट्जरल्यान्डमा मुख्यालय रहेको अन्तर्राष्ट्रिय संस्था आईक्यू एयरका अनुसार हाल काठमाडौं विश्वकै सबैभन्दा प्रदूषित सहरको सूचीमा पहिलो स्थानमा रहेको छ। यस सूचीमा भारतको नयाँ दिल्ली १८९ एक्यूआई सहित दोस्रो स्थानमा रहेको देखिएको छ। विश्व स्वास्थ्य संगठन (डब्ल्यूएचओ)का मापदण्डअनुसार २०१ देखि ३०० एक्यूआईलाई ‘अति अस्वस्थकर’ मानिन्छ। काठमाडौंको हालको स्तर यही श्रेणीमा पर्छ, जसले बालबालिका, वृद्धवृद्धा तथा दीर्घरोगीलाई मात्र नभई सबैलाई स्वास्थ्य जोखिममा पार्ने बताइएको छ। मापदण्डअनुसार १०१ देखि १५० एक्यूआईसम्म बालबालिका र संवेदनशील समूहका लागि अस्वस...

काठमाडौँ– कान्तिपुर मिडिया ग्रुप (केएमजी) भित्र पत्रकारिताको शैली र सम्पादकीय दिशालाई लिएर उत्पन्न आन्तरिक मतभेद चुलिँदै जाँदा प्रवन्ध निर्देशक सम्भव सिरोहियाले पदबाट राजीनामा दिएका छन्। सिरोहियाले बिहीबार दिएको राजीनामामा पछिल्लो समय संस्थाले अपनाएको रिपोर्टिङ शैलीप्रति असहमति जनाउँदै आफूले विश्वास नगरेको पत्रकारिताको अभ्याससँग जोडिएर नेतृत्वमा रहन नसक्ने स्पष्ट पारेका छन्। विशेषगरी गृहमन्त्री सुदन गुरुङसम्बन्धी समाचारको प्रस्तुति र सम्पादन शैलीप्रति उनले असन्तुष्टि व्यक्त गरेको उल्लेख छ। उनले केही समाचारहरूलाई सनसनीपूर्ण ढंगले प्रस्तुत गरिएको दाबी गर्दै यसले संस्थाको विश्वसनीयतामाथि प्रश्न उठ्न सक्ने जोखिम रहेको बताएका छन्। साथै, प्रमाणित नभएका विषयलाई प्राथमिकतामा राख्दा सरकारमाथि अनावश्यक दबाब सिर्जना हुन सक्ने उनको टिप्पणी छ। यता, कान्तिपुर पक्षले भने अनुसन्धानकारी निकायबाट प...

काठमाडौँ– अमेरिकी राष्ट्रपति डोनाल्ड ट्रम्पले इजरायल र लेबनानबीच जारी युद्धविरामलाई थप तीन हप्तासम्म विस्तार गरिएको घोषणा गरेका छन्। ट्रम्पले आफ्नो सामाजिक सञ्जाल ‘ट्रुथ सोसल’ मार्फत हालै भएको वार्तापछि युद्धविराम अवधि थप ३ हप्ताका लागि लम्ब्याउने सहमति भएको जानकारी दिएका हुन्। उनले उक्त बैठकलाई “धेरै सकारात्मक” भएको बताउँदै लेबनानलाई हिज्बुल्लाहबाट हुने खतरा नियन्त्रणमा सहयोग गर्ने प्रतिबद्धता पनि व्यक्त गरेका छन्। यसअघि वाशिङ्टनमा भएको छलफलपछि घोषणा गरिएको युद्धविराम आइतबार समाप्त हुने तय थियो। यो सहमति इजरायल र इरान समर्थित हिज्बुल्लाहबीच सात हप्ताभन्दा बढी समयदेखि जारी तनाव अन्त्य गर्ने उद्देश्यले गरिएको हो। ओभल अफिसमा ट्रम्पले लेबनानका राष्ट्रपति जोसेफ औन र इजरायली प्रधानमन्त्री बेन्जामिन नेतन्याहू आगामी केही साताभित्र ह्वाइट हाउस भ्रमणमा आउने जानकारी पनि दिएका छन्। सोही अवसर...

काठमाडौं । हर्क साम्पाङ ले सरकारले विभिन्न स्थानमा सुकुमबासी बस्ती हटाउने कार्य गरिरहेको भन्दै आपत्ति जनाएका छन्। श्रम संस्कृति पार्टीका अध्यक्षसमेत रहेका उनले विज्ञप्ति जारी गर्दै यस्तो कदम संविधानविपरीत भएको उल्लेख गरेका छन्। उनका अनुसार बासस्थानसम्बन्धी अधिकार सुनिश्चित गरिएको संविधानको धारा ३७(१) विपरीत सरकारले घर भत्काउने कार्य गरिरहेको छ। साथै, नागरिकलाई जबर्जस्ती बेघर बनाउने, दुर्व्यवहार गर्ने र सुरक्षाकर्मीमार्फत डर–त्रास सिर्जना गर्ने गतिविधि संविधानको धारा १६(१) सँग पनि बाझिने उनको दाबी छ। अध्यक्ष साम्पाङले यस्ता गतिविधिले सरकारको निरंकुश चरित्र उजागर गरेको र लोकतान्त्रिक मूल्य–मान्यतामा आघात पुगेको बताएका छन्। उनले दशकौँदेखि बसोबास गर्दै आएका बस्तीहरू राज्यकै जानकारी र सहमतिमा विस्तार भएको हुन सक्ने तर्क पनि अघि सारेका छन्। सार्वजनिक जग्गा खाली गराउने क्रममा प्रभावित ना...

काठमाडौं । रसुवा–नुवाकोट क्षेत्रको पर्यटन प्रवर्द्धन गर्ने उद्देश्यसहित लाङटाङ ट्रेल रन प्रतियोगिता आयोजना हुने भएको छ । रसुवा–नुवाकोट पर्यटन समाजले बिहीबार पत्रकार सम्मेलनमार्फत प्रतियोगिता आगामी जेठ २३ गते हुने जानकारी दिएको हो । समाजका अध्यक्ष बलराम न्यौपानेका अनुसार लामो समयदेखि लाङटाङ क्षेत्रको पर्यटन विकास, अध्ययन, प्रचारप्रसार तथा प्रवर्द्धनमा सक्रिय रहँदै आएको संस्थाले यसपटक साहसिक खेल पर्यटनलाई केन्द्रमा राख्दै ट्रेल रन आयोजना गर्न लागेको हो । वि.सं. २०७२ को विनाशकारी भूकम्पपछि प्रभावित पर्यटन क्षेत्रलाई पुनर्जीवित गर्न विभिन्न कार्यक्रम गर्दै आएको समाजले अब लाङटाङलाई अन्तर्राष्ट्रियस्तरको साहसिक पर्यटकीय गन्तव्यका रूपमा स्थापित गर्ने लक्ष्य लिएको जनाएको छ । प्रतियोगिता गोसाइँकुण्ड गाउँपालिकाअन्तर्गत पर्ने क्यान्जिन गुम्बाबाट सुरु भई स्याफ्रुबेँसीसम्म करिब ३२ किलोमिटर दूर...

काठमाडौं, १० वैशाख । आफूलाई ‘युवा अभियन्ता’ बताउने समूहद्वारा चिकित्सकमाथि दुर्व्यवहार गरिएको घटनाप्रति गम्भीर आपत्ति जनाउँदै नेपाल चिकित्सक संघले दोषीमाथि कडा कारबाहीको माग गरेको छ। संघका अनुसार जुम्लास्थित कर्णाली स्वास्थ्य विज्ञान प्रतिष्ठानमा कार्यरत चिकित्सकमाथि बिना आधार आरोप लगाउँदै अपमानजनक व्यवहार गरिएको हो। प्रतिष्ठान परिसरमै खाजा खाइरहेका चिकित्सकमाथि केही व्यक्तिहरूले दुर्व्यवहार गर्नुका साथै आक्रमणको धम्कीसमेत दिएको जनाइएको छ। उक्त घटनालाई भिडियो खिचेर युट्युब, फेसबुकलगायत सामाजिक सञ्जालमा सार्वजनिक गर्दै अतिरञ्जित रूपमा प्रचार गरिएको संघको भनाइ छ। यसले चिकित्सक तथा स्वास्थ्यकर्मीको प्रतिष्ठामा आँच पुर्‍याएको मात्र नभई समाजमा गलत सन्देश फैलाएको संघले जनाएको छ। ‘संवेदनशील स्वास्थ्य क्षेत्रमा कार्यरत जनशक्तिमाथि आधारहीन आरोप लगाउनु, सामाजिक सञ्जालमार्फत अपमानित गर्नु र ...