Breaking News 1

कोहलपुरमा महिला, बालबालिका तथा ज्येष्ठ नागरिक सेवा केन्द्रको नयाँ भवन उद्घाटन कोहलपुर ।युनाइटेड किङडमको विदेश, राष्ट्रमण्डल तथा विकास कार्यालय (UK FCDO) को सहयोगमा ईलाका प्रहरी कार्यालय, कोहलपुर परिसरमा नव–निर्मित महिला, बालबालिका तथा ज्येष्ठ नागरिक सेवा केन्द्रको भवन उद्घाटन गरिएको छ। संयुक्त राष्ट्र परियोजना सेवा कार्यालय (UNOPS) मार्फत योजना कार्यान्वयन भई निर्माण सम्पन्न उक्त भवनको उद्घाटन प्रहरी महानिरीक्षक (प्र.म.नि.) दान बहादुर कार्कीले गर्नुभयो। उद्घाटन समारोहमा प्रहरी महानिरीक्षक कार्कीले महिला, बालबालिका तथा ज्येष्ठ नागरिक लक्षित सेवा केन्द्रले पीडितमैत्री वातावरणमा सेवा प्रवाह गर्न महत्वपूर्ण भूमिका खेल्ने विश्वास व्यक्त गर्नुभयो। उहाँले मानव अधिकारमैत्री र संवेदनशील सेवा प्रवाहमा नेपाल प्रहरी प्रतिबद्ध रहेको उल्लेख गर्नुभयो। नव–निर्मित सेवा केन्द्रबाट घरेलु हिंसा, लैङ्ग...

बुढानीलकण्ठ–१३ मा आगलागी, २४ परिवार विस्थापित काठमाडौं, २१ माघ । काठमाडौंको बुढानीलकण्ठ नगरपालिका–१३ स्थित चुनीखेल नयाँबस्तीमा मंगलबार राति आगलागी हुँदा २४ परिवार विस्थापित भएका छन्। आगलागीबाट २४ कोठा बराबरका टहरा पूर्ण रूपमा जलेर नष्ट भएका छन्। मंगलबार राति करिब पौने ११ बजे सुरु भएको आगो सवा १ बजे काठमाडौं महानगरपालिका, बुढानीलकण्ठ नगरपालिका तथा टोखा नगरपालिकाका दमकलको संयुक्त प्रयासमा नियन्त्रणमा लिइएको थियो। आगलागी भएको स्थानबाट सात जनालाई सुरक्षित रूपमा उद्धार गरिएको छ। वडा अध्यक्ष टिकानारायण श्रेष्ठका अनुसार उक्त टहरामा विभिन्न जिल्लाबाट आएका नागरिकहरू भाडामा बस्दै आएका थिए। आगलागीपछि सबै २४ परिवार घरबारविहीन बनेका छन्। विस्थापित परिवारहरूलाई नजिकैका अन्य टहरामा अस्थायी रूपमा बसोबासको व्यवस्था गरिएको छ। साथै, आज खाद्यान्न, लत्ताकपडा लगायतका राहत सामग्री उपलब्ध गराउने तयारी भइरहेको...

मौसमले साथ नदिए हिमाली जिल्लामा दोस्रो चरणमा निर्वाचन : प्रधानमन्त्री कार्की नवलपरासी (बर्दघाट–सुस्तापूर्व) — प्रधानमन्त्री सुशीला कार्कीले मौसम प्रतिकूल भएमा हिमाली जिल्लामा दोस्रो चरणमा निर्वाचन गराउन सकिने स्पष्ट पारेकी छन्। नवलपरासीको कावासोती नगरपालिका–१, हात्तिखोरमा आयोजित राष्ट्रिय सेवा दलको तालिम समापन कार्यक्रममा सहभागी भई सञ्चारकर्मीसँग कुराकानी गर्दै प्रधानमन्त्री कार्कीले निर्वाचन सफल बनाउन सरकारले आवश्यक सबै सहयोग गर्ने बताइन्। उनले भनिन्, “विशेषगरी हिमाली जिल्लामा मौसम अनुकूल नभए निर्वाचन दोस्रो चरणमा गराउने तयारीमा सरकार रहन्छ।” कम मतदाता रहेका दुर्गम स्थानमा सवारीसाधनको प्रयोग गरी मतदाता ओसारेर भए पनि निर्वाचन सम्पन्न गराइने प्रधानमन्त्रीको भनाइ थियो। तर, सबै प्रयास असफल हुने असाधारण अवस्थामा मात्र दोस्रो चरणमा निर्वाचनको विकल्प अपनाइने उनले स्पष्ट पारिन्। प्रधानमन्त्र...

धर्मगुरु पुष्पराज पुरुषद्वारा राप्रपाको निर्वाचन कार्यालय उद्घाटन, तनहुँ तनहुँ, माघ १९। राष्ट्रिय प्रजातन्त्र पार्टी (राप्रपा)ले तनहुँ क्षेत्र नम्बर १ र २ मा सञ्चालनमा ल्याएको निर्वाचन परिचालन कार्यालय सोमबार हिन्दू धर्मका गुरु पुष्पराज पुरुषले उद्घाटन गर्नु भएको छ। गुरु पुष्पराज पुरुष हिन्दू धर्मको संरक्षणका लागि विभिन्न सामाजिक र धार्मिक गतिविधिमा सक्रिय रहेका व्यक्ति हुन्। उद्घाटन समारोहमा स्थानीय नेता, समर्थक र पत्रकारहरूको उल्लेखनीय उपस्थिति रहेको थियो। उद्घाटन अवसरमा बोल्दै पुष्पराज पुरुषले अहिले सनातन धर्ममाथि चुनौती बढेको भन्दै राप्रपाका उम्मेदवारलाई विजयी बनाउन जरुरी भएको बताए। उनले विदेशी प्रभावले हिन्दू धर्ममाथि आक्रमण सुरु गरेको आरोप लगाउँदै, धर्मको रक्षाका लागि मतदातालाई सचेत हुन आह्वान गरे। तनहुँ क्षेत्र नम्बर १ का उम्मेदवार अभिषेक जोशीले देवघाट, वेदव्यास जन्मस्थान र भानु...

भालुवाङमा ‘किचन मार्ट’ सञ्चालनमा: मोहन इलेक्ट्रिक सेन्टरको नयाँ शाखा भालुवाङ, प्युठान । मोहन इलेक्ट्रिक सेन्टरको नयाँ शाखा ‘किचन मार्ट’ भालुवाङ पुलचोक, प्युठान जाने सडकमा औपचारिक रूपमा सञ्चालनमा आएको छ। उद्घाटन समारोह राप्ती उद्योग वाणिज्य संघका अध्यक्ष सुरज खड्काले गर्नु भएको थियो। उद्घाटन कार्यक्रममा स्थानीय व्यापारी, व्यवसायी, पत्रकार र समाजसेवीको उल्लेखनीय उपस्थिति रहेको थियो। शाखा सञ्चालनकर्ता मोहन आचार्य का अनुसार नयाँ शाखामा किचनमा आवश्यक पर्ने आधुनिक सामग्रीदेखि विभिन्न प्रकारका इलेक्ट्रिक सामानसम्म एकै ठाउँमा उपलब्ध गराइनेछ। उनले ग्राहकको सुविधा र आवश्यकतालाई मध्यनजर गर्दै गुणस्तरीय सामान उचित मूल्यमा उपलब्ध गराउने उद्देश्यले शाखा खोलेको जानकारी दिनुभयो। कार्यक्रममा बोल्दै अध्यक्ष सुरज खड्काले स्थानीय बजारमा गुणस्तरीय सेवा विस्तार हुनु सकारात्मक रहेको उल्लेख गर्दै यस पहलले उपभ...

🔴 बालेन शाहले नेपाली फेसबुकमा बनाए नयाँ इतिहास काठमाडौं । प्रधानमन्त्री तथा झापा–५ बाट सांसदका उम्मेदवार बालेन शाहले नेपाली फेसबुक प्रयोगकर्तामाझ नयाँ कीर्तिमान कायम गरेका छन्। उनले हालसम्म ३४ लाख ९२ हजार १०७ जना फलोअर्स जोड्दै सबै नेपालीमध्ये सर्वाधिक फेसबुक फलोअर्स हुने व्यक्तिको रेकर्ड बनाएका हुन्। बालेन शाहको फेसबुक पेजमा ९८ प्रतिशत रिकमेन्डेसन देखिएको छ भने साढे ११ हजारभन्दा बढी रिभ्यु प्राप्त भएका छन्। सामाजिक सञ्जालमा प्राप्त यो लोकप्रियता अहिलेसम्म कुनै पनि नेपाली व्यक्तिको नाममा नदेखिएको उल्लेखनीय उपलब्धि मानिएको छ। राजनीतिक गतिविधि, सामाजिक मुद्दामा स्पष्ट धारणा र युवामाझ प्रभावशाली उपस्थितिका कारण बालेन शाह सामाजिक सञ्जालमा विशेष आकर्षणको केन्द्र बन्दै आएका छन्। 🔴 सिंहदरबार पुनर्निर्माण: यही वर्षदेखि काम सुरु हुने काठमाडौं । जेन–जी आन्द...

        काठमाडौं । जेन–जी आन्दोलनका क्रममा भदौ २४ गते भएको आगलागीबाट क्षति पुगेको सिंहदरबारको मूल भवनसहित परिसरभित्रका अन्य संरचनाको पुनर्निर्माण कार्य यही वर्षदेखि सुरु हुने भएको छ। आगलागीका कारण ऐतिहासिक तथा प्रशासनिक महत्व बोकेका विभिन्न भवनमा भौतिक क्षति पुगेपछि सरकारले पुनर्निर्माणलाई प्राथमिकतामा राख्दै प्रक्रिया अघि बढाएको हो। सम्बन्धित निकायका अनुसार विस्तृत प्राविधिक मूल्याङ्कन सम्पन्न भइसकेको छ भने संरक्षण, मर्मत तथा पुनर्निर्माणका काम चरणबद्ध रूपमा अघि बढाइनेछ। पुनर्निर्माणका क्रममा सिंहदरबारको मौलिक स्वरूप जोगाउँदै आधुनिक सुरक्षा मापदण्ड अपनाइने जनाइएको छ। आगलागी नियन्त्रण प्रणाली, संरचनागत मजबुती र सरकारी सेवा सञ्चालनमा असर नपर्ने गरी काम अघि बढाइने सरकारको तयारी छ। सरकारले यस वर्षभित्रै पुनर्निर्माण कार्यलाई तीव्रता दिई सिंहदरबार प...

विराटनगर, माघ २० । मोरङको रंगेली नगरपालिका–५ मा एक युवकले श्रीमतीको हत्या गरी आफैंमाथि चक्कु प्रहार गर्दा दुवैको मृत्यु भएको छ। प्रहरीका अनुसार मंगलबार बिहान करिब २ः४५ बजे रंगेली–५ धनपट्टीस्थित ससुराली घरमा २१ वर्षीय मुकेशकुमार मण्डलले २१ वर्षीया पत्नी अम्बिकाकुमारी मण्डलमाथि चक्कु प्रहार गरेका थिए। श्रीमतीको घटनास्थलमै मृत्यु भएपछि उनले सोही चक्कुले आफ्नै घाँटीमा प्रहार गर्दा उनको पनि ज्यान गएको हो। मोरङ प्रहरीका डीएसपी लीलाराज लामिछानेका अनुसार घटनाबारे थप अनुसन्धान भइरहेको छ।...

हेटौंडा । मकवानपुरको थाहा नगरपालिका–९, चित्लाङमा सोमबार राति एक वयस्क पोथी चितुवा मृत अवस्थामा फेला परेको छ। चित्लाङस्थित महालक्ष्मी खोलाको किनारमा चितुवा मृत अवस्थामा भेटिएको हो। इलाका प्रहरी कार्यालय चित्लाङका प्रहरी सहायक निरीक्षक दिननाथप्रसाद यादवका अनुसार करिब ३९ केजी तौलको चितुवाको मुखबाट रगत बगिरहेको अवस्थामा फेला परेको थियो। प्रारम्भिक रूपमा चितुवाहरू आपसमा जुध्दा मृत्यु भएको हुन सक्ने अनुमान गरिएको छ। प्रहरीका अनुसार चितुवा करिब ४ वर्ष उमेरको र १७० सेन्टिमिटर लम्बाइको रहेको छ। मार्गिन सामुदायिक वन उपभोक्ता समूहका अध्यक्ष सानुकाजी श्रेष्ठ, स्थानीय जनप्रतिनिधि तथा स्थानीयवासीहरूको रोहबरमा चितुवालाई चित्लाङस्थित गोदाम चौरमा लगेर व्यवस्थापन गरिएको जिल्ला प्रहरी कार्यालय मकवानपुरका प्रहरी नायब उपरीक्षक एवं प्रवक्ता पुस्कर बोगटीले जानकारी दिए। घटनास्थल इलाका प्रहरी कार्यालय चित...

काठमाडौँ । स्वास्थ्य तथा जनसङ्ख्या मन्त्रालयले निपाह भाइरससम्बन्धी सम्भावित जनस्वास्थ्य जोखिमप्रति सतर्क रहन सर्वसाधारणलाई आग्रह गरेको छ। मन्त्रालयले नागरिकको स्वास्थ्य सुरक्षाका लागि सरकार पूर्ण रूपमा प्रतिबद्ध रहेको स्पष्ट पारेको छ। केही देशमा निपाह भाइरसका घटना देखिएको सन्दर्भ उल्लेख गर्दै मन्त्रालयले आवश्यक सबै पूर्वतयारीका कदम चालिरहेको जनाएको छ। यसैक्रममा सबैलाई आतङ्कित नहुन, तर सचेत, सजग र जिम्मेवार बन्न अनुरोध गरिएको छ। विश्व स्वास्थ्य सङ्गठन (डब्ल्यूएचओ) ले विश्वव्यापी तथा दक्षिण–पूर्वी एसिया क्षेत्रमा निपाह भाइरसको जनस्वास्थ्य जोखिम न्यून रहेको मूल्याङ्कन गरे पनि छिमेकी मुलुकमा देखिएका घटनालाई ध्यानमा राखी आवश्यक सतर्कता अपनाइएको मन्त्रालयको भनाइ छ। मन्त्रालयअन्तर्गतको इपिडिमियोलोजी तथा रोग नियन्त्रण महाशाखाले देशभरका स्वास्थ्य संस्था र निकायलाई सचेत गराइसकेको र निपाह भा...