Breaking News 1

काठमाडौँ । अमेरिकाको लस एन्जलस बाट एक चर्चित गायक हत्या आशंकामा पक्राउ परेका छन्। प्रहरीले स्टेज नाम ‘डिफोरभिड’ बाट चिनिने डेभिड एन्थोनी बर्क लाई बिहीबार साँझ करिब ४:३० बजे हलिउड क्षेत्रबाट नियन्त्रणमा लिएको जनाएको छ। प्रहरीका अनुसार १४ वर्षीया सेलेस्टे रिभास हर्नान्डेज को शव गायककै टेस्ला कारभित्र सडेको अवस्थामा फेला परेको थियो। उक्त सवारीसाधन ‘हलिउड टो’ नामक स्थानमा सेप्टेम्बर ८, २०२५ देखि पार्किङ गरिएको अवस्थामा थियो। दुर्गन्ध आएपछि स्थानीयले जानकारी गराएपछि प्रहरीले अनुसन्धान सुरु गरेको थियो। सेलेस्टे सन् २०२४ मा इन्ल्यान्ड एम्पायर क्षेत्र बाट हराएकी थिइन्। त्यसयता उनको अवस्थाबारे कुनै जानकारी थिएन। शव फेला पर्नु एक दिनअघि मात्र उनको १५औँ जन्मदिन परेको थियो। प्रहरीले बर्कलाई हाल बिना जमानत हिरासतमा राखेको जनाएको छ। यो मुद्दा सोमबार लस एन्जलस काउन्टी जिल्ला न्यायाधिवक्ताको कार्...

काठमाडौं । नेपालका विभिन्न जिल्लामा सुन चोरीमा संलग्न रहेको आरोपमा दुई महिला र दुई पुरुषसहित चार पाकिस्तानी नागरिक पक्राउ परेका छन्। जिल्ला प्रहरी कार्यालय कपिलवस्तुका प्रहरी नायब उपरीक्षक रिपेन्द्रकुमार सिंहका अनुसार वैशाख १ गते चन्द्रौटाबाट दुई महिला र वैशाख ५ गते त्रिभुवन अन्तर्राष्ट्रिय विमानस्थल बाट दुई पुरुष पक्राउ परेका हुन्। विमानस्थलबाट पक्राउ पर्नेहरू २३ वर्षीय इरफान अली र ४४ वर्षीय सैफर रहमान हुन्। उनीहरूबाट १७,१३६ अमेरिकी डलर, साउदी रियाल ३२५, बंगलादेशी टाका १,६१५, युएई दिराम ५ र मलेसियाली रिंगेट १८५ बरामद गरिएको छ। साथै एक/एक थान इन्फिनिक्स र आइफोन १६ मोबाइलसमेत फेला परेको प्रहरीले जनाएको छ। यसअघि चैत १ गते कपिलवस्तुको चन्द्रौटास्थित सुन पसलमा चोरी गरेको आरोपमा २० वर्षीया बिबी कसलुम र ४१ वर्षीया सबाना पक्राउ परेका थिए। उनीहरूले गहना किन्ने बहानामा पसल प्रवेश गरी सुन च...

सामाजिक सञ्जालमार्फत प्रधानमन्त्री बालेन्द्र शाह र गृहमन्त्री सुधन गुरुङलाई धम्की दिएको आरोपमा एक युवक पक्राउ परेका छन्। काठमाडौँ उपत्यका अपराध अनुसन्धान कार्यालयले धम्कीपूर्ण अभिव्यक्ति सार्वजनिक गरेको आरोपमा बझाङ जिल्लाको थलरा गाउँपालिका–४, मयलका साजन बिष्ट (सानु भाइ) लाई नियन्त्रणमा लिएको जनाएको छ। प्रहरीका अनुसार उनले ‘सानु भाइ’ नामक फेसबुक खाताबाट पूर्वप्रधानमन्त्री केपी शर्मा ओली, पूर्वगृहमन्त्री रमेश लेखक र पूर्वमन्त्री दीपक खड्कालाई तत्काल रिहा गर्न माग गर्दै अन्यथा प्रधानमन्त्री र गृहमन्त्रीलाई गोली हान्न बाध्य हुने जस्ता धम्कीपूर्ण अभिव्यक्ति सार्वजनिक गरेका थिए। उक्त सामग्रीमार्फत उनले एके–४७ जस्ता अत्याधुनिक हतियार काठमाडौँ भित्रिइसकेको दाबी गर्दै त्रास फैलाउने प्रयास गरेका थिए। धम्कीपूर्ण भिडिओ सार्वजनिक गरेपछि खोजतलासको क्रममा उनलाई वैशाख ५ गते काठमाडौँको सिनामंगलबाट...

काठमाडौँ । देशका अधिकांश भूभागमा तापक्रम तीव्र रूपमा बढ्दै गएको छ। विशेषगरी तराई क्षेत्रमा तातो हावा (लु) चल्ने सम्भावना उच्च रहेको जल तथा मौसम विज्ञान विभागले जनाएको छ। विभागका अनुसार कपिलवस्तुमा अधिकतम तापक्रम ४१ डिग्री सेल्सियस र बाँकेमा ३९ डिग्री सेल्सियस पुगेको छ। मधेस प्रदेशसहित बागमती, गण्डकी, लुम्बिनी र सुदूरपश्चिम प्रदेशका तराई तथा उपत्यका र खोँच क्षेत्रहरूमा अत्यधिक गर्मी महसुस गरिएको छ। मौसमविद्हरूका अनुसार बुधबारसम्म तराईका अधिकांश क्षेत्रमा ‘लु’ को अवस्था कायम रहने सम्भावना छ। लुम्बिनी प्रदेशको पश्चिमी क्षेत्र, नेपालगञ्ज र सुदूरपश्चिमका तराई जिल्लाहरूमा जोखिम अझ बढी रहेको उल्लेख गरिएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणले समयमै सावधानी अपनाउन आग्रह गरेको छ। प्राधिकरणका अनुसार चिसो वातावरण कायम गर्ने, पर्याप्त पानी पिउने, बालबालिका, वृद्धवृद्धा...

काठमाडौँ । राष्ट्रिय प्रजातन्त्र पार्टी (राप्रपा)का सांसद ज्ञानेन्द्र शाहीले सिट संख्या कम भए पनि संसद्‌मा मौन नबस्ने र सुशासन तथा जनजीविकाका विषयमा दृढताका साथ आवाज उठाउने बताएका छन् । नयाँ सांसदहरूलाई बधाई दिन राप्रपाले सोमबार काठमाडौँमा आयोजना गरेको कार्यक्रममा बोल्दै उनले संसद्‌मा आफ्नो दलको उपस्थिति सीमित भए पनि एजेन्डामुखी र प्रभावकारी भूमिका रहने स्पष्ट पारे । ‘हामीसँग संसद्‌मा ५ सिट मात्र छन्, तर हामी चुप लागेर बस्दैनौं,’ शाहीले भने, ‘रोस्ट्रमबाट जनताका मुद्दा उठाउँछौं, भ्रष्टाचारविरुद्ध आवाज बुलन्द गर्छौं र जनजीविकाका सवाललाई निरन्तर उठाइरहन्छौं ।’ उनले सरकारद्वारा सुशासनका पक्षमा चालिएका सकारात्मक कदमहरूको समर्थन गर्ने उल्लेख गर्दै सीमा क्षेत्रमा देखिएका व्यवहारप्रति भने आपत्ति जनाए । ‘पूजाआजाका लागि सानो परिमाणमा सामान ल्याउने सर्वसाधारणमाथि कुटपिट भएको छ, जुन गलत अभ...

काठमाडौं — सम्पत्ति शुद्धीकरण मुद्दामा मुछिएका व्यवसायीसँग सम्बन्धित कम्पनीमा प्रत्यक्ष लगानी देखिएपछि गृहमन्त्री सुधन गुरुङमाथि राजीनामाको दबाब तीव्र बनेको छ। यही सन्दर्भमा उनी आइतबार राति रवि लामिछानेलाई भेट्न बूढानीलकण्ठस्थित निवास पुगेका छन्। भट्टसम्बद्ध ‘स्टार माइक्रो इन्स्योरेन्स’ कम्पनीमा गुरुङले आफ्नै नाममा शेयर लिएको कागजात सार्वजनिक भएसँगै विवाद चुलिएको हो। अनुसन्धानको दायरामा रहेको कम्पनीमा स्वयं गृहमन्त्रीको संलग्नता देखिँदा निष्पक्ष अनुसन्धान प्रभावित हुन सक्ने भन्दै सत्तारूढ दलभित्रैबाट राजीनामाको माग उठ्न थालेको छ। सुरक्षास्रोतका अनुसार गुरुङ बेलुकी करिब ८ बजे लामिछाने निवास पुगेका थिए र राति १० बजेतिर त्यहाँबाट बाहिरिएका थिए। भेटका क्रममा परिवारका सदस्य वा अन्य पार्टी सहकर्मीको उपस्थिति नरहेको जनाइएको छ। रास्वपा स्रोतले दिएको जानकारीअनुसार गुरुङले प्रधानमन्त्री बाल...

जनकपुरधाम — मधेस प्रदेश सरकारकी शिक्षा तथा संस्कृतिमन्त्री रानी शर्मा तिवारीले वर्तमान समयअनुसार शिक्षालाई व्यावहारिक, प्रविधिमैत्री र समयानुकूल बनाउनुपर्ने आवश्यकता औँल्याउनुभएको छ। जनकपुरधामस्थित याज्ञवल्क्य संस्कृत माध्यमिक विद्यालय, ज्ञानकूपको ११७औँ वार्षिकोत्सव समारोहलाई सम्बोधन गर्दै उहाँले गुणस्तरीय शिक्षाले मात्र समाजमा सकारात्मक परिवर्तन सम्भव हुने बताउनुभयो। मन्त्री तिवारीले विद्यालय तहबाटै अनुशासन, नैतिकता र सीपमूलक ज्ञानको विकास गर्नुपर्नेमा विशेष जोड दिनुभयो। उहाँका अनुसार मधेस प्रदेश सरकारले शिक्षाको पहुँच विस्तार, छात्रवृत्ति वितरण तथा शैक्षिक पूर्वाधार विकासलाई प्राथमिकतामा राखेर काम गरिरहेको छ। कार्यक्रममा शिक्षा विकास तथा समन्वय इकाइका प्रमुख चेतकुमार पोखरेलले शैक्षिक गुणस्तर सुधारका लागि शिक्षक, अभिभावक तथा सम्बन्धित सरोकारवालाबीच प्रभावकारी समन्वय अपरिहार्य रहे...

अमेरिकाको लुइसियाना राज्यस्थित श्रेभपोर्ट सहरमा भएको भीषण गोलीकाण्डमा आठ बालबालिकासहित नौ जनाको ज्यान गएको छ। घटनालाई यस वर्ष अमेरिकामा भएका सबैभन्दा गम्भीर सामूहिक गोलीकाण्डमध्ये एक मानिएको छ। स्थानीय समयअनुसार आइतबार बिहान करिब ६ बजे वेस्ट ७९औँ स्ट्रिटको ३०० ब्लक क्षेत्रमा यो घटना भएको हो। प्रहरीले ३१ वर्षीय शमार एल्किन्सलाई घटनाको मुख्य आरोपीका रूपमा नियन्त्रणमा लिएको जनाएको छ। प्रहरीका अनुसार आक्रमण घरेलु विवादसँग सम्बन्धित देखिएको छ। प्रारम्भिक विवरणअनुसार सात बालबालिकालाई घरभित्रै गोली हानिएको थियो भने एक बालक भाग्ने क्रममा छततर्फ जाँदा गोली लागेर मृत्यु भएको हो। घटनामा असल्ट–स्टाइल हतियार प्रयोग भएको बताइएको छ। मृतक बालबालिकाको उमेर तीनदेखि ११ वर्षसम्म रहेको छ। उनीहरू सबै एकै परिवारका तथा आफन्त समूहका सदस्य भएको प्रहरीले जनाएको छ। घटनामा १३ वर्षीय एक बालक घाइते भएका छन्,...

जेनजी मुभमेन्ट नेपालले गृहमन्त्री सुधन गुरुङमाथि उठेका गम्भीर आरोपहरूको निष्पक्ष छानबिन सुनिश्चित गर्न उनलाई तत्काल पदबाट बर्खास्त गर्न सरकारसँग माग गरेको छ। मुभमेन्टका प्रवक्ता विजय शाहद्वारा सोमबार जारी गरिएको प्रेस विज्ञप्तिमा, मन्त्री पदमा रहँदा अनुसन्धान प्रक्रिया प्रभावित हुने र यसले स्वार्थको द्वन्द्व सिर्जना गर्ने स्पष्ट देखिएको उल्लेख गरिएको छ। विज्ञप्तिमा भनिएको छ कि आफ्नैविरुद्धको छानबिन प्रक्रियामा पदमा रहिरहनु आधारभूत नैतिकता र कानुनी सिद्धान्तविपरीत हुने भएकाले निष्पक्ष न्यायका लागि गृहमन्त्रीको राजीनामा वा बर्खास्ती आवश्यक छ। मुभमेन्टले मन्त्री नियुक्ति र हटाउने विषयलाई राजनीतिक खेल नबनाउन पनि बालेन शाह नेतृत्वको सरकारलाई आग्रह गरेको छ। क्याबिनेटमा हुने नियुक्तिहरू गम्भीर राजनीतिक तथा नैतिक जिम्मेवारी भएको भन्दै नेतृत्वले परिपक्वता, जवाफदेहिता र दूरदर्शिता देखाउनुपर...

काठमाडौँ । नेपाली विद्यार्थी आन्दोलन अहिले गम्भीर आत्मसमीक्षा, संरचनात्मक सुधार र आफ्नो अस्तित्व जोगाउने चुनौतीपूर्ण मोडमा प्रवेश गरेको छ। विश्वविद्यालयहरूबाट विद्यार्थी संगठन र तिनका कार्यालय हटाउने सरकारको तयारीप्रति विभिन्न राजनीतिक दलसम्बद्ध विद्यार्थी नेताहरूले आपत्ति जनाएका छन्। उनीहरूले यसलाई विद्यार्थी आन्दोलनमाथिको वैचारिक प्रहार र प्रशासनिक दबाबमार्फत कमजोर पार्ने प्रयासको रूपमा व्याख्या गरेका छन्। नेपाली कांग्रेसका नेता नैनसिंह महरले परिवर्तनशील समाज र प्रविधिको युगमा पुरानै राजनीतिक शैलीले काम नचल्ने बताए। संयुक्त विद्यार्थी संगठनको कार्यक्रममा बोल्दै उनले पाठ्यक्रमदेखि संगठनको कार्यशैलीसम्म समयअनुसार सुधार आवश्यक रहेको उल्लेख गरे। महरले ३५ वर्षको राजनीतिक अभ्यासको समीक्षा गर्दै युवा पुस्ताको सोच बुझ्न नसक्दा अपेक्षित परिणाम आउन नसकेको स्वीकार गरे। उनले विश्वविद्यालयबाट संगठ...