Breaking News 1

काठमाडौँ। काठमाडौँ उपत्यकामा ट्राफिक नियम उल्लंघन गर्ने २,२९३ सवारी चालकलाई पछिल्लो २४ घण्टामा ट्राफिक प्रहरीले कारबाही गरेको छ। उपत्यकाका विभिन्न स्थानमा गरिएको नियमित जाँचका क्रममा उनीहरूलाई कारबाही गरिएको हो। ट्राफिक प्रहरीका अनुसार आज बिहानसम्म मादक पदार्थ सेवन (मापसे) गरी सवारी चलाउने ११३, राइड सेयरिङसम्बन्धी उल्लंघनमा १८४, रातोबत्ती उल्लंघन गर्ने १५७, तीव्र गतिमा सवारी चलाउने १२४, लेन मिच्ने २१९, फुटपाथ प्रयोग गर्ने १२३, हर्न निषेध उल्लंघन गर्ने ७३, एकतर्फी सवारी चलाउने १०५ तथा अन्य विभिन्न कसुरमा १,१९५ चालकलाई कारबाही गरिएको छ। उपत्यका ट्राफिक प्रहरी कार्यालयका प्रवक्ता तथा प्रहरी उपरीक्षक नरेशराज सुवेदीका अनुसार उक्त कारबाहीबाट २४ लाख २६ हजार १ रुपैयाँ राजस्व संकलन भएको छ। उनले ट्राफिक नियमको पालना गर्न सबै सवारी चालकलाई आग्रहसमेत गरेका छन्।...

रूपन्देहीको सैनामैना क्षेत्रमा पर्ने घमाहा खोलाको पुल भासिएपछि पूर्व–पश्चिम राजमार्गअन्तर्गत सवारी आवागमन प्रभावित भएको छ। मंगलबार दिउँसो निर्माणाधीन सडक खण्डमा रहेको उक्त पुल भासिएको पुष्टि प्रहरीले गरेको हो। सैनामैना नगरपालिका–५ स्थित पुलमा समस्या आएपछि इलाका प्रहरी कार्यालय बुटवलले सवारी चालक तथा यात्रुहरूलाई वैकल्पिक मार्ग प्रयोग गर्न आग्रह गरेको छ। कार्यालयका प्रमुख डीएसपी निशान्त श्रीवास्तवका अनुसार पुल मर्मतमा कम्तीमा तीन दिनदेखि एक सातासम्म समय लाग्न सक्ने अनुमान गरिएको छ। हाल वैकल्पिक मार्गका रूपमा सैनामैना–४ लुम्बिनी रोड हुँदै कुश्मा, बक्सडाँडा हुँदै कलौनी जोड्ने करिब ३ किलोमिटर लामो डाइभर्सन सञ्चालनमा ल्याइएको छ। बुटवल–गोरुसिंगे सडक विस्तार कार्य जारी रहेकाले यसअघि पनि सडकमा खाल्डाखुल्डी तथा अवरोधका कारण यात्रुहरूले सास्ती भोग्दै आएका थिए। पुल भासिएपछि समस्या अझ बढ्ने द...

  समस्याग्रस्त सहकारीका बचतकर्तालाई राहत: जेठ पहिलो सातादेखि रकम फिर्ता सुरु हुने काठमाडौं । सरकारले समस्याग्रस्त सहकारीका बचतकर्ताको रकम आगामी जेठ पहिलो सातादेखि फिर्ता गर्ने प्रक्रिया सुरु गर्ने भएको छ। समस्याग्रस्त सहकारी व्यवस्थापन समितिले मंगलबार सार्वजनिक गरेको कार्ययोजनाअनुसार बचतकर्ताको रकम फिर्ता गर्ने काम औपचारिक रूपमा अघि बढ्नेछ। गत ९ वैशाखदेखि काम सुरु गरेको समितिले सहकारी र बचतकर्ताको आवश्यक विवरण संकलन गरिसकेको जनाएको छ। समितिका अनुसार हाल करिब ७६ हजार बचतकर्ताको करिब ४६ अर्ब रुपैयाँ फिर्ता गर्नुपर्ने अवस्था रहेको छ, जसमा अधिकांश साना बचतकर्ता छन्। समितिले पाँच लाख रुपैयाँभन्दा कम बचत भएका व्यक्तिलाई ‘साना बचतकर्ता’ र सोभन्दा बढी रकम भएकालाई ‘ठूला बचतकर्ता’का रूपमा वर्गीकरण गरेको छ। कुल बचतकर्तामध्ये करिब १८ हजारको बचत पाँच लाखभन्दा माथि रहेको जनाइएको छ। भ...

काठमाडौं । मंगलबार नेपाली बजारमा सुनको मूल्य झण्डै ३ हजार ८ सय रुपैयाँले घटेको छ। सोमबार प्रतितोला २ लाख ९४ हजार ८ सय रुपैयाँमा कारोबार भएको सुन आज २ लाख ९१ हजार रुपैयाँमा झरेको हो, जसको जानकारी नेपाल सुनचाँदी व्यवसायी महासंघ ले दिएको छ। चाँदीको मूल्यमा पनि गिरावट देखिएको छ। सोमबार ५ हजार ३० रुपैयाँ रहेको चाँदी आज ४ हजार ८८० रुपैयाँमा कारोबार भइरहेको छ, अर्थात् प्रतितोला १ सय ५० रुपैयाँले कमी आएको छ।...

अविरल वर्षापछि रोशी खोलामा पानीको सतह बढ्दा बीच धारमा फसेका सवारी साधनका ८९ यात्रुको सकुशल उद्धार गरिएको छ। उद्धार कार्यमा नेपाल प्रहरी, सशस्त्र प्रहरी बल र नेपाली सेनाको संयुक्त टोली खटिएको थियो। प्रहरीका अनुसार सोमबार साँझ पूर्वबाट काठमाडौँतर्फ आउँदै गरेका पाँच वटा ईभी हाईस खोलामा फसेका थिए। बा ४ ख ५२६१, बा ४ ख ६३५५, बा ५ ख ३१५८, बाग्मती प्रदेश ०१–००६ ख ७५९६ र बाग्मती प्रदेश ०८–००१ ख ००७७ नम्बरका ती सवारी साधनहरू बाढीका कारण बीच धारमै अड्किएका थिए। रोप रेस्क्यु सम्भव नभएपछि र्‍याफ्ट प्रयोग गरी ‘रिभर क्रसिङ’ विधिबाट ६ बालबालिकासहित ३५ महिला र ४८ पुरुषलाई मध्यरातमा सुरक्षित उद्धार गरिएको सशस्त्र प्रहरी बलका सहायक प्रवक्ता शैलेन्द्र थापाले जानकारी दिएका छन्। सवारी साधन भने घटनास्थलमै रहेका छन्। यसै क्रममा जोखिम हुँदाहुँदै लापरबाहीपूर्वक सवारी चलाएका पाँचै सवारीका चालकलाई प्रहरीले न...

काठमाडौँ । नेपाल सरकारले सीमावर्ती भारतीय बजारबाट बिना भन्सार सामान भित्र्याउने कार्यमा कडाइ गरेसँगै रुपन्देही क्षेत्रका उद्योग–व्यवसायहरू पुनः चलायमान हुन थालेका छन्। घरायसी प्रयोजनको नाममा भारतबाट १०० रुपैयाँभन्दा बढी मूल्यका सामान ल्याउँदा अनिवार्य भन्सार तिर्नुपर्ने व्यवस्था प्रभावकारी रूपमा लागू भएपछि सुनौली नाका आसपासका नेपाली व्यापारीहरूले खुसी व्यक्त गरेका छन्। यसअघि सामान्य किनमेलका लागि पनि भारतीय बजारतर्फ जाने प्रवृत्तिका कारण नेपाली बजार सुनसान हुनुका साथै राजस्वमा समेत गिरावट आएको थियो। हाल पारिबाट ल्याइने सामानमा भन्सार लाग्न थालेपछि ती वस्तु महँगा पर्न गएका छन्, जसका कारण उपभोक्ताहरू स्वदेशी बजारतर्फ आकर्षित हुन थालेका छन्। यसले स्थानीय व्यापार प्रवर्द्धनमा सकारात्मक प्रभाव पारेको व्यवसायीहरूको भनाइ छ। उद्योगी–व्यवसायीहरूले यस कदमलाई तस्करी नियन्त्रणतर्फ प्रभावकारी ...

काठमाडौं । जल तथा मौसम विज्ञानसम्बन्धी निकायले हाल सक्रिय वर्षा प्रणाली पूर्वतिर सर्दै गएको जनाउँदै देशका विभिन्न भागमा हुरीबताससहित वर्षा भइरहेको जनाएको छ। यसको प्रभाव काठमाडौं उपत्यकासहित बागमती र मधेश प्रदेशका अधिकांश क्षेत्रमा देखिन थालेको छ। मौसमविद्का अनुसार कर्णाली र लुम्बिनी प्रदेशका विभिन्न जिल्लामा अहिले हुरीबतास, मेघगर्जन र चट्याङसहित मध्यम वर्षा भइरहेको छ। पश्चिमी भू–भागबाट सुरु भएको प्रणाली क्रमशः पूर्वतिर सर्दै बागमती र मधेश प्रदेशसम्म फैलिएको हो। हुरीबतासको गति करिब ४० किलोमिटर प्रतिघण्टासम्म पुग्न सक्ने र केही स्थानमा दुई घण्टासम्म यसको प्रभाव रहने अनुमान गरिएको छ। आज विशेषगरी केही क्षेत्रमा भारी वर्षा हुने सम्भावना रहेको छ भने साँझपछि वर्षाको तीव्रता केही कम हुने बताइएको छ। यद्यपि, आगामी केही दिनसम्म देशभर मौसम अस्थिर रहने पूर्वानुमान गरिएको छ। हाल नेपालको मौसममा ...

काठमाडौँ– नवलपरासी (बर्दघाट–सुस्तापूर्व) गैंडाकोटस्थित भृकुटी कागज कारखानामा कार्यरत ३३३ जना श्रमिकले १६ वर्षदेखि तलब नपाएको गुनासो गरेका छन्। सोमबार सफा सुन्दर हरियाली गैँडाकोट निरन्तर शनिवार अभियानले प्रधानमन्त्री तथा मन्त्रिपरिषद् कार्यालयमा ज्ञापनपत्र बुझाउँदै १६ वर्षदेखिको बाँकी तलब तत्काल भुक्तानी गर्न माग गरेको हो। प्रधानमन्त्रीलाई सम्बोधन गरिएको पत्रमा श्रमिकहरूको करिब ४० करोड रुपैयाँ भुक्तानी बाँकी रहेको उल्लेख गर्दै सो रकम शीघ्र उपलब्ध गराउन आग्रह गरिएको छ। त्यस्तै, गैँडाकोट नगरपालिका क्षेत्रमा रहेको करिब ६० बिघा जग्गालाई उचित व्यवस्थापन गरी कृषि, उद्योग वा नमुना व्यवस्थित बजारका रूपमा विकास गर्न स्पष्ट योजना बनाएर कार्यान्वयन गर्न पनि माग गरिएको छ। ज्ञापनपत्रमा निजी क्षेत्र (गोल्छा समूह)लाई हस्तान्तरण गरिएको उक्त कारखाना हाल खण्डहर अवस्थामा पुगेको उल्लेख छ। कारखाना क...

काठमाडौं । सम्पत्ति शुद्धीकरण अनुसन्धान विभागले बागमती प्रदेशका मुख्यमन्त्री इन्द्रबहादुर बानियाँसँग सम्बन्धित विभिन्न स्थानमा छापा मारेको छ । विभागले अवैध सम्पत्ति आर्जन तथा सम्पत्ति लुकाएको आशंकामा सोमबार कारबाही अघि बढाएको स्रोतले जनाएको छ । छापाका क्रममा हेटौंडा सानोपोखरास्थित बानियाँ निर्माण सेवा (बीएनएस) कम्पनी, त्यहीँ रहेको उनको निजी निवास तथा काठमाडौंको नक्साल र सुन्धारास्थित कार्यालयमा समेत टोली पुगेको बताइएको छ । अनुसन्धानका क्रममा केही कागजात तथा अन्य प्रमाणहरू संकलन गरिएको र सर्जिमिन मुचुल्का तयार पारिएको जनाइएको छ ।...

काठमाडौं । अनामनगरस्थित धोबिखोला कोरिडोर क्षेत्रमा निर्माण गरिएको चर्चित ‘भाइरल’ साततले घर अन्ततः प्रशासनले भत्काएको छ। सार्वजनिक जग्गा अतिक्रमण गरी मापदण्डविपरीत संरचना बनाइएको निष्कर्षसहित आइतबार डोजर प्रयोग गरेर उक्त भवन हटाइएको हो। घरधनी पक्षले भने आफूहरूसँग जग्गाधनी प्रमाणपत्र (लालपूर्जा) र नक्सापास रहेको दाबी गर्दै आएका थिए। घरधनी इन्द्र चाम्लिङ—जो श्रम संस्कृति पार्टीसँग आवद्ध नेता हुन्—ले घर भत्काइनुअघि आफ्नी छोरीको नाममा रहेको लालपूर्जा र नक्सापास कागजात घरबाहिर टाँसेर विरोध जनाएका थिए। शनिबार नै भत्काउने तयारी भए पनि घरधनीको दाबीपछि स्थानीय प्रशासनले एक दिन थप अध्ययन गरेको थियो। तर अध्ययनपछि नक्सापासभन्दा बाहिर गई सार्वजनिक क्षेत्रसमेत समेटेर संरचना निर्माण गरिएको पुष्टि भएपछि भत्काउने निर्णय गरिएको जनाइएको छ। घर भत्काउने क्रममा धोबिखोला किनारमा सर्वसाधारणको ठूलो भीड लाग...