Author: Xpress Tv News Nepal

काठमाडौं – आज विक्रम संवत् २०८३ सालको पहिलो दिन अर्थात् नेपाली नयाँ वर्ष हो। हरेक वर्ष वैशाख १ गते मनाइने यो दिन नेपालीहरूका लागि केवल मिति परिवर्तन मात्र नभई जीवनमा नयाँ उत्साह, उमङ्ग र सकारात्मक ऊर्जा भर्ने विशेष अवसरका रूपमा लिइन्छ। विक्रम संवत् पात्रोअनुसार प्रारम्भ हुने नयाँ वर्षले विगतका अनुभवलाई समेट्दै भविष्यतर्फ आशा, लक्ष्य र सङ्कल्पका नयाँ ढोका खोल्ने विश्वास गरिन्छ। संस्कृति र परम्पराको संगम नेपाल विविध जातजाति, भाषा र संस्कृतिले समृद्ध देश भएकाले नयाँ वर्ष मनाउने शैली पनि स्थानअनुसार फरक–फरक पाइन्छ। कतै मेला, जात्रा तथा सांस्कृतिक कार्यक्रम आयोजना गरिन्छ भने कतै पारिवारिक जमघट र खानपिनमार्फत खुशी साटासाट गरिन्छ। विशेषगरी भक्तपुरमा मनाइने बिस्का जात्रा र थिमीको सिन्दूर जात्रा जस्ता परम्परागत उत्सवहरूले नयाँ वर्षलाई अझ उल्लासमय बनाउने गर्दछन्। परिवार र सम्बन्धको पु...

भक्तपुरमा आठ रात नौ दिनसम्म चल्ने बिस्केट जात्राको अवसरमा जिब्रो छेड्ने जात्राको व्रत सुरु भएको छ। आज बिहान भक्तपुरको पोटरी स्क्वायरस्थित कुमाले टोलमा विधिपूर्वक पूजा गरी हात नभएको लिङ्गो उठाइएको छ। हरेक वर्ष चैत मसान्तमा उठाइने उक्त लिङ्गो जात्राको अन्तिम दिन वैशाख ५ गते बिहान ढाल्ने परम्परा छ। कुमाले टोलमा बिहान लिङ्गो उठाएपछि दिउँसो भैरव र भद्रकालीको पूजा गरी रथलाई भेलुखेल लगिन्छ र साँझ नाग–नागिनीको प्रतीक मानिने ५५ हात लामो लिङ्गो उठाइन्छ। मध्यपुरथिमि–८ बोडे स्थित महालक्ष्मी मन्दिरअगाडि पनि आज बिहान लिङ्गो उठाइएको छ। यससँगै थिमि क्षेत्रमा जात्रा तथा पर्वहरू औपचारिक रूपमा सुरु हुने परम्परा रहेको छ। स्थानीयका अनुसार महालक्ष्मी मन्दिरअगाडि लिङ्गो उठाएपछि जिब्रो छेड्ने जात्राको साइत मानिन्छ। यस वर्ष २८ वर्षीय सुजन वाङ श्रेष्ठले व्रत सुरु गरेका छन् र वैशाख २ गते जिब्रो छेड्ने कार्य...

भारतीय प्रख्यात गायिका आशा भोसलेको आज राजकीय सम्मानका साथ अन्त्येष्टि गरिँदै छ। मुम्बईको शिवाजी पार्कमा उनको अन्त्येष्टि पूर्ण राजकीय सम्मानसहित गरिनेछ। आइतबार ९२ वर्षको उमेरमा उनको निधन भएको थियो। आशा भोसलेका छोरा आनन्द भोसलेले जानकारी दिँदै भनेका छन्, “अप्रिल १२ मा बिहान साढे १० बजेदेखि दिउँसो २ बजेसम्म ‘कासा ग्रान्डे’ भवनमा आएर आमालाई अन्तिम श्रद्धाञ्जली दिन सकिन्छ।” उनका अनुसार अन्तिम संस्कार दिउँसो ४ बजे गरिनेछ। अत्यधिक भीड हुन सक्ने भएकाले भीडभाड नगर्न उनले आग्रह गरेका छन्। आशा भोसलेलाई शनिबार साँझ हृदयघात भएपछि मुम्बईको ब्रीच क्यान्डी अस्पतालमा भर्ना गरिएको थियो। आइतबार उपचारका क्रममा उनको निधन भएको हो।...

कैलाली र बर्दिया जिल्ला जोड्ने कर्णाली नदीस्थित सनकट्टी घाटमा निर्माणाधीन पुल अन्तिम चरणमा पुगेको छ। पुल निर्माण सम्पन्न भएसँगै कैलाली–बर्दिया आवतजावत सहज हुने अपेक्षा गरिएको छ। निर्माण कम्पनीका इञ्जिनियर धिरेन्द्र सहनीका अनुसार विक्रम संवत् २०८३ असोज १७ गतेसम्म सम्पन्न गर्ने सम्झौता भए पनि निर्धारित समयअगावै काम सक्ने लक्ष्यसहित निर्माण भइरहेको छ। “२०७९ पुसमा सम्झौता भई २०८० मा निर्माण सुरु गरिएको हो,” उनले भने, “असोजसम्मको म्याद भए पनि असारभित्रै काम सम्पन्न गरी सरकारलाई हस्तान्तरण गर्ने तयारी छ।” चौध वटा पिलर रहेको पुलका सबै पिलर निर्माण भइसकेका छन् भने हाल १२औँ स्पानको काम भइरहेको छ। आगामी १५ दिनभित्र उक्त काम सकी १३औँ स्पानको काम सुरु गर्ने तयारी छ। कैलालीतर्फ तटबन्ध निर्माण पनि सँगसँगै भइरहेको छ। पुल निर्माण अन्तिम चरणमा पुगेसँगै स्थानीयवासीले आंशिक रूपमा पुल र आंशिक रूपमा न...

आइतबार प्रधानमन्त्री तथा मन्त्रिपरिषद् कार्यालयको वेबसाइटमार्फत प्रधानमन्त्री बालेन शाहसहित मन्त्रिपरिषद्का सदस्यहरूले आफ्नो सम्पत्ति विवरण सार्वजनिक गरेका छन्। सार्वजनिक विवरणले मन्त्रीहरूको चल–अचल सम्पत्ति, बैंक मौज्दात, सेयर, ऋण तथा आयस्रोतबारे विस्तृत जानकारी दिएको छ। प्रधानमन्त्री बालेन्द्र (बालेन) शाह काठमाडौं–९ मा आमाको नाममा ५ आना र धनुषामा १.२ विघा जमिन रहेको उल्लेख छ। बुवाको नाममा महोत्तरीमा ९ विघा जग्गा छ। श्रीमतीसँग संयुक्त रूपमा १९० तोला सुन रहेको जनाइएको छ। बैंक खातामा १ करोड ४६ लाख मौज्दात रहेको र आयस्रोत फेसबुक, युट्युब र स्पोटिफाइ रहेको उल्लेख गरिएको छ। सामाजिक सञ्जालका फलोअर्स संख्या पनि विवरणमा समावेश गरिएको छ। अर्थमन्त्री स्वर्णिम वाग्ले ललितपुर, काभ्रे, तनहुँलगायत जिल्लामा घर तथा अपार्टमेन्ट छन्। विभिन्न बैंकमा करिब १ करोड ९० लाख मौज्दात रहेको छ। ४५ तोला सुन तथ...

काठमाडौं । स्वास्थ्यमन्त्री निशा मेहताले सबै सरकारी अस्पतालमा छिट्टै डिजिटल रूपमा रिपोर्ट निकाल्ने व्यवस्था लागू गरिने बताएकी छन्। आइतबार काठमाडौंको वीर अस्पतालको अनुगमनका क्रममा बिरामी तथा आफन्तहरूको गुनासो सुन्दै उनले उपचारका लागि आउने सेवाग्राहीले अब डिजिटल रूपमा नै रिपोर्ट प्राप्त गर्न सक्ने व्यवस्था गर्न लागिएको बताइन्। अस्पतालमा परीक्षण रिपोर्ट आउन ढिलाइ हुँदा समस्या हुने गरेको गुनासो बिरामीहरूले गरेका थिए। अस्पताल प्रशासनले भने दैनिक करिब ५ हजार बिरामीले बहिरंग सेवा लिने भएकाले रिपोर्ट वितरणमा ढिलाइ भएको जनाएको छ। मन्त्री मेहताले स्वास्थ्य परीक्षणको रिपोर्ट लिन अब अस्पताल धाउन नपर्ने गरी छिट्टै डिजिटल प्रणाली लागू गरिने उल्लेख गरिन्। साथै उनले अस्पतालमा उपचारका क्रममा बिरामीलाई बाहिरबाट औषधि किन्नुपर्ने अवस्था अन्त्य गर्न पनि अस्पताल प्रशासनको ध्यानाकर्षण गराइन्। अनुगमनप...

गृहमन्त्री सुदन गुरुङलाई राष्ट्रिय स्वतन्त्र पार्टी (रास्वपा) नवलपुरका सभापति नरिश्वर लामिछानेसहितको टोलीले नवलपुरमा स्वागत गरेको छ। भेटका क्रममा स्थानीय टोलीले नवलपुर क्षेत्रमा दूषित पानीका कारण गैँडालगायत वन्यजन्तुहरू धमाधम मृत अवस्थामा भेटिएको विषयमा गृहमन्त्री गुरुङको ध्यानाकर्षण गराएका छन्। नवलपुरका सांसद राजन गौतमसहितको टोलीले यस सम्बन्धमा गृहमन्त्रीसमक्ष ज्ञापनपत्र समेत बुझाएको छ। स्थानीयका अनुसार विभिन्न उद्योगबाट निस्किएको दूषित फोहोर पानी खोलामा मिसिँदा वन्यजन्तुहरू प्रभावित भएका छन् र सोही पानी सेवनका कारण कैयौँ जनावरहरू मृत भेटिएका छन्। दूषित पानीको समस्याबारे जानकारी लिएपछि गृहमन्त्री गुरुङले प्रभावित औद्योगिक क्षेत्रको अवलोकन समेत गरेका छन्।...

२९ चैत, काठमाडौं । गृहमन्त्री सुदन गुरुङले पिर्के सलामी नलिने निर्णय गरेका छन्। नवलपुरस्थित सशस्त्र प्रहरी बलको कार्यालय पुगेका उनले आफूले पिर्के सलामी नलिने निर्णय गरेको जानकारी गराएका हुन्। नवलपुरस्थित सशस्त्र प्रहरी कार्यालयमा उनलाई डीएसपी लक्ष्मण बरालले स्वागत गरेका थिए। त्यसपछि उनले जिल्ला प्रशासन कार्यालय नवलपुरका सहायक प्रमुख जिल्ला अधिकारी चीरञ्जीवी राना, एसपी युवराज खड्का तथा राष्ट्रिय अनुसन्धानका एसपी अभिनयकुमार सिंहलगायतसँग जिल्लाको शान्ति सुरक्षा र सुरक्षा जोखिमका विषयमा छलफल गरेका थिए। यसअघि शनिबार उनले पृथ्वीराजमार्गको सडक निरीक्षण गर्दै चितवन पुगेका थिए। आइतबार बिहान चितवनका गृहप्रशासनका कर्मचारीहरूसँग छलफलपछि उनी नवलपुर पुगेका हुन्।...

वन तथा वातावरणमन्त्री गीता चौधरीले वन पैदावारको उपयोग आर्थिक विकास र रोजगारी सिर्जनाका लागि गर्नुपर्ने बताएकी छन्। उनले जैविक विविधता र वनस्पति संरक्षण अपरिहार्य रहेको उल्लेख गरिन्। वनस्पति दिवसका अवसरमा आयोजित कार्यक्रममा मन्त्री चौधरीले जैविक विविधता र वनस्पति संरक्षणमार्फत खाद्य सुरक्षा, रोजगारी र आर्थिक विकास सम्भव रहेको बताइन्। उनले मानव गतिविधि, जलवायु परिवर्तन तथा असन्तुलित उपभोगका कारण वनस्पति क्षेत्र संकटमा परेको उल्लेख गर्दै समयमै संरक्षण र व्यवस्थापन नगरे भविष्य नै जोखिममा पर्न सक्ने चेतावनी दिइन्। ‘नेपाल जैविक विविधतामा धनी देश हो। विशेषगरी जडीबुटी तथा गैरकाष्ठ वन पैदावारका दृष्टिले महत्वपूर्ण स्थानमा रहे पनि अझै कच्चापदार्थकै रूपमा निर्यात गर्ने परम्परा तोड्न सकेका छैनौँ,’ मन्त्री चौधरीले भनिन्। उनले जडीबुटीको वैज्ञानिक खेती, प्रशोधन, ब्रान्डिङ तथा अन्तर्राष्ट्रिय ...

काठमाडौँ । नवौँ हिन्द महासागर सम्मेलनमा सहभागी हुने सिलसिलामा मरिससको राजधानी पोर्ट लुइसमा रहेका परराष्ट्रमन्त्री शिशिर खनालले मरिसस र सिङ्गापुरका मन्त्रीहरूसँग बेग्लाबेग्लै भेटवार्ता गरेका छन्। परराष्ट्र मन्त्रालयका अनुसार मन्त्री खनालले मरिससका विदेश, क्षेत्रीय एकीकरण तथा अन्तर्राष्ट्रिय व्यापारमन्त्री एच.इ. धनञ्जय रामफल र सिङ्गापुरका विदेश तथा सामाजिक एवं पारिवारिक विकास राज्यमन्त्री एच.इ. जुल्कर्नाइन अब्दुल रहीमसँग शनिबार भेटवार्ता गरेका हुन्। भेटवार्तामा परराष्ट्रमन्त्री खनालले दुवै देशका मन्त्रीसँग आपसी सम्बन्ध सुदृढीकरण, क्षेत्रीय सहकार्य तथा द्विपक्षीय हित र साझा चासोका विविध विषयमा छलफल गरेका थिए।...