बागमती

राष्ट्रिय स्वतन्त्र पार्टीका सभापति रवि लामिछाने सहकारी ठगी प्रकरणमा संलग्न छन् वा छैनन् भन्ने विषयमा करिब दुई वर्षअघि प्रतिनिधिसभामा तीव्र विवाद भएको थियो। नेपाली कांग्रेस लगायतका दलले उनीमाथि छानबिन हुनुपर्ने माग गरेका थिए भने तत्कालीन एमाले र माओवादी लगायतका दलले संलग्नता नरहेको दाबी गरेका थिए। कांग्रेसले संसदीय छानबिन समिति गठनको माग गर्दै लामो समयसम्म संसद अवरोधसमेत गरेको थियो। अन्ततः एमाले नेता सूर्य थापाको नेतृत्वमा संसदीय छानबिन समिति गठन भई प्रतिवेदन बुझाइएको थियो। सोही प्रतिवेदनका आधारमा सरकारले रवि लामिछानेमाथि सहकारी ठगी सम्बन्धी कसुरमा अनुसन्धान अगाडि बढाएको हो। पोखराको सूर्यदर्शन सहकारी प्रकरणबाट सुरु भएको अनुसन्धान पाँच जिल्लासम्म फैलिएको छ। ती जिल्लाका अदालतहरूले लामिछानेलाई तत्काल निर्दोष भन्न नसकिने ठहर गर्दै धरौटी माग गरेका थिए। धरौटी बुझाएर रिहा भएका लामिछानेलाई सुप्र...

मुस्ताङ — चालु आर्थिक वर्षको सात महिनामा मुस्ताङ जिल्लामा कुल ३ लाख २५ हजार ५५८ जना पर्यटक भित्रिएका छन्। जिल्ला प्रहरी कार्यालयका अनुसार साउनदेखि माघसम्म विदेशी ६९ हजार ८१४ र स्वदेशी दुई लाख ५२ हजार ६६४ पर्यटकले मुस्ताङको भ्रमण गरेका हुन्। प्रहरी तथ्यांकअनुसार राष्ट्रिय गौरवको बेनी–जोमसोम सडकमार्ग हुँदै भित्रिएका पर्यटकमध्ये साउनमा १९ हजार ७८१, भदौमा २३ हजार २०५, असोजमा ७५ हजार ५९९, कात्तिकमा ८३ हजार ७६६, मङ्सिरमा ४९ हजार ५०, पुसमा ३९ हजार १५३ र माघमा ३२ हजार ४ पर्यटक रहेका छन्। गत वर्ष सोही अवधिमा मुस्ताङ भ्रमण गरेका पर्यटक ३ लाख ४० हजार ७२९ थिए। यस आधारमा चालु वर्षमा १८ हजार १७१ जना अर्थात् ५.३३% कम पर्यटक भित्रिएका छन्। जिल्ला प्रहरी कार्यालयका प्रहरी निरीक्षक नवराज न्यौपानेका अनुसार म्याग्दी र मुस्ताङको सिमाना घाँसामा, पोखरा–जोमसोम हवाईमार्ग र मनाङ हुँदै थोरङ्लापास मार्गबाट भ...

नवलपरासी (बर्दघाट सुस्ता पश्चिम) — निर्वाचन प्रचारप्रसारका क्रममा नेपाल कम्युनिस्ट पार्टी (माओवादी) का उम्मेदवार राजु हरिजनमाथि दुर्व्यवहार तथा हातपात गरेको आरोपमा प्रहरीले थप तीन जनालाई पक्राउ गरेको छ। जिल्ला प्रहरी कार्यालय नवलपरासी (बर्दघाट सुस्ता पश्चिम)का अनुसार फागुन ५ गते साँझ बर्दघाट नगरपालिका–१२ जमुनियामा चुनावी अभियानमा रहेका बेला अपरिचित व्यक्तिहरूको समूहले हरिजनमाथि हातपात गरी फरार भएको थियो। प्रारम्भिक सूचना तथा खोजी अभियानका आधारमा इलाका प्रहरी कार्यालय बर्दघाट र अस्थायी प्रहरी पोस्ट भटौलियाको संयुक्त टोलीले अभियुक्तहरूलाई उनीहरूकै घरबाट नियन्त्रणमा लिएको हो। प्रहरी नायव उपरीक्षक तथा सूचना अधिकारी वीर दत्त पन्तका अनुसार फागुन ६ गते राति करिब ११ बजे बर्दघाट नगरपालिका–१३ धनेवा निवासी २२ वर्षीय दिपिन थापा, १९ वर्षीय आयुष राना मगर र १८ वर्षीय राज वि.सी. (राम मिजार) लाई पक्र...

राष्ट्रिय प्रजातन्त्र दिवस २०८२ का अवसरमा रामचन्द्र पौडेल आज काठमाडौँस्थित सैनिक मञ्च टुँडिखेलमा आयोजित विशेष समारोहमा सहभागी भएका छन्। राष्ट्रपति पौडेल प्रथम महिला सविता पौडेलसहित राष्ट्रिय प्रजातन्त्र दिवस मूल समारोह समितिद्वारा आयोजित कार्यक्रममा सरिक भएका हुन्। उक्त अवसरमा नेपाली सेनाले राष्ट्रपतिको सम्मानमा सलामी अर्पण गरेको थियो। समारोहमा नेपालको कला र संस्कृतिको झल्को दिने झाँकी, मार्चपास, नृत्य तथा सांगीतिक प्रस्तुति गरिएको थियो। कार्यक्रममा रामसहायप्रसाद यादव, सुशीला कार्की, नारायणप्रसाद दाहाललगायत उच्चपदस्थ सरकारी अधिकारी तथा नेपालस्थित विदेशी कूटनीतिक नियोगका प्रमुख एवं प्रतिनिधिहरूको उपस्थिति रहेको थियो।...

आज ७५औँ प्रजातन्त्र दिवस देशभर विविध कार्यक्रमका साथ मनाइँदैछ। विसं २००७ साल फागुन ७ गते महान् सहिदहरूको बलिदानीपूर्ण संघर्षका बलमा नेपालमा प्रजातन्त्र स्थापना भएको ऐतिहासिक दिनको स्मरणमा हरेक वर्ष यो दिवस मनाउने परम्परा छ। दशरथ चन्द, धर्मभक्त माथेमा, गंगालाल श्रेष्ठ र शुक्रराज शास्त्रीले निरङ्कुश जहानियाँ राणा शासनविरुद्ध हाँसी–हाँसी आफ्नो जीवन उत्सर्ग गरेका थिए। जनआन्दोलन र क्रान्तिको बलमा राणा शासनको अन्त्य भई प्रजातन्त्रको प्रादुर्भाव भएको दिनका रूपमा २००७ फागुन ७ नेपालको इतिहासमा गौरवपूर्ण र अविस्मरणीय दिन मानिन्छ। प्रजातन्त्र दिवसका अवसरमा सरकारले आज देशभर सार्वजनिक बिदा दिएको छ। सरकारी तथा गैरसरकारी निकायहरूले विभिन्न कार्यक्रम आयोजना गरी दिवस मनाइरहेका छन्। मूल समारोह समितिको आयोजनामा आज बिहान काठमाडौँस्थित सैनिक मञ्च टुँडिखेलमा विशेष समारोह आयोजना हुँदैछ, जहाँ रामचन्द्र प...

काभ्रेको बनेपा बजार, दूरसञ्चार नजिक बुधबार बिहान एउटा ट्रिपरले स्कुटरलाई ठक्कर दिँदा स्कुटर चालक घटनास्थलमै मृत्यु भएको छ। मृतक पुरुषको पहिचान अहिलेसम्म खुलेको छैन। प्रहरीका अनुसार बागमती प्रदेश ०१००४ क ३४२३ नम्बरको ट्रिपरले बागमती प्रदेश ०२–०६३ प ९१८९ नम्बरको स्कुटरलाई ठक्कर दिएको थियो। मृतकलाई घटनास्थलबाट उद्धार गरी सिर मेमोरियल अस्पताल लगिएको छ। घटनाप्रति आक्रोशित स्थानीयवासीले ट्रिपरमा आगो लगाएका छन्। चालक हाल फरार रहेका कारण सडकमा आवागमन रोकिएको छ र बजार क्षेत्रमा तनाव कायम छ। प्रहरी र स्थानीयबीच मिलेर परिस्थितिलाई नियन्त्रण गर्ने प्रयास भइरहेको छ।...

राष्ट्रपति रामचन्द्र पौडेल ले ग्याल्पो ल्होसारको अवसरमा शुभकामना सन्देश दिँदै पर्वले नेपालीबीच एकता, सामाजिक-सांस्कृतिक ऐक्यबद्धता, सहिष्णुता, सद्भाव र बन्धुत्वको भावना अभिवृद्धि गर्ने बताएका छन्। उनले भनेका छन्, “नेपाल बहुजातीय, बहुभाषिक, बहुधार्मिक, बहुसांस्कृतिक र भौगोलिक रूपमा विविधतायुक्त राष्ट्र भएकाले ग्याल्पो ल्होसारजस्ता पर्वहरूले सबै नेपालीबीच एकता र सामाजिक सद्भाव सुदृढ गर्न मद्दत पुर्याउँछ। यसले राष्ट्रिय एकतालाई थप मजबुत बनाउने काम गर्छ।” राष्ट्रपतिले शेर्पा समुदायका स्वदेश तथा विदेशमा रहेका दिदीबहिनी र दाजुभाइहरूमा सुख, शान्ति र समृद्धिको हार्दिक शुभकामना व्यक्त पनि गरेका छन्।...

राष्ट्रिय स्वतन्त्र पार्टी (रास्वपा) ले आज कैलालीको धनगढीस्थित पशुपति टोल (महोत्सव स्थल) मा वृहत् जनसभा आयोजना गर्दैछ। सभामा पार्टीका सभापति रवि लामिछाने र वरिष्ठ नेता बालेन्द्र शाह (बालेन) ले सम्बोधन गर्ने कार्यक्रम रहेको छ। रास्वपाका नेता कविन्द्र ठकुल्लाका अनुसार बिहान ११ बजेदेखि सुरु हुने उक्त सभामा सुदूरपश्चिम प्रदेशका विभिन्न निर्वाचन क्षेत्रका उम्मेदवारहरूले समेत आफ्नो धारणा राख्नेछन्। कार्यक्रममा हजारौँ सर्वसाधारणको सहभागिता रहने अपेक्षा गरिएको छ। आगामी फागुन २१ गते हुने प्रतिनिधिसभा निर्वाचनमा सभापति लामिछाने चितवन–२ र बालेन झापा–५ बाट उम्मेदवार छन्। यसअघि रास्वपाले माघ ५ गते जनकपुरधाममा आयोजना गरेको ‘परिवर्तन उद्घोष सभा’ पछि धनगढीमा दोस्रोपटक यस्तो जनसभा गर्न लागेको हो।...

आईसीसी टी–२० विश्वकप २०२६ अन्तर्गत स्कटल्यान्डलाई ७ विकेटले पराजित गर्दै नेपालले १२ वर्षपछि विश्वकपमा ऐतिहासिक जित हात पारेको छ। स्कटल्यान्डले दिएको १७१ रनको लक्ष्य नेपालले १९.२ ओभरमा ३ विकेट गुमाएर पूरा गरेको हो। नेपालको जितका नायक दीपेन्द्रसिंह ऐरी बने। उनले आक्रामक ब्याटिङ गर्दै अर्धशतक प्रहार गरे। कुशल भुर्तेलले ४३ र आसिफ शेखले ३३ रनको योगदान दिए भने गुल्सन झाले अविजित २४ रन बनाए। यसअघि ब्याटिङ गरेको स्कटल्यान्डले ७ विकेट गुमाएर १७० रन बनाएको थियो। नेपालका लागि सोमपाल कामीले ३ तथा नन्दन यादवले २ विकेट लिए। यो जितसँगै नेपालले १२ वर्षपछि विश्वकपमा जित निकाल्दै नयाँ इतिहास रचेको छ।...

गण्डकी प्रदेशले दोस्रो राष्ट्रिय हक्की प्रतियोगितामा सोमबार पुरुष र महिला दुवै तर्फ जित हात पारेको छ। त्रिपुरेश्वरस्थित दशरथ रंगशालामा भएको महिलातर्फको खेलमा गण्डकीले बागमती प्रदेशलाई ४–० गोलअन्तरले पराजित गर्‍यो। गण्डकीकी अंकिता अधिकारीले दुई गोल गर्दै ‘प्लेयर अफ द म्याच’ घोषित भइन् भने गीता पुन मगर र सीतामाया बलले समान एक–एक गोल थपे। पुरुषतर्फ गण्डकीले कोशी प्रदेशलाई २–० ले हरायो। अशिम बहिकले दुवै गोल गर्दै उत्कृष्ट खेलाडी घोषित भए। महिलातर्फकै अर्को खेलमा मधेश प्रदेशले कोशीलाई १–० ले पराजित गर्‍यो। प्रीति दासले निर्णायक गोल गर्दा लक्ष्मनीयाकुमारी दास ‘प्लेयर अफ द म्याच’ बनिन्। नेपाल हक्की संघको आयोजनामा भइरहेको प्रतियोगिताको उद्घाटन राष्ट्रिय खेलकुद परिषद्का सदस्य–सचिव रामचरित्र मेहताले गरेका थिए। प्रतियोगितामा पुरुषतर्फ ६ र महिलातर्फ ५ टोली सहभागी छन्। शीर्ष तीन स्थान हासिल...