स्वस्थ्य

काठमाडौं। संघीय मामिला तथा सामान्य प्रशासन मन्त्रालय, सिंहदरबारमा आजदेखि निजामती कर्मचारी अस्पतालको सेवा इकाई सञ्चालनमा आएको छ। मन्त्रालय भवनको तल्लो तलामा स्थापना गरिएको उक्त इकाईमार्फत कर्मचारी तथा सेवाग्राहीले कार्यस्थलमै आधारभूत स्वास्थ्य सेवा पाउने भएका छन्। निजामती कर्मचारीलाई सहज, छिटो र प्रभावकारी स्वास्थ्य सेवा उपलब्ध गराउने उद्देश्यले सेवा इकाई सञ्चालनमा ल्याइएको मन्त्रालयले जनाएको छ। यसबाट स्वास्थ्य सेवाका लागि अस्पतालसम्म पुग्नुपर्ने झन्झट कम हुने विश्वास गरिएको छ। मन्त्रालयका अनुसार निजामती कर्मचारी अस्पतालमा बढ्दो सेवाग्राहीको चाप व्यवस्थापन गर्न पनि मन्त्रालय परिसरमै सेवा इकाई स्थापना गरिएको हो। सेवा इकाईमार्फत कर्मचारी तथा सेवाग्राहीलाई स्वास्थ्य परीक्षण, रगत परीक्षणलगायत आधारभूत स्वास्थ्य सेवा उपलब्ध गराइनेछ।...

नेपाल कम्युनिष्ट पार्टी (एमाले) टोखा नगर कमिटीको आयोजनामा मदन भण्डारीको हिरक जयन्तीको अवसर पारेर आयोजित वृहत् रक्तदान कार्यक्रम टोखा नगरपालिका–७ मा सफलतापूर्वक सम्पन्न भएको छ। “रक्तदान गरौँ, जीवनदान दिऔँ” भन्ने मानवीय सन्देशलाई आत्मसात् गर्दै आयोजित कार्यक्रममा पार्टीका नेता, कार्यकर्ता, स्थानीय जनप्रतिनिधि, समाजसेवी तथा सर्वसाधारणको उत्साहजनक सहभागिता रहेको थियो। कार्यक्रममा नेपाल कम्युनिष्ट पार्टी (एमाले) टोखा नगर कमिटीका अध्यक्ष गोपी पाठक, टोखा नगरपालिका–७ का वडा अध्यक्ष, टोखा नगरपालिका–८ का वडा अध्यक्ष रमेश खत्री, वडा ८ सदस्य अनुप राई, विजय बानियाँ लगायत पार्टीका नेता–कार्यकर्ता, जनप्रतिनिधि, सामाजिक व्यक्तित्व तथा स्थानीयवासीहरूको उल्लेखनीय उपस्थिति रहेको थियो। उपस्थित वक्ताहरूले रक्तदानलाई सबैभन्दा ठूलो मानवीय सेवामध्ये एक भएको उल्लेख गर्दै स्वस्थ व्यक्तिले नियमित रूपम...

आज लागुऔषध दुरुपयोग तथा अवैध ओसारपसारविरुद्धको अन्तर्राष्ट्रिय दिवस विभिन्न जनचेतनामूलक कार्यक्रमका साथ मनाइँदै छ। समाजमा लागुऔषध दुरुपयोगले पारिरहेको गम्भीर असरबारे जनचेतना अभिवृद्धि गर्ने उद्देश्यले प्रत्येक वर्ष जुन २६ मा यो दिवस मनाउने गरिन्छ। राष्ट्रसङ्घको महासभाले सन् १९८७ डिसेम्बर ७ मा प्रस्ताव पारित गरी हरेक वर्ष जुन २६ लाई लागुऔषध दुरुपयोग तथा अवैध ओसारपसारविरुद्धको अन्तर्राष्ट्रिय दिवस का रूपमा मनाउने निर्णय गरेको हो। लागुऔषधमुक्त अन्तर्राष्ट्रिय समाज निर्माण गर्ने लक्ष्यसहित अन्तर्राष्ट्रिय सहकार्य र साझा प्रयासलाई थप सुदृढ बनाउने प्रतिबद्धताका रूपमा यो दिवस मनाइन्छ। संयुक्त राष्ट्रसङ्घका अनुसार पछिल्ला दशकहरूमा विश्वभर लागुऔषधको प्रयोग तथा यसको अवैध बजार दुवै विस्तार हुँदै गएका छन्। विशेषगरी कोकिनको उत्पादन, बरामद र प्रयोगमा उल्लेखनीय वृद्धि भएको छ। साथै, कम लागतमा उत्पादन गर...

टोखा नगरपालिका वडा नं. ११ स्थित माउन्ट रेडियन्ट हाई स्कुल मा आज दुर्व्यसनमुक्त समाज निर्माण गर्ने उद्देश्यका साथ एक विशेष सचेतनामूलक कार्यक्रम भव्य रूपमा सम्पन्न भएको छ। कार्यक्रममा विद्यालयका कक्षा ७, ८, ९ र १० मा अध्ययनरत विद्यार्थीहरूको उत्साहजनक सहभागिता रहेको थियो। कार्यक्रममा एक्सप्रेस टिभी न्युज नेपालका प्रबन्ध निर्देशक कुमार भट्टराई मोटिभेसनल प्रशिक्षकका रूपमा सहभागी भई विद्यार्थीहरूलाई दुर्व्यसनका नकारात्मक असरबारे जानकारी गराएका थिए। उनले युवावस्थामा सही निर्णय, सकारात्मक सोच र असल संगतको महत्वबारे प्रेरणादायी प्रस्तुति दिएका थिए। कार्यक्रममा टोखा नगरपालिका वडा नं. ११ का वडा अध्यक्ष घनश्याम खड्का, विद्यालयका शिक्षकहरू तथा एसपी सरलगायतको विशेष उपस्थिति रहेको थियो। उपस्थित अतिथिहरूले विद्यार्थीहरूलाई अनुशासित, जिम्मेवार र दुर्व्यसनमुक्त जीवनशैली अपनाउन प्रेरित गरेका थिए...

कञ्चनपुर । कञ्चनपुरमा बाघको आक्रमणबाट नाबालकसहित चार जना घाइते भएका छन् । मंगलबार साँझ महेन्द्रनगरबाट बेलडाँडीतर्फ जाँदै गरेको क्रममा शुक्लाफाँटा राष्ट्रिय निकुञ्ज क्षेत्रअन्तर्गत कालिकिच नजिकै बाघले आक्रमण गर्दा उनीहरू घाइते भएका हुन् । कालिकिचबाट करिब दुई किलोमिटर टाढा निकुञ्ज क्षेत्रको हुलाकी सडकमा भएको आक्रमणमा मोटरसाइकल चालक बेलौरी नगरपालिका–९ खजुवाका वीरेन्द्र ठगुन्ना, उनकी श्रीमती कल्पना ठगुन्ना, अढाई वर्षीय छोरा रियान्स र १४ वर्षीया भान्जी आरुसी साहु घाइते भएका छन् । प्रहरीका अनुसार साँझ करिब ७ः३० बजेतिर बाघले मोटरसाइकल चालक ठगुन्नाको हातमा आक्रमण गर्दा सवारी अनियन्त्रित भई दुर्घटना भएको थियो । चालक ठगुन्नाको दाहिने खुट्टा, दुवै हात तथा शरीरका विभिन्न भागमा चोट लागेको छ भने अवस्था सामान्य रहेको जिल्ला प्रहरी कार्यालय कञ्चनपुरले जनाएको छ । श्रीमती र बालक छोराको टाउको, अनुहा...

काठमाडौं । काठमाडौं उपत्यकामा वायु प्रदूषणको स्तर निरन्तर उच्च रहँदा बिहीबारदेखि अवस्था ‘अति अस्वस्थकर’ तहमा पुगेको छ। वायु गुणस्तर मापन सूचकांक (एक्यूआई) शुक्रबार बिहान ९ बजे २३० पुगेको छ, जुन जनस्वास्थ्यका दृष्टिले अत्यन्त जोखिमपूर्ण मानिन्छ। स्वीट्जरल्यान्डमा मुख्यालय रहेको अन्तर्राष्ट्रिय संस्था आईक्यू एयरका अनुसार हाल काठमाडौं विश्वकै सबैभन्दा प्रदूषित सहरको सूचीमा पहिलो स्थानमा रहेको छ। यस सूचीमा भारतको नयाँ दिल्ली १८९ एक्यूआई सहित दोस्रो स्थानमा रहेको देखिएको छ। विश्व स्वास्थ्य संगठन (डब्ल्यूएचओ)का मापदण्डअनुसार २०१ देखि ३०० एक्यूआईलाई ‘अति अस्वस्थकर’ मानिन्छ। काठमाडौंको हालको स्तर यही श्रेणीमा पर्छ, जसले बालबालिका, वृद्धवृद्धा तथा दीर्घरोगीलाई मात्र नभई सबैलाई स्वास्थ्य जोखिममा पार्ने बताइएको छ। मापदण्डअनुसार १०१ देखि १५० एक्यूआईसम्म बालबालिका र संवेदनशील समूहका लागि अस्वस...

काठमाडौं, १० वैशाख । आफूलाई ‘युवा अभियन्ता’ बताउने समूहद्वारा चिकित्सकमाथि दुर्व्यवहार गरिएको घटनाप्रति गम्भीर आपत्ति जनाउँदै नेपाल चिकित्सक संघले दोषीमाथि कडा कारबाहीको माग गरेको छ। संघका अनुसार जुम्लास्थित कर्णाली स्वास्थ्य विज्ञान प्रतिष्ठानमा कार्यरत चिकित्सकमाथि बिना आधार आरोप लगाउँदै अपमानजनक व्यवहार गरिएको हो। प्रतिष्ठान परिसरमै खाजा खाइरहेका चिकित्सकमाथि केही व्यक्तिहरूले दुर्व्यवहार गर्नुका साथै आक्रमणको धम्कीसमेत दिएको जनाइएको छ। उक्त घटनालाई भिडियो खिचेर युट्युब, फेसबुकलगायत सामाजिक सञ्जालमा सार्वजनिक गर्दै अतिरञ्जित रूपमा प्रचार गरिएको संघको भनाइ छ। यसले चिकित्सक तथा स्वास्थ्यकर्मीको प्रतिष्ठामा आँच पुर्‍याएको मात्र नभई समाजमा गलत सन्देश फैलाएको संघले जनाएको छ। ‘संवेदनशील स्वास्थ्य क्षेत्रमा कार्यरत जनशक्तिमाथि आधारहीन आरोप लगाउनु, सामाजिक सञ्जालमार्फत अपमानित गर्नु र ...

काठमाडौं । Kathmandu Medical College (केएमसी) को स्वास्थ्य टोलीले राजधानीको पुरानो बानेश्वरमा निःशुल्क स्वास्थ्य शिविर सञ्चालन गरेको छ। शिविरबाट ६३० जना स्थानीय लाभान्वित भएका छन्। नेपाली कांग्रेसका नेता Sunil Kumar Sharma सँग सम्बद्ध केएमसीको प्राविधिक सहयोगमा Rotary Club of Baneshwor र पुरानो बानेश्वर टोलबासी संस्थाको संयुक्त आयोजनामा शिविर सञ्चालन गरिएको हो। केएमसीका प्रमुख प्रशासकीय अधिकृत नारायणप्रसाद दाहालका अनुसार शिविरमा ६३० जनाको स्वास्थ्य परीक्षण गरिएको थियो। तीमध्ये १०३ जनाको भिडियो एक्स–रे, ७७ जनाको ईसीजी तथा १३० जनाको प्रयोगशाला परीक्षण गरिएको छ। यसैगरी, ५ जनाको दाँत निकालिएको र २४ जनालाई थप उपचारका लागि केएमसीमै रेफर गरिएको जानकारी दिइएको छ। डा. शर्माको नेतृत्वपछि केएमसीले सेवा–सुविधा विस्तारसँगै सामाजिक उत्तरदायित्व कार्यक्रमलाई प्राथमिकता दिँदै देशका विभिन्न स्थ...

काठमाडौँ । नेपालमा औषधि उद्योगको विकास करिब चार दशकअघि सुरु भएको हो। यो क्षेत्रमा हालसम्म उल्लेखनीय प्रगति हुँदै आएको छ र यसले देशको स्वास्थ्य सेवा प्रणालीसँगै अर्थतन्त्रमा पनि महत्वपूर्ण योगदान दिइरहेको छ। हाल नेपाली औषधि उद्योगले प्रत्यक्ष रूपमा १५ हजारभन्दा बढीलाई रोजगारी प्रदान गर्दै आएको छ। साथै, करिब ७० अर्ब रुपैयाँभन्दा बढी बैंकिङ ऋण परिचालन गरेर वित्तीय क्षेत्रलाई समेत सक्रिय बनाइरहेको छ। नेपालको औषधि बजार वार्षिक १ खर्ब रुपैयाँभन्दा बढी रहेको अनुमान छ। भ्याक्सिन र सर्जिकल सामग्री बाहेकको बजारमा नेपाली उद्योगहरूले करिब ५० प्रतिशत हिस्सा ओगटिरहेका छन्। उद्योगीहरूका अनुसार उचित नीति र सहकार्य भए यो हिस्सा अझै विस्तार गर्न सकिने सम्भावना छ। विशेषज्ञहरूका अनुसार ‘कन्ट्रयाक्ट म्यानुफ्याक्चरिङ’ प्रणाली लागू भएमा धेरै आयातित औषधि स्वदेशमै उत्पादन गर्न सकिनेछ। यसले प्रविधि हस्तान्...

काठमाडौँ – सरकारले आजदेखि देशभरिका बालबालिकालाई भिटामिन ‘ए’ क्याप्सुल तथा जुकाविरुद्धको औषधि वितरण सुरु गरेको छ। राष्ट्रिय भिटामिन ‘ए’ कार्यक्रमअन्तर्गत स्वास्थ्य तथा जनसङ्ख्या मन्त्रालयले दुई दिनसम्म यो अभियान सञ्चालन गरिरहेको हो। स्वास्थ्य सेवा विभागका अनुसार छ महिनादेखि ५९ महिनासम्मका करिब २२ लाख बालबालिकालाई भिटामिन ‘ए’ खुवाइँदैछ। साथै, एक वर्षदेखि पाँच वर्षमुनिका करिब २० लाख बालबालिकालाई जुकाविरुद्धको औषधि ‘अलबेन्डाजोल’ पनि प्रदान गरिँदैछ। अभियानलाई प्रभावकारी बनाउन देशभरका स्थानीय तहले पायक पर्ने स्थानमा खोप केन्द्र स्थापना गरेका छन्। कार्यक्रममा करिब ५२ हजार महिला स्वास्थ्य स्वयंसेविका र १५ हजार स्वास्थ्यकर्मी परिचालन गरिएको विभागले जनाएको छ। भिटामिन ‘ए’ को कमीबाट हुने स्वास्थ्य समस्या न्यूनीकरण गर्ने उद्देश्यले यो कार्यक्रम विसं २०५० मा आठ जिल्लाबाट सुरु भई २०५९ सालदेखि देशभर विस्त...