प्रदेश समाचार

काठमाडौँ । काठमाडौँ उपत्यकामा पछिल्लो समय दैनिक उपभोग्य वस्तुहरूको मूल्य अस्वाभाविक रूपमा वृद्धि हुँदै गएको छ। विशेषगरी केराको मूल्य खुद्रा बजारमा प्रतिदर्जन ३५० देखि ४०० रुपैयाँसम्म पुगेको छ, जबकि किसानले भने सोही उत्पादनको ६० देखि ८० रुपैयाँ मात्र प्राप्त गरिरहेका छन्। यसले उत्पादनदेखि उपभोक्तासम्मको मूल्य श्रृंखलामा गम्भीर असन्तुलन देखिएको छ। त्यस्तै, ग्यास अभावको समस्या पनि बढ्दै गएको छ। उपभोक्ताहरूले सिलिन्डर साट्न ५०० देखि १ हजार रुपैयाँसम्म अतिरिक्त शुल्क तिर्नु परेको गुनासो गरेका छन्। आपूर्ति व्यवस्थापन कमजोर हुँदा उपभोक्ता थप समस्यामा परेका हुन्। यातायात क्षेत्रमा पनि सरकारले तोकेको भाडादरभन्दा बढी असुली भइरहेको भन्दै असन्तुष्टि बढेको छ। अनौपचारिक रूपमा अतिरिक्त शुल्क लिने प्रवृत्तिले सर्वसाधारण यात्रु प्रत्यक्ष प्रभावित भएका छन्। पेट्रोलियम पदार्थको मूल्यवृद्धिसँगै समग्र...

काठमाडौं । काठमाडौँमा शुक्रबार गृहमन्त्री सुधन गुरुङ र मधेस तथा लुम्बिनी प्रदेशका सांसदबीच सीमापार अपराध तथा तस्करी नियन्त्रणका उपायबारे महत्वपूर्ण छलफल भएको छ। बैठकमा सहभागी सांसदहरूले सीमा क्षेत्रमा बढ्दो तस्करी नियन्त्रण गर्न प्रभावकारी नीति तथा कडाइका साथ कार्यान्वयन गर्न सरकारसँग माग गरेका छन्। उनीहरूले विशेषगरी भन्सार प्रणालीमा सुधार, भन्सार दरको पुनरावलोकन, सीमा निगरानी सुदृढीकरण तथा कृषि सामग्रीको आयात–निर्यात प्रक्रियालाई सहज बनाउनुपर्नेमा जोड दिएका छन्। यसैगरी सीमावर्ती क्षेत्रका नागरिकलाई दैनिक उपभोग्य वस्तुमा सीमित भन्सार छुट दिने स्पष्ट मापदण्ड निर्माण गर्नुपर्ने सुझाव पनि प्रस्तुत गरिएको थियो। सांसदहरूले यस्तो व्यवस्थाले स्थानीय जनजीवन सहज बनाउने र अवैध तस्करीलाई निरुत्साहित गर्ने विश्वास व्यक्त गरेका छन्। छलफलका क्रममा उठेका गृह मन्त्रालयसँग सम्बन्धित विषयहरू तत्काल...

काठमाडौं । सर्वोच्च अदालतले प्रधानमन्त्री बालेन्द्र शाहलाई अदालतको अवहेलना सम्बन्धी मुद्दामा वारेस (प्रतिनिधि) राख्न अनुमति दिएको छ । न्यायाधीशद्वय हरि फुयाल र शान्तिसिंह थापा को इजलासले तारेख धान्नका लागि वारेस नियुक्त गर्न पाउने सुविधा प्रदान गरेको हो । यससँगै अब मुद्दाको तारेखका लागि प्रधानमन्त्री शाह स्वयं उपस्थित हुनुपर्ने बाध्यता हटेको छ । उक्त मुद्दा तीन वर्षअघि, शाह काठमाडौँ महानगरपालिकाका मेयर रहँदा उत्पन्न भएको हो । उच्च अदालत पाटन ले हिन्दी चलचित्र प्रदर्शन रोक्न नपाइने आदेश दिएपछि सो आदेशविरुद्ध सामाजिक सञ्जालमार्फत टिप्पणी गरेपछि उनीविरुद्ध अदालतको अवहेलना मुद्दा दायर गरिएको थियो । अधिवक्ता वर्षा झा ले उक्त टिप्पणीलाई अदालतको आदेशको अवज्ञा ठहर गर्दै मुद्दा दायर गरेकी थिइन् । सर्वोच्चको पछिल्लो आदेशसँगै अब मुद्दा प्रक्रियामा प्रधानमन्त्रीको प्रत्यक्ष उपस्थितिबिनै का...

काठमाडौं — गृहमन्त्री सुदन गुरुङ ले पक्राउपछि हुने अनुसन्धानका लागि कानुनले दिएको २५ दिनको समयसीमा अपुग भएको बताएका छन्। गृह मन्त्रालयमा आयोजित पत्रकार भेटघाटका क्रममा उनले यस्तो धारणा व्यक्त गरेका हुन्। विशेषगरी पूर्वप्रधानमन्त्री केपी शर्मा ओली र पूर्वगृहमन्त्री रमेश लेखक सँग सम्बन्धित अनुसन्धान सन्दर्भ उल्लेख गर्दै गुरुङले समयसीमाको व्यावहारिक कठिनाइ औंल्याए। उनका अनुसार ज्यानसम्बन्धी कसुरमा अनुसन्धान गर्दा २५ दिनभित्रै सबै प्रक्रिया पूरा गरेर मुद्दा दर्ता गर्नुपर्ने बाध्यकारी व्यवस्था छ। तर, आवश्यक कागजी प्रक्रिया, पत्राचार र प्रमाण संकलनमै धेरै समय खर्च हुने भएकाले उक्त अवधि पर्याप्त नहुने उनको भनाइ छ। “केही कागजी प्रक्रिया र पत्राचारमै २५ दिन बित्छ, त्यसैले अनुसन्धान पूरा गर्न समय अपुग हुन्छ,” उनले भने। गुरुङको भनाइअनुसार ज्यानसम्बन्धी गम्भीर मुद्दामा गहिरो अनुसन्धान आवश्...

काठमाडौं । प्रधानमन्त्री बालेन्द्र (बालेन) शाहले विभिन्न प्रदेशका मुख्यमन्त्रीहरूसँग छलफल गरेका छन् । बिहीबार प्रधानमन्त्री तथा मन्त्रिपरिषद् कार्यालयमा भएको छलफलमा प्रदेशमा देखिएका समस्या, विकास निर्माणको अवस्था लगायत विषयमा जानकारी लिइएको छ । वाग्मती प्रदेशका मुख्यमन्त्री इन्द्रबहादुर बानियाँका अनुसार स्रोत–साधनको समुचित बाँडफाँट, प्रशासनिक तथा आर्थिक समस्या समाधानका विषयमा पनि छलफल भएको थियो । उनले तीन तहका सरकारबीच समन्वय, सहकार्य र सहअस्तित्वको विषय उठाइएको तथा प्रदेशले पाउने अनुदान घट्दै गएको र गौरव आयोजनामा समस्या देखिएको जानकारी प्रधानमन्त्रीलाई गराएको बताए । कर्णाली प्रदेशका मुख्यमन्त्री यामलाल कँडेलले प्रदेशको समग्र अवस्थाबारे प्रधानमन्त्रीलाई अवगत गराइएको बताए । उनका अनुसार संविधानले दिएको अधिकार कार्यान्वयनमा चुनौती देखिएको तथा संघीय सरकारका केही परिपत्र संविधानअनुकूल ...

हेटौंडा — वाग्मती प्रदेश सरकारको चालु आर्थिक वर्ष २०८२/८३ को बजेट कार्यान्वयन अपेक्षाअनुसार कमजोर देखिएको छ। आर्थिक वर्ष सकिन अब तीन महिना मात्र बाँकी रहँदा प्रदेश सरकारले कुल विनियोजित बजेटको करिब २८ प्रतिशत मात्र खर्च गरेको छ। आर्थिक मामिला तथा योजना मन्त्रालयले सार्वजनिक गरेको चैत मसान्तसम्मको वित्तीय प्रगति विवरणअनुसार कुल ६७ अर्ब ४७ करोड ३३ लाख रुपैयाँ बजेटमध्ये हालसम्म १९ अर्ब ३७ करोड रुपैयाँ मात्र खर्च भएको छ। बाँकी वैशाख, जेठ र असार महिनामा ४८ अर्बभन्दा बढी रकम खर्च गर्नुपर्ने चुनौती प्रदेश सरकारसामु रहेको छ। बजेट कार्यान्वयनको यो अवस्थाले वित्तीय व्यवस्थापन र कार्यसम्पादन क्षमतामाथि प्रश्न उठाएको छ। साथै अन्तिम त्रैमासमा अत्यधिक खर्च केन्द्रित हुने पुरानै प्रवृत्ति ‘असारे विकास’ दोहोरिने संकेत देखिएको छ, जसले विकास आयोजनाको गुणस्तर र दीर्घकालीन प्रभावमा नकारात्मक असर पार्न स...

काठमाडौँ । बेलायती सेनामा सेवा गरेका गोर्खा सैनिक तथा उनीहरूका सन्ततिहरूले नागरिकता निरन्तरताको सुनिश्चितताका लागि कानुनी व्यवस्था परिमार्जन गर्न माग गरेका छन् । यस विषयमा उनीहरूले सम्बन्धित पक्षसँग भेट गरी गृहमन्त्रीको ध्यानाकर्षण गराएका हुन् । हाल प्रचलित नागरिकता सम्बन्धी कानुनअनुसार स्वेच्छाले विदेशी नागरिकता लिने नेपाली नागरिकका सन्तानको नागरिकता स्वतः खारेज हुने व्यवस्था रहेको छ । उक्त प्रावधानले आफूहरू प्रभावित भएको भन्दै ब्रिटिस गोर्खा समुदायले आपत्ति जनाएको छ । ब्रिटिस गोर्खा नेपाली नागरिकता निरन्तरता (सीएनसीबीजी) का अध्यक्ष थर्क रानाले नागरिकता ऐनको वर्तमान व्यवस्था संशोधन गरी गोर्खा सैनिक र उनीहरूका सन्ततिलाई विशेष प्रावधानमार्फत निरन्तर नागरिकता सुनिश्चित गर्नुपर्ने धारणा राखेका छन् । उनीहरूले विशेष गरी सन् १९४७ को त्रिपक्षीय सन्धिअनुसार बेलायत सरकारको व्यवस्थामा भर्ती...

काठमाडौँ, ३ वैशाख । काठमाडौँ महानगरपालिकाकी कार्यवाहक प्रमुख सुनिता डंगोल र प्रहरी महानिरीक्षक दानबहादुर कार्कीबीच सडक सुरक्षा, सहरी सुरक्षा तथा सहरी व्यवस्थापनलाई प्रभावकारी बनाउन आपसी सहकार्य थप सुदृढ गर्ने सहमति भएको छ । भेटवार्तामा सडक सुरक्षा, ट्राफिक व्यवस्थापन, सार्वजनिक जग्गा संरक्षण, अव्यवस्थित बसोबास व्यवस्थापन तथा “सडक मानवमुक्त काठमाडौँ” अभियानलाई प्रभावकारी बनाउने विषयमा छलफल भएको थियो । कार्यवाहक प्रमुख डंगोलले महानगर प्रहरी बललाई नेपाल प्रहरीको सहयोगले अझ सशक्त बनाउँदै नागरिकले प्रत्यक्ष अनुभूति गर्ने परिवर्तन ल्याइने विश्वास व्यक्त गरिन् । प्रहरी महानिरीक्षक कार्कीले महानगरका गतिविधिमा आवश्यक समन्वय र सहयोग उपलब्ध गराइने बताउँदै उपत्यका प्रहरी कार्यालयमार्फत फोकल पर्सन तोकेर काम अघि बढाइने जानकारी दिए । छलफलमा लागुऔषध नियन्त्रण, सार्वजनिक स्थलमा धुमपान–मद्यपान न...

काठमाडौं । गण्डकी प्रदेश सरकारमा आज (वैशाख २) मन्त्रिमण्डल पुनर्गठन गरिने भएको छ। यसअन्तर्गत नयाँ मन्त्रीहरूको शपथग्रहण कार्यक्रम पनि आजै तय गरिएको छ। मुख्यमन्त्रीका प्रेस संयोजक नरहरी सापकोटाका अनुसार, नयाँ मन्त्रीहरूलाई मध्याह्न १२ बजे पोखरास्थित पर्यटन बोर्ड प्रादेशिक कार्यालयमा शपथ गराइनेछ। मुख्यमन्त्री सुरेन्द्रराज पाण्डेबाहेक वर्तमान मन्त्रिपरिषद्का सबै सदस्यहरू परिवर्तन गरिने जनाइएको छ। हाल गण्डकी प्रदेशमा नेपाली कांग्रेसबाट अर्थमन्त्री टकराज गुरुङ, वन तथा वातावरण मन्त्री भेषबहादुर पौडेल र सामाजिक विकास मन्त्री विन्दुकुमार थापा रहेका छन्। त्यस्तै नेकपा एमालेबाट भौतिक पूर्वाधार मन्त्री प्रकाशबहादुर केसी, कृषि तथा भूमि व्यवस्था मन्त्री पद्या जिसी श्रेष्ठ, स्वास्थ्य मन्त्री कृष्ण पाठक र पर्यटन मन्त्री मित्रलाल बस्याल कार्यरत छन्। नयाँ मन्त्रिपरिषद्मा कस–कसलाई समावेश गरिने भ...

बागमती। आर्थिक सङ्कटसँग जुधिरहेको हेटौँडा सिमेन्ट उद्योगलाई नियमित तथा पूर्ण क्षमतामा सञ्चालन गर्न माग गरिएको छ। सरकारले रुग्ण उद्योगहरू पुनः सञ्चालन गर्ने घोषणा गरेसँगै लामो समयदेखि कहिले सञ्चालन हुने र कहिले बन्द हुने अवस्थाबाट गुज्रिरहेको उक्त उद्योगलाई स्थायी रूपमा सञ्चालन गर्नुपर्ने आवाज उठेको हो। सांसद प्रकाश गौतमले उद्योगलाई नियमित सञ्चालनमा ल्याउन संघीय तथा बागमती प्रदेश सरकारसँग निरन्तर पहल भइरहेको बताएका छन्। उनले प्रधानमन्त्री र उद्योगमन्त्रीसँग समेत छलफल भएको जानकारी दिँदै बागमती प्रदेशका मुख्यमन्त्रीसँग पनि सकारात्मक छलफल भएको बताए। “उद्योगलाई कसरी नियमित सञ्चालन गर्न सकिन्छ भन्ने विषयमा सबै तहमा कुरा भइरहेको छ,” सांसद गौतमले भने, “कर्मचारी र सरोकारवालासँग पनि छलफल भएको छ, सुझाव सकारात्मक छन्।” उनका अनुसार उद्योगमा राजनीतिक हस्तक्षेप, व्यवस्थापन कमजोरी र भ्रष्टाचार...