आजको विशेष

काठमाडौं । अब काठमाडौं उपत्यकाबाट छुट्ने लामो दूरीका सार्वजनिक सवारीसाधनमा यात्रा गर्ने यात्रुहरूको सामान सुरक्षित राख्न ‘लगेज ट्याग’ प्रणाली लागू गरिने भएको छ। यात्रुका झोला हराउने, साटिने तथा चोरी हुने समस्या न्यूनीकरण गर्दै सार्वजनिक यातायातलाई व्यवस्थित बनाउन यो व्यवस्था लागू गर्न लागिएको हो। यस सम्बन्धमा शुक्रबार काठमाडौं उपत्यका ट्राफिक प्रहरी कार्यालय र राष्ट्रिय यातायात व्यवसायी महासंघबीच औपचारिक सहमति भएको छ। सहमतिपत्रमा काठमाडौं उपत्यका ट्राफिक प्रहरी कार्यालयका प्रमुख तथा वरिष्ठ प्रहरी उपरीक्षक (एसएसपी) नवराज अधिकारी र महासंघका अध्यक्ष सरोज सिटौलाले हस्ताक्षर गरेका छन्। सहमति अनुसार जेठ १५ गतेदेखि लामो दूरीका सार्वजनिक बसमा यात्रा गर्ने यात्रुहरूको सामानमा विशेष ट्याग लगाइनेछ। यात्रुलाई दिइएको ट्याग नम्बर र बसमा राखिएको सामानको ट्याग नम्बर मिलाएर मात्रै गन्तव्यमा सामान बुझ...

    म्याग्दी । चीन र भारत जोड्ने राष्ट्रिय गौरवको कालीगण्डकी करिडोरअन्तर्गत पर्ने बेनी–जोमसोम–कोरला सडक योजनाको कोवाङ–जोमसोम खण्ड निर्माण अलपत्र पारेपछि ठेकेदार कम्पनीसँगको ठेक्का सम्झौता अन्त्य गरिएको छ । मुस्ताङको थासाङ गाउँपालिकास्थित कोवाङ खन्तिदेखि टुकुचे, मार्फा हुँदै जिल्ला सदरमुकाम जोमसोम बजारसम्म फैलिएको १७ किलोमिटर सडक नौ वर्षसम्म पनि सम्पन्न नभएपछि बेनी–जोमसोम–कोरला सडक योजना कार्यालयले सार्वजनिक सूचना जारी गर्दै ठेक्का तोडिएको जनाएको हो । योजना प्रमुख तेजस्वी शर्माका अनुसार दुई वर्षभित्र सक्नुपर्ने काम सात पटकसम्म म्याद थप्दा पनि पूरा नभएपछि पप्पु–गौरी पार्वती कोशी एन्ड न्यौपाने निर्माण कम्पनीसँगको सम्झौता रद्द गरिएको हो । “सातौँ पटक थपिएको म्याद २०८२ असोज २५ गतेसम्म निर्माण सम्पन्न हुनुपर्ने थियो । तर म्याद सकिएको २०० दिन बितिसक्दा पनि कम्पनीले जिम...

मुख्यमन्त्री कृष्णप्रसाद यादव ले शुक्रबार विश्वासको मत लिने तयारी गरिरहेकै बेला बिहीबार राति एमालेका मोहम्मद समिरलाई विनाविभागीय मन्त्रीका रूपमा सरकारमा समावेश गरिएको हो। विश्वासको मत लिन केही घण्टा बाँकी रहँदा एमाले सरकारमा प्रवेश गर्नुले मधेस प्रदेशको राजनीतिक समीकरणमा ठूलो परिवर्तन आउने संकेत गरेको छ। एमाले मधेस प्रदेश संसदीय दलका नेता सरोजकुमार यादव का अनुसार पार्टीबाट थप तीन जना मन्त्री पनि सरकारमा सहभागी हुनेछन्। उनले मोहम्मद समिरले आजै शपथ लिने र अन्य मन्त्रीहरूको शपथ साँझसम्म गराउने तयारी रहेको जानकारी दिए। उनका अनुसार एमालेले सरकारमा चार मन्त्रालय पाउने सहमति भएको छ। केन्द्रमा बनेको नयाँ राजनीतिक गठबन्धनअनुसार एमाले सरकारमा सहभागी भएको उनले स्पष्ट पारे। यसैबीच, उनले जनता समाजवादी पार्टी नेपाल सरकारबाट बाहिरिने दाबी गरेका छन्। तर, जसपा नेपालको संसदीय दलले भने मुख्यमन्त्...

काठमाडौं– टोखा नगरपालिका–७ अन्तर्गत धापवासी–ग्रीनल्याण्ड आसपास क्षेत्रमा बनाइएका अतिक्रमित घर–टहरा हटाइएको छ । नगरपालिकाले पूर्वसूचना अटेर गर्ने संरचनामाथि डोजर चलाएर हटाउने अभियान सुरु गरेको हो । नगरपालिकाले यसअघि १५ दिने सूचना जारी गर्दै सार्वजनिक तथा सरकारी जग्गामा बनाइएका अवैध संरचना स्वयं हटाउन सम्बन्धित पक्षलाई आग्रह गरेको थियो । तर अटेरी गरेपछि नगरपालिकाले डोजर प्रयोग गरी घर–टहरा, कम्पाउन्ड तथा अस्थायी संरचना हटाएको जनाएको छ । नगरपालिकाका प्रमुख प्रशासकीय अधिकृत कमल भट्टराईका अनुसार आज बिहानदेखि धापवासी क्षेत्रमा सडक छेउ र सरकारी जग्गा अतिक्रमण गरी बनाइएका संरचना हटाउने काम सुरु गरिएको हो । उनले सार्वजनिक जग्गा संरक्षण तथा अतिक्रमण नियन्त्रण अभियानअन्तर्गत उक्त कदम चालिएको स्पष्ट पार्दै कानुनी व्यवस्था पालना गर्न र सार्वजनिक जग्गा अतिक्रमण नगर्न सबैलाई आग्रह गरेका छन् ।...

चितवन– यस वर्ष चितवनमा मह उत्पादनमा उल्लेखनीय कमी आएको छ। गत वर्षको तुलनामा यस पटक करिब १६ दशमलव ६६ प्रतिशतले उत्पादन घटेको मौरीपालन विकास केन्द्रले जनाएको छ। मौरीपालन विकास केन्द्र भण्डाराका प्रमुख सुजन अंगाईका अनुसार गत वर्ष जिल्लामा ५४० मेट्रिक टन मह उत्पादन भएकोमा यस वर्ष घटेर ४५० मेट्रिक टनमा सीमित भएको छ। जिल्लामा हाल १७ हजार ५०० घार मेलीफेरा मौरी पालन भइरहेको छ। तर बेमौसमी वर्षाका कारण तोरी र चिउरी फूलमा असर पर्दा मह उत्पादन घटेको बताइएको छ। किसानहरूले अघिल्ला वर्षहरूमा तोरीबाट तीन पटकसम्म मह काट्ने गरे पनि यस वर्ष बढीमा दुई पटक मात्रै मह निकाल्न सकेका छन्। यस्तै चिउरीबाट पाँच पटकसम्म मह संकलन हुने गरेकामा यस पटक तीन पटक मात्र मह काटिएको जनाइएको छ। घारको सङ्ख्या बढ्दै गए पनि उत्पादन भने घट्दै गएको केन्द्रको भनाइ छ। केन्द्रका अनुसार गत वर्ष ७० प्रतिशत मौरीपालक किसानले वर्...

काठमाडौं– सर्वोच्च अदालतमा प्रधानन्यायाधीश नियुक्ति प्रक्रियालाई लिएर न्यायालयभित्रको विवाद थप चर्किएको देखिएको छ। वरिष्ठतम् न्यायाधीश सपना प्रधान मल्ल पछिल्ला दिनमा नियुक्ति प्रक्रियाप्रति असन्तुष्टि जनाउँदै विभिन्न गतिविधिमा सक्रिय बनेपछि न्यायालयभित्र तनावको अवस्था सिर्जना भएको चर्चा भइरहेको छ। प्रधानन्यायाधीशमा मनोजकुमार शर्मा को नियुक्ति प्रक्रिया रोक्न माग गरिएको निवेदन दर्ता गर्न उनले सर्वोच्च प्रशासनलाई आदेश दिएको विषयले समेत चर्चा पाएको छ। तर उक्त आदेश कार्यान्वयनमा नआएपछि त्यसले कानुनी र प्रशासनिक दुवै वृत्तमा प्रश्न उठाएको बताइन्छ। यसअघि कानुन दिवसको कार्यक्रममा पनि न्यायाधीश मल्लले सार्वजनिक रूपमा नियुक्ति प्रक्रियाप्रति असन्तुष्टि व्यक्त गरेकी थिइन्। न्यायालयभित्रैबाट नियुक्ति प्रक्रिया रोक्ने प्रयास भएको चर्चा भए पनि संवैधानिक परिषद्को सिफारिस र राजनीतिक सहमतिका आधारमा ...

स्थापनाको १० वर्षको बीचमा देशभर कृषिको १५ हजार पकेट क्षेत्र, २१ वटा सुपरजोन, ३ सय वटा जोन र १ हजार ५ सय कृषि ब्लक स्थापना गरिने कार्ययोजना थियो । चितवन । नेपालमा कृषि क्षेत्र कमजोर हुँदै जाँदा कृषि आधारित अर्थतन्त्र बलियो बनाउने लक्ष्यसहित प्रधानमन्त्री कृषि आधुनिकीकरण परियोजना स्थापना गरिएको थियो । २० वर्षसम्म नेपालको कृषि क्षेत्रलाई मार्गनिर्देश गर्नका लागि १० वर्षे परियोजना आर्थिक वर्ष २०७३/२०७४ देखि सुरु गरिएको थियो । स्थापनाको १० वर्षको अवधिमा देशभर १५ हजार पकेट क्षेत्र, २१ वटा सुपरजोन, ३ सय जोन र १ हजार ५ सय कृषि ब्लक स्थापना गर्ने कार्ययोजना थियो । सोहीअनुसार ७७ वटै जिल्लामा लागू गरिएको यस परियोजनाका लागि कूल १ खर्ब ३० अर्ब ७४ करोड २० लाख रुपैयाँ बजेट विनियोजन गरिएको थियो । तर, योजना लक्ष्यअनुसार अघि बढ्न नसकेको महालेखापरीक्षकको कार्यालयले जनाएको छ । कार्यालयले जेठ १ गते रा...

काठमाडौं । श्रम संस्कृति पार्टीका अध्यक्ष हर्क साम्पाङले सरकारलाई सदनप्रति जिम्मेवार बनाउन आफूहरूले कोसिस गरिरहेको स्पष्ट पारेका छन् । संसद बैठकमा पर्चा देखाएर गरिएको विरोधलाई निरन्तरता दिने उनले बताएका छन् । आज पनि प्रतिनिधिसभा बैठकमा श्रम संस्कृति पार्टीका सांसदहरूले पर्चा देखाएर विरोध जनाएका थिए । सभामुखले उनीहरूलाई आइन्दा यस्तो व्यवहार नगर्न चेतावनी दिएका थिए । तर सदनबाट बाहिरिएपछि सञ्चारकर्मीहरूसँग कुरा गर्दै साम्पाङले विरोध जारी रहने बताएका हुन् । उनले भने, ‘जबसम्म सरकार जिम्मेवार हुँदैन, हामी पछि हट्दैनौँ । हाम्रो विरोध पाँच वर्ष नै चल्छ ।’ आफूहरूले सुकुमबासी, लिपुलेक, विदेशी ऋणलगायत विषयमा प्रश्न उठाए पनि मन्त्रीहरूले जवाफ नदिएको उनले बताए । ‘हामीले उत्तर पाएका छैनौँ । मन्त्रीहरू आउनुहुन्न । दबाबपछि आज २–४ जना मन्त्री आउनुभयो, तर हामीले प्रश्न गर्न पाएनौँ,’ साम्पाङले भन...

काठमाडौं । युवा ब्याटर वैभव सूर्यवंशीको विस्फोटक ब्याटिङको मद्दतले राजस्थान रोयल्सले इन्डियन प्रिमियर लिग (आईपीएल) मा लखनउ सुपर जायन्ट्समाथि ७ विकेटको रोमाञ्चक जित दर्ता गरेको छ । मंगलबार भएको उच्च स्कोरको खेलमा लखनउले दिएको २२१ रनको विशाल लक्ष्य राजस्थानले ५ बल बाँकी छँदै मात्र ३ विकेट गुमाएर पूरा गर्‍यो । राजस्थानको जितमा वैभव सूर्यवंशीले ३८ बलमा १० छक्कासहित ९३ रनको उत्कृष्ट योगदान दिए । उनलाई मध्यक्रमका ब्याटर ध्रुव जुरेलले साथ दिँदै ३८ बलमा ५३ रनमा अविजित रहे । यस्तै ओपनर यशस्वी जैसवालले २३ बलमा ४३ रन बनाए । बलिङतर्फ लखनउका मोहसिन खान र आकाश सिंहले १–१ विकेट लिए पनि महँगो साबित भए । आकाश सिंहले ३ ओभरमा ५४ रन खर्चिएका थिए । यसअघि टस हारेर पहिले ब्याटिङ गरेको लखनउ सुपर जायन्ट्सले २० ओभरमा ५ विकेट गुमाउँदै २२० रनको बलियो योगफल खडा गरेको थियो । लखनउका लागि मिचेल मार्शले ५७ ...

काठमाडौं– पछिल्ला १० वर्षमा कृषि क्षेत्रमा सरकारी लगानी निरन्तर बढ्दै गए पनि उत्पादन र खेतीयोग्य जमिनमा अपेक्षित सुधार देखिएको छैन। बजेट वृद्धि भए पनि परम्परागत खाद्यान्नबालीको उत्पादन घट्दै जानु र आयातमा निर्भरता बढ्नुले कृषि क्षेत्र संकटतर्फ उन्मुख भएको देखिएको छ। सरकारले आर्थिक वर्ष २०७०/७१ देखि २०८१/८२ सम्म कृषि क्षेत्रमा औसत १० दशमलव ७ प्रतिशतका दरले बजेट बढाएको छ। २०७०/७१ मा २१ अर्ब ४० करोड रुपैयाँ रहेको कृषि बजेट २०८१/८२ मा बढेर ५९ अर्ब रुपैयाँ पुगेको थियो। साविक कृषि तथा पशुपन्छी विकास मन्त्रालयले सार्वजनिक गरेको तथ्यांकअनुसार २०७०/७१ मा धान उत्पादन ५० लाख ४७ हजार मेट्रिकटन रहेको थियो। त्यस्तै मकै २२ लाख ८३ हजार, गहुँ १८ लाख ८३ हजार, कोदो तीन लाख चार हजार र फापर एक लाख ३३५ मेट्रिकटन उत्पादन भएको थियो। पछिल्ला वर्षमा गहुँबाहेक अधिकांश खाद्यान्नबालीमा आयात बढेको छ। भन्सार वि...